Pages

Subscribe:

Tuesday, June 20, 2006

لقد اصبحت كهلا في العشرين

لا ادري صراحة ما اود ان اقول كل ما اعرفه اني هنا قد ازيح بعضا من الهموم عن قلبي
احس احيانا اني كهلا في السبعين ... يحمل هموم لو وزعت علي ابنائي (بني ادم ) لفاضت وبحثنا عن مستوردين
اخذت الاجازة .. واصبح الفراغ يملئكل وقتي .. كنت اعتقد اني سوف افعل كذا وكذا .. ولكن تاتي الرياح بما لا تشتهي السفن
حاولت جاهدا ان ابحث عن عمل .. ولكن بلا جدوي .. تهرّب مني والدي عندما فاتحته في الامر
لقد طلبت منه ان يبحث عند اصحابة وزملائه في مهنته ..( التطريز) علّني افلح واتقن الصنعة .. ولكن كان لسان حاله يقول
لما ابقا افلح انا اشوفلي شغل ابقا اشوفلك . وعندها تركت لقدمي العنان تبحث في شوارع وسط البلد عن اي وظيفة مهما كانت .. فكرت في كل شئ .. اذا اراد احدكم ان يعرف
اخر ساعة يطلب موظفين .. ولكن يشترط ان يكون قد انهي الخدمة العسكرية محل حلواني لا اتذكر اسمة .. يطلب بائع ايس كريم وبائع عصير .. ولكن بعد السؤال يريده ذو خبره في التصنيع
احدهم اخذ اسمي ورقم التليفون .. عل ّ وعسي لا استطيع ان انفخ الهواء الان كي ازيح انقباض صدري .. لا استطيع ان اتخيل نفسي بعد عشرين عاما مازلت اطلب من والدي مصروفا
كي اخرج مع اصحابي كي اذهب للتدريب ( اتدرب في السكة الحديد وبعدها ماصنع الحديد والصلب ) طلبات الكلية
كي اخرج من البيت كي اقابلكم علي النت وفي المقابل انا اري ان اخوتي لا يخرجون ابدا ولا ينفقون شيئا وانا امامهم المبذر المسراف لقد جف الدم في عروقي لم يعد به نبض . شاب شعري وانحني ظهري وانكمش جلدي وشاخت اسناني
لم اعد شابا ... لقد اصبحت كهلا في العشرين اخيرا ما استطيع ان اقوله .. اني لن امل من البحث والثدوير .. يمكن ان يجدني احدكم في محلات وسط البلد .. قد يجدني واقف علي ثلاجة ايس كريم ابيع له الايس كريم وفي وجهي ضحكة تنم عن غبائي او يجدني اقف بين يديه اقول له نحب تشب ايه .. ثم اتي له بفاتورة باهظة واساله .. من غير مية ؟
او عندما يدخل محل ملابس قد اكون انا من يبحث له عن طلبه .... المهم اني في كلا الحالات لا اعتبر نفسي اقل من احد
لن اعرفكم ولن تعرفوني بالطبع ... ولكن عندها ساضحك من قلبي ولسان حالي يقول .. ياد ما تخليك جدع وشوف لابوك شغلانه معاك

16 comments:

بعدك على بالى said...

وجعت قلبى وهو مش ناقص ...

ayman_elgendy said...

جرحتني بكلماتك

.....وبشر الصابرين

سابرينا said...

اة اللي حصل
أكيد نت محسود
فين الضحك و التريقة
اية يعني المشكلة
كل الناس بتشتغل في فترة الصيف لما تتخرج و ماتلقيش شغل ابق اتكلم

Ahmed Shokeir said...

يااااه تجسيد برئ وتلقائي بدون فذلكة لمشكلة البطالة ، حقيقي عندما تصورت ماتقول عنه في نهاية البوست من انك من الممكن ان تكون البائع في آخر ساعة او من تحاول ان تقنع الزبون بشراء القميص كان تخيل صعب جدا بالرغم من واقعيته
بالرغم من ان الشغل مش عيب طبيعة عمل ماذكرت مش حرااام بس الحرام فعلا قتل روح وقوة الشباب في تلك الاعمال وبالتالي قتل المجتمع بعد ان يفقد الشباب لثقة فيه

عموما الصورة ليست بهذه القتامة ، كثير من الرجال الناجحين اصحاب المناصب والنفوذ والنجاح والإدارة لو بحثت في بدايتهم لن تجدها تختلف كثيرا عما ذكرت

ولي في ذلك قصة شخصية عسا يوما ان ارويها في حكتوي

جميلة ياآدم

سندباد مصري said...

امممممممممم

اممممممممممم

متنشف شويا يا ادم

انت مالك خرع كده ليه

طب ايه رأيك ان نص المدونين شغالين في محلات وسكط البلد فلعلا


ده انت لسه صغير خالص امال لما تكبر وتعجز شويا عتعمل ايه

هتموت

هوا فيه اكتر من كده

طيب اقولك

انا عندي شغلانه كويسه

واخدلي بالك انت

Ho$$am Ahmed said...

يا عينى يا بنى

change destiny said...

يا عم ولا يهمك .. ربنا كبير

بكرة يعدلها

و ان شاء الله قريب قوي أبوك ميحتجش يشتغل و تبقى انت اللي بتصرف على البيت


" ان الله لا يضيع أجر من أحسن عملا "

المواطن المصري العبيط said...

مش من أول مشوار تزهق، ومش من أول شارع تمل، ومش من أول محل تقول مش شغال، ومش من أول الطريق تقول زهقت

اللي يسعى هيلاقي اللي هو عايزة، بس لازم نستحمل

كلمة البطالة دي كلمة طلعتها الحكومة واحنا صدقناها وشربناها وبقينا نقول لنفسنا، يا عم هو فيه شغل، يا عم انت يعني اللي هتجيب التاية وهتشتغل، كبر دماغك، وابدا - من دلوقتي - تحجزلك كرسك على قهوتك المفضلة

انت بتفضل ايه ؟ تبقى عاطل ولا القهاوي تقفل .. افهمها زي ما تحب

حائر في دنيا الله said...

كلنا هذا الشاب يا صديقي, أنا لن أقول مثل الباقيين أن ما فكرت به ليس حرام ولا غلط ولا عيب
ولكن هو بالفعل كذلك فعندما قتلوا في الشباب طاقاتهم وعطلوا ابداعاتهم وخنقوا أحلامهم لدرجة أن يصبح الطبيب يعمل في شيء آخر غير ما أحب أو أو أراد
لا أقصد أن المفروض أن يعمل كل المهندسين حسب تخرجاتهم ولا كل الحقوقيين ولا التجاريين بل أقصد قتل كل فرص الإبداع والتطور أمام الشباب
لدرجة صارت أقصى أمانينا بعد التخرج أن نعمل مندوب مبيعات أو يبيع ذاته لإمرأة عجوز أو يسافر غرقاً لأحد الدول الأوروبية
كان الله معنا يا صديقي

admelmasry said...

صدقوني لم استطع ان اتمالك نفسي من الضحك

صراحة ضحكت .. وعندما افقت وعرفت اني في الكافية رسمت ملامح الاحترام علي وجهي .. وعدلت من القميص شيئا ثم فردت ظهري علي الكرسي

لم اكن اتوقع كل هذا ... لم اكن اتوقع كل هذه الماسانده التي بالفعل اثرت في نفسي تأثيرا كنت احتاجه بشده وفي مثل هذا الوقت بالتحديد اشكركم جميعا انكم لم تبخلوا علي مسكين مثلي بكلمة عطف

ولكن ... هل تحل المشاكل بالمواساه ؟ لا اظن

لكم مني خالص تحياتي



ابراهيم
بصراحة انا متشكر جدا علي ردك الجميل ووصفك ليا كمبدع او موهوب وانشاء الله هدور علي طريق غير تقليدي



بعدك علي بالي
اسف جدا اني تسببت في وجع قلب هو اعز ما يكون الي قلبي


ايمن الجندي
اسف ع الجرح يا ايمووون .. ونعم بالله



صابرينا
قبل السلام والتحية احب اقولك حمد الله ميت سلااااااامة .. فينك بجد وحشاني جدا
وغيابك مأثر فيا لو تعرفي قد ايه مش هتصدقي
يا ريت تسلميلي علي ساشا ... وادعولي عندكم اتبخري لي يمكن النحس يزول


احمد بيه شوقير
يا باش مهندس يا كبير ... بجد بفرح جدا جدا لما احس ان فيه واحد زيك كده بيعبرني .. اصل انت كبير .. بالنسبة لي ع الاقل
وبيزيد فرحي اكتر واكتر لما اعرف امس حاجة فيك وشكلي كده والله اعلم مسيت صح؟


سندباد بيه
انت ايه حكايتك انت جاي تسيح ولا ايه
ثم انت بتقول نص المدونين شغالين في محلات وسط البلد ... ههههههه
ده باعتبار انك لوحد تمثل نص المدونين ؟
ههههههه
ابقي سلم لي ع البلد ووسطها


حسام بيه
انت فين يا راجل وليه مش باين ... شكرا ع السؤال


راح اغير المحتوم
تصدقي ابويا بيحلم باليوم ده انهارده قبل بكرة ... نفسه اني اشيل بقي
لحسن ده تعب قوي
وبصراحه كله علي يدي


المواطن المصري الي مش عبيط ابدا
حبيبي .. بالعكس انا مزهقتش ولا حاجة علي العكس انا هدور وادور وادور لحد ما ادور
هههه
يمكن الاقي ويمكن ما الاقيش لكن ساعتها مايهمنيش كفاية اني اكيد هكون
وانا نفسي اكون


يا حائر في دنيا الله
عندما قلت كلنا مثل هذا الشاب يا صديقي عرفت جيدا انه لن يقول مثل هذا الكلام غيرك انت .. علي اساس انك شاب حائر من زمان
تحياتي اليك بالطبع

karakib said...

حاسب من الاحزان وحاسب لها
حاسب على رقابيك من حبلها
راح تنتهى ولا بد راح تنتهى
مش انتهت احزان من قبلها
----------------------------
يا عندليب ماتخفش من غنوتك
قول شكوتك و احكي على بلوتك
الغنوه مش ح تموتك إنما
كتم الغنا هو اللي ح يموتك
و عجبي
atouk & antika

voice of love said...

طولة البال تنول الأمل يا عم الموهوبين
خمسة تفاؤل بس وكل حاجة هتبقى تمام

layal said...

تفائلوا بالخير تجدوه ولا تقنط من رحمة الله
اعجبني كلامك فقد نمر بك يوم ولا نعرفك
او قد نتحدث مع اشخاص او نتشاجر مع اناس ولا نعلم انهم اصدقائنا ومن نبث لهم احزننا بعالم التدوين العجيب

arabic man said...

لا تحكو على التقدم بالعمر انا مرعوب منو صار عمري 26 بس صرت عدهن 30-4
والمشكلة إنو ببلدنا الواحد مو عارف يبدا حياتو وينطلق
آه من هذا الوضع الذي يجعلنا كهول في العشرين

admelmasry said...

اشكركم جميعا ... لا اراكم الله مكروها في عزيز لديكم

ههههههههه
اعزروني فهذه الحاله ينطبق عليها المثل القائل
هم يضحك وهم يبكي

Anonymous said...
This comment has been removed by a blog administrator.