Pages

Subscribe:

Friday, April 10, 2009

ملتحق بالجيش

هايكستب تجيند تجنيييييد
.
.
قاربت ايامي علي الانتهاء وحان موعد الانصراف الحتمي الازلي المستفز ، يقترب الموعد حينا فجينا .. وتتمثل امامي المشاهد كل يوم
.
يوم الرحيل .. يوم الاستقبال .. المبيت .. المطعم ... السرير .. اشياء تتمثل امامي اتخيل منها قدر المستطاع واحاول جاهدا تخيل التفاصيل
.
قد تطيل مده غيابي الاولي .. شهرا .. خمون يوما .. لا ادري .. ولكني حتما سوف اعود .. هم يقولون ان الجيش مصنع الرجال
ولكن عندما كنت في الخامسة .. صحوت من نومي علي بكاء جارتنا (( ام علي )) والجميع يواسيها في ابنها (( علي )) يقولون انه مات ف الجيش
.
مناورات الجيش صعبة وهناك فاقد لا ينظرون اليه ولا يلقون له بالا .. عندما قضيت التربية العسكرية اثناء فترة الدراسة بالجامعه كنت حكمدارا .. لا يقوم بشيء فقد اعد الطابور .. واحصر الغياب والحضور .. لاجلس باقي يومي في غرفة مستقلة لا احضر محاضرات ولا اشترك في اعداد ابحاث
.
ان شغلت مخك هتوصل .. لو تخنت مخك مش هتخرج
هكذا اتلقى النصيحة من كل من يعلم دخولي للجيش .. حتى تخيل لي ان الغباء صفة عامة علي كل داخليه وان الذكي من يشغل مخه عمله نادرة بالداخل .. ولكن ششاب مثلي مهندس ... اعتقد اني مهمها حاولت تصنع الغباء .. لن انجح ابدا
.
سأحاول قدر امكاني ان اجعل ارشيفي متواصل .. فهي عادة حاولت جاهدا علي مدار ثلاث سنوات ان احافظ عليها .. يقولون ان اولي اجازاتي بعد خمسين يوما .. ان لم اقدر علي الكتابة سوف يتولي ذلك احد اصدقائي المقربين
.
انتظروا مني مسلسلا عن يوميات جندي مجند ادم المصري

15 comments:

dramaqueen said...

ربنا يوفقك يا ادم

ان شاء الله يعدوا بسرعة

يا مراكبي said...

تروح وترجع بالسلامة

المهم ما تنساش شغلتك على المدفع إيه

novamending said...

:) يقال انهم بيرجعوا شخصيات مختلفة

bitten by vampires .. lol

good luck anyway

OldCatLady said...

ربنا معاك

و يصبرك

و فتح مخك يا حلاوة

:))

admelmasry said...

دراما كوين
ــــــــ
الله يخليكي يا جميل



يا مراكبي
ــــــ
بروورم يا باشمهنس


نوفا
ـــــ
شخصيات كرتون وهو دا الغالم الاعم


صيدلانيه مطحونة
ــــــــــــ
دا انا هدهلزه وابهلزه عشان يبرعش ويحنكش ويبقي اخر طعطعه

عمرو موافى said...

ربنا معاك يا مان

كلها شوية ايام وترجع بالسلامه

تحياتى وتقديرى ..

ابو المفاصل الواصل said...

الارنب ينصح الحمار ويواسيه
قال الارنب للحمار بصوت هادى غير انفعالى
مش بس انت المتخشب صاحب الصوت العالــى
فالبغل احمـــر منـك وتفكيره متخلف وبالى
وانا باربع مثــلك ولكن تفكيرى غير ارتجالى
ومهما استحمرت مش هتقدر تغير الحق بالتالى
فالحـــق من السماء وهينتصرعلى التوالى
والاستحماروالغباء والتخلف هيهزمان قبالى
فاعقل وفكر ودبر امورك يا خليقة الله يا غالى

dramaqueen said...

ادم
النت مضلم من غيرك
ترجع بالسلامة يارب

micheal said...

يا رب أشوف الهايكستيب دي والعة باللي فيها..دي عالم بنت تييييييت..طلعوا عيني عقبال ما خدت الإعفاء القانوني..والله يا باشا ذكريات زبالة..قعدت بتاع شهرين متشحتف عشان أشوفها
مستنيين مذكراتك
تحياتي

shady said...

أنت حتقابل مجموعة من المرضى النفسيين اللى سيبين بيوتهم وعائلتهم من غير لازمه وعند احباط من الحال اللى حواليهم ومن تردى نوع كل حاجه بيستخدموها واحساسهم إنهم لا يستطيعون القيام باى شئ من الممكن أن يوكل إليهم فى أى لحظة يعنى مركبات الناقصة متوافرة ومن هنا مطلوب إنك تنفخ فيهم قدرالمستطاع لكن بالراحه علشان ما فيرقعوش فيك


جيش ايه يار راجل سيبها على الله
أنا سامع كلام من بعيد كده إنهم ناويين يخصخصوه بيولوا ساويرس ناوى يشتريه
ويعمل به ميليشيا تخطف السفن بعد نجاح مشروع قراصنة الصومال

Mohamed Sakr said...

شد حيلك يا بوب
وربنا يكون فى عونك
وحاول تعيش قدرك رغم صعوبته

Charisma Queen said...

ربنا مع______________اك

youssef said...

قلبي معاااااااااااك

ربنا يقويك اول 45 يوم تعذيب

و بعد كده تتسهل

ربنا يقويك يا ادم

هيثم محفوظ said...

والله يل ادم مش عارف اباركلك علي الجيش ولا اواسيك بس عاوز اسالك سؤال دورت جوة دماغك علي اي نقطه انتماء منورة تنفع سبب مقنع للبهدلة دي؟
في الستينات كانت كل حاجة في مصر ماشية للنهوض تنمية انتماءشوية كلام من اللي ماتوا مع اول نفس اضطرب في عهد السادات ويبعث الان باشراف السيدة هيفاء وهبي
مش عاوز اطول عليك خد بالك من نفسك

admelmasry said...

حبايبي كل الناس متشكر جداجداجدا ع السؤال
.
.
اوعو تقلقوا انا جااااايييييييي