Pages

Subscribe:

Monday, October 22, 2007

لحظة انسانية

وانا قاعد في الكافيه دلوقتي
دخل عليا طفل صغير
.
.
من الاطفال اللي تحس انهم دايما في الشارع
.
.
حصل الحوار دا
.
.
فيه العاب
لا يا حبيبي مافيش دلوقتي
.
.
طب هو بكام
بجنيه
.
.
مافيش بنص
لا مافيش
.
.
طب خـد دي
( بوسه )
.
.
قمت انا كمان باعت له بوسه
وجيت كتبت البوست علي طول

14 comments:

عين ضيقة said...

اخص عليك

قعده نص ساعة بنص جنيه

للدرجة دى بقيت مادى؟

ههههههههههه

بس كفاية عليك البوسة اللى اكيد احساسها كان رائع دى


سلام بقى

Epitaph said...

يا كوكووووووو

انا متأثرة و متخيلة الموقف

Ahmed Shokeir said...

لقطة قد تمر على كثيرين دون الإلتفات لها

Post of the day :)

fanan fa2eer said...

يعني ماكانش ينفع بعد البوسة البريئة دي تقعده نص ساعة؟؟؟

:))

فى القلب said...

طب و يعنى مفتحتلوش النت يلعب ليف
من النت على طول ليه
يجى ب2جنيه كده على حسابك أنت

عموما تشكر على البوسه و لو أنها مش كفايه

ادم المصري said...

والله يا جماعه ماكنشي فيه اجهزة فاضية اصلا
.
.
ياعني هو انا ماليش قلب ياعني بعد البوسة دي واكون جاحد
.
.
دا انا لحد دلوقتي حاسس بالذنب
رفم انه ماكنشي فيه اجهزة
.
.
استاذ احمد متشكر جدا
علي انك عملته زا بوست او زا داي
.
.
تحياتي للجميع والسلام

bastokka طهقانة said...

مفيش طيب بكام هههههههه
هي دي العيال اللي حتحرر الاقصى

!!!!
اوروفوار

shayma said...

يا كميييييييييله
:))))
ايه ده بس هيا كانت بوسه بريئه ولا كان نظام اهو ده الى انا بخده منك

هههههههههههه
بس بجد لحظه عجيبه لازم تقف عندها لما تمر بيك
يعنى من الحاجات الصغيرة الى بتحصل تحسسك ان الحياة جميله وحلوة
سلامى

HafSSa said...

هو طفل بالفعل جميل
و غير مدعي البراءة
و انت اجمل منه
و صادق لاقصى درجة

تحياتي

توتة توتة said...

حصلت معايا مرة بس كانت بنت و عرفت اد كدا هي زكية لأني من غير تردد اديتها جنية و جبتلها اكل

أنونيمس said...

يا سلالالالالالالالالام

فنان ورقيق والله يا آدم

العيال اللمضة بتبقى زي العسل

هي دى فتافيت الخياه الحلوة اللي بتخلي الواحد يكمل بدون ما يطق يموت

تخياتي

ادم المصري said...

طهقانه
ــــــ
حاسس في كلامك بنبرة سخرية
ثبل ما نسال هل هي دي العيال اللي هتحرر الاقصي
نسال نفسينا
هل احنا وفينا بحقنا ناحيتهم علشان لما نطالبهم بواجبهم يكون لينا عين نطلب ؟
هل وفرنا تعليم جيد لهؤلاء ؟
هل وفرنا لهم اسلوب معيشه لائق بمحررين القدس ؟
ام نردد شعارات جوفاء دون ان نشعر بها يوما ؟
.
.
.





شيماء
ـــــــــ
لا فعلا والله انا حسيتها بريئة جدا
وانا اعتقد ان الاحساس بالحجات دي صعب يتزيف
تحياتي والسلام




حافصة
ــــــ
احمرت وجنتاي خجلا كالعزارى
ارجوكي لا تكرريها
دمتي بكل طيبة وحب
تحياتي والسلام



توتة
ـــــ
والله دا اللي كنت ناوي اعمله فعلا
بس من كتر براءة الولد
انه مشي علي طول
دون ما ينتظر مني رد فعل




انونيموس
ـــــــ
حبيبي
داخل كل منا فنان رقيق
نستطيع ان نخرجه ونستطيع ان ندفنه
وحقيقة اقولها لك وحدك
اصحاب الهموم تتقابل
لذلك تلاقينا انا وانت
حتو و ان لم نلتقي

bota said...
This comment has been removed by the author.
bota said...

كتابتك للموضوع ده بتدل انك انسان بجد في مواقف كتير بتحصل ممكن تبقى صغيره بس بتاثر علينا وعلى نفسيتنا جامد
ربنا يوفقك ويرزقك كل يوم بطفل يكون عسول كده