Pages

Subscribe:

Friday, October 14, 2005

اخبــار الـتـرجـمة

متي نستطيع ان نترجم كل الأحاسيس البشرية إلي واقع
الحــب
هل ترجمنا الحب إلي واقع فعلا نعيش به وداخله ونتعامل معه .. أم ترجمنا الحب علي انه شهوة إنسانية زائفة

الإنسانية
هل ترجمت الإنسانية بمعناها الحقيقي .. قد يتساءل البعض .. و ما معناها الحقيقي ؟! .. الحقيقية أني لا اعرف ولكن ما أنا متأكد من معرفته أن مفهوم الإنسانية الآن يجعل أي إنسان يخجل جدا أن يوصف به

الضمير
أين الضمير داخل قاموسنا الآن ... وما تفسيره عند أهل البشر .. لقد سمعت بعض الأصدقاء يقول لي انه قرأ في صفحة الوفيات خبر مؤسف عن موت الضمير الإنساني في حادث أليم علي الطريق الصحراوي الواصل بين مجتمعنا هذا يوطوبيا ومازال المسئولين يبحثون عما إذا كان الحادث مدبر أم قضاء وقدر .... ومازال البحث جاريا

يا رب نلحق نترجم كل المعاني قبل ما تغتال

10 comments:

سندباد مصري said...

الحب والأنسانيه والضمير اه : عارفهم بس اقولك ايه ..... مش شايفهم ازاي اتكلم وتطلب حد يجاوبك عن حاجات مش موجوده حتي لو جاوبك اجابات صح مش هتفهم

ادم المصري said...

يمكن انا ما افهمشي حاجة وممكن اللي يجي يقرا بعدي ما يفهمش حاجة
وممكن انت وانت بتكتب تبقي مش فاهم حاجة

اهم حاجة ان احنا هنكون وقفنا ادام نفسنا واكتشفنا اننا مش عارفين حاجة

ماريو said...

اسمحلى يا آدم....مين قال اننا مش فاهمين ؟
صدقنى..احنا فامين كل حاجة , بس الشجاعة .....الشجاعة هى المقياس
عارف...الأصعب هو شجاعة مواجهة ما نفهمه جيدا , لا العكس
يعنى مثلا...انا افهم جيدا كيف ان الضمير هو صوت الله بداخلنا , وبالرغم من ذلك .....خلى الطابق مستور
تحياتى لك يا ادم , فسطورك سخنت عضلات تفكيرى

ادم المصري said...

يا سيد ماريو اللي انا اعرفه ان اللي بيقي فاهم حاجة لازم تبان عليه .. واحنا مش باين علينا حاجة

وان كنا عرفنا ان السب في كده ان احنا مش شجعان .. كويس ادينا عرفنا الحل .. طب عملنا ايه عشان نكون شجعان وما نظهرش بالمنظر ده

انا اعرف ان المشكله تبقي مشكله لما يكون الحل غايب عن عنينا .. ومش عارفينه .. لكن طالما عرفنا الحل .. ليه ما بنحلش ؟

يا سيد ماريو .. اي حد فاهم لازم يبان عليه الحاجة اللي فهمها وال يبقي حاجة من اتنين

اولهم : انه مش فاهم حاجة اصلا وبيكدب .. ودي مصيبه

تانيهم : انه فاهم وبيستعبط .. ودي مصيبتين

ماريو said...

يا ادم....ايه اللى ممكن انه يبان عليك انت شخصيا لو شفتك قاعد على القهوة او منتظر المترو او واقف فى طابور عيش؟؟..........عادى , صح؟
زيى انا نفسى برضه
مع انك فاهم , وانا فاهم , وفيه غيرنا كمان فاهم زيينا برضه , بس اللى باين مننا كلنا ...واحد
مش اللى يبان علينا هو الفيصل , انما اللى بتعمله ايدينا
واذا كانت الحياة فى بلدنا طمست اللى عمله الناس اللى كانوا فاهمين قبلنا, فالحياة فى بلدنا هاتتغير...وبتتغير فعلا دلوقت
وطالماانها بتتغير...اذن فيه احتمال كبير ان فهمنا يكونله أثر على ارض الواقع.....على ارض الواقع مش فى مدوناتنا او اصداراتنا الهفتانة وبس
لا تقسو على نفسك وعلى ماريو بدون داعى....فالحل الفورى ليس بأيدى ادم او ماريو , وانما كل منا يخدم بلده او مبدأه او جنته على قدر طاقته..ومن موقعه, فأنا لا استطيع ان اخطف كرسى وزارة من وزير , بل لا اقدر على خطف كرسى من قهوة
اللى يحير فى بلدنا مش ليه هى كدا, انما ليه المفروض انها تفضل كدا؟؟؟؟؟؟

مش كدا؟

ادم المصري said...

كده .. دي اجابة سؤالك الاخير .. وياريت ماتزعلش ان كنت اسيت عليك
في مثل بيقول يا بخت من بكاني وبكي عليا ولا ضحكني وضحك الناس عليا

ماريو said...

يا سييييدى / قول يا باسط
لو زعلنا من بعض عشان مبادئنا نبقى سيبنا ايه للى قطعوا احلامنا وقلوها فى الزيت ؟

ادم المصري said...

والله انت طيب

ماريو said...

طيب - بس مش بريالة

ادم المصري said...

طبعا مش ... هههه