Pages

Subscribe:

Saturday, January 26, 2008

جحا والحمار ابو ميه وخمسين


في متابعه لوصلة الهرتلة نهرتل

.

.

مرة جحا كان نازل يشتري حمار من السوق .. فنزل وهو معاه مية وخمسين جنيه بس ، فراح السوق لقي الحمار بيتباع بـــ بمية وخمسين جنيه ، فتضايق جدا وقعد يفكر .. يشتري الحمار بكل الفلوس اللي معاه ولا يعمل ايه ؟ .. وبعدين هيقعد من غير فلوس ؟ هيجيب الاكل منين واللبس منين واتضايق جدا جدا جدا فقعد يشتم ويزعق ويقول انتوا حرامية ليه .. هي الحمير غالية ليه .. وروح بيتهم ومااشتراش حاجة

.

.

بعد اسبوع نزل جحا معاه خمسميت جنيه وعازم النية انه هيشتري الحمار ، فراح السوق فلقي الحمار بيتباع بــــ تلتميتت جنيه .. فقال للبياع امال الحمير ليه رخيصة انهارة ياعني ؟ .. فاستغرب البياع جدا .. قاله ازاي يا حجا .. دا التمن ذاد الضعف .. ياعني لما يكون بــ مية وخمسين يكون غالي ، ولما يبقي بــ تلتمية رخيص
قفاله جحا .. اه طبعا ، اصل المرة اللي فاتت .. ماكنش معايا تمنه .. لكن المرة دي معايا تمنه وزياده كمان !!!!!!!!
سس
.
.
من هنا نتعلم ايه يا حلوين
ـــــــــــــــــــــ
ممكن يكون قدامك شيء غالي جدا انت عايزه بعشرة جنيه ... لكن العشرة جنيه هي كل الفلوس اللي تملكها دلوقتي ،ولو اشتريت الشيء دا .. هتحطه قدامك وتغني معاه ظلموه ، لكن ممكن يجي عليك يوم تلاقي نفس الشيء بمليون جنيه .. فتشتريه .. وانت مبسوط جدا ومش حاسس ان المبلغ مأثر معاك

12 comments:

Unknown said...

مساء الهرتلة يا باشا
هي دي الهرتلة ولا بلاش
وان كانت كل هرتلتك من هذا النوع يبقى هرتل براحتك
.
.
وانت ازيك كده؟؟
:)

خمسة فضفضة said...

السلام عليكم ورحمة الله وبركاته

تصدق نظرية برضو

^ H@fSS@^ said...

والله جحا عنده حق
لذلك انا بتبع الحكمة اللي بتقول
اصرف مافي الجيب ياتيك ما في الغيب
مش هي كده برضو؟؟

ا بـن عــمــر said...

أظن ان دى أول مرة أدخل على مدونتك
قصة حلوة
الشىء فعلا زى مابنكون احنا شايفينه

إنسان || Human said...

فعلاً ...الحاجه زي ماحنا شايفينها ...كل سنة وانت طيب يا آدم

يا مراكبي said...

المرة دي مش هرتلة ولو إن شكلها هرتله

اللي إنت قلته ده حقيقة بجد .. إن شاء الله ربنا يزيدك من نعيمه وتكتشف الحقيقة دي في المستقبل وتفتكر الكلام ده وتستغرب وتضحك

شهر ديسمبر said...

اه انا برضه كنت نازل اشترى
حمار وكان تمنه كل الفلوس اللى معايا
بس انا اشتريته
اومال ايه
ده حمار يا عم ادم
هو ايه حاجه
انت لو هتستلف
عشان الحمار
لازم تجيبه
كفايه انك هتنام فى بيت واحد
وايا الحمار

Anonymous said...

ممكن يكون قدامك شيء غالي جدا انت عايزه بعشرة جنيه ... لكن العشرة جنيه هي كل الفلوس اللي تملكها دلوقتي ،ولو اشتريت الشيء دا .. هتحطه قدامك وتغني معاه ظلموه
ممكن يكون هو ده اللى بيحصل دلوقتى للشعب المصرى وشعوب تانيعه والحمد لله على كل حاجه وموضوعك جميل
amr

Roushdy said...

باشا ....
ستي الله يرحمها كانت ديما تقول :
في السوق جمل ولاجمل بمليم ( ومعيش مليم ) يبقى الجمل غالي

نظرية سليمة بس قديمة قوي قوي

أحمد رشدي

توهة said...

كل يوم وانت طيب

لأن كل سنه وانت طيب حتبقى متأخره قوى

ان شاء الله تكون الامنتحانات تمت على خير
على فكره انا قريت القصه بتاعت مش انا ارتبطت وغاظتنى جدا لدرجه انى معرفتش اعلق


اما هذا البوست حاسه انك موجهه لأطفال وايه حتة الدروس المستفاده دى


بس على العموم كل واحد بيمر بفترة زى ما بتقول هرتله فى الكتابه فعادى هرتل ونحن معك

وبس

Anonymous said...

هيا مش هرتله ولا حاجه دى واقعيه جدا

فكرتنى بحوار عن ان فى شوز ب5000 جنيه و لما سئلت ليه بيتكلم ؟؟ طيب مين هيشترى الهبل ده
قالولى الى معاه مليون
نسبه وتناسب يعنى كل واحد على حسب معاه كام..امتى

Bongo said...

السلام عليكم

هي نظرية ..
بس مش كل الناس هتشوفها كده
في اللي هيشتري الحمار من الأول من منطلق اصرف ما في الجيب
و في اللي و هو معاه ال 500 بردو هيشوف الحمار غالي !!

مدونة لذيذة , أول زيارة