Pages

Subscribe:

Thursday, August 24, 2006

وهكتب التاج ياجماعة وهتجوز

مش عارف ليه لما جيت اكتب العنوان افتكرت الاعلان بتاع عبد الرحيم عمر واحتكم الامر يا جماعة وهتجوز .. بصراحه غلب عليا الافيه بتاع الاعلان فحبيت اني اكتبه في العنوان بتاع البوست ... اخيرا هكتب التاج .. قبل ده كتبت التاج وبصعوبة بالغة قبلت اني اتعري ادامكم جميعا .. اه اتعري هي كده .. اصلي معتقد ان التاج ده عباره عن بوسط الواحد بيقلع فيه كل الاقنعة اللي مفروض انه كان حاططها علي جسمة .. بصراحه انا مش عارف ايه سبب التسمية بالتاج .. يمكن علشان اول واحد كتبه حس انه ملك بقي وكده .. بس انا شايف ان التسمية الصح هي السلطنية .. هههههه اه والله واي واحد يبعت دعوة لاي حد علشان يكتب السلطانية كانه بيلبسهاله .. ياعني انا لبست السلطانية من بعدك علي بالي وايبتاف ونوران ومكسوفة .. كل دول لابسوني السلطانية ... ههههههههه لا وايه وانا لبستها وبكل فخر وعنطزة اتحدث اليكم من تحت السلطانية واجاوب
.
.
س هل أنت منشكح من مدونتك شكلاً وموضوعاً؟
بصراحه انا منشكح انشكاح جابلي انزلاق غضروفي في الغدد الليمفاوية المنبعجة والغير منبعجة والتي ادت الي انكشاح مستمر داخل القصبة الهوائية ناتج عنه ضحك هستيري مزمن
.
س هل تعلم أسرتك الصغيرة بأمر مدونتك؟
اه .. هما يعرفوا ان انا عندي حاجة كده معرفشي ايه باكتب فيها وبقابل فيها ناس وناس بتكلمي .. ازاي بقي ؟ ده اللي نفسهم يعرفوه
.
س هل تجد حرجآً فى أن تخبر صديقاً عن مدونتك؟
طلاقا .. ده انا حتي كل ما اجي اظبط بت .. ما اقعدشي ارغي كتير .. اقولها يا بنتي خشي ع اللينك ده وباختصر ههههههههه طبعا ما باشوفش خلقتها تاني ابدا
.
س هل تعتبرها أمرا خاصا بك؟
مش فاهم ازاي ياعني .. بصراحه انا عايز المراقب اللي في اللجنه هنا .. ما ينفعش الكلام ده .. السؤال ده مش في المنهج
.
س هل تسببت المدونات بتغيير إيجابى لأفكارك؟ فلسعنى مثال فى حالة الاجابة بنعم
افلسعك ؟
حاضر ياسيدي .. من ناحية هي ايجابي هي فعلا ايجابي .. ايجابي انا .. مش ايجابك انت .. والدليل علي كده انك لو نظرت نظرة تاملية في تاريخ الكرة الارضية والعصور الجليدية ستجد حفريات غير منطيقة في حفر منبعجة واخري غير منبعجة تدل علي وجود ارشيف حي ونابض لكائنات بلاستيكية تعيش منذ الاف السنين تسمي المدونين .. وانا قابلت منهم ناس وبحبهم وباموووووووووت فيهم كلهم طبعا حتي اللي ما قابلتووووووووش
.
س هل تكتفى بفتح صفحات من يعقبون بردود فى مدونتك أم تسعى لاكتشاف المزيد؟
لا انا كنت بحب اكتشف المواهب الجديدة ولو مش معروفة احب احط لها لينك عندي .. اب روحي بقي .. برده بكرر وباعيد للي مش فاهم .. في اصول الفكر العلماني المنبثق انبثاقا تسلسليا من الفكر المتوازي مع المستوي المائل 120 درجه نجد ان هناك اباء روحيين كتير جدا بيعملو اللي انا عملته ده
.
س ماذا يعنى لك عداد الزوار.. هل تهتم بوضعه فى مدونتك؟
انا شخصيا وبايمان نابع من عقيده داخلية وخارجية علي صعيد السياسة العالمية اري ان اي حديث عن عداد الزوار ما هو الي فلسفة مثلثه الاضلاع تميل الي تساوي الساقين بعيدا عن طول البنطلون والقميص .. لذلك وبكل اصرار احب ان اكرر ان كل مهتم بالعداد ياخد باله علشان شركة الكهربا واخده بالها اليومين دول
.
س هل حاولت تخيل سحنة اصدقائك المدونين؟
سحنه ؟
ايه الالفاظ دي ؟ انت جاي منين .. المهم يا سيدي انا فعلا حاولت اتخيلهم كلهم .. وبناء عليه وبدون مبالغة وحسب نظرية الاسقاط الثاني للربع الاول في المحيط الاطلنطي احب اقول اني فشلت فشل زريع جدا .. خصوصا اني تقابلت مع اتنين تخيلتهم بالفعل بعدك علي بالي وكورتيس
.
هل ترى فائدة حقيقية للتدوين؟
طبعا ودي عايزة سؤال .. انت دوين وهي دوين وكلنا دونينين .... وحسب المقولة الشهيرة اللي بتقول استنتاجا من نظرية السباق المركزي والا مركزي يحدث صخب جماهيري وينقسم التركيز الي نوعين من الجمهور احدهم يشجع المركزي والاخر يشجع الامركزي علي خوض السباق والانتصار في النهاية .. ولذلك وحسب هذه النظرية نجد ان التدوين حاجة قشطة قوي وميت فل وعشرة
.
س هل يزعجك وجود نقد بمدونتك ؟ أم تشعر انه ظاهرة وأدوات صحية؟
صحية ؟
دي ليها علاقة بالفوط ؟
انا عموما احب النقد جدا .. وحسب مقولة الاديب العالمي الذي اخد جزمة نوفل في رمي الجولة اقول ان من طبائع النفوس ما قد يجعل الانسان لا يقوي علي ممارسة بعض المهام الموكلة من شخصية ذات طابع سيادي بحت تحب ان تهيمن وتسيطر حتي علي بواطن الامور ولذلك وعلية احب ان اقول ان النقد ده حاجة فشيخة طحن
.
س هل تخاف منبعض المدونات التى تفتح تابوهات السياسه و الجنس و الدين وتتحاشاها؟
جنس ؟
بجد ؟
هو فين ؟ دلوني عليه ابوس اديكو .. ده حتي بناء علي نظرية الانبطاح والا انبطاح نجد ان الجنس والسياسة والدين عامل مهم جدا في انبطاح الشعوب .. حتي اسألو الاميرة اوسا
.
س هل صدمك اعتقال بعض المدونين؟
كان نفسي اكون واحد منهم .. ده طبعا لاني شخصية متفانية في نكران الذات .. وبناءا عليه احب اقول لكل المدونين صغار وكبار اني من افضل من يمثلكم داخل سجون الاعتقال .. لذلك فانتخبوني
.
س هل فكرت فى مصير مدونتك حال وفاتك ؟
مش عارف .. ولكن في حالة الوفاة والبعد الجيني للعمليات التفاعلية نجد بؤبؤ العين يتسع اتساعا شديدا يؤثر علي الاعصاب اللسابعة داخل خلايا جسم الفار الابيض في قفص التجارب .. وبناء علية احب ان اقول انا لله وانا اليه راجعون
.
اخر سؤال : تحب تسمع أغنية إيه- بلاش صيغة آمال فهمى دى - ما الاغنية التى تحب وضع اللينك الخاص بها فى مدونتك؟
اي حاجة لام كبسول .. او شريط مفرش .. او عبد الحليم باهظ ..المهم اي حاجة تفشخنا وخلاص
.
أكتب اسماء خمسةمدونين ليقوموا بهذا الاستقصاء بعدك خمسة بس؟؟؟
خلاص هما خمسة
احمد حسن .. او لا احد .. والمرة دي يا احمد هتكتبه
كورتس انت كتبته خلاص
وبعدك علي بالي ما تنفعش .. هي اللي مدياني الدعوة
احه .. كلو كتب التاج .. امال هبعت لمين ؟
خلاص اللي ما كتبشي يكتبه .. قصدي بقي اللي ما لبسشي السلطانية يلا قوام يلبسها
.
اه تحية خاصة جدا للاميرة اوسا لاني غشيت الاسئله منه
.
انا كتبت التاج بس عشان مسافر ... انا مسفر جمصة يا ولد .. حضر البوئجة يا ولد

21 comments:

الأميره أوسه said...

شكرآ يا أدم
فكرنى حتى وأنت بتكتب البلوج
للدرجه دى بتحبنى وبتعتبرنى زى خالتك
ميرسي
جمصه دى فين
فى شبره صح
تروح وترجع بدرى
أحـه

Anonymous said...

ممكن اسال انت مين اللي قالك ان الكلمة اللي بتستخدمها دي مش عيب ربنا يهدك ياهيفاء منك لله كله منك خليتي حتي المؤدبين يستخدموها باعتبارها كلمة شعبية بس لسه فيه ناس مابتحبش تسمعها ارجوك ماتستخدمهاش

admelmasry said...

ههههههههه
الي الاميرة اوسه
حلوة خالتي دي
اه يا ستي فاكرك وفاكر ايامك السودا
هههههههه
ليكي كل الاحات اللي في الدنيا
علي فكرة دي هدية مخصوصة مش لاي حد



ايبتاف
اي خدمه
كل ما تحبي تموتي تعالي وانا في الخدمه
بقولك ايه
ابوس ايد اللي جاب ام اللي جنبك
تسلفيني العدد الرابع وتعملي فيا ثواب

any mous
يا حبيبي ... اللي اكتشفته فعلا انها مش عيب ودا اللي انا بحاول اثبته في رساله الدكتوراه بتاعتي

توهة said...

تصدق بالله ..كل إجاباتك تدل إدلالا شديدا أنك دكتور على مستوى عالى من الفهم الاوعى والإدراك الامنطقى ينبثق من المعلومات الحفريه التى تم إكتشفها من أسبوع فقط

وتأكد مش حديلك صوتى فى انتخابات اللى جايه لأنى بنافسك

وربنا يستر وتبلعكش دوامه كده ولا كده وترجع تقول ياريت اللى جرى ماكان

يالله تروح ترجع بشكولاته لى يا أستاذ ورئيس قسم الدكتور أحه

فانتازيااااااااااااااااااااااااا

كلبوزة لكن سمباتيك said...

حد يصيف في جمصة يا ادم؟
امال ابو رواش عملوها لية؟
افتكر زمانك رجعت
دون دون يا عم الحاج و بلاش كسل
خالص تحياتي

Anonymous said...

مبروك على الفرح بس برده احـــــــــــــــــــــــــــــة
هتكتب التاج قبل كتب الكتاب
ياخى احتين

Nouran said...

حراام عليك مفهمتش ولا كلمة من اللي انت كاتبها انا معيش غير ثانوية ومبروك ع الفرح خد زغروطة لولولولولوللولوللي
تروح جمصة وتيجي بالسلامة يا ريس هي جمصة ف اسمكندرية ولا الاسماعلية ؟؟

الأميره أوسه said...

لا يا نوران جمصه فى ساحل العاج جنب بنها كده على خط القليوبيه وأنتى عاطيا وشك لبولاق وضهرك للمنوفيه أيوه المنوفيه كلها عساكر كده
يعنى هو أدم هايروح فين
كبيره يروح يصيف فى المنوفيه
مش دكتور بقا
أزيك ياكلبوزه أنا فى الدور اللى تحتيكى

توهة said...

مش عارفه بس اللى بلغنى أن هذه الكلمه لها مدلول سيئ لم أكن أنا أعلمه من قبل فتأكد من المعلومات دى الاول قبل مطلعهلنا

مع الاسف فانتازياااااااااااا

admelmasry said...

كروان
ههههههههههههه
حبيبي
الاعي وعي والا ادراك المنبثق من المعلومات الحفرية المكتشفة من اسبوع فقط لا يؤثر الا علي مستويات متعامده غير متوازية مع المستوي المائل المقترب من الصفره صباحا والحار جاف صيفا والدافئ ممطر شتاء وعلي ذلك وبناء عليه انا لا اندرج تحت هذه القائمة
هههههههههههههههه


كلابيزو هانم
والله مش بايدي
ده حتي العملية ناشفة هنا قوي ومافيش بنات
ده معسكر جامعة ومرغم اخاك لا بطل
ههههههه


anymous
والله تصدق ياابني ابتديت تعمل جو .. تحياتي لمتابعتك ليا باستمرار
اما لكتابة التاج
قصدي لبس السلطانية
فده هيكون انشاء الله مع كتب الكتاب الكبير
وعشان انت حلو وعاجبني هديلك مني هدية
وهي اغنية الفنانه العظيمة العملاقة اصاله
واللي بتقول : احه .. شوفلك غيري
مش هكمل عمري معاك


نوران
هو انا شربت حاجة قبل ما اخشلكو ولا ايه ؟
فرح ايه اللي بتتكلمو عليه ؟
ااااااااااااه
عشان قلت هتجوز
ياجماعة دي افيه الاعلان ليس الا
انما زغروطك عجباني
وهجيبك تزغرطي برده ده فحالة برده لو ما كنتيش العروسة
ههههههههههه
ليكي مني ورده حمرا



الاميرة اوسة
احلي وارق واصيع اميرة في الوجود احب اقولك معلش طلعت اوت معلوماتك الجغرافية طلعت فشنك المرة دي
لان جمصة دي موجوده في الربع الخالي من شمال الكرة الارصية من ناحية قطب المحيط الهندي المطل شرقا عليجنوب جبال الهيملايا قربا من امريكا الجنوية وشواطي اندوسيا الصغري
ياعني باختصار دي مدينه عالمية علي كبير قوي
هههههههههههههه


فانتزيا
معلش انهي كلمة من فضلك الموضوع يحتوي علي الف كلمة
لو كان قصدك علي كلمة احه
فده انا بررت كلامي فيه مليون مرة ولو مش مصدقة اقري رساله الدكتوراه بتاعتي
هتلاقي اللينك بره

daktara said...

تحياتي الشديدة لك علي ردك في المدونة السعودية سوالف احمد
بجد رد جميل للغاية نشكرك جميعا عليه

محمد أبو زيد said...

إنت دمااااااااااااااااااااااغ

محمد أبو زيد said...

إنت دمااااااااااااااااااااااغ

لا أحد said...

دبستني منك لله
بجد بقي انا اللي بقولهالك من كل قلبي
احححححححححححه

توهة said...

على فكره فى المرتين أنا اللى معلقه فانتازياااااااااااااا
وكروان معلقتش هنا
وأنا أقصد كلمه أرفض حدوث هذا
وأنا قرأت الدكتوراه بتاعتك وإستخدمت الكلمه عادى لأنى غلبانه وطيبه ومكنتش أعرف إن لها مدلول تانى
وإن كنت بتحاول تثبت إنها مش عيب ساعات كتير أعراف المجتمع بتكون أقوى من أى إثبات أو محاولات وإن قدرت إنت تغير هذا ياسلام حديك جايزه عظيمه مش حقولك عليها وخليها مفاجأه

وهذا كل اللى قصدته


الغلبانه الطيبه صاحبة القلب المرهف

فانتازيااااااااااااااااااااااااا

...دنيتي said...

ايه ده يا ادم
هو انت عندك عشرين سنة؟

توهة said...

بجد بجد ردك أنت وأحمد مش ايه كده اللى بيحرق نفسه ده على الراجل السعودى اللى بهدل مصر كان جميل وفى الهدف ... أنا كنت حعلق عنده وأبهدل الدنيا أصلى حمقيه أوى وبالذات على اللى يشتم مصر مش حب فى دبادبها بس زى متقول أدعى على ابنى وأكره اللى يقول امين
بس الحمد الله مسكت ايدى على اخر لحظه
أصل السعوديين دول أنا بعزهم قويييي بس بالشقلوب خصوصا بعد ما عشرتهم

يالله


فانتازيااااااااااااااااااااااااا

admelmasry said...

وعد العيون
شكرا يا سيدي .. اجبلك معايا مشبك ؟

دكترة
لا شكر علي هوم ورك
ده واجبي

محمد ابو زيد
شكرررررررررا ... بس مش تقولي فين بقيت جسمي ولا انا دماغ من غير جسم
هههههههههه
تحياتي ليك


لا احد
اي خدمه
انت تؤمر يا ريس


فانتزايا
بصراحه انا بقيت محتار بينك وبين كروان انتي واد ولا بت ولما اعلق اتلكم بالمذكر ولا المؤنث بقيت متلغبط
لكن طالما الكلام لفانتزايا
ياعني محدد لمين فمفيش مشاكل
بصي يا ست الغلبانه والطيبة واللي علي نياتك
انا قريب قوي جدا خالص هخليكي في البيت تقولي لبابا ولماما احه ... وتقنعيهم انهم كمان يقولوها
والايام بيننا


دنيتي
ايه ؟
هعيش ؟


ابراهيم
الله يخليك متشكر جدا .. بس خدمه ياعني انك ما تقولشي للدبان عليا


فانتازيا
ياستي انا قولت اللي كان لازم يتقال ... وبرده من غير غلط
اشكر تاني انك متابعاني

سندباد مصري said...

اقطع دراعي

ان كنت انت فاهم انت قولت ايه

وايه قله الأدب الي حلت عليك فجأه ديه

ده مرض منتشر ولا عوامل تعريه

انت بقيت بتتعري كتير

بطل تتعري عشان ده بيجي فوق دماغنا في الأخر

والسلام

Mamdouh Dorrah said...

اية يا زفت انت فين؟؟
عمال اكلمك علي موبايلك
سمعت انك اتجمصت في جمصة
بس انت وشك نحس... يوم ما قابلتك في القاهرة كانت ناشفه و مفيش حريم
و لما نزلت انا لوحدي لقيت احلا كلام في الهوي يتقال
و سمعني سلام الطيطا ف الننا
خلي بالك البت اللي انت عاكستها في جمصة.. فاكرة السودة دي اللي شبه بكار؟..ابوها عاملك كمين و شكله هايظبطك
هههههههههههههه
ابقي كلمني انا في القاهرة يوم الجمعة
سلام يا...و الا بلاش عيب .. انتي فاهم

Mamdouh Dorrah said...

اه نسيت اقولك.. انت دخلت التاريخ من اوسخ ابوابه... انا كتبت عنك في البلوج بتاعي
علي فكرة الكلام اللي انا كاتبه عنك ممكن يظبطك في الحورارت بتاعتك
الديك يصيح
ههههههههههههههههههههههه