Pages

Subscribe:

Tuesday, July 31, 2007

محاولة للصول الي ماهية الشعر

احاول ان اجعل قلبي
محض شعر
.
.
_1_
.
لما الوجود ويا العدم
يتلخبطوا
وتبقي مش عارف حياتك
ماشية ليه وازاي وفين .. ولحد فين
يبقي انت واقف فوق طريق
حتما يودي لسكتين
ياتموت
وانت روحك لسه فيك
ياتعيش
بعد موتك بالسنين
.
.
قلبي يصير الان
محض شعر
.
.
_2_
.
لما دمي فيا يتقطر كلام
لما بكرة بتاعي بس
يبقي مش عايز ينام
يبقي حاجة جديدة فيا بتتولد
ساعتها
وساعتها بس ... !!! س
هارفع المنديل بتاعي
وامسح عرقي بعناية واقول
يا بلد .... !!!!س
عرقي فيكي مش خسارة
.
..
.
قلبي الان قاروة حبر
لاقلام الشعراء
.
.
_3_
.
احترت كثيرا ما بين
الواجب حقا
وبين الاسهل لي
احاول قدر الامكان
ان اسموا بالواجب قدرا
ويحاول قدري بعناد
ان يسقي لي قلبي خمرا
ما بين الاسهل والواجب
احترت
وتحتار الدنيا
ولكني
متاكد أني
لا اشبه احدا في الدنيا
.
.
.
هل فشلت حقا
ان اصبح محض شعر ؟؟؟

18 comments:

smraa alnil said...

مش فاكرة النص بتاع نجيب سرور اوي
بس مجمال الكلام
ان الشعر مش وزن ولا قافية
الشعر لما بيتحس ويطلع كلام يوصل ويتحس برضه دة اللي تسميه شعر

يعني مش شرط انه يكون موزون ومقفي وحاجات تقيلة

انا بسمي دة غباء التفعيلة

الاول دور علي ايه هو مفهوم انك تفشل


تصدق بقي بعيد عن ام البوست دة اني هرتكب فيك جريمة بجد
انت فينك يااااااااض

ادوني حجرة ولا عصايا حته
وحياة توتي يا ادم مانا هسيبك
ماشي
انت عارف طبعا انا لما بشتمك بقولك ايه
انا هسكت بس عشان برستيجي ادام الناس

dramaqueen said...

ادم باشا
كلامك جامد كالعادة

لما الوجود ويا العدم
يتلخبطوا
وتبقي مش عارف حياتك
ماشية ليه وازاي وفين .. ولحد فين
يبقي انت واقف فوق طريق
حتما يودي لسكتين
ياتموت
وانت روحك لسه فيك
ياتعيش
بعد موتك بالسنين

بالذات الجزء دة
او يمكن دة الجزء الوحيد اللى فهمته
مش عارفة
المهم
الحمد لله انك بخير ولسة بتكتب حاجات جميلة

دينا فهمي said...

لما الوجود ويا العدم
يتلخبطوا
وتبقي مش عارف حياتك
ماشية ليه وازاي وفين .. ولحد فين
يبقي انت واقف فوق طريق
حتما يودي لسكتين
ياتموت
وانت روحك لسه فيك
ياتعيش
بعد موتك بالسنين
.


جامدة جداااااااااا

بياترتس said...

حلو الربط ده ياادم
عجبنى

Mony The Angel said...

7elw awe ya adam bgad

w thanks enak kont bted3eely :)
w sorry en althanks de gat met2a5ara kda :$

فى القلب said...

أنت يا جدع انت مش كان ربنا هداك فى البوست الى فات
أنت تعبنا معاك كده ليه
يابنى دى اقدار الله ارضى عشان ترتاح
صدقنى يا ادم مفيش حد مرتاح
خلق الانسان فى كبد
حتى اما توصل لل انت عايزه
هتلاقى برضه ربنا بعتلك حاجه يختبرك بيها
وبعدين عايزه افهم حتة
أنك متاكد انك لا تشبه أحد فى الدنيا
لأ ياحبيبى كلنا ولاد تسعه ولا احنا سبعه وانت تسعه
أه أبل مأقول تحياتى
طول ما احنا بنادى الواجب اكيد هنام واحنا مرتاحين حتى لو كان الواجب كله تعب ومحدش مأدره
بس ربنا مأدره
تحياتى

محروس said...

تعال وقول تعليقك على
يبقى انت اكيد في مصر

عـمـرو قـطامـش said...

انا مبسوط ان انت لسه عايش و بتكتب شعر و مش هاقعد اواسيك و اقولك استحمل يا ادم كل الناس تعبانين
امال يا عزيزى لما ترتاح مين هايكتب شعر يوقف لنا شعرنا ...... ماتاخذنيش : يارب ماترتاح ياادم عشان تفضل مبدع و لو كلامى ضايقك بطل تكتب شعر و اقعد فى البيت اتفرج على متشات الاهلى و اشرب ينسون و افتكرنى قبل ما تنام

Unknown said...

يا بني لو ده مش شعر
يبقى لازم معنى كلمة شعر يتغير
..
بجد المقطع الأول رائع لأقصى حد
خلاني أقعد أفكر كتير كتير لغاية ما مخي و قلبي وجعوني
..

Reemo said...

قلت أعدى أسلم عليك
ازيك :))

نهر الحب said...

ازيك
ايه الاخبار انا كنت بزورك كتير بس كنت فتره كبيره مش بتكتب وقريت البوست اللي فات و عجبني قوي ان الانسان لازم يصبر و يعتمدعلي الله

انا بس جيت اعزمك عندي عشان حاجه مهمه جدا يا ريت تشرفني

علي فكره كلامك حلو بس في نبرة حزن

sa7arkash said...

اية يا عم الاحساس العالى دة...تعبيراتك حلوة قوى..واكيد نجحت طبعا...بس يا سيدى من دة كتييييييييييييييييييير..مش عارفة انت لية فاكر نفسك لوحدك؟؟ياعم ال77مليون مافيش منهم الا 500 هما اللى اتعتقوا والباقى.....كلة زمل

islamventura said...

حاول تانى
و ان شاء الله تعمل حاجة حلوة
فى فكرة

هيثم محفوظ said...

اولا منور راس البر يا معلم
على فكرة هكون عندك الاسبوع الجاى ولمدة اسبوع بحالة
حلو اوى يا ادم اللى انتا كتبة وحلو اوى اوى رقم واحد وحلو اوى تعبير (محض شعر) جامد جدا .
امسك فى نفسك يا ادم
سلام يا جميل

admelmasry said...

سمراء
ـــــ
عادة اكتب لا اعترف بشعر غير موزون
في القافية احيانا تحدثني نفسي
اما بخصوص العصاية فهي هدية مني لك
اضربي كيف شئتي



دراما كويس
ــــــــ
دا لانه احب جزء لقلبي


امراة تقول الذي لا يقال
ـــــــ
شكرا جدا


بياترس
ــــ
شكرا بياترس


موني ذا انجل
ــــــــ
كفاية تشريفك عندي
دي لوحدها تسوي كتير



في القلب
ــــــ
تصدقي وتامني بايه ؟
قولي لا اله الا الله
.
.
.
انا مش عارف مالي



محروس
ـــــ
انشاء الله


عمرو قطامش
ـــــــــ
تعرف ياعمرو
انا نفسي في ايه دلوقتي حالا ؟
والله ما انت عارف
طب بص .. هاكتبلك في اخر الصفحة خالص يمكن تكون خمنت صح




انونيموس
ــــــــــ
والله وماليك عليا حلفان
انا قلبي بيفرح جدا لما باشوف تعليقك



ريمو
ــ
الحمد لله



نهر الحزن
ـــــــ
اغرب ما في الموضوع انك انتي اللي مستغربة الحزن
مش واخدة بالك من اسمك ولا ايه ؟


سحر
ــــ
بصراحه مش عارف انطق الاسم صح واخيرا عرفت انك بنت ماشي ادي معلومة
لكن الاسم ايه بقي
ولما سالتك برده مش قولتي .. مش عارف انطقه خالص



اسلام
ــــــ
اشكرك ع النصيحة


هيثم محفوظ
ـــــــــ
انا شبعت منك كلام
وبقيت ما بصدقشي



.
.
.
.
.
اليك يا عرو قطامش
.
.
.
.
انا يابن الحلال نفسي اخدك حضن جامد من بتوع زمان
وحشني مووووووووووووووووووووووت

Nohaz said...

واحشتوني موتتتتتتتتتتت

شهر ديسمبر said...

جميل النص
وننتظر المزيد

مَلَكة said...

أفتكر إحنا اللي فشلنا نصبح محض بني آدمين!

سؤال عبثي
ليه بنهتم نكتب حاجات حلوة تعجب الناس مع إننا بندّعي إننا بنكتب عشان احنا عايزين نكتب؟؟!!