Pages

Subscribe:

Wednesday, February 13, 2008

فن وسيما (1-2)؟

اشعر باستغراب شديد مما اشاهده مؤخرا علي شاشة التليفزيون حين يستضيفون ممثلثا كبيرا في السن ، لقد اصبحت الان المكانات الاجتماعية وقدر الفنان يوازي سنه .. فالممثل القدير هو الممثل الشيخ الذي شارف علي الموت او قارب علي الاعتزال
.
ابدا اولا من حيث الناقد علي ابو شادي .. رئيس الرقابة علي المصنفات الفنية .. والذي رايته في برنامجا البارحة يدافع عن حرية الفن والفنانين ، مهاجما الصحفيين ودعاه الردة باسم الاخلاق هجومهم علي الحرية ودعوتهم بعودة مقص الرقيب من جديد
.
في البدء لم استوعب جيدا الموقف كيف لدعاة الحرية ينقلبون فجاة ليطالبون بالنقيض ، يطالبون بعودة مقص الرقيب مرة اخري ، وكيف للقريب هو الذي يعتلي منبر التحدث عن الحرية ويتولي مسئولية الدفاع عنها ... اسئلة شلت تفكيري فهذا الوضع الغريب في الزمن الغريب لا ينبا بخير اطلاقا
.
تكون مفهومة ومبررة ان يصرخ الناس والصحفيين والفنانين في وجه الرقابة للمطالبة بمزيد من الحرية ، ولكن ان يحدث العكس فهذا لا اجد له تفسيرا عندي .. غير ان من كانوا يطالبون بالحرية اعتقدوا انهم بمطالبتهم بها .. لن يكونوا تحت بؤرة الضوء الذي يفضح ما يحدث في الظلام
.
بعد انتهاء البرنامج وبكل اسف غيرت القناة لاشاهد اللبيت بيتك ، لافاجأ بتامر امين هذا المذيع الذي لا يعرف في حياته الا كيفية ان يشلني ويزيد من مرارتي حتي يرتفع ضغطي ووتورم اذناي حتي اصبح مثل دراكولا باذن طويلة .. اعرف ان الحمار ايضا باذن طويلة ولكن دعونا من ذلك الان .. هذا المذيع الفظ كان يجري حوارا مملا مستفذا مع الممثل المعروف يوسف شعبان
.
بالطبع تاريخ يوسف شعبان يكفيه بان يذكر كممثل بارع جدا وله قدره ومكانته .. ولكن انا شخصيا استفذ جدا جدا من الطريقة التي يتسول بيها ممثلونا الذين كبروا سننا حتي يقبلهم هذا او ذاك في دور هنا او هنا
.
وافاجئ بعبارات مستفزة مثل ايام الزمن الجميل ، الفن النظيف
وهلم جرا .. وكان الممثلون العواجيز هم وحدهم اصحاب وجة النظر التي يجب ان تحترم ويجب ان يستعين بهم الممثلون الشباب الذي حولوا السنيما في مصر الي حالة من الهياج والتفاهه
وانا اري ان لا احد من هذا الجيل المزعوم قدم فنا حقيقا يجب ان يحترم عليه ويجعل منهم ابطالا يخلدون كلما ذكرت السنيما او الفن في مصر
.
لا اذكر شيئا جيدا قامت به ليلي علوي او الهام شاهين او هالة صدقي او نبيلة عبيد او حتي يسرا سوي افلام تافهه عبيطة
لا اذكر شيئا قام به فاروق الفيشاوي او حسين فهمي او عزت العلايلي او غيرهم من هؤلاء العواجيز القديرين غير تافاهات لا اتذكر اسمائها
.
اعتقد ان الشباب والشباب في هذه الفترة من عمر السينما المصرية هو الذي استطاع ان يجعل في مصر طفرة حقيقة في صناعه السينما .. بالفعل هناك افلام تافهه .. ولكن كم الافلام الجيدة كثير جدا ومتنوع جدا بالفعل
فيلم مثل عمارة يعقوبيان هذا مخرجه شاب لم يتجاوز العشرون عاما . هو معجزة بالفعل
.
يغيظني ايضا ان تجد في تتر المسلسلات والافلام .. كلمة الممثل القدير
محمد ريحان .. هو عجوز ظهر فجاة في الممثلثلات .. يمثل الان دورا في مسلسل السماح بطولة محمود يسن علي قناة الدراما ... هو الخادم في بين كبير العيلة هو ممثل قدير
عايدة عبد العزيز .. ايضا هي ممثلة قديرة وغيرهم .. تجد نفس الممثل في عدة مسلسلات .. حسب مجموعة الممثلين المصاحبين له في العمل يتوقف تسميته .. فهو ممثل قدير او بطولة حسب راي الممثل صاحب التمثيلية اصلا
وكأن القدر الفني او المكانة ليست بكم الاعمال وجودتها انما هو بسن الممثل .. فالممثل العجوز هو الممثل القدير وكان شباب الممثلين رغم انهم هم الان عصب الاعمال الفنية والدرامية ليسوا بالقدر الكافي فنيا
.
اخيرا اود ان استفسر عن وضع الفنانين داخل مصرنا المحروسة .. لماذا الفنان او الممثل الذي يمرض او يصاب باذي يجب علي الدولة مراعاته والتكفل بعلاجة ، هو لا مؤاخذة ناقص فلوس، يقال انها نوع من الوفاء بالجميل
انا اقول ان التمثيل مهنه كأي مهنة .. يعمل فيها الراغب فيها ، وياخذ اجره بالكامل .. لماذا اذن يدعوا من يدعوا ان لهم حق علي البلد وانهم حينما يشيخو في السن او يمرضوا يجب علي كل الناس ان يزوروهم وان يتبرعوا لهم بثمن العلاج وان يسيروا في جنازاتهم بعد الوفاه
.
كل مصري يحب بلدة مثل بل اكثر من اي ممثل فهناك الدكتور والمهندس والمدرس والمحامي .. لماذا لا يتم معهم ما يتم مع الممثلين والمغنيين ولاعبي كرة القدم هل هم اشد وطنية من غيرهم ام ماذا؟؟؟؟؟
.
.
للحديث بقية

11 comments:

احـمـد عصـام said...

في البداية بجد الموضوع اللي بتتكلم فيه مستفز ويغيظ ولكن أحب أوضحلك أو أفكرك أن في أجيال كتير صنعوا السينما المصرية من أول الريحاني والكسار و يوسف وهبي و زكي طليمات و من بعدهم أنور وجدي ويحيى شاهين وأمينة رزق و زكي رستم و المليجي وفريد شوقي واسماعيل ياسين والنابلسي وزينات صدقي ومن بعدهم شكري سرحان و رشدي أباظةو سعاد حسني و عمر الشريف و أحمد رمزي وغيرهم ومن بعدهم عادل امام و محمود يس ونور الشريف ومحمود عبدالعزيز ...الخ ولكل هؤلاء و غيرهم مجموعة من الأفلام العبقرية التي لا تنسى وهي ما يطلق عليه الأن تاريخ السينما المصريةأنا معاك أن في هطل كتير أتعمل بس دا ميلغيش الحاجات الكويسه اللي اتعملت .
أما بالنسبه للسينما النظيفه اللي اتكلم عليها يوسف شعبان فالأفلام اللبنانيه في الستينات و السبعينات تشهد على السينما النظيفه أوي اللي قدموها.
أما بقى العلاج على نفقة الدوله فينطبق عليه المثل الشعبي ( اللي يلاقي دلع و ميدلعش يبقى ....) هتعمل ايه بقى بلدك كده.
تحياتي لك أيها الصعلوك
دمت رافضاً

نوري said...

انا معاك في انه دلوقتي
ممكن يكون الممثل يقدر بسنه
ولكن من ضمن الناس الي انت ذكرتهم منهم من قدم اشياء جيده
وبدون ذكر لاسمائهم عشان منخسرش بعض
بس انا من رائ ان مثلا
عادل امام ده
ملوش انه يشتهر كده
ويكون الزعيم
ماشي تمثيله كويس بس
بينشر فكر ومعتقدات
فاشله وسيئه للمجتمع
وبتبوظه اكتر مهو بايظ
وبعدين انت سألت
ليه الدكتور والمحامي مبيتقدروش كده
انا من رائ لانهم ناس مش مشهورين
لكن ع سبيل المثال لو اتبرعت
شركه او حته الحكومه بعلاج ممثل
الدنيا كلها هتعرف
وهو ده مربط الفرس
لاننا دنيا منظره وبس
اسعدتني بموضوعك جدا
وبست وشز فور يو

syzef said...

ايه يعم اخمد الزحمة دي..انت فتحت الف موضوع وعايزنا نقول راينا ف ده كله مرة واحدة..بداية من الحرية مرورا بشخصية اشخاص معينة لحد قيمة الفنان ودراسة فنه لحد علاجهم علي نفقة الدولة

ايه يابني ده كله ..كل نقطة من دول وربنا عايزة اكتر من بوست..مش تخطفنا كده والاخر تقول لنا للحديث بقية ..ايه يعم احمد ده

دراما كوين said...

ازيك يا احمد
وحشتنى مدونتك
بص يا سيدى
هى دى مصر
بنهتم باللعب وننسى الجد وفخورين جدا اننا هوليود الشرق
لك ان تفخر بهذا
بعدين اللى بيعمله الفنانين الكبار مش تسول بس زى ما هما فرحوا ناس كتير من حقهم كمان يفرحوا او يتمتعوا زى ما متعونا
اما بقى ليه مش بنقدر الدكاترة وامحاميين والمهندسين
فدة انا ماعرفوش لو عرفت ابقى قوللى

Human said...

ده يدل كم الهبل اللي احنا عايشين فيه ...والمجتمع وتفكيرة القاصر ...اللعيبة والممثلين وكأن هؤلاء هم من اصبحوا الشغل الشاغل لنا ...أقول ايه عالم فاضية ..كلها محاولات لإلهائنا عن الحقيقة

sarah la tulipe rose said...

غالبا دي صارت عادة فيالبلد لان القدوة في الاخ الاكبر القدير برضه!..اشمعني الممثلين الكبار في السن يعني جرت العادة فيالبلد دي ان كلمة"قدير" تتاخد للي فوق السبعين زي بالظبط كلمة"حكيم" كدة!
و طبيعي ان كل جيل شايف نفسه الجيل النظيف و ما اتي بعده لا يحمل اي مضمون لانهم خلصوا علي المضمون م زمان لكن ما يمنعش ان فعلا افلام الخمسينات الستينات كانت مرحلة رائعة في تاريخ السينما المصرية و هي الي علمت في اذهاننا لحد الان

عـمـرو قـطامـش said...

يا ادم باختصار انت تحولت الى دكتور فى النقد و ده مش لطيف قوى .. هو لطيف ... بس مش قوى
حسسنا بقى ان انت شاااااعر شاااااب

DantY ElMasrY said...
This comment has been removed by the author.
DantY ElMasrY said...

انت بتستغرب على اللى بيعملوه مع العواجيز ؟
اومال تقول ايه على اللى بعملوه مع الموتى ؟قال نجيب محفوظ :إذا مات الرجل نسجت حوله الأساطير فى حارتنا ؟
الحرافيش

وائل فتحى said...

- ياااااااااه
اولا ده حقد طبقى يا محمدافندى

- وثانيا كويس ان انت
لسه بتتفقع وتستغرب وتندهش

وإلا منين ييجى ابداع يا برنس
بس

ادم المصري said...

احمد عصام
ــــــ
طبعا انا مقدر دور الناس دي كلها لكن انا مش هاعمل تقرير عن حال السينيما في مصر انا ياعني باتكلم عن حجات عيتها قول مثلا اخر عشرين سنه ف مصر .. لكن اللي انت ذكرتهم دول هو اللي عملوا في مصر السيما من قبل ما كانت بتتدرس في بنشات


نوري
ـــــ
للاسف اختلف معاكي ويمكن ف البقية اللي اشرت اليها هجيب عن كل ممثل شوية .. لكن احب اكد لك ان عادل امام اكثر اولاد جيله موهبة غير انه لم ينزلق في هوجة افلام الاعلانات


سيزيف
ــــــــــ
فعلا انا اتكلمت عن حجات كتير
وكان كلامي يتميز بالعشوائية الشديدة ولكن اعزرني يا صديقي
فالامر كان يبدو لي بهذه العشوائية ايضا وكما كنت اري نقلت اليكم ولكن سوف اتناول الموضوع بتاني اكثر في البقية


دراما كوين
ــــــــــ
ما تقلقيش
اول ما هعرف هتكوني اول واحدة اقولها
هو انا ف ديك الساعه


انسان
ـــــــ
للاسف فعلا هي محاولات للاهاء ولكن ما يحزن حقا انها تؤتي ثمارها
لك تحياتي


ليتل بلو روز
ــــــــــ
يا مرحبا
اولا اتفق معك جدا ف افلام الخمسينات والستنيات بحق هي المرحلة الذهبية في تاريخ السنما المصرية .. ولكن عندما اسرح في مقارنه بين افلام الستينات بمقاييس عصرها وافلام دلوقتي بمقاييس عصرنا احس اننا بنرجع لورا مش بمنشي لقدام


عمرو قطامش
ـــــــ
ياصحبي انت عارف .. انت النبي الا نبي
اما انا ادم الشيطان
سيبك من كل دا انت ايه رايك في الافلام دي ؟؟؟



دانتي المصري
ــــــــــ
هذا العن واضل سبيلا
بس هنقول ايه .. بلد بتاعت هطل صحيح


وائل فتحي
ـــــــــ
هو من ناحية حقد طبقي فهو حقد طبقي
عندك مانع بقي هههههههه
واحشني يا لذيذ