Pages

Subscribe:

Sunday, October 07, 2007

نعمة الارشيف

*
احلي حاجة في المدونة ... هي انك تمتلك ارشيف ، وخصوصا لما يكون ارشيف كبير ومحترم ومليان بلاوي زي الارشيف بتاعي هنا ، سنتين طبعا ما اقدرش استهون بيهم ، متعة كبيرة جدا وانت عمال تتصفح ماضيك كله ، يوم بيوم ، وتفتكر اليوم دا كنت مبسوط ، اليوم دا كنت متضايق ... اليوم دا كنت هتطير من الفرحة ، اليوم دا كان هاين عليك تدمع ولكنك مش قادر

*

كدا انا تميت سنتين كمدون ، ياعني من حقي اعمل عيد ميلاد تاني ، بس المرة دي كنت عايزه يكون مختلف ، امبارح فضلت اقرا الارشيف بتاع المدونة بتاعتي ... جبته من البداية ، من اول شهر ، من اكتوبر 2005 ، لحد يومنا هذا ... كل بوست ليه معايا قصة لوحده ، ياااااااااااااااه ولا لما اجي اقرا الكومنتات علي البوستات اللي باحبها واشوف ازاي الناس كانت موافقاني ، او الناس المعارضاني ، واتفرج علي اسلوبي في الكتابة ، بصراحه حسيت فعلا ياعني ايه يكون عندك ارشيف عمره سنتين

*

باحس بمتعه شديدة لما احس اني كنت باعرف اكتب من زمان ، ياني من بدايتي في البلوج وانا اسلوبي في الكتباة حلو وسعات بطلع اساليب جميلة ، بصراحه لما باتفرج عليها اتني باكون مبسوط جدا ، انا سعات باكتشف نفسي من جديد ، واستغرب جدا من نفسي ، معقولة انا كنت بافكر كدا ، معقولة انا عملت دا ، سعات باكون مبسوط جدا اني تفكيري كان سليم وانا صغير من سنتين طبعا ، وسعات باقول معلشي ماهي البداية بقي ، جميل جدا ان الواحد يكون عنده ارشيف جوه المدونة ... ياريت كان عندي ارشيف لحياتي ، اقدر ارجع ليه وقت ما انا عايز ، واتفرج انا كنت عامل ازاي في ماضيه

*

احيانا الواحد منا لازم يبص لنفسه شوية ، ولكن الدنيا بتكون عاملة زي لعبة الشطرنج ، طول ما انت لسه في الدور مش بتاخد بالك من الفرص اللي بتجيلك واللي انت بتضيعها ، لكن ياسلام لو تقدر تسجلك كام دور كدا ، تتفرج عليهم وقت ما يتسني لك تتفرج ، بجد هتفرق كتير جدا جدا جدا مع كل واحد فينا ، اكيد ساعتها كل واحد هيعرف نفسه علي حقيقتها ، لانه هيشوف نفسه قدامه بتتصرف التصرفات النابعه منها وممنه بيها ، لو هي صح اكيد هيفخر بنفسه زي ما انا عملت وانا باقرا الارشيف ، لو هي غلط .... هيحاول يصلحها بعد كدا ويقول معلشي اصلي كنت صغير وقتها ... زي ما انا قولت برده وانا بقرا الارشيف

*

وانا باقرا الارشيف افتكرت مواضيع جميلة جدا جدا جدا .... كتبتها بدون اي اعداد او ترتيب ، وفوجئت انها مكتوبة باسلوب جميل جدا ، لدرجة اني انا نفسي سعات باعجب بنفسي ، ولما اجي اقرا الكومنتات ، بافرح زياده ، بصراحه نعمة الارشيف دي المفروض انها مضافه علي باقي النعم اللي ربنها اديهالنا ، ولازم جدا نشكره عليها ، لانها علي الاقل تقدر تبعث روح الفرح والسعاده في نفس اي حد فينا ولو لحظات ، وصدقوني بتفرق في شخصية البني ادم جدا ، انه يشوف نفسه علي حقيقتها قدامه

27 comments:

محمد مصطفى said...

كل سنةو انت طيب يا آدم يا طيب
عقبال 100 سنة تدوين

محمد عز الدين said...

كل سنة وانت طيب
يا جميل
تحياتي

Mustafa Rizq said...

كل تدوينة و انت أجدع و أجدع

و يا رب أرشيفك يكبر و يكبر و يكبر..و انت تتبسط و تتبسط و تكتب أحلى و أحلى

و كل حاجة كتير كتير

Nouran said...

كل سنة وانت طيب يا ادمز
والله الارشيف ده نعمه ع المدونة وانا كمان بعمل زيك وكل شوية اقرا الارشيف برضه زيك كده واستعجب واستغرب زيك كده :)

كل سنة وانت طيب مرتين علشان البلوج وعلشان العيد :)

micheal said...

أنا كمان من المؤمنين جدا بفكره الارشيف
تحياتي لك

شهر ديسمبر said...

لما العطب يصيب ارشيفك
والزهيمر كاس
(كل وارده كان علينا حقا مقضيا)
يبقى كام سنهفاضله
اكيد مش كتيير

فى القلب said...

كل سنين عمرك و انت طيب و بخير يا رب و ديما فرحان و منورنا بارشيفك الجامد جدا

Anonymous said...

بسم الله
كل سنة وإحنا طيبين بوجودك
معانا يا آدم
جميل جدا جدا البوست ده
تصدق أنا بعمل زيك
بس مع أوراقي
أصلي تقريبا مش برمي ورقة
وبحب أقراهم وبأعجب بيا برده
وساعات بقول
إيه ده ؟
لأ مش حلوة
بس بجد
كل سنة وإحنات طيبين
إحنا الكسبانين
; )
mona

dramaqueen said...

كل سنة وانت طيب يا ادم
عقبال 100 سنة تكتب فى مدونتك

البنت الشلبية said...

كل سنة وانت ومدونتك بالف خير وسلامة وعقبال 100 سنة
والحمد لله على الارشيف

Anonymous said...

kol tadwina we enta tayb ya adm......ww kol sana we enta tayb bmnasbet el 3eed........


dodo

Anonymous said...

انا مبسوطة الحمد لله
لاني هنيتك من سنة
و ربنا اداني العمر و باهنيك السنة دي
انا كمان باحب لما احس ان الوقت يمر
وفيه لقطات حلوة في الحياة كدة

كل سنة وانت طيب

:))

عين ضيقة said...

طبعا لازم تتصفح البلوج كله
مش النت ببلاش

كل سنة وانت أحمد يا أحمد


بس انت قلت عن نفسك كلام كتير حلو
أمال احنا لما نحب ننافقك نقول ايه بقى؟


ياللا ياعم
عقبال السنة الجاية وتكون كبرت كده والنت بقى بلاش بردو

سلام

اسامة يس said...

عقبال ميت سنه تدوين... وتكون في تطور فكري مستمر ... وانا بالفعل حين اطالع اعمال كتبتها منذ فترة ينتابني نفس شعورك تقريبا شعور بالاستغراب من راي قديم ونشوة من راي اقول من كتب هذا ...
دمت بكل ود..
خالص تحياتي

واحد مصرى said...

اولا كل سنة و انت طيب و بخير و متواجد بمواضيعك و تعليقاتك. اللي انت قلته صح و بيحصل لكل واحد فينا لما بيجع يقرأ ما كتبه سابقا لأنه بذلك يقف على مدى تطوره او تغير طريقة تفكيره و بالتالي كتاباته اضافة الي الذكريات اللي الواحد بيفتكرها لما بيقرا ما كتبه سابق...دمت بخير يا صديقي

Reemo said...

كل سنهو انت طيب يا آدم مرتين
مره بمناسبه مرور سنتين تدوين
عقبال مائه سنه يارب
والتانيه بمناسبه العيد
:))
كل سنه وانت بألف صحه وسلام بإذن الله
تحياتى

متغيرة شوية said...

الف ألف مبروك يا ادم

مدونتك من أول المدونات اللي تابعتها أصلا ، حتى قبل ما اعمل المدونة

غقبال 100 سنة تدوين

Muhammad Mammdouh said...

كل سنة وانت طيب يابو مخ تعبان معلش مجيتش هنا من زمان اصل الكمبيوتر بتاعى ولع كل سنة وانت طيب

Coca said...

هي فعلا مدونه تستحق يتعملها عيد ميلاد
بس سنتين في التدوين دا انا اول مره اعرف البلوج كان من كام شهر عقبالي كدا
كل سنه وانت طيب

بنت القمر said...

التصفح في الارشيف القديم زي البوم الصور القديم زي كتب المدرسه واواستخراج الملابس القديمه من الدولايب حاجات بتزود الحنين للماضي المهم تكون الذكري حلوة
عام تدوين تاني وحضرتك بخير

admelmasry said...

مادو
ـــــ
وانت طيب يا حبيبي


محمد عز الدين
ـــــــــ
وانت اطيب يا اجمل


مصطفي رزق
ــــــــ
انت اللي اجدع انت اللي اجمل انت اللي احلي واحلي يا باشا


الشمعه نوران
ـــــــــــ
وانتي طيبة يا جميل
انا مش لوحدي اذن



مايكل
ـــــ
شكرا يا صديقي



شهر ديسمبر
ـــــــــ
لما العطب يصيب ارشيفي
يبقي فاضلي مافيش
عمري ما خوفت يا صاحبي وقلبي
طاير من غير ريش
واللي هيجي في ريحي يا صاحبي
يبقي يادوب بقشيش




في القلب
ــــــــ
ربنا يخليكي يا جميل
متشكر جدا وانت اجمل تملي



وحدانية
ــــــــــــ
وضع طبيعي جدا ان الانسان يحاول يتعلم من ماضيه
ولو كان الماضي مشرف مافيش مانع ابدا من الاحساس بالفخر احيانا
تحياتي ليكي يا مني



اميرة الدراما
ــــــــــــــــ
دي بقي محاملة غير منطقية
لاني عمري ما هتم الميت سنه
ولا ايه ؟
ع العموم تخية جميلة منك يا عسل




البنت الشلبية
ــــــــــ
الله يخليكي يا جميل ماننحرمش منك يارب
دمتي بخير دايما




دودو الجميلة
ــــــــــــــــ
كل سنه وانتي بخير كل سنه وانتي احلي كل سنه وانت اجمل




ابيتاف
ــــــــ
يارب دايما مبسوطة وتفصلي دايما موجوده
باحساسك بكلامك بموضوعاتك
تحياتي والسلام




عين ضبقة
ـــــــــــــــ
دا نظام قر بقي
ع العموم معلشي
انا عازرك برده
هههههههه
هنقول ايه بقي احنا الكبار
وجودك منور البلوج بالتاكيد
كرريها




اسامة
ــــــــ
لك عظيم التحيات وجل السلام
شعور متبادل يا صديقي
دمت بود



واحد مصري
ــــــــــ
فعلا .. هذا ما اردت بالفعل
فكل ماصي هو اضافة لشحصية كل فرد منا بالفعل
تحياتي والسلام



ريموووو
ـــــــــ
وانتي بالف صحة وسلامة يا عسل




متغيرة شوية
ـــــــــ
مش ممكن ؟
ما تتصوريش رايك دا فرحني قد ايه
تحياتي ليكي يا اجمل متغيرة




المشد
ـــــــ
وانت بالف صحة وسلامة
يا ابو مخ خرفان
هههههههه
نفسي اشوفك جدا واخدك بالحضن






كوكا
ـــــــ
مافيش حد بيتولد عارف
المهم انه يكون عنده اراده علي تكميل المشوار
تحياتي




بنت القمر
ـــــــــــــ
هتم تدويني سعيد عليكي وعليا حميع المدونين يارب
تحياتي والسلام

FATMA said...

كل سنة و انت و "عمق الحياة" طيبين و حلوين

Unknown said...

كل سنة وانت طيب ياآدم

عقبال ميت سنة تدوين

وعيد سعييييد يا صديقي

تعالى خد عديتك عندي
.
.
صدقني
مدونتك دي مش في عمق الحياه بتعتك انت بس

فيه ناس كتير بتحب تقلب في الأرشيف
وتفتكر البوستات الجميلة
وتقراها تاني
.
.
تحياتي

ما علينا said...

كل سنة وانت طيب
بمناسبة عيد الفطر
وبمناسبة عيد ميلادك كمدون

بصراحة البوست رائع جدا جدا

وفعلا الانسان احيانا كتير بيكتب حاجات ولما يرجعلها بعد فترة ويقراها بيبقى مش متخيل انه هو اللي كتب الكلام داوهو اللي كون الصيغة دي في الحتة دي

فعلا الارشيف نعمة جميلة جدا

ربنا يديمها عليك وعلينا كلنا

كل سنة وانت طيب انت وجميع من تحب وجميع المسلمين

ذو النون المصري said...

تقبل الله نا ومنكم طيب القول و صالح العمل
كل عام انت بخير
عامين تدوين سعيدين
ارجو ان يكونا في ميزان حسناتك

وشوشني said...

كل سنه وانت طيب على السنتين انا لسه صغيرة لسه مش كملت سنه حتى

وكل سنه على العيييييييييييييييييييد
بجد الكلام اللي انت كاتبه روعه فعلا انا كتير بحس كده كل اما اتفرج على حاجات كتبتها قبل كده عارف والله بحس بالهبل ومش عارفه انتوا طايقني ازاي ويمكن الكلام اللي بكتبه ليك دلوقتي اشوفه بعد كده وهاعد ااقول كلام على نفسي انت بقا بتشوف حاجات حلوة وحاجات وحشه انا مش عارفه لازم بشوف ان اللسي كاتباه وحشه وبتكسف ااقرا تاني عشان لو قرات ممكن الغي كل الموضوعات عندي


المهم يارب ان شاء نحتفل بقا وانت بقالك 100 سنه في المدونه كده تبدع اكتر واكتر

Anonymous said...

كل سنه وانت طيب يا ادم وعقبال ميت سنه وبرده كل سنه وانت طيب بمناسبه العيد
سلامات
:)))