Pages

Subscribe:

Thursday, August 30, 2007

معسكر القادة المتميزين وجمال مبارك

اهلا اصدقائي وصدقاتي المدونين والمدونات

البنين منكم والبنات

اما بعد


طبعا انتوا عارفين اني كنت في الاسكندرية

عشان لقاء الريس



طبعا انتوا عارفين دلوقتي ان فيه اوشاعه كبيرة جدا

ماليه البلد وهي ان الريس

بعافية حبتين

وطبعا كان وجود الريس في المعسكر دا

هينفي اي اوشاعه م الاساس

ولكن




اللي حصل ان جيمي هو اللي جه ومش الريس

ولكن




في الجرايد بتاعت ذات نفس اليوم

بتقول ان الريس كان مجتمع مع شوية قاده عرب

والله اعلم





المهم بدل ما ابدا معاكم من الاخر

تعالوا نبتدي الحكاية من الاول




صلوا ع النبي

في البداية .. اتصلت بيا مشرفة الجامعه عشان اطلع لقاء الريس .. للعلم اللي يطلع لقاء الريس هي الناس المتميزين فقط الي طلعوا معهد اعداد القاده اللي في حلوان.. وبما اني ما روحتش اعداد القاده .. فانا طلعت لقاء الريس كوسة


يوم السبت والحد والاتنين كنا بناخد فترات ما قبل الغدا في ورش عمل وحلقات نقاش في مواضيع سياسية مختلفة .. هما فقط محددين راس الموضوع ياعني العنوان ... وبعد كدا احنا بنتاقش ونتحاور ونسجل الحوار ونسلمه لادارة المعسكر اخر الندوة

.


طبعا مش عايز امدح في نفسي

لاني رجل افعال لا اقوال





اختاروا من كل جامعة عشرة .... هما اللي هيقابلو الشخصية المهمة اللي جاية .... كان فيه تعتيم تام علي اسم الشخصية دي .... احنا ماعرفناش ان اللي جاي هو جمال مبارك الا قبل القاء بيوم ... طبعا بالليل كنا بنقضيها ندوات مع شخصيات سياسية


ياعني مرة استاذ اقتصاد وعلوم سياسية معرفشي من جاعة ايه

ومرة عادل لبيب محافظ الاسكندرية

ومرة هاني هلال وزير التعليم العالي


نيجي بقي ليوم اللقاء 00 من العشرة اللي اختاروهم من كل جامعه... خدوا تمانية ، ياعني المجموع في الاخر وصل لحوالي ميه وعشرين طالب من اصل الف وخمسميت طالب حاضرين المعسكر ... اختيار الطلبة كان مسؤلية مشرف الجامعه علي اساس القدرة علي الحوار والنقاش ودا اللي كان ظاهر واحنا بنعمل ورش العمل



الميه وعشرين طالب قسموهم نصين ستين طالب كانوا قاعدين علي المنصة ورا جمال مبارك للي فيكم شاف اللقاء وكان مهمتهم هي القاء الاسئلة علي سمع سيادة ابن السيد الرئيس ( طويل العمر يطول عمره ) والستين التانين اللي انا كنت منهم قاعدين مخفيين ورا لحد ما الندوة خلصت اربع سعات ندوة مع السيد جيمي طبعا انا كنت بنام واصحي وانام واصحي .... فما حدش يتوقع مني اني اقول لكم ايه اللي حصل في الندوة



المهم بعد ما خلصت الندوة خدوا الستين المخفيين اللي انا كنت منهم ونزلنا من ورا علشان نتغدي مع سيادة ابن السيد الرئيس ( طويل العمر يطول عمره ) ومش عايز يا جماعه اقولكم علي اللي حصل ... كافة انواع الاكل واللحوم اللي ما اعرفشي اسمها واللي اعرف طبعا الاكل كان اوبن بوفيه والعصائر كلها فريش بالاضافة الي الاحجة الساقعه واللي عايز شي او نسكافيه برده كان موجود

بس طبعا مش دا المهم .... المهم انك واقف بتاكل مع اهم شخصيات في البلد
جمال مبارك
رشيد محمد رشيد وزير الصناعه
وهاني هلال وزير التعليم العالي
محمد هيبه امين شباب الحزب الوطني
د محمد كمال مش عارف بتاع ايه
د عبد الحي عبيد رئيس جامعتنا سابقا (حلوان ) ورئيس معهد اعداد القاده حاليا
غير طبعا اهم ناس وهما الحرس الشخصي لسيادة ابن السيد الرئيس ( طويل العمر يطول عمره )

كان محشور في حلقي سؤال
روحت بصراحه رابط النية وشادد العزم وتوجهت الي سياده ابن الرئيس (طويل العمر00 الخ ) وقولت له




انا قولت :لوسمحت يا استاذ جمال ... ع النت مؤخرا فيه مدونة ظهرت كان اسمها الوريث صاحبها كان بيمضي باسم حضرتك وكان بيكتب بلسان حضرتك

قالي : دا مزور بقي

قولت له: والله الشباب محتارين ... سيادتك فعلا ناوي تنزل لمستوي الشباب وتاطبهم بلغتهم وتكسبهم في صفك ولا دا كان واحد بيحاول انه يبحث عن الشهرة

قالي : اظن انت دلوقتي عرفت هتقولهم ايه ؟

قولت له : اه طبعا خلاص بس هل حضرتك عندك وسائل الخاصة في التقرب للشباب ومخاطبتهم غير الندوات والمعسكرات دي طبعا واللي هي بالتاكيد قاصرة علي فئة معينه من شباب الجامعة اللي هما بالطبع مش بيمثوا كل شباب المجمتع ؟

قالي : والله انا كل اخباري موجوده علي موقع الحزب ... لكن انا مش هاعمل حاجة اتكلم فيها بشخصي وعن شخصي ... لازم يكون الحديث من خلال قناة حزبية

طبعا وهنا الكلام وقف باوامر من ناس كتيرة عشان ناس كتيرة تانية تعرف تتكلم

المهم بقي انا وقفت مع المذيع عبد اللطيف المناوي .. والدكتور محمد كمال .. وكنت باسالهم عن بعض المواد اللي اتغيرت في الدستور وفجاه كل الناس المهمين دول اختفوا فجاة

وفضلت علي الترابيزة اللي كنت واقف عليها انا عبد اللطيف المناوي ود محمد كمال
نــــــضـــــــارة شـــــــــمـــــــــــــس


في احقة القادمة انشاء الله ... هابقي احكي لكم ... النضارة دي بتاعت مين

32 comments:

دولة خرابستان العظمى said...

يا عم ادم عايزين نعرف حاكم خرابستان على حاكم المهروسة

Ahmed Shokeir said...

ماعرفش انت جبت مرارة منين تخليك تحضر الحاجات دي

واضح انك على اعتاب الإنضام للحزب قريبا

عموما شيئ كويس يكون لينا مدون قريب من النظام بدل ماكلهم كده بيكتب من منازلهم

عين ضيقة said...

عشت وشوفتك بتاكل مع ابن الريس ياقلب أمك


لولولولولىىىىى

voice of love said...

انا بقى ياسيدى كنت زبونة دائمة فى معهد اعداد القادة ومعسكر شباب الجامعات لحد ما حلوان واسكندرية زهقوا منى ومن طلعتى البهية
حمدالله على السلامة
وتعيش وتاخد غيرها أقصد كل معسكر وانت طيب

يا مراكبي said...

ماشية معاك ياعم .. إبقى إفتكرنا لما تبقى أمين عام لجنة ماعرفش إيه والحاجات الغريبة دي

هو البوست ده بجد بجد حصل؟

sa7arkash said...

انا عاوزة اعرف دى اشتغالة ولا اية النظام؟؟
عامة لو كلن الكلام دة بجد ...فاللى على على ياعم وهنيالك يا سيدى

اوبن بوفية ....وجمال....وكبارات البلد....لا واية رحت سالت جمال عن المدونة------شوف ازاى.
..
..
عموما الجعان يحلم بسوق العيش

متغيرة شوية said...

انت وصلت للدرجة دي يا ادم باشا..تاكل مع جيمي..يا خاين:)

حمدالله على السلامة يا عم

عصفور المدينة said...

احنا صحاب يا عمو أدهم من أيام المدونات المتطورة صح ولا إيه
خليك فاكرني
وبعدين هو مين اللي مرشح نفسه بالظبط الوريث ولا رجل الأفعال لا الأقوال
تحياتي وأحسن الله عزاءك في وقتك

Anonymous said...

وانت رجعت لنا سالم غانم فعلا؟؟؟؟؟؟



يا خوفي يا بدران يكونوا خدوا قطرك و ح يعملولك عمل
تنضم بيه للحزب
يا اما يخفوك ورا الشمس

:(

عـمـرو قـطامـش said...

حمدا لله على سلامتك
وعود احمد
و ربنا يكرمك ان انت طمنتنا على صحة الريس
الهى يطمن قلبك دايما يا مطمنا
عايز اشوفك بكرة يا حقير على القهوة بتاعتنا

Nouran said...

كلت مع ابن الريس وكلمته والمدونة مطلعتش بتاعته :(

بس يعني بتقدر تقعد مع الناس ديه وتحضر الحجات ديه ؟؟

غمض عينيك said...

ااااههه
خد بالك بقه احسن كده انت هتتراقب
كلت وشربت مع ابن الريس وكمان اتكلمت ع المدونة

ربنا يستر بقى على الراجل اللي بيكتب باسمة
الله يرحمه

مستنينك تكمل ياباشا

محمد سمير

فى القلب said...

ههههههههههههههههههه



بقه كنت بتكلم سى جمى



دى نكته





أبقى أتغطى كويس والنبى يا أدم

Bossy said...

السلام عليكم

حمد لله علي السلامه
وربنا يطمنا علي الريس
بس بامانه السؤال حلو اووي

ربنا يوفقك فكرتني بايام المعسكرات
كانت بتخنق بس والله ايام جميله جدا
اشكرك علي مرورك
ومستنين النظاره الشمس

يا مصر اكتب إليكي رسائلي said...

يسرني ان اتقدم بخالص التهاني وأطيب التمنيات
لكم والأسرة الكريمة والأصدقاء
بمناسبة حلول شهر رمضان المبارك ،
أعاده الله علينا وعليكم وعلى مصرنا الحبيبة
بالخير واليمن والبركات
تقبل الله وكل عام وانتم بخير

Unknown said...

انا باحقد عليك إيه الأكل والبغددة دى يا راجل ده انت اكلت اكل

admelmasry said...

8دولة خربستان العظمي
ـــــــــــ
انا ممكن اكلملك جيمي صاحبي يتوسطلك في الحكاية دي



احمد شوقير
ـــــــــ
تعرف والله .. كلامك معقول جدا .. انا فعلا هافكر في الحكاية دي .. لا ودلوقتي جيمي صاحبي وحبيبي ومش هيتاخر عني ابدا في اي حاجة




عيون ضيقة .. وكفاية انها شايفاني
ــــــــــــ
بصي يا ست عيون
عايز اقولك .. ان امي هي اللي طبخت لنا الاكل اصلا



صوت الحب
ــــــــــ
طب ياعني طلعنا زمايل بقي .. بس المهم انتي قابلتي الريس قبل كدا ؟
علشان انا بافكر اعمل جمعية اسمها جمعية اللي قابلوا الريس ... واعمل جمعية تانية واسميها جمعية اللي اتغدوا معاه .. لازم تحددي موقفك علشان نفعل عضويتك في الجمعية دي




يا مراكبي
ــــــــــ
من عنيا من عنيا ما تقلقشي هابقي افترك دايما
بس انا احب ءاكد لك حاجة
البوست فعلا حصل



سحركتش
ـــــــــ
ههههههههههه
وانا منظري جعان ياعني
ماشي .. ع العموم هي مش اشتغالة
وانا واثق جدا اني لو كنت كتبت الموضوع اشتغالة اصلا .. كانت الناس صدقت لكن عشان بقول اللي حصل الناس مش مصدقة
معلشي .. المرة الجاية هابقي اشتغلكوا




متغيرة شوية
ــــــــــ
والله يا سوسو كان نفسي تكوني معايا
لانهم كانوا عاملين صنف الاكل اللي انتي بتحبيه




استااااااذ عصفوووور
ــــــــــــــــــــ
اولا اسمي : ادم المصري
ثانيا : انا احاول قدر الامكان علي حسب قدراتي واماكناتي ان استغل وقتي جيدا
ثالثا : احنا بالفعل مازلنا اصدقاء



ابيتاف
ـــــــــ
يا هلا يا هلا
اخيرا شوفتك هنا
شوفتي يا ايبي .. رجعت غانم فعلا .. ولا غانم ايه
نضارة شمس




عمرو قطامش
ــــــــــ
طب دلوقتي انا مش عارف الكومنت دا كتبته امتي
انا بقي اروح القهوة يوم ايه ؟
ههههههههههه




نوران
ـــــــ
هههههههه
اه والله كلمته


محمد باشا سمير
ــــــــــــ
انشاء الله ياريس هنكمل دعواتك معانا بس




في القلب
ــــــــــ
ماكنتش فاكر اني دمي خفيف للدرجة دي ... بس احب اقولك اني فعلا باتغطي كويس
ودا حقيقة موش حلم
ها ... بطلو حقد بقي
هههههههه




بوسي
ـــــــ
ربا يكرمك يا جميل
مشكر جدا والله انتي اللي رفعتي من روحي المعدنية .. ربنا يكرمك



يا مصر اكتب اليكي رسائلي
ــــــــــ
اظاهر حضرتك داخل غلط في الخط
بس ع العموم كل سنه وانت طيب



ابو امل
ــــــــ
يا عم لا حقد ولا حاجة .. دا كان اكل باشوات انا بس اللي بانفخ في الاكل .. اسكت اسكت ما تفضحنيش



تحياتي للجميع

Anonymous said...

عزيزي آدم
سعدت كثيرا جدا بزيارتي لمدونتك الرائعة
و سعدت أكثر بالغنوة الرقيقة
تحياتي عزيزي
منى المحمودي

صاحب البوابــة said...

كل عام وأنتم بخير

يهل رمضان من بعيد

حاملاً لي أحلى الذكريات دائماً

أصدق العبرات حتماً

أخلص العبادات دوماً

لرمضان عندي مكانة خاصة

ولكم أنتم أيضاً

يا أحبابـــي

فكل عام وأنتم بخير

وأنتم إلى الله أقرب وعلى طاعته أدوم

كراكيب عادل said...

دة كلام كبير

عصفور المدينة said...

أيوة يا سيدي عارف ان حضرتك أ آدم بس قصدي اعمل لك اسم حركي عشان اخبيك

انت عارف وقتك اللي انا عزيتك فيه هو وقتك اللي ضيعه لك الجماعة دول

هيثم محفوظ said...

ادم
هو جيمى رخم فى الحقيقة زى ما بيطلع فى التليفزيون .
وبعدين كام شعورك ايه وانتا كنت بتكلمه.. نحب نعرف..
وبعدين انتا طلعت المعسكر ده ليه اصلا .. هيه ناقصه

Mony The Angel said...

7amdel3alsalama
hope u enjoyed ur time there
w kol snaa wenta tayeb :)

Anonymous said...

بس يا آدم يا حبيب ألبى

الموضوع اصله كبير

الموضوع كرنب
واحنا ملناش فى اللف


المهم

رمضان كريم
كل سنة وانت طيب وبخير

نهر الحب said...

طيب اصدقك ازاي؟؟؟

اذا كان انت ةعامل عندك سبع تلف سنة وانت شاب زينا اهه

كده برضه متعديش عليه في اسكندرية ولا حتي في المدونة؟؟

Anonymous said...

رمضان كريم
و حزبك أكرم

malak said...

كل عام وانت بخير ورمضان كررررررريم

تحياتى

عصفور بلا أجنحة said...

جيت بس اقول كل سنة وانت طيب

Unknown said...

ايه يا عم انت اختفيت فين؟؟

لازم بقينا مش قد المقام بعد جيمي وشلته؟؟

كده يا يساري تبعنا عند أول منعطف تاريخي فيه أكل؟؟
:)

لا صحيح انا كنت مستني باقي التفاصيل عشان أعلق مرة واحدة بس انت طولت أوي

فقلت اجي اسلم وبالمرة أقولك كل سنة وانت طيب يارفيق أفكاري

شهر ديسمبر said...

والله يا احمد فى واحد كان
خانقنى فى الموضوع وانا عن نفسى ما بحبوش
هو اسمه محمود يسين
دمه واقف ومش عارف مين اللى مسئول عن اختيار الأشخاص
لأن اكيد على شاكلته كتيييييير
بس اكيد يحمد له اختيارك
لأنك كما قلت رجل افعال لا
اقوال
وده شعار حملتنا الانتخابيه
وبس

طارق مكى said...

ادم صديقى الصدوق

اتخرت عليك كتير معلش مشغل والله يا مان
بس انا زعلان المفروض حتتيت فى رغيق على كام حتت لحمه فى كيس
وتيجى تبر اصاحبك الى الاستاذ جمل ميعرفش عنهم حاجه خلاص من عوام الشعب الى بقو مرد لا بد التخلص منو

voice of love said...

انت فين يا عم ؟؟
ايه الغيبة دى ؟