Pages

Subscribe:

Saturday, June 10, 2006

اخيرا كتبت التاج

بصراحة مش عارف اقول ايه ... اخذت الدعوة من فرهنهايت وبعدك علي بالي ولهذا اكتب
لم اكتب عندما اخذت الدعوة لسببين
الاول : ما كانشي معايا فلوس اقعد في الكافيه تاني علشان الوقت خلص
الثاني : هو نفس السبب الاول
المهم ... انا قبلت اني اعري نفسي ادامكو خلاص !! .. ما حدش يستغرب دي الحقيقة احنا في التدوينة دي بنعري نفسنا ادام بعض عشان كده انا مش هستكفي بالاسئلة بتاع التاج بس ... ما هو طالما هنقلع .... نقلع بضمير ولا ايه ؟
المهم انا هسأل وانا هجاوب
ايه اللي ممكن يخليني اكون مبسوط شوية ؟
لما احس اني صح في موقفي
لما اعرف بنت حلوة
ايه اللي يخليني اتضايق ؟
لما احس انه لسة ما فيش فايدة
لما البت الحلوة اللي عرفتها تسيبني
اكتر شيء يقلقني الايام دي ؟
خايف لحسن اعيد السنة دي ... دي تبقي حوسة
اهلاوي ولا زملكاوي ؟
كل معلوماتي عن الكورة انها مدورة
ايه اللي ممكن تعمله لو اصبحت غني غني فاحش ؟
يووووووه ده انا اعمل كتير
اولا : كان نفسي اعمل دار نشر كبيرة .. وانشر لكل اصحابي اللي يستحقوا النشر .. واعمل ليها صالون ثقافي كبير يكون كعبة للادباء والنقاد
ثانيا : نفسي اعمل حزب كبير ... واسمية عمق الحياة .... لا هسمية حزب اشعب ويبقي حزب م الشعب وللشعب ويكون حزب علماني ويكون له صحيفة تفهم الناس ياعني ايه علمانية
ثالثا : اجر قاتل محترف ... يخلص علي كل الشيوخ اللي في البلد دلوقتي
رابعا : هغير خريطة مصر دي كلها ... مش هخلي ولا منطقة عشوائية فيها ... وهبتدي بحدايق المعادي
ايه اخر حاجة قريتها ؟
فؤاد حداد الاجزاء الكاملة .... قصيدة اتكتبت سنة خمسين بتشتم في الملك ( حسني مبارك ) بالظبط
اخر فيلم شوفته ؟
ايون
اكتر صاحب بتحبه ؟
بموووووووت في محمد لطفي .. ومايكل
علي فكرة الناس كلها معتبراني ابنه ( محمد لطفي ) ... وانا كمان
مش عارف الناس خدت بالها الاول ولا انا اللي خدت بالي .... هو اليومين دول بيمر بحالة اكتئاب ... علشان شوية مشاكل
والله بدعي ومن قلبي ربنا يفكها عليك يا ابني
اكتر شيء بيخنقني في الحياه ؟
بصراحة هما خمسة .. اكتر تلاته خنقني اتنين البيت والبيت
ايه اللي ممكن يغيظك يا ادم ؟
لما اشوف بنت حلوة جدا بتعامل الناس وهي عارفة انها حلوة .. بصراحة باضف ادام دلعها
ايه اللي ممكن يفرسك يا ادم ؟
لما اشوف بنت حلوة جدا .. كل الناس عارفة انها حلوة وبيعاملوها علي انها حلوة ... لكنها ما تعرفش انها حلوة .. الصراحة بامووووووت م النوع ده ... بيبقي برئ قوي زياده عن اللزوم
بتحلم بايه يا ادم ؟
احلم اني اكون رئيس جمهورية مصر العربية ... واكون قائد ايه يحلف الناس بحياتو... واعمل اصلاحات مالهاش اول من اخر
والتاريخ ما يبقاش وراه شغلانه غيري
واخلي الاقتصاد حديد ... واعمل وحده بين العرب كلهم مع الحفاظ علي قومية مصرية دون الاذابة في المجتمع العربي ... غير اني هظبط جنوب افرقيا ( السودان ولاصومال واثيوبيا وكلو
واعمل قوة كبيرة جدا اكبر من امريكا وروسيا .. واصرف ع البحث العلمي كثير
وارجع العلماء بتوعنا يشتغلوا في ارضهم وكده يا عني
ايه اللي بخليك تكتئب يا ادم ؟
لما اعرف كويس اني حلمي مش هيتحقق
ايه كده كفاية ولا لسه ..؟
اما اشوف
في كام سؤال كده
ايه الموقع اللي انت لسة كنت فاتحة من شوية ؟
بلوج بعدك علي بالي ..... علشان اغش الاسئلة
ايه اخر صوت سمعته ؟
صوت الناس اللي بتتخانق تحت في الكافيه ..... اصل انا في الدور التاني
اي اخر ريحة شمتها يا ادم ؟
ريحة السجاير في الكافية
نفسك فس دلوقتي السعة دي ؟
اكون مخلص مذاكرة بتاعت مادة بكرة
وايه كمان ؟
كوباية شاي
بس ؟
وشوية بقسماط
_____________________________
اظن انه كفاية كده ...... امرر بقي لمين لمين
سندباد .. حبيب قلبي
احمد حسن ... نظرة للخلف
اتفوخس ..... واللي اختفي ومش عارف اجيبه منين

12 comments:

Ahmed Shokeir said...

شكلك كده ياآدم هاتظبط فعلا جنوب أفريقيا ، بأه السودان والصومال وأثيوبيا في جنوب أفريقيا ..
ثانيا إنت مغير في الأسئلة وحازف أسئلة عامل غمتحان بمزاجك ، دهإنت لو إنت بتعمل كده فعلا في غمتحاناتك إسمحلي أهنيك مقدما
وبعدين إيه حكاية البت الحلوة دي واضح غن العملية عندك صعبة جدا

ردودك جميلة وساخرة انا بصراحة إتبسطت

لا أحد said...

ايه التوريطة دي
منك لله :(

بعدك على بالى said...

بشكرك لانك لبيت الدعوة، وجميل التطوير اللى حصل للتاج... مش بقولك فنان ومختلف وبتعشق التميز ... تحياتى

marktwain said...

ايها الزعيم العلمانى
بقى ناوى تقضى على الشيوخ اللى في البلد
و نفسك تبقى زى اللى بيعتقلوا
مش تقول دى بسيطة خالص
و اكتر صاحب بتخبه لطفى و مايكل
الطيور على اشكالها تقع و نفسك في بنت حوة تبص لك مش انت اللى بتطيرهم من يدك
ثم بتحلم تكون رئيس جمهورية و ليك اصلاحات و حزب علمانى و مدوخاك بنت
صحيح انت تقصد مين
سلملى على الجطر

admelmasry said...

احمد شوقير
و مش جنوب افرقيا ده هو الحتة اللي تحت ولا الحتة اللي فوق؟

انا فاكر انه الحته اللي تحت ولا ايه ؟


احمد حسن
اي خدمة انت تأمر يا باشا

بعدك علي بالي
يا شكر علي واجب
انا عملت اللي مفروض يتعمل

مارك يا حبيبي
تعالي

بصراحة انا فكر ابعتلك الدعوة بس لقيتك واخد وواحدة من واحدة

قصدي واخد دعوة من واحدة بعتهالك ههههههه

وكنت بفكر فيك وانا بكتب حكاية البنات ... وعمال ادعي عليك لانك بتخطفهم مني

بصراحة كرهتك قوي

فقلت لك الي الجحيم يا ماركو

علشان كده قولت خليك بعيد احسن مش يبقي في البنات والتاج كمان

حائر في دنيا الله said...

بتحلم تبقى ريس يا حبي
شكلك كدا هتخليني أكرهك, عشان أكيد هتقول أتجوز وتخليها علينا ماما والواد الصغير تخليه الريس الجاي وتسرق البلد كلها
=
كل دا ومش هتفكر فيا
مش قلتلك هتخليني أكرهك!!

admelmasry said...

لا والنبي ما تكرهنيش

شريف محمد said...

ياراجل ... أخيرا رديت ع الدعوة
البنات الحلوين دول عاملين زي القطط ... أول ماتقرب منها ياتهرب , ياتخربش ... على اعتبار اننا ذئاب بشرية ولا ايه مش عارف؟
فكك من حكاية البنات وخليك في الصالونات والرئاسة ... ومين عارف ؟ ... يمكن البنات همة اللي يترموا عليك ساعتها
:))

admelmasry said...

هههههههه
اه والله عندك حق
دكتور فعلا
ههههههه

arabic man said...

إجابات مميزة
وبيني وبينك أنا كمان بتغيظني البنت الحلوة إلي مش هارفة إنها حلوة

Anonymous said...

Great site loved it alot, will come back and visit again.
»

Anonymous said...

Great site lots of usefull infomation here.
»