.JPG)
وهذا هو ادم المصري مجددا يقف بزي الارهابي
تخشاه شركة جوجل بجلالة قدرها
.
اظاهر كدا والله ان فيه ناس مهميييييييين
كلموا شكرة جوجل عني وحذروها
وعشان كدا شركة جوجل بتحاول تحذر كل بني ادم يحاول او يفكر
انه يهوب ناحية المدونة بتاعتي
.
.
دي حتي منعت ظهور المدونة بتاعتي
في كل نتايج البحث
لدرجة يا محترمييين
اني مش لاقي المدونة بتاعتي في اول مية نتيجة بحث مباشر عن المدونة
انا كتبت
مدونة في عمق الحياة
مافيش فايدة
حطها بين اقواس .. كان العن واضل سبيلا
كتبت ادم المصري
قولت اكتب في عمق الحياة بدون مدونة
بس ايه كانت النتيجة
النتيجة قدامكوا يا حضرات
والدليل قالولوا
.
.
.
شايفين يا جدعان لينك التحذير دا
مش لاقيه في اي مدونة غير مدونتي انا بس
حد يقولي ليه ؟؟؟؟؟
يا جوجل اشمعنا انا يا جوجل ؟؟؟؟؟
.
انا قولت يمكن دي هي جوجل
بتحاول تعمل كدا عشان ماحدش ينسب لها الكلام اللي في المدونات
ولا حاجة .. خصوصا بعد حركة السجون والاعتقالات
.
اتاريها مقصوده يا خونا مقصووووووده
وانا من موقعي هذا اشجب واستنكر وادين
كل من يحاول ان
يغرر او يسؤ سمعة مدونتي الطاهر الشريفة العفيفة
.
انا قولت اجرب مدونات تانية الاقيها بتخش عادي
.
جربت اكتب مدونات في السيرش بتطلع معايا عادي
.
دي مدونة اشرف توفيق اخف دم ، ومدونة الاستاذ احمد شوقير
اشمعني انا بقي .. افهما دي
7 comments:
انا متعودة أدخل عندك من وقت للتانى من وقت للتانى أشوف ايه الأخبار
بس الورنينج فزعنى شوية...قلت ايه و أنا داخلة فين وأنا مش واخدة بالى؟؟؟
بس هى المشكلة كلها فى الناس اللى شايفة انه كونك مختلف دى حاجة تستاهل ضرب النار...فى ناس الصراحة مبتعجبهاش يا آدم و دول مش لازمينك و فى نفس الوقت...الناس دى ملقتش حاجة غير الحركة العبيطة دىو ده ان اثبت حاجة هيثبت انهم عارفين انهم تبع سياسة القطيع يبقا مينفعش يتعاملو غير معاملة القطيع...بس متقلقش لو عملو ايه الناس هتفضل تقرالك
:)
سلامات
طب شوف بقا جراتى فى انى عديت الورننج دا ودخلت
بس علفكرة
وانا بعمل جولة دلوقتى قابلتنى فى اكتر من بلوج
بس كلهم فى بينهم عامل مشترك
ربنا يجعل كلامنا خفيف عليهم
:)
صحيح ليه
هو في في السيتنج حاجه اذا كان محتوي المدونه للبالغين بس يمكن ان دست عليه وانت مش واخد بالك
؟؟
غريبه اوي
ولا انت عملت حاجه غلط ومش عاوز تقول
صيدلانية مطحونة
ـــــــــــــ
متشكر جدا جدا يا فندم علي الكلام الجميل دا ، المشكلة تكمن في معرفة مين الفاعل ، هل هي شركة جوجل فعلا ولا مجموعة من الناس المسيطرين واللي ليهم سلطة فعلا ، ولا مجموعة شباب بتفهم كويس في النت
وعلي اساس ذلك هيتحدد رد الفعل المناسب ، لكن طول ما انا مش فاهم مين اللي ورا الحكاية دي ، مش هاعرف اعمل حاجة
break
ـــــــــ
سبحان الله دا من حظي ، ان لسه فيه ناس عندها الجراة الكافية اللي بتخليها تغامر
بس انت ما قولتيش ياعني شكلة ايه العامل المشترك دا ، عشان اعرف بس يمكن يكون العيب مني
بنت القمر
ـــــــــــ
والله حكاية الستينج دا جايز والله اعلم ، هابقي ادور اما عملت حاجة غلط او صح
فانا الارشيف بتاعي قدامكوا انا مش بادئ انهاردة ولا امبارح والناس هي اللي تحكم
معتقدش بسبب حاجه انت عملتها
او حتي في حد وراها
انا شفت الحكاية دي في اكتر من مدونة
و بتحصل كتييير اووي
غالبا بيبق automatic
من جوجل
و علي فكرة و انا داخله دلوقتي المدونة مفيش حاجه طلعت
جت سليمة :D
عادي بقي..حاجات كتير في العالم غير منطقية
بس أتمني إنها تكون غباوة نتاوية
لأنك لو مستقصدينك وإنت لسه مقلتش كل اللي في نفسك أصلاً يبقي الديكتاتورية الغبية مبقتش لاقية حاجة تعملها وبقوا بيخبطوا وخلاص
تحياتي وسليمة المرة دي :)
اللي انا فاهماه يا آدم
ان ده تقييم قراء
من فترة-واعتقد لسه موجودة- كان في لينك كده تضغط عليه لو محتويات المدونة مش عجباك
وهما بعد وصول عدد معين من الشكاوي-معتقدش حد بيراجع اصلا -بيتعمل اوتوماتيك عليها تحذير
Post a Comment