Pages

Subscribe:

Friday, April 13, 2007

ماذا تريد


.

ماذا تريد ؟؟؟
.
.
.
فوجئ بنفسه بعد ان صفعه احد اصدقائه بهذا السؤال
.
.

ظل يبحث داخل طيات نفسه عن اجابة واحدة
او حتي عدة اجابات
ثم تتطرق بعيدا داخل محتواه الهامشي
فوجد انه لا يحوي حتي بعض من اجابة
.
.

نظر الي صاحبه وابتسامه تعلو فوق شفتيه
تفي بان النصر اصبح حليفة
وقال له : قل لي انت ماذا تريد ؟
.
.
فنظر صاحبه اليه بعد ان اختفت الابتسامه من علي شفتيه
وعلا بدلا منها شبح الخوف والاضطراب
ثم حوال ان يغور داخل اعماقة اللا منتهية
او كما كانت تبدو له
ثم ايقن ان محتواه الهامشي لا يحوي حتي شبح اجابة
.
.
ولكنه نظر الي صاحبه
وابتسامه تعلو فوق شفتيه
تشف عما يجول بداخلة
لقد اصبح النصر فعلا حليفة
ثم قال له : اراهنك ان كنت رايت احد مما عرفناهم
يعرف ماذا يريد

22 comments:

layal said...

الاجابه فيها تهرب
وصحيح
نادرا ما نعرف ما نريد

دوللي said...

افتكر ان السبب في ده كثره الاحتياجات و بعد المنال فالواحد بيفكر قبل ما يجاوب هو ايه اللي ممكن يتحقق مش ايه اللي اريده ولهذا تعجز النفس عن الاجابه
تحياتي

توتة توتة said...

انا كمان نسيت انا عايزة ايه

Anima said...

اللعبة دي بحبها قوي ما بتنتهيش
:)

نوري said...

انا قريت البوست ومعلقتش اول مره
بس بعدين قعدت افكر مع نفسي واقول انا عايزه ايه او محتاجه ايه ومسكت ورقه وقلم وكتبتهم وفي الاخر عرفت انا قد ايه تافهه وعبيطه وملقتش حاجه عدله غير الكليه الي نفسي ادخلها
فشكراً لتفتيح عيني
ع حاجه كانت غايبه عني
وانشاءالله هسعي لتعديلها
والبوست فعلا اكتر من رائع
و(بست وشز فور يو)000

ALiaa said...

انت شرير يا ادم...بتتوهنا و بتشتت أفكارنا
:D
طب انت عارف انت عاوز ايه؟؟
هقول لك حاجة... كلنا لينا أهداف و عارفين احنا عايزين بس بيتهيألنا اننا مش عارفين لأننا فعلا مش عارفين السبل الصح مش الأهداف
فهمتني؟؟

raspoutine said...

ادم
اولاً أزيك
ثانياً انا شايف اننا كلنا عارفين عايزين ايه
بس مش عارفين نعمل اللى عايزين
فى فرق من انك تكون تايه ومش عارف انت عايز ايه
وفرق من انك تكون عارف انت عايز ايه بس مش عارف تعمله
مفيش حد فينا مش عارف هو عايز ايه كلنا عارفين بس مش عارفين نحقق اللى احنا عايزينه لعدة اسباب منها المنطقى ومنها الغير منطقى
بس المهم اننا عارفين
اكيد انت عايز تنجح فى دراستك او شغلك او حبك او دينك او صداقتك يبقى انت عارف انت عايز ايه سواءعرفت تحقق ده او لاء
تحياتى

dr_diamond86 said...

احنا عاوزين حاجات كتير
وكتير احتياجاتنا ومطالبنا بتتغير من لحظة للحظة
بس الاهم اننا نعرف نلاقى الطريق الصح لاى شئ عاوزينه
اى شئ واحد

micheal said...

كلنا محتاجين نعرف احنا عاوزين ايه و نحدد هدفنا
تحياتي لك و ابقي خاينا نشوفك

صاحب البوابــة said...

ماذا نريد ؟؟؟

سؤال يحمل الكثير من التساؤلات اللانهائية التى لن يتم اجابتها الا بالموت وحده

تحياتي لك

ادم المصري said...

ليال
ـــــ
لم يقصد التهرب ولكنه كان يقصد النجاه
مازق الحياه سهل الهروب
ولكن امام النفس يعجز الانسان عن الهرب

دوللي
ـــــــ
عندك حق
بس لو كل الناس كانت فكرت كدا
ما كنش حد اخترع الطيارة
ولا كان حد ااخترع العربية
احيانا لازم نحلم احلام صعبة
دا حقيقي



توتة
ـــــ
اشكرك علي الصراحه


انيميا
ـــــــ
الحياه لعبة اكبر
بس صدقيني
مافيش لعبة مافيهاش
جايم اوفر



نوري
ـــــ
انتي فعلا حطيتي رجلك علي الطريق السليم ودا ان دل .. فيدل علي كونك حد ذكي وبيفهم
تحياتي


عاليا
ـــــــ
هههههه
انتي عايزة تساليني نفس السؤال ؟
طب ما انا ممكن ارد عليكي بنفس السؤال انا راخر
ههههههه
بس عموما حاسس انك قربتي الي حد ما للي بيدور جوايا
تحياتي



ايمن
ــــــــ
صديقي العزيز
اري عكسك تماما
لوكنا فعلا مدركين ماذا نريد لما واجهنا مشكلات او صعوبات في الحياه
اشعر كاني في مركب بلا شراع يتخبطها الريح
لا اعرف الي اين اذهب او لمن المصلحه في ذلك
اشكرك علي المداخلة
واحب اقولك
انك واحشني جدا



دكتور داياموند
ـــــــــــ
هي دي غلطتنا
كلنا فاهمين غلط
احنا مش عايزين حجات كتيييير
احنا مش عارفين احنا عايزين ايه ؟



مايكل
ـــــــ
تحياتك وصلت يا جميل
وانشاء الله اشوفك قريب




صاحب البوابه
ـــــــــــــ
اظن ان كثيرا جدا مَن منّ الله عليهم بنعمة المعرفه
عرفوا ماذا يريديون
ولم يدركهم الموت حينها
ارجوا ان تفكر مليا لان الموت قاس ولا يرحم .. ولن يعطيك الفرصة لكي تدرك
لك تحياتي

Epitaph said...

فقط حين تحدد ماذا تريد
ستجد هدف للحياة

:)

Yosif said...

أولا تحياتي للمدونة وصاحبها المتميزين
ثانيا بالنسبة للبوست الجميل.."لوكنا فعلا مدركين ماذا نريد لما واجهنا مشكلات او صعوبات في الحياه اشعر كاني في مركب بلا شراع يتخبطها الريح لا اعرف الي اين اذهب او لمن المصلحه في ذلك"..يمكنني تماما تصور شعورك وادراكه..أؤمن أن الحياة هي تجربة ومعرفة وفكر مجتمعين..التجارب والمعارف نتلقاها أو نندفع اليها لتكون الفكر أو الرأي الذي يمكنه اجابة سؤالك..بلا تجربة مصقولة ومعرفة لأمور كثيرة لن يمكنني أبدا صنع فكري الصريح لاجابة السؤال..ومع ذلك كثيرا ماتمر التجارب دون أن يمكن فهمهاأواستخلاص الحكمة منها فلا ضمان للفهم ومعرفة الطريق السديد أبدا..ممكن أموت قبل ماأعرف شئ من الحكمة حتي مش أكون حكيم زي ما محفوظ عايز في وصفك لنفسك في البروفايل
هو برضه قال:لاتعد نفسك من الأحياء حتي تطوف بأربعة أركان المعمورة وتمارس فيها الحب..مية مليون حاجة ممكن تندرج تحت الكلام ده أعرف بالظبط ايه اللي أعمله منها وازاي..عاوز أعمار مش عمر..وبرضه لا ضمان ارجع لسؤالك ومعرفش اجاوب..أسف جدا لتطويلي وتحياتي اليك

يا مراكبي said...

صح مائة في المائة

يهيأ لنا أننا نعرف ماذا نريد .. لكن هذا غير صحيح بالمرة

لعبنا هذه اللعبة كثرا حتى مع أنفسنا .. ودائما خاسرين .. صدقني

شهر يناير said...

تصدق
انا ممكن اكون عايز
حاجات كتيررررررررررررر
بس انا راضى بأى حاجه
ده حقيقى
انا مبرمج نفسى
او من كتر يأسى
راضى
بس
عشان كده انا مش محدد هدف
يبقى العيب فى مين
اكيد
فى الهدف الوحش اللى مش فارض نفسه
بس ياسيدى

Ezzo said...

اعتذر عن تأجيل حفل التوقيع إلى يوم الثلاثاء 17/4 الساعة 6 مساءً بمتحف الفن الحديث بدار الأوبرا المصرية
وده بسبب زيارة السيدة سوزان مبارك لدار الأوبرا يوم الأحد وطبعا التأجيل
عمل قومى لمساندة حركة التطور التى تقودها حرم الريس

حسام مراد said...

بص يا معلم مفيش واحد فين كلنا كده عارفه هوه عايز ايه
بس انا ليا امنيه انى اكون سعيد فى الدنيا والاخره ودى ممكن تبقى قريبه اوى من التفكير فى الاجابه انت فاهم انا اقصد ايه
دى من وحهه نظرى ومش شرط يعنى اكون صح

حسام مراد
شغال
عايزك تشرفنى هناك بقى اوك
سلاااااااااااااااااام

ادم المصري said...

ابيتاف
ــــــــ
اجابتك تدور حلو نفسها يا ابيتاف
فانا لم احدد ما اريد الي الان
وبالتالي فلم اد هدف للحياه الي الان


يوسف
ـــــ
اليك انت دونا عن جميع الناس .. اخذ وضعا اخرا علي الكرسي واقرا كلامك بتعمق مرة اخري واستعد فاردا ظهري
ارسل اليك تحية سلام في البداية
.
.
اولا مداخلتك في الصميم جدا .. ولم اتوقع ان يتناول احد ما كتبت بهذه الدقة والتحليل
.
.
ثانيا .. اود ان اطرق علي حروف كلامك خصوصا عندما ذكرت ان التجارب وحدها لا تكفل للانسان فهما
فقد تمر علينا الكثير منها ولكن سدى
.
.
اشكرك كثيرا علي المداخلة الترية
لك من التحيات عظيمها
ومني السلام

يا مراكبي
ــــــــــــ
فعلا
هي لعبه لا تنتهي
تحياتي لك والسلام


شهر يناير
ــــــــــــ
ههههههههه
مش لوحد اللي متبرمج
الكل يا حبي خلاص اتبمرج انه يتقبل الوضع الموجود


عز
ـــــ
الف مبروك
بس انا فرحت لما قولت هاتاجله
ما تخليك جدع وتخليه الاسبوع الجاي بقي
لحسن الاسبوع دا كله امتحانات

بياترتس said...

انا عايزه ابقى نفسى
هههههههههههههه
شوفت بقه انا عارفه انا عايزه ايه
تمام كده

الأرمـوطــي said...

انا عاوز ربع جنيه وامشى هههههه.....لا بجد انا عاوز ادخل الجنه

عصفور طل من الشباك said...

أحيانا بحس إني عارفة إني عايزة وأحيانا بيروح مني الهدف ومش ببقى شايفاه بوضوح بس أدينا بنحاول

توهة said...

ايه القصص الجامده

احنا حنافس وبقى ولا ايه

بس تصدق سؤال صعب جدااااااا؟؟؟


هو فى اجابات عارفاها واجابات لأ


بصراحه كويز صعب