Pages

Subscribe:

Thursday, November 17, 2005

يا تري ربنا بيحب مين ...... حد يعرف

هنقول مثلا .. إن ربنا خلق الناس ... طبعا علشان يعبدوه .. علشان كده
ربنا خلق لهم ناس تانيه ... هو علمهم ... يعلموا الناس ... إزاي يعبدوه .. وطبعا الناس دي .. هي الرسل ولانبيا .. ولا حد عنده اعتراض ؟؟!! طب حلو .. نكمل بقي
اولا .. في البداية
ربنا حب شويه ناس معينين يعبدوه بطريقة معينه .. فأرسل ليهم واحد معين يعلمهم الطريقة دي .. الراجل ده كان اسمه موسي عليه السلام واتسمت الطريقة بتاعت باليهودية .. علشان تبقي يهودي لازم تتبع طريقة موسي فس عبادة ربنا
ثانيا .. لسبب احنا ما نعرفوش
ربنا حب ناس تانيه ... تعبدوه بطريقة تانيه .... علشان كده بعت لهم واحد تاني .. يعلمهم الطريقة الجديدة .. النبي ده كان اسمه عيسى عليه السلام والطريق بتاعته اسمها المسيحية
ثالثا .. ولسبب تاني إحنا برده ما نعرفوش
ربنا حب الناس كلها تعبده بطريقة واحدة .. فأرس للناس كلها نبي تاني .. يعلم الناس كلها الطريقة الجديدة اللي ربنا عايزها .. واانبي ده كان اسمه محمد علية الصلاة والسلام .. واطريقة بتاعته اسمها الاسلام
خد بالك
ربنا عرفنا .. إنه عايز الناس كلها تعبدوا بالطريقة دي .. حتي أصحاب الطرق الاخري .. واعتمد علينا إحنا .. في توصيل الطريق الاخيرة دي لكل الناس
لانه خلاص مش هيبعت انبيا تاني .. وعايز يشوف مين يقدر يحافظ علي وعده مع ربنا
فرضا
إننا ما قدرناش نقنع أصحاب الطرق الاري بالطريق بتاعتنا .. في عبادة ربنا هل معـني ده
إننا نكرهم .. 1
إننا نعاديهم ..2
إننا نبعد عنهم خالص ..3
خد بالك
إن الطرق التلاته مستخدمه في عباده ربنا ... وربنا هو اللي قال للناس عليهم .. وهو اللي طلب من الناس يعبدوه بيها
لكن الناس بدل ما تتحزب لربنا .... تحزبت لكل صاحب طريقة المسلمين لمحمد .. والمسيحيين لعيسى .. واليهود لموسى
وكلهم نسيوا ... الناس التانيه .. اللي ما بتعبدش ربنا خالص .. ولا تعرف إن للكون ده إله لازم نعبده إسمه ربنا وبقي همّ كل واحد من التلاته إن مين هيفرض طريقته علي التاني وما فيش حد فيهم تنبه ... إن التلاته بيعبدوا ربنا
وإن واجبهم .. يقولوا للناس اللي ما تعرفش ربنا ... إن فيه إله إسمه ربنا .. لازم نعبده .. بطريقة محمد .. بطريقة موسي .. بطريقة عيسى إختار ياعم الطريقة اللي تعجبك .. المهم إنك تعبد ربنا
اختار الطريقة اللي أنت شايف إنها صادقة .... واللي اهلها صادقين .... وبيحبوا بعض ..... وبيحبوا كل الناس ... وهو ده فعلا اللي بيعملوه مش مجرد كلام بيقلوه
وساعتها الواحد اللي ما يعرفش ربنا .. هيعرف ربنا وكمان هيعبده بالطريقة اللي هو شايف إنها الصح
ويوم القيامه لما نروح لربنا نشتكيلوا ... وهو اعلي واعلم .. وهو اللي هيفصل بينا في النهاية ويدي لكل واحد حقه علي قد عمله لإن ربنا مش بيظلم حد
خد بالك
مش معني إنك عارف إن طريقتك في عباده ربنا هي الصح ... يبقي تكفر الناس التانيه ... وتقول إنهم مش هيخشوا الجنه .. لا يا استاذ .. لان الكلام ده غلط .. ليه بقي ؟؟!! اقولك انا
لإننا ما نعرفش ربنا يوم القيامه ممكن يحاسب الناس إزاي
هل ممكن يعفوا عن ناس م اللي كانوا بيعبدوه بطريقة عيسي او موسى ××
الله أعلم ----
طب هيعفوا عنهم ليه ××
الله أعلم ----
طب ربنا ممكن يغضب علي ناس م اللي كانوا بيعبدوه بطريقة محمد ××
الله أعلم ----
طب ويغضب عليهم ليه ××
الله أعلم ----
لكن كل اللي انا عارفه إن ربنا ... ما بيغضبشي علي حد .... او بيحب حد ... إلا بسبب عمل الــ ( حد ) ده

7 comments:

سندباد مصري said...

انت تقول

ادم المصري said...

لا انا ما اقولش اللي يعرف يقول

صديق صدوق said...

انت بتقول ان كان في رسل معينة مرسلة لقوم معينين
ليه عايز الناس المعينين دول يدعو باقي الناس مع ان الدين مرسل لهم فقط لا لقوم اخرين
وبعدين انت مش عايز بينهم نزاعات ليه
أصل في مكان مقدس ليهم كلهم
فلازم واحد يمسك الحكم عليه ويترك حرية الدين للاخرين
فكل واحد بيقول ليه ما اكنش انا حاكم هذا المكان
والبقاء للأقوى

ادم المصري said...

ههههههههه

حلو قانون الغابه ده

علي فكرة عشان لو حد سألك احنا في القرن الواحد والعشرين .. ياعني مش عايشين في الحاهليه ولا حاجه

وليه كل واحد يقول انا الحاكم
كل واحد يبني يحرس معتقداته الدينيه

انا ليه احرس كنيسه لمسيحي
ولا معبد ليهودي

وليه اخلي حد فيهم يحرسلي جامع

ثم دلوقت احنا عيشين في نظام عالمي جديد

اسمه دول

والدول دي ليها حكومات

والحكومات دي بينتخبها الشعب

والشعب فيه المسلم والمسيحي واليهودي واللي مش منهم خالص

ومسئوليه الحكومه انها ترضي جميع الاطراف وتحافظ علي جميع الممتلكات

لانها المفرض دايما ع الحياد

ده طبعا في الول المتقدمه مش عندنا

اوعي تقولي مصر مثال او حتي اي دوله عربيه اخري

وفلسطين .. غلطه .. واحنا السبب مش حد تاني

بنـت ســعد said...

هو عموما نظرية سليمة و لو ان التعبير عنها مختلف الى حد ما

لكم دينكم و لي دين

و خصوصا انى اعرف ملحدين عددهم فى ازدياد للاسف و يعنى

فعلا بادعي يأمنوا بس ان فيه ربنا

تحياتي

Anonymous said...
This comment has been removed by a blog administrator.
ادم المصري said...

شكرا بنت سعد
تحياتي