Pages

Subscribe:

Thursday, June 29, 2006

هههههههه اشتغلت

اليوم وبكل فخر وعنطزة
اروي لكم يوميات
واحد اشتغل انهاردة بس في محل عصير
" ههههه اشتغلت " وهذه كانت الضحكة البلهاء التي ابتدا بها يومه هذا الشاب المسكين
لو رجعنا ورا حبتين ( فلاش باك ) كان يا ما كان يا سعد يا اكرام ما يحلي الكلام إلا بذكر النبي عليه الصلاة والسلام والمسيحي برده يمجد سيده .. نبدأ؟
ماشي ... الحكاية تبدي بشاب غلبان مسكين كان نفسة يشتغل اي حاجة .. وهو ماشي يدور في المحلات علي اي بارقة امل ( مش امل بنت الجيران ) لقي يافطة ضغيرة قوي قوي قد الكف تقريبا ... مكتوب عليها مطلوب عمال ...لما حقق في المكان لقاه غريب ( اصله مش من هنا ده من هناك ) لقي فواكة اشكال والوان وكلها سبحان الخالق العالم والذي علم الانسان مالم يعلم ... فواكه بلاستيك .. ما اعرفه عن هذا الشاب المسكين ( في الاخر هبقي اقول اعرفه منين ) شده الخجل والكسوف .. من اين له ان يأتي بالجرأة التي تجعلة يحرك ساقيه في الهواء ليدخل محل لبيع الفواكه البلاستيكيه
ولكن هبطت السكينه من السماء ( الصراحة هي كانت مطواه بس مشيها سكينه ) المهم دخل هذا الشاب المسكين وقابل مدير المحل واخبرة بالظروف والجوابات والذي منه ... وعلي اثر ذلك عرف مدير المحل ان هذا الشاب المسكين في كليه من كليات القمة .. وايضا عرف هذا الشاب العبيط بقي ان الفواكه البلاستيكيه لزوم العرض والمنجهه والفشخرة فقط
وعلي اثر ذلك استلم هذا الشاب المسكين الشغل ..... وكان انهارده اول ايامه هييييه
اصلي بصراحة شديده فرحت من كل قلبي لهذا الشاب البائس الذي عاني كثيرا كثيرا حتي اشتغل ( اصله كان كل يوم بيحكيلي ) ونا بصراحة كنت بواسيه .. المهم راح بدري علشان يعمل جو ... قال ياعني واد واخد الامور جد الساعة تسعة بالظبط كان واقف ادام باب المحل العجيب .... وطبعا المحل كعادته فتح في الميعاد المظبوم البتاع كل يوم الساعه عشرة ونص
لا تتعجبوا وتسألوا ( طب والشاب الغلبان ده عمل ايه ؟ ده مش من هنا ده من هناك ؟ ) اجيب عليكم واقول انه فضل واقف ادام المحل لحد ما الشمس قورته
قعد في المحل سبع سعات تقريبا ما بين روح هات كذا او خد المسّاحة وامسح المحل او انه يقف علي البنك ويصب الطلبات للزباين ... بصراحة علي حسب كلامة كان اليوم كويس جدا جدا جدا بالنسبة له .. والشابـين اللي معاه برده ولاد حلال ومؤدبين ومش بيرخموا عليه لانهم برده عرفوا انه طالب في احدي كليات القمة ( مش قمة الزباله التانيه اسمها قمامة ) المهم بعد ما خلصت الوردية جه المدير وادله عشرة جنيه هاهاهاهاهاهاها
حبه عرق من الصبح لحد الساعة اربعه العصر بعشره جنيه ...... يابلاش مين يزود ما فبش
طبعا صاحبنا كان طاير م الفرحة اليوم لسه بحالة ياتري اوح فين واجي منين وازاي يا ابو الافكار هتفرتك المبلغ الكبير ده
عشرة جنيه .. عشر جنيهات .. خمستين .. جنيه وجنيه وجنيه وجنيه وجنيه وجنيه وجنيه وجنيه وجنيه وجنيه
طبعا هداه تفكيرة انه يروح البيت ويتسريح علشان يعرف ينزل بكرة الشغل بدري ... لكن طول ما هو ماشي كان يخبط علي رجله الشمال ناحية جيب البطلون ويقول في سره هنا ترقد عشرة جنيه

20 comments:

بعدك على بالى said...

مبررررررررررررررروووووووك ياعم الف مبروك ... طبعا المفروض من اول فلوس تاخدها تجيب بيها حاجه حلوة لماما وبابا انشاء الله بجنيه لب( او 2 كيلو تفاح من ابو جنيه ونصف أو عنب يبقى الطف) المهم لازم يدوقوا من عرق جبينك ... ربنا يكرمك ويوفقك...

حائر في دنيا الله said...

ليس بالضرورة تتحدث عن نفسك بل قطعياً تتحدث عن هذا الجيل الذي تحكمه عقول بلاستيكية كالتي وجدها صاحبنا فوق فاترينة العرض
هو ليس عيب العمل إطلاقاً ولكن للأمانة العمل بهذه الطريقة والتعامل مع مشكلة البطالة بتلك الكيفية هي مصيبة ستدق فوق رأس الجميع ذات لحظة ولن ينجو منها أحد

layal said...

حتي لو كان اشغل مش ولا بد
صدقني في بدايتك لازم تعيش هذه الاوضاع اذكر كم كنت متضايقه بأول فرصة عمل
لم اشعر ان طموحي هنا لم اشعر الا بالحزن والغم
صدقني هي ليست الا اول عتبه علي سلم الوصول
تحياتي

voice of love said...

مبروك المرتب
فين هديتى ؟؟؟

Ahmed Shokeir said...

بصراحة مش عارف اقولك ايه ؟

كنت سعيد وانت بتحكي لحد مافقت على كلمة العشرة جنيه ، ساعتها احسست بالواقع المرير فعلا

ماكتبته ببساطه هو عرض لمشكلة البطالة ببساطة شديدة وبدون تعقيدات

مايهون في الأمر أني متأكد أن ماحكيته هي حالة مؤقتة سوف تنتهي بمرور بعض الوقت مر بها كثيرون لتتحول في حياتهم إلى ذكريات لاتنسى

change destiny said...

:) الحمد لله


يا عم احمد ربك و ارضي اهلك و افرح و اصبر و دور

ربنا يكرمك ان شاء الله

سابرينا said...

مبروك
فين بقي المحل علشان تعزمنا علي اي حاجة ساقعة؟

ayman_elgendy said...

هنا ترقد عشرة جنيه

:-)

مبروك يا عم وان كنت بقولها من غير نفس ونفسي اقولك سيب الشغل ده فورا قبل متتعود علي المهانة....وأسأل مجرب

محبتي

admelmasry said...

ههههههه
اشكركم جميعا جميعا جميعا

لا ادري ما>ا اقول .. تحياتي لكم من الاعماق

بعدك علي بالي
انا سمعت كلامك وجبت لهم في البيت حاجة من عرق جبيني
كيلو كنافه وكيلو بسبوسه


حائر في الدنيا الله
هي لسه هتدق .. دي دقت من زمان يا ريس


ليالي
بصي يا ست ليالي ... هو الشغل ده مش ( مش ولا بد ) لا ده يتقال عليه ( مش بدوده ) ههههه بص المضطر يركب اصعب


ست فينوس هانم
علي فكرة انا ما ابتديش طريق الالف ميل بخطة انا كده ابتديت باسحف

صوت الحب او الست دولي
يا حبيبتي كفايه انك بتيجي عندي البلوج وتسيبي تعليق علي كلامي الهايف
ده في حد .. اته الحلاوة
علي فكرة انا مش بعاكسك .. هي مش تماحيك بقي


احمد شوقير
مش عارف ليه حاسس انك الوحيد الي مقدر قد ايه انا تعبان


ابتاف
الحمد لله عرفت اقرا اسمك .. بص يا سيدي هو من ناحية اتنغنغت فده صحيح .. لا وايه انا نفسي تشوفني لما امشي في الشارع بعد اما اقبض هههه حاجة تفرح كده م الكسوف ههههه


راح اغير المحتوم
اهلا يا حبوبه .... علي فكرة انا حامد وصتبر وارضي وايمن ومعتز وحسنين ههههههط


صابرينا
ابدا والله وبالله وتالله لن اقول لكي او لغيرك اين المحل .. هو انا اتجننت علشان اقول فين المحل ابدا
قال ايه تشربوا حاجة ساقعة ... مالها التلاجة ؟ ولا هي حجة عشان تشوفيني وانا اخر شياكة بلبسي الجديد


ايمن الجندي
تعرف البوست الجاي هيكون في الموضوع ده
ازاي المصرييين خدوا ع المهانه علي مر السنين
هي عمليه سهلة وبسيطة زي شكة دبوس
بتوجع بس فس الاول .. لكن بعد كده بتاخد عليها لدرجة انه بيجي عليك يوم وتستغرب وتقول لنفسك هو انا ليه ما اتهانتش كرامتي انهارده ؟

Ahmed Shokeir said...

إبيتاف بنت مش ولد

Nouran said...

اقولك حاجة خليه يقسمهم نصين
-مش يقطعهم- خمستين جنية واحدة يصرفها والتانية يحوشها :)
والله حرام عشرة جنية ومن كليات القمة
نفسي يجي يوم وكل واحد يشتغل بتخصصة حتى لو بعشرة جنية

change destiny said...

:) 7ram 3lek

ezbot elmozakr w elmo2ans ba2a

admelmasry said...

والله ياجماعة ما تأخذونيس في حكاية المذكر والؤنث دي
انتوا السبب
محدش قالكوا نقوا اسامي صعبة
مش باين لها ملامح
الله بقي وانا اعمل ياعني بس

ههههههههههه
اوعدكوا المرة الجاية اخمن

شريف محمد said...

فكرتني بواحد صاحبي عمل نفس الحكاية ... اشتغل برضه في محل فواكه اثناء الاجازة ... وكان المبلغ اللي بيحصل عليه برضه كان عشرة جنيه (واضح انها تسعيرة عالمية)
بس هو بصراحة بعد اسبوع بالضبط اكتئب وجاله ضغط لأنه وقته (حسبما قال) لم يعد ملكه ... خلاص بقى ملك جمهوره من زباين متدفقة وصاحب محل لايرحم وزملاء شغل عشمانين
كانوا العشرة جنيه يوميا بيتبخروا في المواصلات والسجاير ويمكن ياكل سندوتش وهو مروح
كان بياخد قوت اليوم بيومه
from hand to mouth
في النهاية ترك الشغل يائسا (بغض النظر عن كون المحل قفل) وتفرغ للجلوس على القهوة لانفاق أضعاف العشرة الجنيه المباركة مع زملاء النضال الذين يرقدون - حتى يومنا هذا - على مقهى السماحي في انتظار جودو
يرقدون في سلام
بس عموما مبروك ... واوعى تكتئب لأن قدامك اسبوع لسة ... قصدي ماتاخدش في بالك
:)
ربنا يوفقك .. بمحل أو بدونه

admelmasry said...

واضح ان المحل ده شغال ع المؤهلات العليا
او عامل ابونيه مع البلوجرز
واظاهر والله اعلم انه محل واحد شغال علينا كلنا ... زي ما تقول كده كاس وداير

سندباد مصري said...

لا حول ولا قوه إلا بالله

وادي واحد كمان

معلش يا ابني

كاس وبيدور

وانت بس دوقت الكاس

اوعي تقول اي

Adel said...

انا عن نفسي احييك لو كنت انت اللي اشتغلت في محل العصير بس نفسي اعرف انت بتروح منين وانا اوريك عجائب قدرة ربنا في نقل ام العشرة جنية اللي فضحت بيها الدنيا من مرقدها في جيبك الشمال لجيبي انا هههههههههه واديني واحد فخفخينا وبرضة لك تحياتي

admelmasry said...

هههههه
وانا تحت امرك

Anonymous said...

Keep up the good work. thnx!
»

Anonymous said...

Cool guestbook, interesting information... Keep it UP
» »