Pages

Subscribe:

Monday, July 23, 2007

وَلَسَوْفَ يُعْطِيكَ رَبُّكَ فَتَرْضَى

اجازة يا قلبي م العذاب
.
.
وَلَسَوْفَ يُعْطِيكَ رَبُّكَ فَتَرْضَى
.
.
الفترة اللي فاتت فترة عذاب بمعني كلمة عذاب
مش عارف ليه الواحد سعات بيختار
ألمه بايده
.
.
احيانا بيخترع لنفسه مبررات علشان يصبر نفسه
وفي نفس ذات الوقت بيلاقي نفسه تكدبه
وهي حياه وبنعيشها
.
.
.
كنت بجد حاسس بضيق
وتعب .. ونفسيه مدمرة
من اكل لنوم لشرب
لناس ماعندهاش زوق
.
.
.
في عز تفكيري في حالي
.
وفي حياتي
.
وفي اكلي
.
وفي شربي
.
وفي نومتي
.
وفي صاحب الشغل
.
وفي الراجل بتاع العربية اياه اللي رشني بالمية
.
.
.
جه صوت مقرئ من الراديو
.
.
والضُّحَى*وَاللَّيْلِ إِذَا سَجَى
.
مَا وَدَّعَكَ رَبُّكَ وَمَا قَلَى
.
.
الله
منتهي الجمال
ياسلام
ربنا بيسمعني وبيكلمني
انا مش مصدق وداني
كل هموم الدنيا بتقع من علي كتافي
راحه ما شوفتهاش في حياتي
ربنا بيكلمني انا
العبد العاصي
.
.
وَلَلْآخِرَةُ خَيْرٌ لَّكَ مِنَ الْأُولَى
فعلا يارب .. !!! س
.
.
وَلَسَوْفَ يُعْطِيكَ رَبُّكَ فَتَرْضَى
بجد يارب ؟
.
.
أَلَمْ يَجِدْكَ يَتِيماً فَآوَى ؟؟؟؟؟
ايوة يارب
.
.
وَوَجَدَكَ ضَالّاً فَهَدَى ؟؟؟؟؟
ايوة يارب
.
.
وَوَجَدَكَ عَائِلاً فَأَغْنَى ؟؟؟؟
ايوة يارب
.
.
فَأَمَّا الْيَتِيمَ فَلَا تَقْهَرْ
حاضر يارب
.
.
وَأَمَّا السَّائِلَ فَلَا تَنْهَرْ
حاضر يارب
.
.
وَأَمَّا بِنِعْمَةِ رَبِّكَ فَحَدِّثْ
نعمة ؟
انا في نعمة
رغم كل العذاب دا يارب انا في نعمة ؟
.
.
ربنا بيقولي اني في نعمة
ولازم احدث بيها
.
.
.
لا والشيخ لحم الصور اللي بعديها لحم في السورة دي وكمل
علي طول
.
.
.
أَلَمْ نَشْرَحْ لَكَ صَدْرَكَ
ايوة يارب
.
.
وَوَضَعْنَا عَنكَ وِزْرَكَ
بجد يارب ؟
.
.
الَّذِي أَنقَضَ ظَهْرَكَ
اه والله يارب
.
.
وَرَفَعْنَا لَكَ ذِكْرَكَ
بجد يارب
بجد والنبي ؟
بس ازاي وانا جربوع في الدنيا دي
اكيد القدر مخبي لي حاجة
.
.
فَإِنَّ مَعَ الْعُسْرِ يُسْرًا
حاضر يارب هاصبر
.
.
إِنَّ مَعَ الْعُسْرِ يُسْرًا
وكمان بتاكد يارب ؟
انا هاصبر واحتسب عندك يارب
.
.
فَإِذَا فَرَغْتَ فَانصَبْ
وَإِلَى رَبِّكَ فَارْغَبْ
حاضر يارب
حاضر يارب
.
.
.
.
.
لا والشيخ مش يسكت كمل ومش وقف
لحم الايات في بعضها لحم
.
.
وَالتِّينِ وَالزَّيْتُونِ
ايه يارب ؟
.
.
وَطُورِ سِينِينَ
ايه يارب ؟
.
.
وَهَذَا الْبَلَدِ الْأَمِينِ
ايه يارب ؟
.
.
لَقَدْ خَلَقْنَا الْإِنسَانَ فِي أَحْسَنِ تَقْوِيمٍ
فعلا يارب
.
.
ثُمَّ رَدَدْنَاهُ أَسْفَلَ سَافِلِينَ
ليه كدا يارب؟
.
.
إِلَّا الَّذِينَ آمَنُوا وَعَمِلُوا الصَّالِحَاتِ فَلَهُمْ أَجْرٌ غَيْرُ مَمْنُونٍ
ايوة يارب
فهمت ليه
فهمت يارب
.
.
فَمَا يُكَذِّبُكَ بَعْدُ بِالدِّينِ
ماحدش يقدر يارب
.
.
أَلَيْسَ اللَّهُ بِأَحْكَمِ الْحَاكِمِينَ
طبعا يارب
.
.
.
ربنا بيقولي انه احكم الحكامين
وهو اللي حكم بحالي وحكم بحال الناس
وهو اللي خلقني في النعمة دي
يااااااااااااااااااااااااااااااه
راحه مافيش بعدها راحه
مش عارف اوصف احساسي ابدا
.
.
شكرا يارب
انا فهمت دلوقتي
ليه ؟
.
.
لان ليه دي
كان سؤال مجنني جدا
شكرا يارب

24 comments:

tona said...

بص
مقدرتش امنع نفسي من اني اقراه تاني
واني اعلق
طبعا انت عارف
باب النجار مخلع



بس بجد يا ادم الحاله جميله
ودا اللي خلاني اقراها تاني واعلق

ربنا يوفقك ديما يا ادم

شجره الدر said...

بص انت معايا دلوقتى على الماسنجر وقولتلك استنى ابرص على البوست الجديد
وانت لسه ماتعرفش انا فيا ايه
بس انا تقريبا النهارده فى نفس الحاله
انت فكرتنى دلوقتى انى مش لوحدى
بجد
انا مش لوحدى فى حد فاكرنى واكبر من كل الدنيا كلها
ومش مهم اى حد
اكيد انا هاكون احسن عشان هو فاكرنى
شكرا ياادم
شكرا يارب

Amyra said...

إِنَّ مَعَ الْعُسْرِ يُسْرًا

أكثر اية أنا مرتبطة بيها هي الاية اللي فوق

هي حكمة حياتي ...الدافعة الى الامل...هي التي تؤنسني في أكثر المواقف خوفا..هي غرامي و الخيط الذي أتشبت به

وعد الله قائم .. علاقتك مع الله مش محتاجة شيخ محتاجة اخلاص...ساعات الشيوخ يتوهو عوضا ما يهدو

دمت في سلام

البنت الشلبية said...

والله فيك الخير حسستنى بالامل وانا الدنيا مقفلة فى وشى

كتير بفتكر الآية الكريمة

وعسى ان تكرهو شئيا وهو خيرا لكم
واقول مش يمكن الى بيحصلى ده يبقى خير ليا فى الاخر واحاول الاقى امل ..وساعات ملاقيش غير الاحباط والحزن وانام واصحى تانى يوم وارمى حمولى على الله.زهوا الى عالم بحالنا كلنا

ربنا يوفقك فى حياتك ويهدينا كلنا

سلام

dramaqueen said...

سبحان الله يا ادم
مهما غلطنا ومهما بعدنا عنه
رحمته دايما واسعة
ودايما هو جنبنا وبيسبب الاسباب اللى تخلينا نخرج من الحزن والهم اللى جوانا
عشان كدة كل ما تبقى فى ضيقة احمد ربنا
اكيد شايلك وراها حاجة كويسة
تمنياتى ليك بحياة مليئة بالسعادة والهنا

sa7arkash said...

برغم صعوبة الاحساس اللى انت حاسة بس صدقنى ده مش حالك لوحدك والجميل فى الموضوع الصوره الدينيه الجمالية الرائعة دى...اللى انت خرجتنا بيها من المود الاولانى....والاغنية تحفة..بس فكها شوية..والله يا سيدى بكرة تروق وتحلى..وزى ما اتفقنا لو مش فى الدنيا يبقى فى الاخرة...ودة الاهم

aMiR-El ZaLaM said...

مش هتصدقنى لما أقولك إن المسجد كان مليان لحد آخر صف يا آدم وأنا بصلى العشا
اللى هيرجعوا لربنا كتير
كتير
الحمد لله
والله أنا بقيت فرحان جداً جداً
وفرحان بيك دلوقتى جداً جداً
والله إنى أحبك ف الله

Anonymous said...

شكرا لتتذكرة بجد
لمست جوانا حاجة كنا محتاجينها

اللهم لك الحمد كما ينبغي لجلال وجهك و عظيم سلطانك

Anonymous said...

والله ولا أحلى من التفائل في جميع الحالات ..
ليس معنى ذلك عدم الكلام عن حالاتنا جميعا بما فيها اليأس والبكاء والحزن احيانا ولكن ما دمنا نجد ما يجعل الحياة جميلة فهذا كنز من كنوز الحياة قد أمتلكناه ..
جميل أن يعيدنا الله بكل عظمتة وأن يواسينا وأن يمنحنا السلام من جديد
تلك هي نعمة الله الخالدة لجميع البشر
تحياتي

انحلت سيور العربه وسقط المهر من الاعياء said...

جميل الحوار ده


احيك
ربنا يتولا نه برحمته

تحيا تى

فى القلب said...

ورجع البركان لقواعده سالما
أول مره فى قرأتى للناس أشوف الارب ده والصدق من ربنا والعفويه وانت بتحب
فى ربنا
ربنا يكرمك
ويحقق لك ظنك بالله

kafrawy said...

قال تعالى _
ولان شكرتم لازيدنكم_

_



الحمدللة

شهر ديسمبر said...

يا أحمد
البوست
او حالة الحوار
مش
لائقه ابدا
مش عجبنى الأسلوب
سلام

yasmina said...

الحمد لله على كل حال
دايما ربنا موجود وهويتولانا في كل شيء

حوارك والايات التي وضعتها عظيمة ومؤثرة

تحياتي

إبـراهيم ... said...

بلغني إنك عديت في صمت يا واد يا آآآدم ،،، و أحب أقول لك من واجباتـك ترمي السلام ، أو تقول أي كلام



وربنا يسعدك يا سيدي دااايمًا


فين قصائدك الحلوة

يا مراكبي said...

صدق الله العظيم

كنت سألتني على موقع ممكن تآخد منه الآيات القرآنية بشكل صور .. الموقع أهو

http://quran.muslim-web.com/sura.htm?aya=002&

بالتوفيق

Unknown said...

الحمد لله ان طمأني عليــــــك
.
.
فينك؟؟
ليه مش بتزورني؟؟ ... يا أول قارئ

شيماء الجيزى said...

آدم

الامل

موجود فى كل كلمة من آيات القرآن


وانت حطيت ايدك على املك

واديت كل الناس دى امل

اتمنى ان يعطينا الله املى فى كلماته
ويلازمنى بالصبر
واكون من الصابرين

تحياتى يا اخى

عـمـرو قـطامـش said...

الفكرة حلوة يا عزيزى بس كانت عايز تفكير حبتين قبل ما تتكتب بس مش غريبة على الشاعر المبتكر احمد رافت الافكار الجامدة دى و انا مازلت عند رايى انك من اقلاء المبدعين الشباب لكن تحلى بحكمة الكبار و اتقل ع القصيدة لغاية ملتشعر انها اكتملت و يا رب عينك تيجى صدفه على كلامى و ماتنفضش تقراه ولما يسحرك كلام البنات................. وسلملى على راس البر عمرو قطامش

youssef said...

الحمد لله

admelmasry said...

اليكم جميعا
لولاكم
ما كانت روحي تحلق حولي الان
لكم مني كل التحية
وعظيم الامال

غمض عينيك said...

حمد الله ع السلامة يا ادم

فى القلب said...

عندى تاج ليك يا جميييل
أرجو الذهاب ألى مدونه مكان فى القلب وأخذه

Mony The Angel said...

:)))