Pages

Subscribe:

Monday, September 17, 2007

رمضان كريم يا بلوجرية

اولا : كل سنه وانتوا طيبين رمضااااااااااان كريم
هي متاخرة بس معلشي العتب ع اللي صحاني متاخر بقي
*
*
انا كنت ظابط المنبه من اسبوع كدا ع الاقل
بس هنقول ايه بقي اديني لسه صاحي
....
بصراحه لما كتبت البوست الاخراني دا
كان نفسي اكتب بوست تاني واقول عن الاحداث والمواقف
اللي حصلت في اللقاء
لكن تفاعل الناس كان سلبي معايا جدا بصراحه
*
*
حسيت بنبرة اتهام صريحة في كل كلمة
وكاني اذنبت جدا لما حضرت لقاء في شخصية
زي شخصية جمال مبارك
*
*
ودا بقي معناه في نظرهم اني حزب وطني
وان الحزب الوطني بتاعي
واني وحزبي مش عارف ايه
وكاني اشتركت ف عملية جاسوسية لصالح اسرائيل مثلا
*
*
*
انا بصراحه باشكر الناس جدا جدا جدا
لانهم خلوني افكر بشكل مختلف الي حد ما
والله بجد بجد راودتني وانا بقرا التعليقات
افكار غريبه
هي الناس دي زعلانه ليه ؟
عشان حسني مبارك ؟
ولا جمال ؟
ولا التوريث ؟
ولا عشان انا قابلت جمال اصلا ؟
ولا عشان الاكل اللي كلته في اللقاء ؟
*
*
*
بصراحه بعد طول تفكير
قولت وفيها ايه لو كنت حزب وطني
ما كدا الناس زعلانه وكدا الناس زعلانه
اهم حاجة اني انا
*
***************
ادم الــمـصــري
**************
*
اكون راضي عن نفسي
وعلي اثر ذلك
انا فلا حطيت فكرة انضمامي للحزب
تحت قيد الدراسه
*
*
*
سيبونا بقي م الحزب والسياسية
نستوني اني اقول
كل سنه وانتوا طيبين
رمضان كريم يا بلوجرية
*
*
*
*
خبر جميل بقي
بس يارب يفلت من المعارضين يارب
*
*
*
*********************
*********************
*
*
*
صديقي الجميل
والشاعر الموهوب
والممثل الفنان
*
*
شريكي في مدونة في العتمة
عمل برنامج بيتذاع حاليا في رمضان
*
*
*
**********************
شعراء ولكن ظرفاء
***********************
*
*
*
دا كان اسم البرنامج
هو عمل خلال الشهر ست حلقات
انتوا ممكن تتابعوا البرنامج علي قناة اسمها
*
*
*
******************
البــــــــــــــــــوادي
******************
*
*
*
القناة علي العرب سات
من كل قلبي بقلك مبرووووووووووووووووك يا عمرو
عقبال ما تعمل حلقات الشهر كله
الف الف الف مبروك
*
*
احب اقول برده كل سنه ونتوا طيبين تاني
بس المرة دي
عشان الدراسة
يلا ادي مناسبتين مرة واحدة
ربنا بيكرم برده
*
*
*
احيانا باكون مسترسل جدا في الكلام
ومرة واحده
باقف
مش لاقي كلام اقوله
مش عارف هل دا لاني خلصت ؟
او لان الكلام هيكون بدون جدوي ؟
ولا عشان ايه ؟
لكن اللي باكون متاكد منه ساعتها
اني لازم اسكت
وعشان كدا
احب اقول
سلاااااااااااااااااااااااااااااااااااام

22 comments:

Unknown said...

وانت طيب يا آدم

فيك غايب ليه؟؟؟ وحشنا والله

متزعلش الناس جابت آخرها ومش طايقة
أي حاجة تفكرها بالهم


مستنين باقي الحكاية

بس الإنضمام ده بجد؟؟؟؟

الظاهر الأكل كان جامد أوي
:P

بتتكلم جد ولا بتغيظنا

على العموم كل سنة وانت طيب وابقى فكر تاني بعد الفطار
:)

ما علينا said...

كل سنة وانت طيب يا اخ ادم

ويا سيدي زي انت ما قلت
مش انت راضي عن نفسك
وانت زي ما انت ادم المصري

يبقى خلاص

ودي عادة البشر

حطوك في ركن المعارضة
يبقى ممنوع تجتمع في مكان مع الخصوم
والا تبقى بتناقض نفسك ومبادئك

طيب ليه
ما هي فرصة للاطلاع على الاوضاع عن قرب


اوعى تكون وقعت معاه وثيقة بيع
المدونين


حلوة اوي حكاية ان الناس زعلت منك دي

اكونش دلوقت باعلق عند خاين وجاسوس

يا عم المهم
انت نفسك وعارف نفسك

وكل سنة وانت طيب وبالف خير

http://kasperb4.blogspot.com/ said...

كل سنة وانت طيب
:)

إيمــــان ســعد said...

سلام عليكم

مالك يا ادم؟؟

طمني عليك يا ابنى


حاسة انك مش مظبوط من اخر مرة اتكلمنا

اخبار رمضان معاك ايه دلوقتى؟

إيمــــان ســعد said...

صحيح

ابقى شوف اللينك ده و قوللى رأيك

http://darsawsan.blogspot.com/

اصلى فكرت فى حاجة كده

:)

فى القلب said...

كل سنه و أنتى بألف صحه و سعاده
و السنه ألى جايه تكون محقق كل أمنياتك


ولونى أشك أنك تقدر تحقق أى حاجه فى ظل قياده الحزب الحاكم


عموماً ليك حق تفكر
بعد ما أنا شفت مقابلات جمى مع طلبه الجامعات على T.V

طبعاً واد صاحب كاريزما جامده جداً

جنتل جان هادئ أرستقراطى متفهم مستوعب مثقف
المقابلات فكرتنى بالأمريكان ساعه المنافسه على الحكم
نفس الديكور
نفس الكرسى العالى ألى جمى كان قاعد عليه
نفس الجو
الفرق
أن جمى بينافس نفسه مكنش فى حد أمامه
و كان حوليه أتنين من أرجوزات بابا

يسدوا فى أى جواب ناقص له


بصراحه ألى بهرررررنى الطلبه
مكنتش أتخيل أن شباب مصر الصغير فى السن على هذا الوعى و الثقافه و الثقه فى النفس برغم ملامح الفقر ألى و كلهم
و كان السبب الرئيسى و الأساسى فى هذه الملامح
بابا أبو جمى

يا ريت مننساش كل ده أمام المبهر الجان المؤثر جمى

ممكن متبقاش فقير بس شريف تحس بالأخر

و مره تانيه كل سنه و عم الكل بألف صحه و محقق كل أمنياته

غمض عينيك said...

كل ينة وانت طيب ياباشا
وعاش من شافك
كل دي غيبة

رمضان كريم
محمد سمير

سابرينا said...

كل سنه وانت طيب يا أددددددددم
مفيش فايده لسه زي ماانت!!!
هتعزمنا فين السنه دي!!!!!

طارق مكى said...

ادم صديقى
----------
كل سنه وانتا بصحه وسلام
وانا موفقك اهم حاجه تبق ادم زى محنا عرفينو

توهة said...

انا بصراحه ماشفتش التعليقات على البوست اللى فات لكن بالنسبه لى انا وانا بقرأ البوست قعدت اقول فى عقل بالى لو مكان ادم اهو دلوقتى وقدام جمال حعمل طبعا وماأدراك بالمواقف البطوليه اللى عملتها فى خيالى البسيط

بس هو فى ناس كده بتعرض على اى حاجه وبقوه من غير حتى ما تفهم وجهة نظر اللى قدامها

واشترك يا سيدى فى الحزب انا اسمع ان العيال زاميلى فى الكليه بيكسبوا من وراه فلوس ازاى معرفش وأهو اللى يجى منه احسن منه

اصل كده كده الحكومه فوق راسنا نستفيد منها احسن

بس انا عن نفسى محبش اشترك فى الحزب الوطنى لأنى لى ميول سياسيه اخرى وشايفه ان الاحزاب هى خاربه البلد


بس بقى المهم كل سنه وانت طيب ورمضان كريم ونصيحه متكملمش بقية اللقاء

dramaqueen said...

كل سنة وانت طيب يا أدم
وحمد الله على السلامة بقالك كتير مش كتبت حاجة

كل سنة وانت طيب ويارب السنة احلى من اللى فاتت واللى قبلها

Nouran said...

لا يا ادمز ليه كدا انا كنت عايزه اعرف النظاره الشمس بتاعه مين كده تنفضلنا زي ما فيه اللي اضايق من الموضوع فيه اللي اضايق وانت معودنا انك تكتب اللي انت عايزه صح ولا انا غلطانة ؟؟
المهم يعني قولي ايه اللي حصل بعد كده
ورمضان كريم ياا ادمز كل سنة وانت طيب :)

Anonymous said...

كل سنة وإنت طيب يا آدم
ماتزعلش من الناس يا آدم
هم يمكن استغربو و لا حاجة
و رمضان كريم
منى

محمد مصطفى said...

و انت طيب يا باشا

حنين و حنان said...

وانت طيب علي فكرة مش مهم انت حزب وطني او عيره المهم انك تقدر تعبر عن رايك في حزبك و يسمعوا كلامك او يعملولك اهميه دي شاكليااااااااااات و بعدين لو جيت قولتلك ان جارك الي ادامك الي عايش عيشت الملوك صابعوا واجعوا و انت تعبان مش لاقي حق الاكل والدواء بزمتك هايبقي موقفك ايه ؟؟؟؟ الناس مهمومة يا مصري

عين ضيقة said...

رمضان كريم بقى

ايه بقى الكلام الكتير اللى مالهوش لازمة ده؟

انت تكتب اللى تكتبه انت حر
والناس تقول اللى عايزة تقوله

كونهم مش فاهمين ان فيه حدث مهم حصل فى حياتك فدى مشكلتهم
وبعدين ماله جمال وماله الريس؟
وربنا كلهم بتمنوا يشوفوه من بعيد مش يتكلموا ويتناقشوا ويوصلو فكرهم بالطريقة الصح

ياباشمهندس
خليك دايما واخد خطوة لقدام

كل سنة وانت طيب

شهر ديسمبر said...

سيبك انت
التلاجه الحلوه ما تتعوضش
بس حاول
تصحى السنه الجايه
فى معادك
وكل سنه
وانت طيب جدا
خالص
قوى
تمام

admelmasry said...

انونيمس
ــــــ
يا صديقي الصدوق انا موجود
متشكر جدا علي سؤالك يا صاحبي
واوعدك اني علا هانشر باقي الحكاية


ما عليها
ـــــ
ياريت الناس فعلا تهم الموق بوجهة نظرك دي فعلا لان الحدث اللي حصلي ي حياتي دا مش سهل ومش بيتكرر اشكرك مرة تانية
وتحياتي



الام وامال
ـــــــ
وانتي طيبة



بنت سعد
ــــــــ
الغائبة والحاضرة في وقت واحد
لا تنشغلي كثيرا
لان عمر الشقي بقي
والسلام



ي القلب
ــــــــ
انتي شوتي برنامج وجهة نظر يا
" ةفي "
دا اللقاء اللي انا حضرته فعلا .. بس زي ما انا قولت انا كنت قاعد في دور علوي من المسرح وبعد الندوة ما خلصت روحنا اتغدينا مع جيمي
لو اللي بهرك فعلا الطلبة .. فدا صدقيني ناتج من الشغل اللي تم
لاننا قضينا التلات تيام اللي قبل اللقاء في ندوات
بالفعل مواضيعها كانت مقترحه من قبل ادارة المعسكر
لكن صدقيني اي معارض ماكنش هيقترح احسن منها
العنواين هي
الفساد *
اقتصاديات ومشاكل التعليم *
الاصلاح السياسي *
السياسة الخارجية *
اتعمل فعلا اربع حلقات قاش بين طلبة كل جامعه وبعضها ي الممواضيع دي .. احنا اللي كنا بنسال واحنا اللي كنا بندير الحوار وفي الاخر بنلخص الحلقة ونسلمها .. المناجئة فعلا .. ان الطلبة كانت مييح
لولا الاعداد دا من قبل ادارة المعسكر .. ماكنتيش شوتي حد بيسال اصلا
تحياتي والسلام



محمد سمير
ــــــــ
وانت طيب يا حبيبي
الله اكرم


صابرينا
ــــــــ
ازيك يا صابي .. ايه بقي ؟
ياعني ايه لسه زي ما انا دي ؟
حاجة حلوة ولا حاجة وحشة ياعني ؟
تكونشي شتومة دي ؟
ع العموم كل سنه وانتي طيبة
ورمضان كريم



طارق مكي
ـــــــــ
صاحبي وصديقي
واخي في الله
اشكرك كثيرا واوعدك ان ادم اللي انت عرفته مش ممكن هيتغير
تحياتي ليك يا صاحبي



توهه
ــــــ
بما اني عارف اصلا توجهاتك السياسية
وطبعا اساسي مش مواق عليها انا هاقبل نصيحتك وعلا بكر جديا ي الانضمام للحزب
كلمة بقي ي الخباثة كدا
انتي واحشة البلوج جدا




دراما كوين
ـــــــــ
وانتي طيبة يا
" اميرة "
مش عارف ليه كل ما اجي اكتب اسمك افتكر اليلم بتاع سعاد حسني
اميرة حبي انا
بعد كدا ترجمة اسمك هتكون اميرة حبي انا
تحياتي والسلام




نونو الشمعة
ــــــ
كل سنه وانتي طيبة يا عسل
وانشاء الله مش هوعلك ابدا وهاقولك النضارة فعلا بتاعت مين
كل سنه وانتي طيبة يا جميل



مني
ـــــ
استغربوا ؟
يمكن ع العموم انا مش زعلان
كل سنه وانتي طيبة
والله اكرم





مادوا
ــــــــ
وانتي بالف صحة



حنان وحنين
ــــــــ
انا شايف نفسي اكتر واحد حاسس بالناس
والمدونة دي تشهد عليا وتشهد علي مواق كتير
اهم حاجة جوايا اني متواق جدا مع نفسي
شكرا لمرورك
ورمضان كريم


ضي بكرة اللي هو اسماء
ــــــــــــــــــــــ
كلامك فعلا فارق كتير جدا معايا
فعلا الناس مش مقدرة الموقف
تعري اني لما روحت اشبوع شباب المنصورة والمنوفية كنت ي طابور العرض اللي بيمشي قدام الريس
ما تتخيليش كم الشوق اللي كان بيقي موجود ي عيون الناس عشان تشوفه او حتي تشاور له رغم انهم هما نفسهم اللي بيشتموا فيه برده
لكن هنقول ايه شعب فعلا مريض نفسيا


شهر ....
ــــــــــ
انا عايز اعر بقي انت واخد السنه كلها لحسابك ولا ايه ؟
ياعم فكك بقي
واحشني يا برنس

شهر ديسمبر said...

والله ل أعلق تانى
بص
عشان برضه
الكلام اللى كتر
انا ما خدتش غير
يناير
ومارس
وديسمبر
وفى الأيام
يوم التلات
يعنى لسه فيه كتير فى السنه
انت وحشنى اكتر والله
وحاول نتقابل فى عين شمس
انا هحاول اروح
اتصلوا بيه
وهسيب الشغل مخصصوص عشان اشوفك
بس
وانت عامل ايه

Nohaz said...

خليك صريح كع نفسك
اي حد فينا لو جت له فرصة لقاء الرئيس هيرفض؟؟؟
لا طبعا و الي يقولك كده كداب في اصل وشه
لان مهما كان ديكتاتور اهو هو كبير البلد و الي ماسكها و وجودك معاه يبقي انت شخصية فيك حاجة مميزة

كل سنة و انت طيب
و ادعي لي عشان انا سبت الشغل القديم و شغالة مؤقت دلوقت
بدور علي شغل فدعائك لي يا باشا بقي في رمضان يمكن يستجاب لك

وتاخد ثواب الدعاء بظاهر الغيب لاختك

kaed said...

كل سنة و أنت طيب يا أدم يا مصرى
ويعود عليك الأيام بخير

تمر حنه said...

ادم يا مصرى
عايزة أقولك .. كل سنة و انت طيب و واحشنى .. (حالة) !!ا