يلا بقي وهي بالجملة

به به به به .. بببببببببببببببببببببببببببببببببببببببببببب كل دا حرف الباء لان بقالي فترة مش عارف اكتبه بحرية ... يلا بقي انشاللله ماحد حوش

ؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ ... الحرف دا بردة كنت مش بعرف اكتبه .. واديني كتبته وخلصت طاري .. وانشالله ما حد حوش

كان فيه بتاع عشرين تلاتين تاج كدا اتبعتولي منهم اللي عرفته ومنهم لا .. وانا قررت اجاوب عليهم كلهم مرة واحدة وانشالله ما حد حوش

اول تاج عرفت انه جالي بتاع مزمز

ــــــــــــــــــــــــــــــــــــــــــــــ

علي فكرة يا صديقي .. انا ماردتشي علي التاج ساعتها علشان بس انا مش بحب شغلانه التاج دي .. لكن عشان خاطر عيونك وعيون كل اللي افتكرني وبعتلي تاج انا هرد عليهم كلهم واوعاك تزعل مني ... ايوة كدا فكك .. وانشالله ما حد حوش

إيه اللي هيحصل لإيميلك لما تموت؟
ولا حاجة .. هيتنسي

إديت الباسوورد لحد قبل كده؟

طبعا .. كل صحابي القريبين مني عارفين اني عمري ما بعرف احفظ نمرة تليفون .. وعشان كدا عامل الباسوورد بتاعت كل الايميلات بتاعتي علي نمرة التليفون بتاعي .. بس لو سمحتوا ما حدش يقول لحد لحسد ولاد الهاكرز ما خلوش لولاد الحلال حاجة

لو آه كانت إيه طبيعة علاقتك بيه؟
ما انا لسه قايل دا مش واحد .. دي امه لا اله الا الله .. بس اوعي تقول لحد

اسمك؟
جينا بقي للكلام اللي يزعل

انا لو كنت عايز اكتب اسمي كنت كتبته ومدخلتش باسم مستعار اصلا .. دا مش خوف .. بس دا لاني باحب اسم ادم المصري .. واي حد بيسالني النيك نيم بتاعك ايه بقوله انهدني باسم ادم

اسم الدلع المشهور بيه وسط اصحابك؟
عادة انا ماليش اصحب اصلا من النوع المتعارف عليه .. ياعني يا اما زمايل او رفقاء دراسه .. لكن صحاب صحاب مافيش .. لكن عادة كل الناس بتاديني باسم ابويا لانه مميز .. شكلي هاقع واقول ع الاسم ولا ايه ..

عمرك؟
مواليد 3/1/1986

برجك؟
الجدي يا سيدي

مجال دراستك؟
الهندسة ..ا نا في الفرقة التالته قسم القوي الكهربية وتحكم الالات بهندسة حلوان ..ياعني سهلت علي كل بتوع امن الدولة العنوان ..

شخصيتك نوعها إيه؟
عادية جدا

بصوا

انا حد طيب

مرة قالوا اني وسيم

كتير قالولي اني كريم

وصحابي ياما امتالسو وقالو عليا

شاعر عظيم

علي فكرة الكلمتين دول جزء من قصيدة ( قولي قبلة اللي نشرتها علي البلوج ) ياعني خدعة

وقت فراغك بتعمل فيه إيه؟
مافيش وقت فراغ اصلا .. وقت فراغي هو الوقت اللي مش معايا فيه فلوس علشان انزل من بيتنا وعشان كدا بقضيه في البيت

الأكلة المفضلة؟
باكل كل حاجة

الصفات اللي أخدتها من بابا؟
الاندفاع .. والتسرع .. العصبية احيانا وعلي الحجات التافهه بس

الصفات اللي أخدتها من ماما؟
الحب .. والرقة .. والحنان

أكتر ست حاجات بتكرهها؟
الوحدة

الوحدة

الوحدة

الوحدة

الوحدة

الوحدة

بالرغم اني اعرف نص طلاب الكلية تقريبا من كل الدفعات وكل الاقسام دا غير اللي عرفتهم من جامعات تانية نتيجة للقاءات الخارجية

أكتر ست حاجات بتحبها؟
الشعر

الشعر

الرومانسية

الفكاهه

المسرح

هاري بوتر

الشغل بالنسبة لك؟
الفرصة الوحيدة اللي هتخلصني من سلطة البيت

لاني ساعتها مش هقول لحد اديني المصروف .. ودا حسيته جدا لما اشتغلت في محل العصير تابع البوستات القديمة

الإنترنت بالنسبة لك؟
دمي اللي بيمشي في الوريد

الخمس حاجات اللي محدش يعرفها عنك؟
ماحدش مايعرفشي عني حاجة

عادة اي حد بقابله احبه علي طول اقوم حاكيله تاريخ حياتي .. من ساعة ما اتولدت .. احسن لكوا اشتروا دماغكوا وماحدش يقابلني

ـــــــــــــــــــــــــــــــــــــــــــــــــــــــــــــــــــــــــــــــــــ

ـــــــــــــــــــــــــــــــــــــــــــــــــــــــــــــــــــــــــــــــــــ

الحمد لله كدا خلصت من تاج مزمز .. نخش علي تاج البت الشقية قوي دي الغلباوية اللي اسمها انجي ياخويا ولا معرفش افصر ايه كدا مش عارف بيقولولها يا سمرا النيل ولا مش عارف بيقولوا ايه يلا بقي انشالله ما حد حوش

اسم مدونتك؟
في عمق الحياه

لماذا اخترته.. ماذا تقصد به؟
والله .. لحد دلوقتي مش لاقي اجابة للسؤال دا .. ياعني لو سيادتك لقيت ابقي قولي

هل فكرت في إغلاق المدونة.. والسبب؟
اطلاقا

ومش هافكر انشاء الله

انا باحلم ان ربنا يمد في عمري واكون جد وانا لسه بادون

صورتك ف المدونة، رمزيتها؟
الارنب ابو الجزرة

دي اللي هيركز فيها قوي .. هيشوفني .. دي انا بالمللي

طبيعة كتابتك في المدونة بشكل عام.. سياسة.. قصة.. عبث.. كلام فاضي؟
انا مدون بمعني الكلمة

ياعني اللي بييجي علي بالي بادونة .. مش شعر بس ولا سياسة ولا متخصص في اي نوع .. زي ما تقولوا كدا ... دي الفسحة بتاعتي

لماذا تدون أصلاً؟
سؤال غلس بصحيح

وانت مالك اصلا .. اما غلاسة بصحيح

أحلى جملة قيلت لك في وصف مدونتك؟
بصراحه فيه ناس كتير قالت لي كلام حلو

لكن الانسان عادة بينسي الاحسان ومش بيفتكر غير الاساءة

التعليقات بالنسبة لك.. أهميتها؟
حسب الموووود

جه عليا وقت كنت باكتب كل يوم متعمد اني انزل البوست واكتب اللي بعدية قبل ما ييجي تعليقات

لكن احيانا باكون كاتب حاجة معينه عايز اخد فيها راي الناس

لكن في الحالة دي بتكون النتيجة عكسية تماما

ياعني البوست الاخراني بالرغم انه عجب كل اللي علق عليه .. لكن انا كنت منتظر حجاة غير كدا .. في نظير اني مرة كتبت بوست من كلمتنين بقول فيهم ساعد انتي طالق ياسعاد .. جالي عليه اكتر من تلاتين كومنت

أحلى بوست كتبته.. ضع اللينك.. ثم اذكر لماذا؟
طبعا الاختيار صعب جدا

لكن انا باحب شوية معينين

زي بوستات الدكتوراه بتاعتي .. واللي هتلاقي اللينكات بتاعتها علي الجنب وهكذا ياعني

أفضل مدونة قرأتها.. يمكن اختيار عدة مدونات؟
المدونة اللي كل ما اخش اقراها اتعقد من حلاوة المواضيع فيها هي مدونة حكاوي اخر الليل لاحمد شوقير

أفضل بوست قرأته.. يمكن اختيار أكثر من بوست.. ومتنساش اللينك؟
لا دا بقي اللي استحالة اجاوب عليه

صعب جدا

هل خسرت صديق بسبب كتابة هنا؟
انا من النوع اللي طول ما هو ماشي يتخبط في اعداء عادي جدا

ومابقاش ياثر فيا

ياعني مرة كتبت بوست واتشتمت فيه بالعبييييط .. طبعا شتيمة بلدي مش افرنجي

وعلي فكرة البوست موجود والشتيمة موجودة بردة

مش بامسح حاجة

ومرة كنت في ندوة في الجمعية الفلسفية المصرية .. لسه باقول انا اسمي كذا ويا.... لقيت واحد قام زعقلي وشتمني وطبعا اتشهرت من يومها هناك

أسوأ مدونة.. الإجابة إجبارية.. ويمكن اختيار عدة مدونات.. هي كتيرة أصلاً :) ؟
والله مش عارف

اللي مش بيعجبني باقفله

وعادة مش باخشله تاني فبنساه

أسوأ بوست.. لازم تجاوب.. ويسمح بتعدد الاختيارات؟
والله ما فاكر

أسوأ مدون.. ما هو حاتجاوب حاتجاوب؟
انا

اخيرا خلصت تاج انجي .. مين تاني يا جماعة عايز اخلص

ـــــــــــــــــــــــــــــــــــــــــــــــــــــــــــــــــــــــــ

ـــــــــــــــــــــــــــــــــــــــــــــــــــــــــــــــــــــــــ

نيجي للتاج بتاع اريسطوا .. اهوه يا باشا علشان ما تزعلش .. انا مش عارف ليه ما تخلوش الاسأله واحدة علي شان نخلص

هل تسعد عندما يمرر لك أحدهم تاجا ؟

طبعا بافرح ان الشخص دا افتكرني وان انا جيت علي باله

هل مقدار سعادتك أو شعورك أيا كان - عند تمرير التاج لك يختلف حسب المدون الذي يمرر لك التاج؟

طبعا

هل تستمتع عند إجابتك عن أسئلة التاج؟

مش باحب اكتب التاج لاني باحس انه شيء ما يهمش حد ياعني .. انا شايفه عبارة عن طريقة مهذبة مش اكتر عشان نتكلم عن نفسنا من غير ما حد يرد ويكسفنا ويقول .. بتشكيلي همك ليه هو انا امك ؟

هل ترى للتاج أهمية حقيقية ؟

اكتر من انها حاجة مخنقة مش شايف بصراحه

هل فكرت في عمل تاج خاص لك من قبل؟ا

حب لاخيك ما لاتحب لنفسك يا اخ

هل تفضل قراءة أجوبة التاج عند المدونين الآخرين ؟ أم لا تهتم سوى بالتدوينات الأخرى فقط؟

عادة لما باشوف تاج باقفل علي طول .. باخاف لحسن حد يكون قالع شعره ولا حاجة ..لكن فيه ناس معينين بيجبرني الفضول اني اقرالهم التاج بصراحه

عندما ترد على التاج ما الذي تراعيه أكثر؟

الكلام دا لو كنت جاوبت علي عشرين تاج قبل كدا وباتكلم من واقع خبرة

لكن سيادتك دا تاني تاج انشرة

لكن بما ان البوست دا يحتوي علي تلاته مرة واحدة يبقي دا رابع تاج ليا

إلى من تحرص على تمرير التاج ؟

ماحدش ياخويا

مش عايز حد يدعي عليا

واظن ان الكل عمل التاج خلاص ومش محتاج حاجة

تاكسي العجايب - الحلقة الاولي

تاكسي العجايب

تاكسي .. ! تاكس .. ! س
رايح فين يا بيه ؟! س
خمستاشر سنه قدام يا اسطه لو سمحت ... هتاخد كام ياسطة ؟
اللي تجيبه يا بيه

الجلوس قرب النافذة متعة لا نظير لها .. انه يتيح لك مشاهدة من نوع غريب لتفاصيل غريبة في ايام لم يكن في خاطرك ابدا ان تغوص بداخلها .. س

لقد ارتضيت لنفسي الجلوس بجوار السائق .. حتي يتاح لي فرصة الاستفسار عن اي شيء مبهم لي اثناء رحلتي فهذه اول مرة اذهب فيها الي هذا المكان البعيد

اري بعيني شيء مزهل .. كهولا تموت وشباب تهرم .. ومعالم تتغير بسرعة شديدة والوان تبهت .. ومنازل تهدم .. وبيوت اخري تبني وكاني اشاهد شريطا سينمائيا يستعرض بالتصوير السريع .. تحول الاشياء من مرحلة الحبو الي مرحلة الكهولة مرورا بكل التفاصيل التي تبدوا غريبة حينما يدرك المرأ ان هذا يحدث معه .. ولكنه لا يشعر . س

في غمرة انغماسي مع المستقبل وما به من عجائب وغرائب افقت علي منعطف اشعر اني اعرفه الي حد ما .. فاشرت للسائق : ... س

يناير الجاي ياسطة
فين في يناير يا بيه ؟
تلاته انشاء الله

وعندها ترجلت من السيارة .. ونظرت الي السماء متنهدها .. ثم نظرت الي الارض .. متفحصا كل ما بينهما بعين المبهور الذي لا يصدق ما يري بعينيه الان

اتصلت بصديقي الذي اعتدت الاتصال به دائما عندما اشعر بالوحده .. ولكن هاتفه لا يجيب .. فقررت ان اذهب اليه في بيته ازعجه كعادتي معه دائما .. ولدهشتي حين رايته اني وجدته يكبرني بنفس الفارق العمري بيني وبينه .. فتكدر حالي وغمت نفسي فطالما حلمت بالوقت الذي اصبح فيه انا الاكبر

نظر اليا بدهشه المستيقظ من نومه .. لم يعرني اهتماما كعادته .... نظرت اليه ثم ابتسمت .. وتركته وانصرفت دون ان انطق ببنت شفه
جلست علي القهوة التي اعتدنا الجلوس عليها .. ولمحت بعيني شاب في مقتبل العمر يجلس وحيدا .. ينتظر بلهفة احد ما ، اشعر به جيدا ،وكاني اتجول داخله ، يالها من قوة خارقة ، لقد اصابني كبر السن بفطنه ليست بالهينه
ايقن تماما رغبته الملحه في سؤالي عن اي شيء .. لمجرد الحديث ... ولكن خجله يمنعه من ان يتخذ الخطوة الاولي ، ياله من احساس ممتع ان تنظر الي شخص وانت تعلم جيدا فيما يفكر وما يريد ، فتنتظر ان يقول ما تعرفه اصلا وانت ناظرا اليه بابتسام . س
هممت اليه وقلت له : س

ايعجبك هذا الفيلم ام تسمح لي بتحويل القناه ؟
اضطرب حال الفتي ولم يستطع ان يلمم شتات افكاره .. وكانه لاعب قد فاجئه خصمة بضربة من الخلف ثم قال لي :س
لا ابدا ابدا تفضل
شكرا

وكالخبير والذي يعرف جيدا اين ومتي يضرب .. ويعرف ايضا متي يشاهد ، نظرت اليه بابتسام اخجله كلما نظر الي خلسه .. ولكني لم اجدها لعبة مسلية فتركت الولد لحاله وذهبت الي البيت . س

س
عندما دخلت البيت وجدت امراة في ريعان شبابها سبحان من ابدع ومن صور .. ايقنت انها زوجتي بعد ان رايت صورة الزفاف معلقة عل الحائط ، ولكني دهشت ، فلم تكن من احبها.. اذن من احبها الان .. لست احبها . س

ورايت طفل في العاشرة من عمرة علي اقصي تقدير ، بالطبع فان هذا الولد هو نتاج هذا الزواج ، انه يشهني كثيرا ، يا الله ... ما هذا الاحساس الذي اشعر به الان ، انه احساس الابوة نظرت الي الفتي بعطف فشملني من شعر راسي حتي اخمص قدمي بنظرة ضعف واحتياج ، ااااه .. افي هذا الكون من يحبني الي هذه الدرجة ؟ .. س

جلست الي زوجتي وجذبت معها اطراف الحديث متعمدا ، محاولا اقتناص اي معلومة تخبرني لماذا هذه بالذات واين ومتي فقلت لها
فاكرة زمان .. اول مرة شوفنا فيها بعض ؟
فضحكت بدلال وقالت
هههه كنت انت مهندس جديد خام لسه واصل انجلترا ما بقالكش يومين ... س
ثم تنهدت تنيده كبيرة وقالت برومانسية حادة .. س
ولكني وقعت في شرك عينيك منذ قبل ان اولد
اتحبينني لهذا الحد
بل اكثر .. واحبك اكثر حين تغازلني بالفصحي هههههه
ولكن انت قلت انجلترا .. هل هذا يعني اني سافرت انجلترا

ثم سرحت في افق خاص بي وانا لا اصدق اني في المستقل سوف امتلك نقودا تكفي لسفري .. ساسافرالي انجلترا ، اترك من احب لاتزوج من اعشق ، انجب ولدا .. واعمل مهندسا يمتلك بيتا فاخرا ولكن خطرت ببالي اسئلة اخري

ولكن انا لا اتذكر لماذا عدنا من هناك
اعلم انك تود نسيان هذا اليوم بالذات .. ولكن ياعزيزي تحلي بالصبر اعلم انها كانت مصيبة لنا كلنا
ماذا هناك
لا لن اقول ... فانت هكذا دائما .. بعد ان تنسي تجعلني اذكرك .. لتبتأس من جديد
والشعر ؟
الشعر ؟ ماذا به ؟ .. اول مرة اسمعك تسال عن الشعر بعد هذا اليوم المشئوم .. ماذا بك يا عزيزي قل لي لا تخف شيئا
لا شيء .. لقد عرفت ما اود ان اعرفه ساذهب لانام

بعد وقت ليس بالطويل وليس بالقصير .. صحوت علي صوت امي تانديني

الساعة دلوقتي سابعه مش رايح الكلية
حاضر يا امي

قمت مسرعا .. وانا ايقن تماما ان الكلية هي اولي خطواتي الي النجاح ، نظرت الي اوراقي وقصائدي ، وقلت لها ودمعة في عيني
لن اتركك مهما حدث
نظرت لامي قبل ان انصرف .. وتذكرت حينها اخر ما قالته زوجتي
فهممت لاحتضانها .. وقبلتها قبلا غزيرة .. حتي باتت دهشتها تقلقها علي ولسان حالها يقول .. خير اللهم اجعله خير

بوست عودتي

بوست عودتي

.

رجعت من المنوفية الحمد لله

.

بداية احب اشكر سيادة الرئيس

اطال الله لنا في عمرة وابقاه زخرا لنا وللبلاد

.

حلوة الكلمة دي ؟ دي تسجيدة

عشان التقيل جاي ورا

.

وما ادراك ماذا يوجد ورا ؟

سوف نبدا العد التنازلي للحكي

.

اول يوم كالنا كوسة .. ودي كانت حاجة غير مطمئنة بالمرة

المحلات كلها كانت قافلة علشان حسني مبارك جاي

اهل المدينة مش طايقين سيرتنا .. لاننا وقفنا حالهم

المدينة مترشقة فراشة .. متعلق عليها يفط ترحيب بسيادة الرئيس اسم النبي حارسه وصاينه

.

المدينه بصراحه شوارعها بتبرق كدا والارض نضيفة كدا

ولا كله كوم .. والاسفلت بتاعهم كوم تاني ... ما يعملشي طينه في المطرة .. تصوروا ؟

طبعا حسني مبارك جه يوم السبت اللي هو تاني يوم

طبعا عساكر امن الدولة واقفين بطول الطريق زي عواميد النور علي الصفين

جوة الاستاد اللي هايشرفه بسلامته كان موجود الحرس الجمهوري ؟

طبعا الاسطح كانت مترشقة قناقصة ماسكين عدسات مكبرة

انا كنت ماشي في طابور العرض .. كنت حالف اني ماعبروش اسم النبي حارسه وصاينه بس لما لقيته بيشاورلي اه والله كان بيشاورلي افتكرت حديث الرسول (ص) اذا حييتم بتحية .. فحيوا باحسن منها .. ايوالله بس كدا .. قمت بقي مشاورلوا ومهيصل له .. وضارب له تعظيم سلام كمان

طبعا بعد ما مشي بسلامته .. اتشالت اليفط اللي مغرقه البلد .. والاسفلت رجع طبيعي زي ما كان ( بيعمل طينه في المطرة) والمحلات فتحت والناس ظهرت في الشوارع وكان الناس دي طلعت من تحت الارض

.

.

واحنا هناك كان معايا اتنين تلاته حزب وطني .. عاملين فيها عارفين كل شيء

فاكرين انهم بيصورونا وبيسجلوا لنا في كل حته .. حتي في الحمام

ياراجل دول كانوا خايفين من عواميد النور لايكون عليها كاميرات .. ولا الشجر لايكون حد مستخبي فيه

ياعني كان اسبوع رعب

.

.

كان معايا واحد بيعمل صحيفة الحائط .. خادته وقلنا نتمشي .. فطقت في دماغي فكرة .. قلت ايه ايه رايك نعمل ريبورتاج مع الناس في الشارع .. ونعرف ايه انطباعهم م الاسبوع دا .. قالي ماشي

.

اول واحد

ــــــــــــــــ

كان شغال في صيديلة .. كل معلوماته عن الاسبوع ان فيه ناس من جميع الدول جايين هنا

دا طبعا باعتبار انه ما خرجشي من دولة المنوفية طول حياته قبل كدا

.

التاني

ـــــــ

كانت عيلة ام وبنتين .. الام جاية من امريكا الاتنينة من عشرين سنه .. وطمش شايفة حاجة اتغيرت في البلد اما بنتها اللي في الدبلوم شايفة ان اللي المباني الجديدة زي الاستاد والفندق بتاع الطلبة دا حجات برة ع الكورنيش مش جوة

لان فيه جوة حته اسمها العزبة ودي كلها بلطجية .. اما قبلي فهي منطقة نص نص .. اما بنتها اللي في الثانوي .. شايفه ان مجينا جه عليهم بخسارة

.

عملنا ريبورتاج مع الطلبة الضيوف

ـــــــــــــــــــــــــــــــــــــــــــــــــــــــــــ

اولا بنات جنوب الوادي

ــــــــــــــــــــــــــــــــــــــــــ

ما شكروش في اي شيء

الاكل زبالة

السكن زفت

التنقلات صعبة .. عشان نروح من كلية لكلية لازم نركب مواصلات لان مافيش حرم هناك اصلا

.

.

ثانيا شباب من بن سويف

ـــــــــــــــــــــــــــــــــــــــــــ

والله كانوا مدبين جدا

كل حاجة في المعقول بس في حجات صغيرة كدا

الاكل مش حلو

السكن مش نضيف

التنقلات صعبة

الجداول غلسه لان كل الانشطة في وقت واحد

مافيش خريطة للمدينة

.

.

واحنا ماشيين لفت نظرنا عمال من البلدية ماشيين يحطوا القراطيس الحمرا بتاعتهم دي في الارض .. وبسؤال احد العمال بتعملوا كدا ليه فرد علينا وقال .. اصل جمال بيه جاي واحنا بنعلم الطريق تاني

فقولت له تاني ؟

قالي اه .. لان لما علمناه لابوه .. اتمسح

.

.

كان فيه عسكري مرور وقفنا وسألناه ..راجل طيب بصراحه كل اللي يعرفة ان الريس جه امبارح .. وجمال بيه جاي يوم التلات انشاء الله

.

.

وحنا راجعيين ركبنا تاكسي .. وبسؤال سائق التاكسي بصراحه اتضح انه موظف في وزراة الزراعه وبيشتغل سواق تاكسي بعد الظهر ولما سالناه عن حال البلد قال ان البلد والله حلوة وكويسة

الكورنيش دا كان معمول من زمان من الزيارة اللي فاتت ياعني

وفيه هنا احسن شبكة مواصلات في الجمهورية

بصراحه كان راجل زي العسل وعشان كدا كنا عايزين نبلغ عنه بتعهمة الجمع بين وظيفتين

.

.

يوم الاربع بقي كانت المسابقة بتاعتي .. جه الباشا .. احمد بخيت والباشا سيد حجاب .. وكان فيه قصيدين من كل جامعة مبعوتين اريسطوا صاحب مدونة اريسطو هو اللي خد المركز الاول والميدالية الذهبية في القصيدة الاولي .. وانا خدت المركز الاول والميدالية الذهبية في القصيدة الثانية

وبعد ما اتصورت مع كل الضيوف .. الحمد لله الصور اتمسحت كلها اهيء اهيء اهيء

.

.

يوم الخميس خدونا نشجع الفريق بتع كرة القدم بتاعنا .. اكمنه وصل للنهائي .. طبعا دي مهزلة .. قال ايه انا اتفرج علي كورة .. لا وايه في استاد كمان

معايا واحد صاحبي قالي تعرف ياادم انا عمري ما شوفت كورة في الاستاد .. دي فرصة حلوة عشان اعرف الفرق .. قوله .. تعرف انت بقي انا دي اول مرة اتفرج فيها علي ماتش كورة اصلا

.

.

بصراحه واحقاقا للحق بصراحه هو الاكل هناك مش قد كدا

بس كان كتييييييييييييير بالزوفة ياعني

كل يوم كان فيه فراخ ولحمة

واللي عايز ياخد تاني من غير بونات ولا حاجة

وفي العشا الاكل يشبع تلاته

دي امانه بصراحه و لازم نقولها

كفاية كدا بقي عشان البوست م يبقاش طويل

بس اوعدكوا لما اجيب ما تبقي لدي اصدقائي من صور .. سوف انشرها انشاء الله

رتوش علي صفحة بيضاء

اسم غريب مش كدا ؟

قال ياعني بقي فليسوف او حاجة كد

.

انا حاليا في المنوفية

دا مش عشان انا منوفي كفالله الشر

دا عشان اسبوع شباب الجامعات

.

غالبا انا راجع يوم الخميس

اكيد هفضحههههههههههههههههههههههههههم

واقول ع اللي حاصل بعيون بتحلل كل شيء

.

انتظروا بوست عودتي

.

اقول لكم شكرا لوقوفكم بجواري اثناء حاجتي اليكم

ولذلك ناويت اخنق عليكم بحته شعر صوغيورة كدا

.

اوعاكي تزعلي ابدا

انا عايزك تفرحي جدا

وتزيدي الفرح دا عندا

ف حزن واخد م السنين عمرا

مبكي العين بلا داعي

وعاجر التقي عذرا

مخلي دمعتي قدرا

لاجلي تفرحي خالص

وانا باوجاعي هاعزفلك

واغنيلك

وبدموعي هقول شكرا

عودا حميدا بعد الغياب

اما بعد ... !! س

.

للمرة الثانية علي التوالي افشل في فهم نفسي .. وافشل كيف اتعامل معها وكيف احافظ علي ما تبقي لديها من كرامة وكبرياء او لنقل افشل في البحث بداخلها علي مزيد من الجبن والحكمة .. لتفادي موقف ما

بحكم التقاليد والعادات وما يفرضه المجتمع علي مثلي فانا شخص محترم مهذب لا يليق بي التعامل مع ألئك المترشدين المتسكعين المستفذين في اغلب الاحيان حتي وان تعرضوا لك ، فيجب عليك ان تتعلم مما درسته ولا تخالطهم باسلوهم حتي لا يجروك الي مستواهم ، وهكذا تسمع كثيرا من تلك العبارات التي تدعو الي الخنوع والي النكسة حتي مع اشخاص نكرة لا يمثلون سوي عبئا لاهاليهم وذويهم

.

لتاني مرة علي التوالي افشل في السماع الي تلك النصائح التي تدعوني الي كثير من الوهن والتراخي واجد نفسي اتخلي عن كل المبادئ الحضارية في التعامل والحوار .. وانزل الي مستوي هؤلاء السوقيين .. واتعامل معهم منطقهم وطبعا لا يأتي الناس في صفي دائما فانا اخطات بالطع لاني لم اتواهن ولم اتراجع .. وكيف لي ان اتعامل مع مثل هؤلاء الاوغاش الاوباش ؟

.

\.
لا اجد تفسيرا حقيقا لما يجذب نفسي الي قاع المجتمع او لانحدارها السريع هكذا هل بحكم العشرة ؟

فعلي راي المثل _من عاشر القوم _ لا ادري حقا لماذا اتخلي في لحظة عن شخصيتي الحقيقية وارتدي قناعا اخر يصورني اما الناس بالمتشرد البلطجي القادر علي فعل اي شيء مهما كانت عواقبه بل اجدني حتي افكر بنفس الطريقة التي يفكرون بها

.

عادة في مثل هذه المواقف يفكر الانسان المتحضر في الاستنجاد بالشرطة .. ولكني وجدت عقلي الباطن يوحي لي باخيلة من شانها تؤدي الي افكار رهيبة .. مثل استأجار البلطجية مثلا وعمل عركة ضخمة .. يرد فيها اعتبار كرامتي المجروحة لا ادري .. هل لعجزي الاستنجاد بالشرطة .. او لعلمي انها لا تجير الا قادر في بلدنا هنا علي الاقل .. او حبا في ممارسه قانون الغابه الذي طالما انحرمت منه .. حقا لا ادري

.

وغالبا بعد ان اهدئ .. اندم كثيرا علي ما ضاع من هيبتي او علي الاقل لاني تنازلت عن قدرا من كرامتي لهؤلاء .. ولكن ياتيني شعورا اخر خفي .. باني ضعيف .. لا يستطيع ان يدافع عن نفسه في مجتمع تخلي فيه ولي الامر عن نصرة الضعيف .. الي جمع ما يملي به بطنه

.

احس باني احيانا انسان عاجز ضعيف واتخيل لو اني كنت انتصرت في معركتي ولم يتدخل الناس وكان هناك من ياتمر بامرتي فاقول لهم اضربوا هذا .. علقوا هذا .. وتصبح معركة حامية .. يتكلم فيها الناس عن مدي الاهوال فيها .. فلا يجرؤ اي مخلوق بعد ذلك ان يحلم مجرد حلم بالتطاول مرة اخري .. ولكن ما الفائدة ان كنت لا تملك حتي الا قوت يومك .. هذا شان الفقير دائما في بلد ياكل فيها الضعيف القوي

.
يوم الجمعه
26/1/2007