Pages

Subscribe:

Sunday, August 14, 2011

بعشق وجودك ف الحياة

انت نبع الحب وانت منتهاه

وانت قلب وكان بريء

وانت حضني اللي احتواه

انت عمري اللي ابتدى

انت الحياة

انت العجوز ... بحكمته ف صباه

انت .. اه

***

نبع البراءة والطفولة والصفا

الدنيا رغم وضوحها برده مزيفة

وانت الحقيقة المؤسفة

قلبي اللي من اجلك دمل

دلوقتي من حبك شفا

قلبي

قلبي اللي كان

شايل بتقل جبال هموم

عيل قوي ف حبك

عريان من الاحزان لو شاف ابتسامة

سلطان علي بر الامان .. لو عينه تلمح ضحكتك

فارس قديم ... مغوار بحق

لو قولتي آه

ويحارب التنين

لو قولتي لأ !!

***

قلبي اللي مال

كما جذع المراكب مال

حملته ياما بشقى

وانا قلبي كان .. شيال

والحمل ياما تقيل .. وياما تقيل

وانا قلبي واقف كالنخيل

عمره ما يميـّــل

راجل قوي

راجل قوي

شييل

لكن سعات عيــّـــل

***

بلدي

انا الصوفي

والصوفي انا

انا الصوفي اللي بيدور عليكي بين جموع الناس

مشدود عقلي ومتكتف

بالصورة والاحساس

واخد وعود وعهود ويمين والعهد عند الله

قلبي يصوم الحب

ميت مالهش حياه

مرهون علي وجودك

وبوجودك

ومين يرحمه ويعفوا

لو شاء الكريم ... لهداه

مجذوب حقيقي صحيح

زاهد كل مال او جاه

مطلوق علي العالم

ابحث في تربته وسماه

عنك يا ام الناس

مخلوقة مختلفة

كتلة حياة واحساس

مش شرط الجمال للحب

الشرط واضح قوي

وبسيط

انه يحس القلب

بالطهر والعفه

قلبي ان يلتقيكي صحيح

اعمل له ميت زفه

قلبي اللي كان بتقل الهموم غرقان

ان يلتقيكي صحيح

هيطير من الخفة

بس انت عودي م الغياب

ونا ازرع الفرحة في هم الصحاري الجدب

واخطف الضحكة من وش الصراخ والندب

وابدر البسمة فوق شفايفك حب

احصدها في عيونك

نظرة عليل بالصب

بس انت عودي م الغياب

كوني الوطن اللي بحقيق

قلبي مشتاق للقاء

خارج بلهفة علي الطريق

راصف قلوب الناس عشانك بالورود

فاتح قناني الشوق وهادم في السدود

كاسر حواجز خوف دغدت كل القيود

بس انت عودي م الغياب

احمد رافت

29/4/2011

8 comments:

يا مراكبي said...

أولا مبروك العودة للتدوين والشعر بانتظام، أنا كنت سعيد وأنا بشوف إن فيه 7 بوستس جُدُد

أرجو استحضار روح الشاعر مرة أُخرى زي زمان قبل التخرج

وده اللي بيجرني لموضوع تحالف المُهندسين، واللي خلى من صعوبته هو التشرذم بسبب البحث عن أكل العيش

وده هيجرنا بالراجع برضه للموضوع اللي قبله وهو عن ثقافة الحد الأدنى

:-)

نرجع من تحت لفوق تاني

لو توفر الحد الأدنى
ولم يصبح البحث عن لقمة العيش أمراً مؤرقاً
هيتجمع المُهندسين من تاني
وهترجع انت للشعر زي أيام الجامعة تاني

:-)

hend anwar said...

كلمات جميلة تسلمى

انا حره said...

ياااه جميله اوى بجد

تسلم اديك

واسفه عالغياب

admelmasry said...

يا مراكبي
ـــــــــــــــ
تحياتي اليك يا هندسة ... شكرا علي المتابعه المستمرة وشكرا علي القراءة المتأنية .. الانترنت والفيس بوك والبحث عن لقمة العيش زحمة اشياء غير منطقية تتجمع تجعل من الصعب فعلا ان يستقطع المرا منا من وقته دقائق قليلة ليقرا بوستا هنا او هنا .. لك تحياتي وشكرا علي دعمك المتواصل


شمس الحرية
ـــــــــــــــ
شكرا لمرورك


حرة
ــــــ
ليكي واحشة كبيرة جدا وياريت بلاش غياب

rubyabdou said...

bgad ana mesh 2adra akteb 2ay comment 3ala ally 2areto l2eny mesh la2ya klam ywazyeh f gamalo masha2 allah 3alek ya Adam ya tara lesa fakrny walaaaaaaaaaaaaa???!!!:((

Anonymous said...

ana shams el ma3'yeeb 3ala fekra:))

admelmasry said...

ياروبي والله فاكرك ودخلت عندك كتير ومتضايق من الغيبة دي حمدلله علي سلامتك

Nouran said...

(Y) :D
حلوة اوي :)