Pages

Subscribe:

Saturday, March 10, 2007

القاء التالت للمدونين


طبعا دا كان القاء التالت يا جدعان
.
.
روحت هناك وانا عمال اتخيل شكل الناس
واللمة والصحبة
وكان نفسي اقابل جدا سمراء
واحمد شوقير
لانهم اكتر ناس ما كنوش باينين في الصور القديمة
.
روحت كان معايا احمد صاحبي بتاع مدونة
ياقووت
واحمد ابو الحسن صاحب مدونة احمد ابو الحسن
وكان معايا اخويا
اللي هو
عيل شقي
.
بصراحه كنت فرحان جدا كنت متواعد مع
تونا نتقابل هناك
بس والله
يا تونا
انا اسف المواصلات اخرتني
روحت لقيته في الميعاد تمام
.
مجرد سلمت ع الناس وجالي تليفون من بنت سعد
يوة
ايمان سعد كانت هناك
روحت جبتها م المترو
.
وبعدين جات ربة
السيف والقلم
.
د كان يوم خرافه
.
قبل اي شيء انا ما لقيتشي كرسي علشان اقعد فيه
روحت اجيب كرسي من ترابيزة جمينا
فلقيت واحد اعرفه ياعني شكلة ممثل
او حاجة
بصت له
بصلي
شبهت عليه
قام نده عليا
قالي مين دول .. وبيعملوا ايه
قولت له دول المدونين
وحكيت له ياعني ايه
وقولت له حضرتك مين ؟
قولت له اني عارفه بس مش قادر اجمع بصراحه
.
قالي والله يبقي عيب علي واحد في سنك وبيقول علي
نفسه مثقف
ومش عارف مين يحي خليل
هزيت راسي طبعا وقولت له
انا اسف طبعا انا اسف جدا
بس اعزرني

مين هو يحي خليل
وقعد بصراحه يديني محاضرة
في ان الفن الهشك بيشك اللي بنسمعه دا
هو اللي بوظ دماغانا
واتاريه راجل بتاع موسيقي
والله انا عارف يا استاذ
انا اسف جدا اني مش باحضر حفلات موسيقي
انا اصلا بخاف اروح اسال ع التذكرة
اعزرني يا فنان
اوعاك تاخدني مثال لك المدونين
رجوك تعزرني تاني
يارب تخش صدفة وتقرا اعتزاري

.
المهم اعتزرت له بكل خجل
وادب ورجعت تاني
.
قابلت تامرافكار حرة و الدبور
قابلت احمد شوقير .. والغريبة اني لقيته لحم ودم زينا .. بشر ياعني
قابلت محمد بتاع مصر هي امي ..قابلت لميا وخاطيبها راجل ميت
قابلت ايجيل .. ومايكل و مانو
وابراهيم معايا و احدهم وايمن وياسمين
وهاني بتاع كراكيب وكلمة و واحد من الناس
ووينكي وناس كتتتير بجد يا جماعة مش فاكر كلهم
وكان فيه ناس بالهبل
بس طبعا اعزروا واحد في سني والزهايمر
انا مقدرتش اجيب اللينكات كلها لان فيه لسه
ناس مش عارف اوصل لها
اللي عايز اللينكات كلها يخش بقي عند
ياسمين او ايمن او ايجيل
.
بصراحه انا مبسووووووووووووووووط
جدا جدا جدا جدا من القاء الجميل دا
.
.
.
.
ومن مدونتي هنا احب اقترح لكل الناس طالما ان العدد بيزيد كدا
فيها ايه لو نعمل صالون شهري
في ساقية الصاوي
نناقش فيه ايه الواجبات والحقوق
اللي يلتزم بيها المدونين المصريين
ومافيش مانع لو نجيب
نجوم مجتمع
او حتي نجوم بلوجر

يكونوا ضيوف اللقاء
ساعتها هيكون التجمع واخد شكل جدي
ومش مجرد لقاء للتعارف
لازم يكون فيه ورقة عمل
ويكون فيه اهداف من كل ندوة
ويكون فيه موضوع معد مسبقا للنقاش اصلا
لو الفكرة عجبت حد ياريت
نتواصل لتدعيم الفكرة
اشكركم بقي من كل قلبي انكم استحملتوا تقروا كل دا
والسلاااااااااااام

26 comments:

الدبور said...

ازيك يا واد بقولك ايه عاوز اكلمك اديني رقم تليفونك في رساله علي ايميل المدونه
انا كنت سعيد جدا لما قابلتك و الله وياريت اشوفك اللقاء اللي جاي ان شاء الله

الدبور said...

توضيح بخصوص البوست بتاعي اللي عمل قلق وزعل ناس مني انا بحترمهم وبحبهم
تم توضيح وجهه نظري في بوست منفرد
اقراه وقولي ليا رايك ؟
رايك يهمني

تحياتي
الدبور

MAKSOFA said...

طيب ماقلتش لنا ايه اللي حصل
علشان الحاضر يعلم الغايب اللي زي كده

tota said...

ادم
سعدت جدا بهذا التلاقى وبالطبع لقاء المدونين اتاح مضاهاة الصورة التى رسمها كل واحد منا عن الاخر
تحية خالصة ومن قبلها كل الاحترام

أسوور said...

آدم .. مش معقول ما تعرفش يحيى خليل بجد

دة افضل موسيقار صاحب موسيقى راقية فعلا وله مؤلفات عظيمة وحفلاته باسعار زهيدة
المهم

اللقاء فى الساقية أنا هآخده بعين الإعتبار وان شاء الله تكون المرة الجاية فى الساقية فعلا

انا سعيدة جدا انى اتعرفت على انسان رائع زيك ويا ريت تبقى معانا على طول

تحياتى

ياقوت الأزهري said...

انا موافق على الفكرة بشرط يكون اللقاء هادف


ابقى خلى بالك
واللى انت ماشى على نظام
اللى ما يعرفك يجهلك


سعيدجدا باولتعليق لك

طارق مكى said...

ادم صديقى

انتا عمل اية
الفكرة روعة
وبتوفيق انشاء الله

محمد مصطفى said...

آدم باشا
و مين ماتأثرش باللقاء
بجد كان جميل جدا يمكن عشان ده أول لقاء أحضره مأثر فيا كده بس الواضح غني مش لوحدي اللي متأثر
المهم إنه مايكونش تأثير وقتي و يروح قبل ما نستغله في عمل حاجة تنجح الفكرة

Anonymous said...

وعملين نفسكم مدونين ومثقفين وبتوع حريات وتحرر واجتماعات مش انت بتاع الاحه
يااحححححححححححححححه مش عارف يحيى خليل
شاطرين بس على الدين تستهزؤوا

عين ضيقة said...

انت تقترح والناس تنفذ ياباشا

يالهوى دا انت تؤمر

سيبك انت

المهم انك مبسوط من اللقاء
يارب دايما

admelmasry said...

الدبور
ــــــــ
باشا انا اسعد والله
والتليفون يوصلك يا باشا احنا في الخدمة

مكسوفة
ـــــــــــــ
تعرفي بقي
ان كان اغلب الحوار علي مكسوفة
اه والله فعلا
المدونين كلهم مبسوطين ان فيه واحده بجراتك بتكتب كل المشاكل دي
تحياتي ليكي يا مكسوفة



توتا
ــــــ
انا اسعد طبعا
انا زدت شرف بلقاء كل المدونين
وياريت لو كان اللقاء فعلا هيخليكي ما تبطليش تدوين وترجعي بقوة
تحياتي ليكي


ياسمين
ــــــــ
شكرا يا فندم
انا والله علي فكرة قعدت اضرب نفسي ميت صرمة علشان انا ماعرفشي يحي خليل
واحب اقولك اني مستمتع جدا جدا اني عرفتكوا كلكوا
ةياريت تاخدي فكرة الصالون بشكل جدي فعلا
تحياتي ليكي



ياقوووت
ــــــ
لا يا باشا
انا طبعا مقدرك وانت عندي غالي
والغالي يرخص للغالي


طارق مكي
ــــــــــ
نفسي اشوفك بقي
مش ناوي تيجي مصر


مادوا
ـــــــــ
انت كنت هناك ؟
مش تقول طيب
كان نفسي اشوفك والله
علي فكرة كثرة العدد ماكنتشي في صالحنا ابدا
عزرا يا صديقي عزرا


اني ماوس
ـــــــــــ
ههههههههههه
انت بتعرف تقول احه برده ؟
ههههههههه
ياخي احه
ثم انت ايش عرفك بيجي خليل
اوعاك مفكرة شيخ راخر
ههههههههههههه
دا بتاع موسيقي
هو انت بتسمع موسيقي ؟
هي الموسيقي مش حرام برده يا شيخ ولا ايه ؟


عين ضيقة
ـــــــــ
انا خلاص عرفتك وحفظتك وهجيبك
تحياتي

mariam said...

حقيقى يا آدم اللقاء
كان اكتر من رائع
سعدت بيك و بكل الناس اللى حضروا
تحياتى ليك و لعيل شقى

FrEe.PhArAoH said...

يا سيدى .. متجمعين دايما ان شاء الله على خير ياشباب

انا نفسى والله ابقا معاكم فتجمع من دول بس المشكله انى من المنصورة .. اكيد هبقا اجى يوم بس ف الاجازه لأنى طبيعى بكون ف القاهره انما انزل اليومين دول صعب

بجد نفسى اشوف اصحاب الافكار دى شكلها ايه .. اكيد عسل زى افكارهم

خالص مودتى ليك ولكل المدونين

The Alien said...

سعيد بمعرفتك يا ادم
وأتمني يبقي فيه فرصه قريب نتعرف علي بعض أكتر

تحياتي

Tamer Nabil Moussa said...

ازيك ادم اخبارك اية

انا سعيد انى شوفتك

طمننا عليك

تحياتى

micheal said...

ادم
سعدت جدا بمعرفتك أنت و أجمل ولد شقي في الدنيا...و أنا بضم صوتي لصوتك في مقترحاتك الخاصه باللقاء و تطويره و يا ريت نبدأ في تنقيذها بجانب اقتراحات سمراء النيل انجي
تحياتي لك

khaled said...

الاستايل بتعك جميل
حبيت ابدى اعجابى بيه و بمدونتك

Anonymous said...

بوست جيد جدا

tona said...

ولا يهمك يا بيه

يعني هي اول مره

الوردة السوداء said...

ناس ليها حظ

وناس ليها ترتر

يا مراكبي said...

خليك فاكر إني أنا كمان عايز أتعرف على أصدقائنا المدونين أو على الأقل اللي قريبين مننا في أغسطس الجاي .. إوعى تكت برة مصر ساعتها

Anonymous said...

الْأَخِلَّاء يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ [الزخرف : 67]

محمد أبو الفتوح said...

و الله يا آدم كان نفسى آجى و اتعرف على كل الناس بس النيله المذاكره و كده و كمان مش عندى رصيد أكلمك و لا حتى أرن عليك أعرفك إنى هنا معاك
سلملى على كل الناس اللى أعرفهم و اللى ماعرفهمش
سلاااااااااااام

هيثم محفوظ said...

آدم باشا
واحشنى جدا جدا
ما تزعلش منى و من أبو الفتوح لعدم الحضور ف اليوم ده
زى ما محمد قالك هوه كان عنده مذاكره و انا كنت ف اسكندريه و على فكره حاولت أتصل بيك يوميها فكان تليفونك مش متاح .
إتصلت بتونه و الغريب أو يمكن العادى لقيتها إتعرفت بشيرين و كانت مفاجأه جميله قوى بالنسبه لى
معقوله يا آدم واحد مثقف زيك ما يعرفش يحيى خليل :)
إسمع توزيعاته الموسيقيه ف ألبومات منير ( شبابيك ، وسط الدايره ، برىء )
و بعدين يا راجل مش فاكر موسيقى حكاوى القهاوى
ف النهايه
واحشنى جدا .. أشوفك قريب

admelmasry said...

مانو
ـــــــ
الله يخليكي يا جميل
والله انا اتشرفت بيكي وبكل الناس


الثورجي العظيم
ــــــــــ
علي فكرة خيرة اصدقاءنا من المنصورة
تعرف بقي
هيثم محفوظ ؟
ومحمد ابو الفتوح ؟
وكل صحابنا من هناك
انت كدا بقيت م العيلة
تحياتي


الــاين
ـــــــــ
انا اكتر
وفعلا والله اتمني دا يحصل


تامر
ـــــــــ
انت ما تتصورشي مدي سعادتي والله اني شوفتك كانت قد ايه
اليك تحياتي يا جميل


مايكل
ــــــــ
ط جميل يا ريس
انك موافق
ط ما تتصل بيا بقي علشان ننسق سوا
الايميل في البروفيل
عايز تليفونك يا ريس


خالد
ـــــ
الاستايل وصاحب المدونة
تحت امرك
تحياتي


تازرت
ــــــــ
تحياتي لك



تونا
ـــــــــ
والنبي من غير زعل
لحسن انا ما اقدرشي علي زعلك



الورده السودا
ـــــــــــــ
والله الحظ ما يبقي حظ من غير رؤياك
الترتر كان من نصيبنا لاننا ما شوفناكيش



المراكبي
ــــــــــ
لا ما تخافشي انا حدودي هي شبرا شمالا وحلوان جنوبا
ابعد من كدا انشاء الله مش هتلاقيني
بس فعلا ياريت اتعرف عليك


محمد ابو الفتوح
ـــــــــــــــــ
واحشني يا بني جدا
وتليفونك كان بايز ودلوقتي اشتغل
ومش عارف اجيبك خالص


هيثم ابن عم محفوظ
ـــــــــــــــــ
ايه يا بني
والله واحشني جدا جدا جدا
مستني مجيك والله بفارغ الصبر

ذو النون المصري said...

ادم اسعدتني جدا باخبارك لنا عن اللقاء انا كان نفسي احضر و ان شاء الله هكون معكم اللقاء القادم
تحياتي