.JPG)
معرفش ليه .. كل اما اموت
ليه باتخنق
يا التربة فيها شيء خنيق
او الكفن هو اللي قارص حبتين
في كل مرة كنت ادور ع السبب
لكن فشلت
وف مرة قررت اني اموت
وبدون عجب قلت اما اراقب من بعيد
ح اغير التربة الخنيقة
واشتري لي تراب جديد
وابحبح الكفن اللي قارص
علّ وعسي
يمكن تكون العلّة فيه
بردك فشلت
ساعتها وطّى عليا واحد
م الغلابة الميتين
قال لي يا صاحبي ما تحاولش
ياما ناس قبلك حاولت ولكن
كل دول يا صاحبي قبلك دَوَروا
لكن الحقيقة بالف وش
ف ما تحاولش
و اوعاك تغش
انت اللي محظوظ حبتين
ع الاقل .. فيه حد قالك ما تحاولش
ما هو لو حاولت
يمكن تصادف يوم فتلقي العيب منين
ولو عرفت .. ياحلو تنسي
مش هترجع
والميتين هيزيدوا واحد
12 comments:
الموت هروب من واقع مؤلم صحيح لايستطيع الانسان التأقلم معة لكن ليس حل
الحل هو فى مواجهة اى صعوبات تقف فى طريقنا بالحياة والعمل على تفاديها اومقاومتها بالحكمة والعقل فالحياة لاتدوم على حال ومن الصعب تجد انسان سعيد ديما والعكس
انظر الى نصف الكوب المليان
اظن انك بترد بالقصيدة دي علي الكلام اللي انا قولته المرة اللي فاتت
بصراحة القصيدة تستاهل وحمد الله ليالسلامة يا فنان
جدلية الموت والحياة علي الرغم من كثرة تناولها بس ليك اسلوب مميز بجد
معرفش ليه .. كل اما اموت ليه "
اعتراف واضح بان الموت هنا مش موت حياة بقدر انه موت انسان
الموت / الرمز
الحياة / الحلم
ممكن تسمحلي ارد علي التعليقات بتاعتك
بنوته
شعر حزين عشان اللي كاتبه مخترش نك نيم ليه اسمه بنوته
وكأن التفاهه وخدا حقها اوي متحاوليش تفهمي
تامر
انت عيل صغير يا ابني
حاطط صورة عيل وكلامك بيفكرني بكلام برامج الاطفال واجه , قاوم فففففففف
نصف الكوب المليان ايه بس الكوب كله فاضي
بسكوته
بسكوته
عمنا صلاح جاهين قال
الاصل هوا الموت ولا الحياة
وقبله قال المتنبي
وحسب المنايا ان يكن امانيا
التأرجح بين كوينية الحياة وعدمية الموت تجعل منك شاعر
وافهموا يا بهايم
حمد الله بالسلامة
شعرك حزين اوى المرة دى يا ادم .., بس برضه فيه السخرية اللاذعة المميزة ليك ., اهنيك
هووووووووى
إنت رائع يرجل
اخمد حسن
.
.
.
.
.
.
.
كل علماء الطبيعة والفضاء والجولجيا .. بيقولوا ان الكون من حوالينا فاضي والفراغ اللي فيه مالوش نهاية
بصراحه ما لقيتش اكبر م الفراغ علشان اعبر بيه غن كم الكلام اللي جوايا دلوقتي
شكرا ليك يا صاحبي
الي كل من شرفني بتعليقه
شكرا لكم جميعا
لقد زال بكم كل ضيق وكبت .. انكم فعلا اصدقاء مخلصين
الفكرة روعة بجد و تنفيذها برضه روعة
أنا مع أحمد حسن جملة وتفصيلا، القصيدة المرة دي جميلة ومعبرة عن موهبة أصيلة ومتمكنة
انا بصراحة مسبتش تعليق على القصيدة اللي فاتت لأنها ماكانتشي عاجباني خالص، ومرضيتشي أزعلك بكلامي ده
المرة دي حلوة قوي فعلا .. وتحياتي يا سيد آدم المصري
هى الفكرا حلوة مووووووووووووووت بس تنفزها فى شى من الخوف
كل دول يا صاحبي قبلك دَوَروا
لكن الحقيقة بالف وش
ف ما تحاولش
...
القصيدة شديدة يامعلم(عجبتني حكاية كل اما أموت دي ... والمنطق اللي تتبعته لمعرفة سر الخنقة)
استسلمت بسرعة لنصيحة الميت اللي قبلك.. كنت مثابر على تتبع اسباب الخنقة داخل القبر (يمكن الكفن , ولا التربة)
بس رأيي انك تتجاهل نصيحة الميت الغلبان
ورأيي انك تحاول .. مش ماتحاولش
مين قالك انك مش هاترجع لو عرفت؟
راح اغير المحتوم
يسعدني جدا ان اري لك تعليق علي مدونتي المتواضعة
ولكن لا تتصوري كم السعاده عندما يكون التعليق علي قصيده اكتبها
ولا تتصوري شكلي عندها
اذا كان التعليق يحمل اطراب علي شيء قد فعلته
المواطن المصري اللي مش عبيط
انا استحاله ازعل منك .. او من اي مدون اخر لا سبب ان كان
احمد حسن في شويه الكلام اللي فات
قال رايه وانا اتبسطت جدا
ان ربنا وهبني مجموعة اصدقاء
تقولي رايها بلا تجميل او تزييف
ارجوك المرة القادمة لا تبخل علي مسكين مثلي برايك السديد
يا ابن الشارع
متشكر جدا
دكتور فهرنهايت
بجد اسعدني تعليقك جدا
وما زادني انتباها جدالك مع النص
لا يجرؤ علي مثل هذه الجدليه مع اي نص ادبي الا رجل واع ومثقف
واني لسعدت سعاده بالغة عند رؤيتي لكلامك الذي يحمل في طياته فكر المثقف
وادب الاديب
a sense of helplessness, frustration, and uselessness....just great!
loved it!!
*applause*
thanks from my harte
Post a Comment