Pages

Subscribe:

Monday, July 10, 2006

ملعون

ملعونه الدنيا اللي مخليه الكل عبيد
ملعون مدينه نصر الشارع فيها كأنه جديد
ملعونة المُزة الحلوة اللي تخليني اعيد وازيد
ملعونة الشقة الحُق بتاعتي عشان نطراني بعيد
ملعونة وشوش الناس حواليه خلاص مش شايف وش جديد
ملعون الشعر بكل بحوره الراكده المركب واقفة تملي بعيد
ملعون اللي يخوفني بكلمة بخ في شارع ضلمة وركن بعيد
مافاضلشي غيري ألعنه
موش هلعنه

25 comments:

حائر في دنيا الله said...

لا تلعنه يا صديقي, بل به إلعن كل هؤلاء الملاعين الذين يطلون حياتنا رعباً وظلماً وفساداً وتعقيداً
ونحن حين لا تعجبنا مسرحة هزيلة لا نلعن خشبة المسرح بل نلعن من يمثل علينا

ولك تحياتي

Gbalawy said...

العن براحتك ياخويا
وماله ياخويا وماله
فضفض براحتك
بس سيبك
كام بق جامديين
تحياتى

karakib said...

el 3enwan enta katboh 3'alat !!? wala asdak !!

يأسك وصبرك بين ايديك وانت حر
ايأس ما تيأس الحياة راح تمر
انا دقت من ده ومن ده عجبى
لقيت الصبر مر وبرضك اليأس مر
عجبى
-----------------------------
غدر الزمان يا قلبي ما لهوش أمان
و حاييجي يوم تحتاج لحبة إيمان
قلبي ارتجف و سألني أأمن بإيه؟
أأمن بإيه محتار بقالي زمان
عجبي!!


antika

change destiny said...

بقالك قد ايه مصرختش

متقوم تصرخ

شفلك شارع فاضي أو حتى مليان و صرخ

:) مش أحسن ما تلعن في سرك (بلوجك ) مش كدة برضه ؟

سندباد مصري said...

امين

voice of love said...

يعنى أغيب أغيب وأرجع ألقى علاقتك بالتفاؤل منعدمة زى ما هىّ
بس والله كلمتين جامدين
تسلم ايدك يا مبدع

أجدع واحد في الشارع said...

مش ملعون الدنيا
ولا الشارع الضالمه
ولا اى حاجه من اللى انت قلتو
ملعون الزمن اللى عمل فى الانسان كده

admelmasry said...

حبابيبي واصدقائي بحبكم واللي لانكم دايما تحسسونس اني مش لوحدي

حائر في دنيا الله
صديقي العزيز
هلعن والعن والعن
بس تفتكر انه ينفع العن لوحدي ؟\


جبلاوي
شكريا يا اخويا يا حبيبي

كراكيب
شكرا ع الاضافة الجامة طحن دي .. انا بموت في صلاح
حاجة حلوة لما اعرف انه اكتءب زي كده


راح اغير المحتوم
تصدقي والله تنفع ... ماشي
بس اخاف برده لحسن الحكومة تمسكني وتلفقلي تهمة وتقول عليا مجنون

سندباد
ولا الضالين امين ... ماشي يا ابو واخو وعم وخال ام الخبرات ..
احبك وانت راسي ع الدور


صوت الحب
بيقولوا لو الدنيا ربيع يبقا ده لون الحب .. دلوقتي يقولوا دايا فؤاد يبقي ده صوت الحب

ابن الشارع
اه والله فعلا ده كلام شوارع صحيح

بعدك على بالى said...

والله عندك حق... وان كنت لا احب ان تلعن نفسك/نفسنا

خالص مودتى

layal said...

أتمني ان نتبنى جميعا كمدونين كلمه واحده بتاريخ واحد نحدد فيه رأينا للعالم اجمع
اتمني ان ندون مدونه واحد بتاريخ 27/07/2006
كلنا كمدونين نكرر عباره واحده
كلنا مع لبنان وفلسطين ضد اسرائيل والمحتلين
بالعربي بالانجليزي المهم نسمع صوتنا للعالم
وان لم نستطيع حمل السلاح فالنحمل الكلمه
ارجو النشر -تحياتي للجميع

لا أحد said...

صح اوي اوي
للاسف

admelmasry said...

بعدك علي بالي

مع خالص مودتي ؟
اشكرك كثيرا علي ذلك


لا احد
شكرا يا سيدي انك لسه فاكرني

لا أحد said...

والله يا عم ادم انا فاكرك علطول بس المشكلة ان انا كنت مشغول جدا و مفيش وقت للبلوجز خالص علي العموم هيا كانت فترة لالتقاط الانفاس و العودة مرة اخري
والعودة اكيد ستكون في احضان مبدعي الشوارع الخلفية اللي زيك يا ادم
التعليق لا يحتمل شكرا لم اكن منتظره ولا سيدا هو ابعد ما يكون عني لانني اكيد فاكرك

admelmasry said...

ههه
بالك شكله فضي

يا بختك

Adel said...

يعني يا خويه قعدت تلعن شمال ويمين وكأن شوال اللعنات اللي معاك مخروم وقلت تخلصه بدل ما يفضى لوحده بتلعن ليه ما هو كل اللي لعنتهم مساقين زي وزي حضرتك لازم تلعن حاجة مؤثرة العن قصف اسرائيل لغزة ولبنان العن ابو الحكام اشباه الرجال اللي اسمهم حكام العرب العن ابو ام امريكا واللي فيها من اول جزمتهم الكبير لغاية اخر فردة شبشب انما تلعن شقتك اللي ستراك وبعدين تغدر بيك تلاقي نفسك فالشارع وتلعن المزة امال يا واد هاتعط مع مين وتلعن مدينة نصر امال الشباب الروش روش طحن يروح فين داهية عموما الله يلعن ابو اليوم اللي شفت فيه البلوج بتاعك وبرضه تحياتي هههههههههههه

HANY said...

حقيقى البوست ده جاى على مزاجى جدأ , فالروح الغاضبة التى كتب بها هى من اشد ما اقدر هذا الايام واتمنى لك التوفيق وأكيد مصر بكرة احسن

admelmasry said...

يا استاذ من زمان
الكام بتاعك ده كلام من زماااااان
هههههههه
اكيد فاهمني


هاني
اشكرك المشاركة الوجدانيه الجميله
هههههه
اكيد انت متضايق زيي

مـحـمـد مـفـيـد said...

كلام جميل اوي وانا زعلان لان الطلب اللي طلبته منك علي الميل مش عملته

admelmasry said...

نوبي بيه
كفايه رؤساء

ايبتاف
ممكن تسلفيني هاري بوتر اللي عندك؟

MAKSOFA said...

لية بقي ماتلعنة هواالأخر علشان يبقي المساواة في الظلم عدالة

admelmasry said...

هههههههه
انا عندي الاول والتاني والتالت
ما تسلفنيش الرابع واشايلهالك جميله ؟

admelmasry said...

طب ما تعملي فيا جميله وتديني اقراهم
احسن ده الرابع بيتباع في وسط البلد بــ 22 جنيه

مش بالذمة حرام

والله اشيلهالك جميله

والنبي عشان خاطري
هه
ماشي ؟

admelmasry said...

ههههههههههههه
اشكرك
بس هل البومة عارفة العنوان

ولا اخلي الفار اسكابرز يستناها

Anonymous said...

Looks nice! Awesome content. Good job guys.
»

Anonymous said...

Your site is on top of my favourites - Great work I like it.
»