Pages

Subscribe:

Monday, March 19, 2007

هذا ما يصيب الناس من بعضهم

كنت اود الحديث عن شيئ جلل حدث لي البارحه

.

ولكي اتأكد ان كل من قرا .. قد وقف علي موضع قصدي

فاردت ان اوثق هذا اليوم .. الا فهو

18/3/2007

.

جالس في عربه المترو .. متكورا لا اعبئ بشئ قط

اقرا في احدي كتبي التي احضرها معي باستمرار

وفي غمرة انغماسي بالقراءة واذ افاجئ بجاري في المقعد يحدثني

ايه دا .. فلسفة دي ؟

وانا باتسامة خفيفة نظرت له وقلت .. لا

ما اصله كلام معقد كدا .. فلسفة صح ؟

لا دا شعر

والله الكلام دا اللي هيبوظ الدماغ

مش عارف بس .. اصلوو

طب طب اقرالي سطرين كدا

بالفعل قررت ان اقرا له ما يود سماعه

..

ولكني فوجئت به ياخذ الكلمة من لساني ويكمل هو القراءة

شهدائنا خرجوا من الاكفان

وانتفضوا صفوفا ثم راحوا يصرخون

عار عليكم ايها المستسلمون

وطن يباع وامه تنساق قطعانا

وانتم نائمون

.

مممممم

لا حلو حلو

كمل كمل

اصل فاروق جويدة كمان

كلامه سهل وبسيط

اه .. طيب

لم اعبئ به ولكنه استطاع ان يشد انتباهي

تحولت الي كتابي مستعدا للقراءة

ولكني فوجئت به مرة اخري

.

.

.

.

.

طب وانت خاسس ليه ؟

نظرت له وابتسمت .. ثم تجاوت معه

هو انا شكلي خاسس كدا

شكلك بتفكر صح ؟

هو التفكير والدراسه اللي بتعمل كدا

ياعم ما تشيلشي هم

بلاش تفكر لا تتعب راسك

اعقلها وتوكل

اه خد بالاسباب

لكن توكل

اصل انا برده دراستي صعبة

انا في هندسة حلوان هنا

وانت عارف فيه ايه دلوقتي ما يخليش الواحد متضايق

انت بقي شغال ولا ايه ؟

اه انا باعيد الترم دا في تجارة خارجية هنا

لكن حاليا شغال

ربنا يعينك

مش دي محطة ثكنات المعادي برده ؟

اه هي

طب سلام بقي عشان انا نازل

.

بادلته السلام

وانا اضحك .. بالرغم ما يعتريني من الام

ـــــــــــــــــــــــــــــــــــــــــ

ملحوظة : الكلام بالاحمر هي كلماته بالفعل

والكلام بالازرق هي ردودي فعلا

21 comments:

Nouran said...

ايه ده انا اول كومينت واخيرااا
لا المترو ده حوارته جامدة جدا اصلا يعني بس هو عرف منين انك خاسس؟؟هو كان يعرفك قبل كده :)

طارق مكى said...

حبيبى وصديقى العذيذ ادم
والله يا ادم انا بحب القراء جدا
ومعظم قرائتى وانا فى المترو

ومعظم الى بيرخمو علية برضو من المترو
اول حاجة انا مخلص تعليم
الاقى واحد يجى جنبى ويقولى
يااخى هود دا واقت مذكرة
وخد عندك تريقة لصبح

وفى ناس تنية تكرهك فى القراء
وشكرا يا ادم على البوست الرائع

محمد عز الدين said...

كيف الحال يا أحمد يا رأفت
أنا فعلا سعيد بمروري
على مدونتك الجميلة
وأشعر أن زياراتي
لن تنقطع

... said...

انا مش باركب مترو
بس تقريبا بطلت قراية.. اول مرة اخد بالى !!!!!اللهم الا مجلة العربى.. والمصرى اليوم احيانا
المهم.. شكلك فى الاخر صاحبته
اخدت رقم موبايله؟
:)

الأرمـوطــي said...

متزعلش منى انت غلطان لو حاسس انك مدايق من حد قوله الاول بالادب اذا مخلهوش فى حاله احرق دمه انت كمان...........عموما متزعلش نفسك يابوحميد فى ناس كدة سمجه موجدين فى الدنيا عشان يدايقوا الناس

يا مراكبي said...

أنا شايف الموضوع من وجهة نظر تانية خالص

أولا تسطح شباب المجتمع

ثانيا إعتبار المثقف كأنه مخلوق عجيب

ثالثا ما أجمل المستقبل الذي ينتظرك يا مصر

micheal said...

المترو ده عالم تاني لوحده زي عالم التاكسي...كل منهم عالم واسع ..و ع العموم متأخدش في بالك ..أصل الجماعه اللي بيمسكوا كتب دلوقتي بيتبصلهم بصه غريبه...انما لو مسكت صاجات ده بقي عادي
ااااااااه يا بلد ماشيه علي واحده و نص
تحياتي لك

sara... said...

انت بتقول ان الولد كملك الجمله
يعنى هو عارف الكتاب
طب ييعنى الواد ياعينى فاقد الامل
ولا يهمك مجرد اختلاف
قريت عماد ابو صالح
جميييييل

micheal said...

بقولك ايه يا عم ادم...أنا عاوز أعرف ازاي الواحد ممكن يحط أغنيه تشتغل أول ما المدونه تفتح
تحياتي لك

raspoutine said...

ادم

اولا عامل ايه يا صديقى
ثانيا انت واحشنى
ثالثا انا مش قولتلك متكلمش حد متعرفوش
فاكر الراجل بتاع الاتوبيس اللى انت حكيتلى عنه
يعجبنى فيك نظتك للامور ببعد تانى غير البعد المتعارف عليه

admelmasry said...

نوررران
ـــــــــ
لازم جايزة علي كدا
اول كومنت يبقي لازم جايزة
ولا ايه ؟
شوفتي بقي
يا نوران كان عارفني وانا مش عارفه
ههههه


طارق مكي
ـــــــــــ
صديقي العزيز جدا
الناس مش هتبطل تحشر نفسها في اللي مش ليها فيه
واحنا مش هنبطل نتصرف علي طبيعتنا
يبقي لازم نتحمل
دي ضريبه العقل يا صديقي
تذكر دائما انّـا نعيش في بلد عميان
تحياتي



محمد عز
ــــــــ
اتمني ذلك بالفعل
ولي الشرف بالطبع
مع تحياتي
والسلاااام


حلم
ـــــ
دي الحاجة الوحيدة اللي نسيتها في الموضوع
كان نفسي فعلا
اخد رقم موبايله


الارمووطي
ــــــ
صديقي .. انا مش زعلان فعلا
انا مستغرب
مش اكتر


يا مراكبي
ــــــ
المستقبل لن ينتظرنا ابدا
هذا متوقف علينا بالفعل
فمن ينتظرنا الان هو الظلام بعينه
شرفت بتعليقك جدا
واسعدني وجودك الدائم
تحياتي
والسلام



مايكل
ــــــــ
بلد مش بتاعت شهادات ابدا
احنا لينا الجنه يابني والله
ابقي ضيفني ع الايميل عشان عايز اتكلم معااك
ياريت وبسرعه



سارة
ــــــــ
دا مش معناه ابدا انه عارف الكتاب
لا بالعكس
لو كان عارف
ماكانشي سال
دا معناه انه بيعرف يقرا ويكتب ودي الوكسه
شكرا لمرورك
والسلام


ايمن فاروق
ـــــــــــ
صديقي
البعد الاخر للامور متوقف فقط
علي مدي البصيرة
واظنني شخص لا يري موضع قدمه
تحياتي لك
والسلام

Anonymous said...

هو صحيح كلام جامد و خصوصا الشعر

بس لو ما فيهاش رزالة ابعت لي الأغنية اللي إنت حاططها أصلي أول مرة باسمعها و عجبتنب قوي
eanima@gmail.com
ميرسي مسبقا
:)

david santos said...

Hello!
Have good day

micheal said...

ادم...أنا مبستعملش الياهو أبدا....أنا عندي
hotmail
ضيفني عندك و حتلاقيني طلعتلك علي طول
تحياتي لك

نوري said...

يعني كان لازم تتهور وتقرأ له حاجه
احنا فعلا اخرنا تجاره خارجيه
وسكنات المعادي
بس مش مشكله
خلاص احنا اتعودنا ع
التفاهه والسطحيه المتناهيه
وبعدين مره تانيه ونبي ابقي ادرس الشخص قبل الخوض معاه في نقاش قد يفقدك بعض معلوماتك الي
طلعت بيها من الحياه
صح ولا ايه؟؟؟

عين ضيقة said...

شكلك تشبه واحد عرفه من يومين
هههههههههههه

وبعدين هو انت ليه خاسس اليومين دول؟

شكله عارفك فعلا


سلام يااللى شبه الناس

بعدك على بالى said...

مش انا قلت لك كذا مرة ما تتكلمش مع حد غريب؟؟؟ قلت ولا ماقلتش؟؟؟
ماشى

vetrinary said...

المشكله كلها انك بتقرا لفاروق جويده
بلاش الراجل ده
مبحبوش
شبيه نزار

admelmasry said...

انيما
ـــــــــ
تحت امرك يا جميل


مايكل
ـــــ
طب انا مش عارف اوصل للبروفيل بتاعك
ايميلي ع الياهو هو دا
ara1_eng_prof@hotmail.com


نوري واللي نورها للكل
ـــــــــــــــــ
لا طبعا انت مش عندك حق
الواحد لازم يزداد خبرة من اي حد حتي لو كان جاهل
صدقيني
مافيش اثري من التجربة الانسانية
مش بيقولوا في الامثال
خدوا الحكمة من افواه المجانين
تحياتي



عيون ضيقة
ــــــــــ
ههههههههههه
انا فعلا شبه الناس ؟
تخيلي ماكنتش واخد بالي
انا دلوقتي هاروح ابص في المراية
يمكن اشوفك
ولا اقولك
بلاش
لحسن انا وحششششش قوييييييي
خليها مفاجئة احسن
تحياتي
والسلام



ماما
بعد علي بالي
ــــــــــــــ
ههههههه
ابنك شقي ومش بيسمع الكلام يا ماما
هههه
والله وحشاني



فاتراينري
ــــــــــ
الاسم الغريب دا اللي مش عارف انطقه لا بالعربي ولا بالانجليزي
غريبة الحكاية دي
علي فكرة بقي
انا كمان مش بحب فاروق جويده
تفتكر هو دا السبب ؟
هههههههه

bastokka طهقانة said...

مش ل الدردشات بتعدي
في دردشات بتعلم فينا

ما تبقى تيجي

وشوشني said...

كويس