وداعــــــــــــــا

وداعـــــــــــــــــــــــــــــــــــــــــــــــــا

.

.

.

اقول للاحزان باي

ابستم واقول هاي

قد جاءت الافراح لي

تبتسم وتقول لي

الحزن سافر الـ سكاي

.

يارفاقي ودعوه

الحزن فات

وثانك يوه

لكل شيئ مدنا

بحب اوقف حزننا

حتي الجمال قال لنا

اي آم هابي وبليزد تو يو

.
صراحه لم استطع وصف ما يدور بخلدي من مشاعر واحساس .. فغالبا ما تكون مثل هذه المشاعر، شيء جديد علي قلب اعتاد الوحدة ولكني اري هنا اني حبو نوعا ما الي عالم اخر

.

عالم .. اجد فيه من يهتم بي .. من ينتظرني اضحك .. من ينتظرني اتكلم .. من ينتظرني اقول شعرا .. من يقلق كثيرا لغيابي .. ومن يغضب كثيرا لغضبي

.

كل منا يحتاج حضنا يأوى اليه عندما تتكاتف عليه الاحزان .. ولكني اظن ان حضن الزوجة وحده لا يكفي .. لن يفهم ما اقول ما لم يصاحب قط

.

دوما احتاج صديقا .. نضحك سويا .. نبكي سويا .. نهرب من المحاضرات سويا .. نذاكر سويا .. يجمعنا كتاب واحد .. نختلف او نتفق فيه .. ونتناقش كثيرا .. نخرج سويا .. تعرف المراهقة طريقها الينا سوياتناغش رقة الجنس اللطيف قلوبنا سويا .. نتهافت عليها .. نبذل في سبيلها ما يكلفنا تحصيل بعض الدروس او حضور بعض المحاضرات

.

اول ايام العيد وثانيها كنت واحيدا جدا .... جالسا مرابط في بيت عقيم ، يمل الناس داخله ، والناس فيه تمله ايضا .. اخذت نفسي وخرجت الي اشهر ميادين القاهرة .. اري انه قد اغلق لمن يمشي بمفرده

.

في الاوبرا يشترط الزي الرسمي .. وفي ميدان التحرير يشترط ان تصاحب فتاة .. وما ادراك عندما تري ذلك وانت حتي بلا صديق تضحك معه علي هذه المناظر

.

تقبل الفتيات في الطريق العام .. وانا وحدي .. يرقص الصحاب في الطريق العام ... وانا وحدي .. انظر الي البحر .. فاجده مشغولا بالكثير

.

اشكو اليه .. فاجده يقول لي في غلظة .. انتظر دورك .. فانا استمع للكثير الان

.

حتي جاء اليوم الثالث .. انتظره بكل حواسي .. بكل خلية في دمي .. بكل عصب في اعصابي .. طردت الصبر من بيتي جتي تعجب البيت من ذلك

.

جاءني التليفون فارد سريعا : اين انت يا هيثم ؟

ليأتي الرد في نعومة : في بنها باقي لنا ساعة ونأتي .. محمد بيسلم عليك

.

يعرف الفرح الي قلبي طريقا .. اخيرا

.

الملم اوراقي واجهز .. انتظر رنه من التليفون العقيم .. وها قد جائت

.

في هذا الميدان الذي شهد وحدتي امس .. اسير .. واخرج له لساني في حركة تلعن باني اشمت فيه لانه لم يستطع ان يضحك علي ثانية .. هناك اري هيثم ومحمد جالسين

.

ادخل الي طرقة المقهي .. اسلم علي كلا منهما .. اخذهم حضنا عميقا .. تذوب فيه احزاني .. واشعر عندها باني ملك .. والدنيا مملكتي

العالم بدون مهندسين

داخل المحروسة
تلاقي عبط وجنان

.

هناك عيال مهووسة
عايشة في مروستان
.
وهناك فيه ناس قمم
غاية في الاخلاق
.
الواحد كا الهرم
شامخ بلا ازاوق
.
وادي حالي وحالهم
بقينا في الحضيض
.
الناس بييجي عيدهم

واحنا ما بيجلنا عيد

.

الناس تفرح تغني

واحنا في نكد وهم

.

الظلم يا ناس قاتلني

ونا عيشي عيشة غم

.

الصايع الكبير

الوفه .. مؤلفه

.

ونا اتظلمت كتير

وباخد ع الافة

.

ياناس شوفولنا حل

قبل ما ننقرض

.

قربنا خلاص نمل

وانتو يا ناس السبب

.

صدقوني هتندموا

لو ما ختوش القرار

.

وصعب تحلموا

ايه في دماغنا صار

.

اخر كلام للناس

بدون هزار وضحك

.

يا اما الدهب والماس

يا تعيوشو الدنيا سك

عيد ميلاد ادم

عيد ميلاااااااااااااااد ادم

.

ياتري امتي عيد ميلاد ادم ؟

ياعني لوحبينا نعمل

عيد ميلاد

يكون امتي ؟

.

ياتري حد فكر اصلا

يقول لادم

كل سنه وانت طيب ؟

.

عادي ياعني الدنيا مشاغل

اصلا كان مين افتكره

قبل كده

.

تقريبا عندي بعض من الاجابات

.

.

.

ولد ادم في يوم : 13 اكتوبر 2005

اتولد لوحده

.

مافيش حوا ولا يحزنون

واول عيد ميلاد بيمر

وهو برده لوحده

.

يمكن فيه ناس حواليه

بس اكيد الفواصل

اللي بينه وبينهم

كتييييييييييير

.

ادم فخور بكل اللي عملة خلال السنه دي

كتبت الشعر

كتبت مقالات كتير

اتشتمت بالهبل

شاركت في هوجات كتير

حققت مستوي انتشار مرضي ليا ع الاقل

عرفت ناس بحبهم

عرفت ناس كرهوني

كان فيه مواقف شخصية كتير

زي موقفي من المراة

موقفي من الاديان مثلا

واللي ياما اتهاجمت بسببهم

المدونة دي

تاريخ

ت

ا

ر

ي

خ

.

بجد من غير مبالغة

المدونة دي

تاااااااااااااااريخ

.

اليكم هنا بعض من تخرييفي خلال عام

.

ليه محطات المترو بالالوان دي

.

جردل لكل مواطن

.

ياتري ربنا بيحب مين ؟

.

لقد فازت مصر _ ياااااااااه اخيرا

.

ارجوووك ما تنحشي _ شعر

.

لانك اكيد .. اكيد في مصر

.

والكليات ما بتخرجشي وزرا

.

فلازم توطي راسك يا ابن الكلب .. انت في عهد الاستعمار

.

يمكن دا اللي خلاني اعمل اتحاد مدونين

.

بس كانت صعبة الخيانه

.

بس مش مهم

.

دا اللي تملي يحصلي _ شعر

.

وقال عاملين قلبكو علينا قال

.

افهموا بقي _ تعليق علي ماحدث في مخيم البلوجات

.

بدون ثورة .. لاني اكتر واحد فاهم الكواليس _ شعر

.

لكن يالف خسارة .. نصب الصوان _ شعر

.

طبعا .. لان شجرة التوت مالهاش الحق في اي شيء

.

عشان كده سالت سؤال

.

وانا اللي جاوبت عليه

.

بس البطالة خلتني عجوز عنده عشرين سنه

.

بس فرحه الشغل ما تتوصفشي

.

عشان كده عملت الدكتوراه

التصنيف

والتوابع

.

لدرجة اني اكتشفت فوائد احه المسكينه

.

بس السيكو سيكو كان جاااااااااااااااامد

.

واسالو الناس في بني الاهبل

.

بس انا ما قدرتشي .. بسبب نكستي

.

وبالرغم من كده عمري ما فكرت انتحر

.

وشفت حوا بطريقة مختلفة

.

لدرجة خلتني اعمل اباحه موديل الفين

.

.

اخيرا .. اقولك انا

كل سنه وانت طيب يا واد يا ادم

دا حتي العيد ع الابواب

.

كل سنه والناس كلها طيبين

يابكرة يا مستخبي

يا بكرة يا مستخبي
ومخبي حالي .. خبي
قولي حاجه وخبي
عني باقي الحجات
.
يا بكرة قولي مين
في دول هيكون صحابي
وهل صاحبي الامين
هيفضل من صحابي
ولا أنا لسه هاعرف
صاحب ماعرفتهوش
وهــاشوف معاه معاني
صاحبي اللي ما شوفتهوش
ولسه من صحابي
هشرب مر في كاسات
يا بكرة قول وخبي
عني باقي الحجات
.
يا بكرة يا مستخبي
ومخبي حالي .. خبي
قولي حاجه وخبي
عني باقي الحجات
.
عـــــارف بنـات كتـيـر
ميـن اللـي هـتـبـقي ليا
احـسـاسي مــش اكيــد
مـش بـايـــن في عنايـا
حـاســس بالحـب فيهم
لـكـن مـنـي مـا فـيــش
خــايـف اقــول بحبـــك
هـــي مـا تـحـبـنـيــــش
خايف استـنى واسكــت
تـزهق وتسبني اعيـش
وحـدي مــع الاهـــــات
يـا بـكـرة قـول وخـبـي

عـنـي بـاقـي الـحـجـات

.

يا بكرة يا مستخبي
ومخبي حالي .. خبي
قولي حاجه وخبي
عني باقي الحجات
.
يا بكرة قولي ايه
أنا بكرة هبقي ايه
لساني فقير صغير
ولا أنا هبقي بيه
.
نحلم يا بكرة ولا
كفايانا م الاماني
ده حتى الحظ ولي
ومش راجع لينا تاني
.
وانت كمان يا بكرة
ايه حكايتك معانا
ولا ما عندكش فكرة
ايه هيحصل معانا
.
يا بكرة قول حقيقتك
ارجوك ما تخبيهاش
أنا صاحبك القديم
اسراري محشتهاش
.
لو مش عايز خلاص
وامشي يا اناني
أنا هستني ساعات
وانت اللي جايلي تاني
.
وساعتها مش هتقدر
تخبي عني حاجه

ده هيبقي نصيب مقدر

ان حزن او سعاده

.

ويابكرة يامستخبي

ومخبي حالي خبي

ما تقولشي حاجة خبي

عني كل الحجااااااااااات

.

**********************

.

ها يافنان ممكن تلحن دي ؟

انا اتمني

بدون تعليق

سعاد 
.
.
.
انتي طالق يا سعاد
 

درا للاخرة

ان كنت ترغب في بناء دارا بالاخرة

.

.

فاتصل

0 900 0 999

.

الفاخر

للمقاولات

.

.

هكذا اصبح الدين حكرا للبعض وممنوعا عن البعض الاخر

.

الدين لله .. والوطن للجميع

نرددها ولا نفهم محتواها

.

خطبة الجمعة بقت عن امريكا واليهود والنصاري

.

كل المسلسلات في رمضان السنه دي عن شيوخ ماتت

.

هل ممكن يطالعنا التلفزيون المصري بمسلسل عن حياة قس عاني من اجل الدين ؟

.

هل ممكن نشاهد بلا تزمر برنامج مجالس الطيبين يقدمه البابا شنوده ؟

.

اذا كانت الاجابة بلا

فلا تتردد

واتصل

كي تربح معنا

0 900 0 999

الفاخر للمقاولات

اباحه موديل الفين

اباحه موديل الفين

.

كسم ديك ام البلد

انا ذنبي ايه اني اتجلد

السوط يخرتـق جتتي

والدم ينزف م الكبد

كسم ديك ام البلد

.

سلامات سلام

سلامات سلام

سلامات سلام

احه علي اللي قال سلام

اتخرتقت غيتنا من كتر الحمام

واتساوي دي فيها البنات ويا الولد

كسم ديك ام البلد

.

الظلم عشش عنكبوت

واصل في اجسادنا العفن

والذل فارد اخطبوط

عامل لاجسادنا الكفن

وفي تربتي مش لاقي دود

اكمني ما املكشي التمن

كسم فرعون الاله

المش اله

واللي اتعبد

كسم ديك ام البلد

رسالة الي الوالي

رسالة الي الوالي

.

اسجن يرقات الحقيقة

في بيض ضعيف

اعتقل قلبا احبك

اشتق خمرا من دماءه

واشرب حتي الثمالة

اخرج الضحك العميق

اذكر لحظات السذاجة

تفكر في شكل الضحية

ثم اضحك واشعل سيجارة

خذ منها نفسا عميقا

اخرجه وانت تضحك

توقف في جمود

وابتسم

ومت

.

.

ايها الوالي .. حاول ان تتفهم

لن يشفع لك كونك ابي .. ولن يشفع لزوجتك كونها امي .. انا لا اتهاون ابدا في عقاب الخيانة .. حتي لو كان الخائنين هم ابي وامي .. انتظر نحبك اذن

في الصباح

سوف ينادي المنادي

يخطب في الناس

يعلن يوم النحيب الاعظم .. لا تتعجب ارجوك .. فانا لست بهذه السذاجة كما تظن .. انا اعرف حقيقتك منذ زمن قديم .. اهنئ الان بالصدمة

لاني سوف اهنيء بالدماء

البوليكة الكبيرة

أرنو إلي بحر عميق
اسبح ضد تيار اليسار
اصد لعنات اليمين
اهزم غضبي علي الطريق
وحينا اهزم في الفراش
انظر إليك
لا أري لعينيك بد
قلب تحجر
مستبد
إذن
قشطة
فل يا بت
وم انهارده ما فيش غرام
واسمعي مني الحوار
لا ني مش ناوي اعيده
انا كنت عامل كالحمار
لما يمشي ويا سيده
م انهارده
التعامل خد وهات
أنا اصلي مش محتاج لخوتة
ومش فاضي لدلع البنات
ويلعن ابويا
ان يوم رجعت وقلت لك
اسف حبيبتي .. ننسي اللي فات

.

.
هي مقدمة ليست ذات قيمة
ولذلك اقول .. اما بعد / اعلنت وزارة الشئون الاجتماعية في الحكومة البرجوازية للطبقة البلوتارية في دولة خد وهات بقياده الزعيم الي مات ادم المصري اطال الله في عمره وابقاه زخرا لنا و للبلاد
ان تعلن عن حاجتها لشخصيات من الجنس اللطيف لشغل الوظائف التالية

.

.
اولا وظيفة الام

شروط الوظيفة
السن .. لايقل عن اربعين سنه
المؤهل : دكتوراه في الحب والحنان
لا تقل الخبرة عن عشر سنين ممارسة للمهنة

.
مميزات الوظيفة
نشيلك في عنينا وفي قلوبنا طول عمرنا
تامري امرك مطاع
تحلمي .. حلمك اوامر
تتطلبي لبن العصفور يحضر عشانك
لو تامري نجيب لك م القمر حته
مهما تعملي فينا حقك علينا الطاعة

.
عيوب الوظيفة
دايما تسمع شكاوي .. ولازم تحل
تحاول ترضي ابنها باي شكل من الاشكال
لازم تسهر عليه في مرضه .. ولازم تراعيه كمان
لازم تشيل عنه كل الهموم
معطاءة بلا حدود
حنانها ليس له حد
غير مسموح لها بالضجر ف وجه ابنها ابدا
تحاول ان تعبر له عن مدي حبها له باستمرار

.
ثانيا وظيفة الحبية

شروط التقدم للوظيفة
السن لا يقل عن 18 سنه ولا يزيد عن 20 سنه
ان لا يكون سبق لك خبرة في هذا المجال مطلقا ممكن نسمح بمفاوضات
تكوني حلوة .. روشة .. مش نكدية .. مثقفة .. بتحب الشعر بتاعي أنا بس
اللون مش مهم

.
مميزات الوظيفة
قلبي ليكي .. روحي ليكي .. عيوني ليكي
كل يوم تسمعي قصيده حب
اخاف عليكي من الهوا الطاير
تطلبي عيوني اديهالك هدية واتحايل عليكي تخديها كمان
وعد مني تحسي بالامان

عيوب هذه الوظيفة
دايما وابدا تحسسيني اني الوحيد اللي في قلبك
احس اني كونك ودنيتك
تفكيرك يبقي فيا أنا بس
قلبك يكون ليا أنا بس
احس معاكي بالامان

.
ثالثا : وظيفة الزوجة

شروط هذه الوظيفة
السن لا يقل عن 18 سنه ولا يزيد عن 20 سنه
المؤهلات .. ما جستير تربية اولاد
مهارة عالية في تحمل مشقات اسرة
حلوة .. ممكن نتفاوض .. اهم شيئ مش نكدية .. مالهاش دعوة باخواتي .. ولا بقعدتي ع القهوة ماشي؟

.
مميزات هذه الوظيفة
اضمن لكي حياه كريمة .. ومستوي اجتماعي ربنا يسهل ويكون عدل
انشاء الله نخلف وتبقي ام ... وربنا يسهل هالك وتبقي جده
لا مانع إذا اردت العمل
اوعدك انك تحسي بالامان
تامين مستقبلك بالشكل اللي يرضيكي

.
عيوب هذه الوظيفة
تسهر علي راحتي .. وتحاول ان ترضيني
اهم شيء في حياتها أنا والاولاد
لازم تسمع الكلام إذا مناقشنا ما وصلتناش لحل
كتومة اسرار .. تحب امي وتخدمها
مالهاش دوعة باخواتي خالص .. مفهوم

.
وظيفة الاخت

شروط الوظيفة
السن لا يقل عن 14 ولا يزيد عن 25 سنه
ان تتمتع بذكاء اجتماعي جيد
مثقفة ومش نكدية
ما تضربشي اسفينات عند ابويا هه مفهومة دي

.

مميزات هذه الوظيفة
تجدي اذان صاغية في أي وقت لسماع أي مشكلة
راي يفيدك في أي شيء
قلب يخاف عليكي .. ويهمه مصلجتك
نصايح ببلاش
مسؤل عنك مسؤلية كاملة
دروس توعية ثقافية في مشاكل الدنيا والحياه ببلاش برده

.
عيوب هذه الوظيفة
غصب عنك لازم تسمعي الكلام
قد تشعري ببعض الضيق من كثرة الاوامر
لازم تاخدي المشورة في أي امر يخطر علي بالك
لازم تعملي براي أنا ده في حالة إذا ما تعارض مع رايك

.
وظيفة الصديقة

شروط هذه الوظيفة
السن لا يقل عن 18 سنه ولا يزيد عن 25 سنه
مش نكدية .. مثقفة
لا تؤثر علي حياتي الشخصية

.
مميزات هذه الوظيفة
صديق مرح ومخلص
يقدم لكي نصائح بلا مقابل
لن امثل لكي اي جهة رقابية مهما كانت
يمكن ان تناقشيني في مشاكلك بحرية

.
عيوب هذه الوظيفة
ان تتحمل المضايقات التي قد تصدر اثناء تعكر مزاجي
ان تكون ذات قدر عالي جدا من الليونة والمرونة في التعامل
عليها ان تكون جاهزة في اي وقت للخوض في اي حديث مهما كانت خطورته
يمكن السماح من حين لاخر بعض المزاح

.
وظيفة الزميلة

شروط هذه الوظيفة
اي حاجة مش هختار

.
المميزات
زميل مخلص لا يتدخل فيما لا يعنيه
كل العلاقة محصورة في مطاق العمل فقط

.
العيوب
لن اسمح بتهريج من اي نوع
لن اسمح بتطفل من اي نوع
لن اسمح بتهاون في كسر الحدود

علي من تجد في نفسها القدرة علي التقدم الي شغل اي من الوظائف السابقة فعليها ان تقدم اوراقها الي الادارة وسوف فض المظروفات في موعد اقصاه ثلاث سنوات من الان .. وهذا ايمانا منا بضرورة عمل المراة .. ومحاربة للبطالة وايمانا منا بان الدين لله والوطن للجميع لم نضع اي شروطا من الدين او اللون لاعاقة المتقدمين لشغل هذه الوظائف ..عسي ان ينفعنا بها الله ويضعها في ميزان حسناتنا يوم القيامة انشاء الله

والسلام
مع تحيات الادارة العامة
للشئون الاجتماعية
ادم المصري

ـــــــــــــــــــــــــــــــــــــــــــــــــــــــــــــــــــ

علي هامش الاعلان .. لقد رات الادارة انه نظرة لقلة الاعداد المتقدمة وكثرة اعداد الوظائف الخالية لدينا .... انه تم السماح للتقدم باكثر من وظيفتين .. علي الا يكون بينهم تناقض في المهام والوظائف اي انه يحق للحبيبة ان تتقدم لوظيفة الزوجة ,,,

وهكذا .. والسلاااااام

حوا كما اري

المرأة ؟
كلمة ذات معني غامض .. أو هكذا أري .. لا اعي ماهيتها فانا لم اكتسب الخبرة الكافية لمثل هذه المهمة الشاقة بعد .. ولم أصادف في حياتي من كان علي قدر ضئيل بهذه الخبرة .. أحيانا اشعر بالعجز أمام هذا الكائن الغريب وأحيانا اشعر بالانجذاب وأحيانا اشعر بالحاجة وأحيانا اشعر بالنفور ، عجبا لنفسي ولمخلوق كهذا

.
المرأة بالنسبة لي غموض
بالفعل صادفت كثيرا من ادعي خبرته الفذة في معرفة ما يدور بخلدها .. وشاهدت مولد القصص وأيضا موتها ولم ينجح رجل واحد في إقناعي بأنه امتلك أخيرا مفاتيح شخصية الإنسان الأنثى
ولكن
عندما حاولت أن أفكر فيها بشكل علمي ( علي أساس إني دكتور طبعا ) سألت نفسي سؤال بسيط .. وهو : ماذا احتاج من المرأة ؟ ..... ثم ندمت بشده أني سالت مثل هذا السؤال .. لأني اكتشفت كم هو سؤال قاسي علي نفسي بالفعل كنت أظنه سهل المرام ولكن هكذا هي الحياة وجدتني احتاج أنواع كثيرة ولا تنتهي ولكن المرأة هي المرأة .. اقصد أنها ليست أنواع

.
ولكن
ما اكتشفته أنا أنها تتعامل بشكل مختلف مع الرجل حسب ما تريده هي من هذا الرجل .... إذن فأصبح السؤال غير مجدي الآن وأصبحت في حاجة إلي صيغة أخري لسؤالي .. ما هي الأشياء التي قد تريدها المرأة مني ؟ ... وعليها حاولت أتخيل شكل المرأة التي تتعامل معي

.
وعندها
وجدت أن المرأة تحتاج أن تعيش حبيبة ، وزوجة ، وأم ، وأخت ، وصديقة ، وزميلة ... وعندها وجدت أن المرأة بالفعل لا تتغير ولكن المتغير هنا هو الرجل

.
بمعني
أن الرجل الحبيب ليس بالطبع هو الرجل الزوج وكذلك طبيعة التعامل تختلف كليا وجذريا مع الرجل الابن أما الرجل الأخ فله وضع مختلف تماما كذلك الرجل الصديق وكذلك الرجل الزميل .... لذلك تضع المرأة مواصفات عديدة وديكتاتورية في بعض الأحيان في نوع الرجل الذي تريد أن تتعامل معه .. ونجدها هنا من اشد الناس حرصا بل وصرامة في السيطرة علي كل هؤلاء الرجال فلا تدع أي منهم يتخطى حدوده بأي شكل من الأشكال ، هي الوحيدة التي تستطيع أن تفعل ذلك وبالفعل تنجح

.
فنجدها
تختار الرجل الحبيب بالصورة المثالية للحبيب والذي تتمني أن تمارس معه الحب .. ولكننا نفاجئ أنها عندما تختار الزوج فإنها قد تتنازل عن بعض صفات الحبيب نتيجة بعض الظروف وبعض المقاييس التي تعييها هي وحدها ، أما عندما تختار الرجل الابن فنجدها تحاول أن تبني فيه صورة الحبيب التي حرمت منها في زوجها ولكن تختلف اختلافا جذريا مشاعرها نحوه ، فهي تبنيه لكي يصبح حبيبا كما تمنت ولكن .. ليسعد امرأة غيرها فهي بالتأكيد تفهم المرأة وتعي جيدا مواصفات الحبيب الذي تتمناه أي امرأة ... وطبعا ومنطقيا تتغير كل الاحتياجات وكل المتطلبات التي قد تريدها من الرجل عندما يكون هذا الرجل أخ .. قد يكون هذا الأخ في بعض الأحيان النادرة جدا هو الصديق .. ولكن هذا بالطبع نادر جدا علي ما أظن .... فالصديق الحق هو من يمارس الديموقراطية كثيرا مع صديقه واعتقد أن الأخ ليس كذلك في كثير من الأحيان بالذات مع الأخت فنجدها تحتاج الصديق لتستشيره بصفته الخبير في أمور الرجال أحيانا أو بحكم أنها قد تكون تربت معه مثلا ولكننا نجدها أكثر الناس حرصا علي رسم حدود لعلاقتها معه وتعرف كثيرا كيف تلجم عواطفها وتعرف جيدا أن تجعل الرجل يلزم حدود هذه العلاقة أيضا ..... أما الزميل فهو الرجل الذي تريد أن تراه وتتعامل معه في مكان العمل أو الدراسة ولا تريد أن تتعامل معه خارج هذه الحدود
.
لذلك
قد يفاجئ رجل ما انه قد يرتقي في علاقته مع المرأة شيئا فشيء .. فهي لها نظرة .. قد تجد زميلا لها جديرا بصدقاتها وقد تجد الصديق جديرا بحبها وقد تجد الحبيب جديرا بالزواج منها .. في كل الأحوال هي من تسمح له بان يتخطى الحدود

.
إذن
أصبحت في حاجة إلي تغير السؤال للمرة الثانية فأصبحت احتاج إلي صيغة أخري للسؤال .. ما مواصفات المرأة التي أريدها تعاملني في الشيء الذي تريده مني ؟

.
وعندها
قررت أن أضع مواصفات للمرأة التي أريدها تتعامل معي في كل الأشكال التي يمكن أن تريدها المرأة من الرجل .. حتى إذا ما صادفت المرأة التي تريد أن تتعامل معي بشكل ما .. أكون موافق ضمنيا عليها أنا الآخر

لذك انتظرو مني

في بوست اخر

مواصفات حوا كما اري

حاله

كل ما ازرع في الارض لو

تطرح يا ريت

.

.

.

.

.

عمري مافكرت انتحر

عمري مافكرت انتحر

عمري مافكرت انتحر

بس اما شوفت عنيكي كان

لازم افكر .. الف مرة

قبل ما احلم بالحياه

عايز اموت فيكي واسافر

جوة دمك .. في الوريد

شريان حياتك

اتوصل .. منك إليا

فاسمحيلي

هعيش حياتك من جديد

بدون كلام ومقدمات

انا يا حببتي .. هعترف

انا اصلي كنت ومن زمان

عاشق قديم

لكني لما اشوف عنيكي

بانخطف

فاعمل لئيم

قال ياعني مش فارق معايا

لكني بارجع وانكشف

انا اصلي بابقي في حضرتك

انسان غريب

ومختلف

ده انت القمر منك يا غالية

بينكسف

فازاي حكابر يا حببتي واعترض

والقمر ذات نفسه

عاجز يعترض

قلبك شمل كوني بنورك

باشكره

حلمي اسافر جوه منه

واعبره

واعدي فيكي الف شط والف مرسي

واتوه في بحرك

وانخطف

وعمري ما ارسي

قلبي ينادي

ماليت سماها وبحرها

حب وحنا

كده انت راضي ؟

فقول يا قلبي برده لسة

صورتك سراب

معرفش ليه دايما بعيد

صوتك صدي .. جاي م الفضا

دايما شريد

معرفش ليه حواليكي هالة مبعدة

لمسة حنان

من ايد حبيب

يمكن عشان كونك ملاك جاي م السما

يمكن اله الحب في العصر الجديد

انا اصلي عاجز اوصفك

كل الصفات عاجزة تحدد ملمحك

وانا كل مرة المحك

باشوف جديد

ساعات اشوف ملاك

وطاير في السما

فارد جناح الحب فوق كل البشر

وسعات بشوف حورية من

حور الجنان

بيضا ولا التلج في لحظة شتا

وكمان باشوفك سيندريلا

راكبة علي حصانك اميرة

مستنظرة فارس شجاع

وكمان باشوفك ورده في

عروة جاكته

حاطك عريس .. ليلة فرح

انا قلبي وياكي انشرح

والحب في عنيكي انطرح

والحب في عنيكي انجمع

والحب في عنيكي انقسم

والحب في عنيكي انضرب

.

الحب في عنيكي انطرح

........ للعاشقين حل

الحب في عنيكي انجمع

....... قلب العزول مَّــل

الحب في عنيكي انقسم

....... عشان يكفي الكل

الحب في عنيكي انضرب

........ طلقة تصيب الذل

يا ايها الليليات .. انتوا السبب

يا ايها الليليات .. انتوا السبب

.

ليلي هي من اختارت ان تنغلق .. قناعات لديها تجبرها علي الانغلاق .. لا تظلموا الرجل .. ولكن اظلمو نظام التعليم .. اظلموا شيوخ تضلل باسم الدين .. اظلمو الفقر والجهل والمرض .. اظلمو الديكتاتورية .. ولكن لا تظلموا الرجال

.

والدليل (لا مش قالولو ) .. انه في كل المجتمعات التي لا تعاني من الفقر او الجهل .. نجد المساوة بين المراة والرجل عاليان واضحة للجميع

الرجال هم من دافعو عن حقوق المراة .. تذكروا تاريخ النضال الانثوي في مصر من الذي قاده ؟

ومن الذي فتح الطريق الي المراة لكي تصبح كما هي الان ؟

.

اقول لكم .. انكم من اخترتم الانغلاق ..

لقد ارتدت اختي النقاب

فجاة .. ودون سابق انذار قالت لي انها ( حسيت انها عايزة تلبسة ) اختارت لها اسلوب حياه .. اختارت لها زوج المستقبل .. اختارت اسلوب تربية اولادها .. اختارت نظرة المجتمع .. اختارت بكامل اردتها .. لانها تشعر من داخلها ان هذا الصواب

في المقابل كنت انا قبلها ببضع ايام الح عليها كي ترافقني في ندوة .. في جماعة فكرية نتناقش عن الفكر والحرية .. كنت ( بتحايل عليها اوديها سيما ) ولكن هذا ما كان .. وهذا ما سيكون

.

لما امد ايدي للسلام .. لزميلة دراسة مثلا فتقول اسفة مش هسلم .. ده اسمه ايه ؟

لما امشي مع زميلة من باب الكلية لحد المترو وعند باب العربية تقولي اسفة هركب سيدات .. ده اسمه ايه ؟

لما البنت في كلية هندسة .. حلمها وامنيتها تتجوز وتقعد في البيت .. ده اسمه ايه ؟

لما بنت تقول اصل الشغل للبنات حرام .. ده اسمه ايه ؟

.

ولكن اقول علي مستوي المدونات

اخيرا اعترفت ليلي .. انها تحتاج الي وقت كي تراجع موقفها .. ولكن اي موقف يستحق المراجعة .. اتهمتني بعض الليليات اني اناقش الموضوع بتفاهة شديدة وان حركتهم لم تمثل ابدا و اطلاقا تقسيم لمجتمع المدونين .. واني تسرعت في وجهة نظري اذن فالسؤال هنا

.

هل تجمع كل المدونات الانثيات علي كتابة موضوع بهذا الشكل صدفة ؟

هل كل ما عرض في مواضيع ليلي الي الان لا يخرج عن حد الفضفضة ؟

.

تقول احدي المدونات الانثيات .. اني اتجاهل ما تشعر به الانثي .. وان هناك مشكلات بالفعل يجب مناقشتها .. فارد عليا انا واقول لها سيدتي ارجوكي

.

قولي لي حادثة واحدة تعرضت لها احدي المدونات .. او شبهة اضطهاض تعرضت لها احدي انثيات البلوجرز ؟

والسؤال الاجدر بالطرح هنا لماذا كل هذا التجمع وهذا التجمهر في هذا الوقت تحديدا ؟

اشعر اني وقعت في شرك عمل تنظيمي جيد .. في يوم واحد وموضوع واحد وقضية واحد .. وعند ساعة الصفر يتم الهجوم ..ولكن تهاجمون من؟ .. تهاجمون من تفاهموا معكم .. وشاكوكم الحوار والنقاش

اقول لكل معركة ميدان

هل ميدان البلوجرية يحتاج الي معركة من هذا القيبل ؟

.

اظن انه لا .. ثم بعد كل هذا ما هي المطالب التي قد تطالب بها ليلي ؟

لم اجد شيء من هذا القبيل عند احد ؟

.

اني وجدت احدي الانثيات قد علقت مدافعة عن ليلي .. ان البنات غير مسموح لها الدخول الي البيت بعد الساعة العاشرة او انها لا تذهب الي السينما بحرية

.

هل هذه هي مطالب ليلي اذن ؟

هههههههههه .. من قلبي اضحك .. وبكل ثقة اقول خدوها

احه .. كلنا قيس بقي

احه .. كلنا قيس بقي

لفترة ليست بقصيرة .. كنت اتصفح النت يوميا .. هنالك اشخاص ارغب في ان اكون اول من يعلق لهم في مواضيعهم .. احس احيانا برغبة قوية في مصادقتهم .. ولكن لفترة شعرت بالملل لاني لم اجد موضوعا جديدا عند هؤلاء لفترة ليست بالطويلة .. لكني قد تعودت فيهم النشاط .. لم اجلس البارحة فقط كي اتصفح النت .. البارحة فقط .. اي انه يوم الجمعة السابق كان كل شيء علي ما يرام .. ولا هناك شيء غريب

.

ولكن

.

البارحة حدث ما قلب البوجرز راسا علي عقب .. ادخل الان لاجد ان كل البلوجرز اجتمعوا علي انهم كلهم ليلي .. ما السبب لا ادري .. في ابهام واضح في كل موضوع قد كتب عن هذه الــ ليلي هناك من تناول الموضوع بشكل ساخر وهناك من تناوله باسلوب ادبي انشائي وهناك من تناوله بطريقة بسيطة ولكن اتفقوا جميعا علي ان لا يذكروا من هي ليلي

.

هناك من حكي مغامرات لها .. فهي ليلي ومرسي .. او .. وليلي وحنفي وكان الامر كقصة او رواية يتناقلها البعض مع تحريف بسيط ولكن مايميز كل المدونات انها وضعت لينك خاص للانسة ليلي .. لنقرا لها .. وكانها دعوة منهم لان نقرا لها

.

فالسؤال هنا لماذا تتكلمون اذا كنتم غير قادرين علي توصيل رسالتها ؟

او لماذا نقرا لها طالما انكم قلتم ما تريد ان تقوله ؟

ام ان هذا نوعا من الاعتراف بحق الملكية الفكرية مثلا ؟

.

لماذا العنصرية التي باتت واضحة في بوست ليلي ... منذ متي وكان مجتمع المدونين منقسم رجالا ونساء .. منذ متي وكانت العنصرية شيء مميز في البوجرية ؟

لا اعلم .. ولكن ما اعرفه الان وما انا متاكد منه اننا بالفعل لم نتعلم شيء عن حقوق الانسان والديموقراطية وهذا الكلام الزائف لزوم المحاضرات .. والرغي ليس الا .. وعلي اول مشارق الطريق ظهرت انياب الوحش النسوي الكاسر ليعض الرجال في عالم خاص سادت فيه روح السلام لوقت طويل

.

لمصلحة من ان يتكلم البوجرز باسم النساء والرجال ؟

لماذا اخترنا اذن اسماء مستعارة ؟

كنت اظنها لاخفاء الدين او الجنس حتي لا يمثل حاجز .. ولكن كسرت كل الشعارات الرنانة التي نادينا بها .. في اول منعطف يمر

.

اذن لقد باتت الامور هكذا .. انفصل النساء في عالم خاص بهم وباتو ينادوا بانهم كلهم ليلي .. وان الظلم قائم عليهم من مصدر واحد هو نبع الظلم والشرور اسمة الرجال

اذن فلنعلن نحن ايها الرجال .. اننا كلنا قيس

نكستي

نــكــســتـــي

.

.

شيلت نكسة فوق كتافي

ماشي بيها في البلاد

سيبتهاشي الا ما دابت

تحت رجلك يا وداد

وامريني .. امريني لو اجيب م الليالي عنقودين

واطرد الليل الحزين

افرك العنقود بايدي

فالقي نفسي بين وبين

اصلي حبة لولي واقعة

من حبال الذكريات

مستعدة تخلي بكرة

يبقي احسن م اللي فات

ده في حالة واحدة هي

ان بكرة يبقي فات

ده لان النكسة فينا .. ما انتهيتش

لسه فيها عار ودم

لسه ليها كام بقية

والنتيجة الظلم عم

مش هخاف من جمال

قالو نكسة مش بدم

اه هخاف من ابويا

لما وافق ع العدم

تبقي دية عيشة لينا

واحضرينا يا امم

مرة ابويا خد قرار

تعرف النكسة اختبار)

( واجبي اصبر للنهاية .. دا بديل الانتحار

خاف من اللي بدلة سودا

بيضا في عز النهار

خاف لا ضله ينحني

لاجل عوده المنحني

قالو حاجة تكون سليمة

حتي ما يكونشي انهيار

مش هخاف من جمال

برده ارحم م التتار

يكفي ابويا وكل ناسه

اللي هما عاشوا فيه

برده ابويا يا ما شاف

ياما بكيو الناس عليه

يكفي قلبي كل هم الفترة ديه

واللي راحت واللي جاية

واللي شابو الناس عليه

مات ابويا

عاجز اترحم عليه

ساب وصية

اورث الخوف اللي فيه

فيش في ايدي حاجة تانية

غير ساعتها اني اخاف

والعن اليوم اللي شاف

نو صباح الكون .. حبيب

دون ما يحسب الف مرة

للضلام مليون حساب

العدد التالت من بني الاهبل

حكايات بني الاهبل

أي تشابه في الأحداث او في الشخصيات او الأماكن او الأزمنة فهو محض إرادة . وتقع المسئولية كاملة علي الشاعر و علي كل من يقرأ هذا العمل .. وعلي كل من يُعجب به و علي كل من يكره .
يريد الشاعر أن يدبس كل من وقعت عيناه علي هذا العمل في تحمل المسئولية معه . لذلك يقدم الشاعر لك من يحبهم نصيحة بعدم قراءة هذا النص .... ونصيحة لكل من يكرهم بقراءة هذا النص
أردت في هذا العمل أن اكتب نصا أدبيا كبيرا جامعا له إسقاطا سياسيا يكون أشبه بسيرة شعبية أو كما جاء في التراث
لعل سؤ الحظ أني ولدت في هذا العصر ... سبقني إلي ذلك عمالقة .. كتب صلاح جاهين (الليلة الكبيرة) والمسرحيات .. واني اعتبر انه لو مات دون أن يكتب غيرها فستكفيه شهرة وخلود وأيضا كتب فؤاد حداد (مصر بالحودتة) والتي اعتبرها البذرة الأولي والتي أتمني أن يكون هذا العمل ثمرتها . إذا أخذت اسرد في العمالقة فلن انتهي ..
أقول أن الفارق بيني وبين هؤلاء بضع سنين فقط ..

" انتم سبقتم أما نحن ألاحقون "

سوف ابذل قصارى جهدي كي يخرج هذا العمل علي خير حال .. سوف تجدوا في هذا النص شعرا منثورا او شعرا منظوما
صراحة لا أجد فرقا بين الاثنين .. غير طريقة الكتابة
فكلاهما له الجرس الموسيقي الذي تستريح له الأذن ... وأيضا كتبا علي أساس شعري مضبوط
هي محض تجربة لا أتوقع منها شيء .. قد تفشل وقد تنجح .. في كلا الحالات لن أيأس

تستطيع الان قراءة

الـــعــــــــــــــــدد الاول .. من هنا

الـــعــــــــــــــــدد الثاني .. من هنا

الـــعــــــــــــــــدد الثالث .. من هنا

احا انا لسه غبي

احا انا لسه غبي ؟؟

.

انا لسه بحلم ؟؟

.

انا لسه فاكر انه فيه امل ؟؟

يااااااااااااااااااااااااه

ده انا في منهي الغباااااااااااااااااء

احا

انا انسان عقيم خنيق علي طول مكتئب

غالبا بكون سبب حزن معدي للناس اللي تعرفني

انا ايه لزمتي في الدنيا دي طالما اني بسبب مشاكل لكل اللي يعرفني

اقول شيئ

انا انسااااااااااااان غبي

ما يستاهلشي انه يعيش

احا

احب اقول اخر كلمة

انا بعشق كلمة احا

لانها الوحيده اللي ما بتزعلشي مني

بحبك يا احا

وهكتب التاج ياجماعة وهتجوز

مش عارف ليه لما جيت اكتب العنوان افتكرت الاعلان بتاع عبد الرحيم عمر واحتكم الامر يا جماعة وهتجوز .. بصراحه غلب عليا الافيه بتاع الاعلان فحبيت اني اكتبه في العنوان بتاع البوست ... اخيرا هكتب التاج .. قبل ده كتبت التاج وبصعوبة بالغة قبلت اني اتعري ادامكم جميعا .. اه اتعري هي كده .. اصلي معتقد ان التاج ده عباره عن بوسط الواحد بيقلع فيه كل الاقنعة اللي مفروض انه كان حاططها علي جسمة .. بصراحه انا مش عارف ايه سبب التسمية بالتاج .. يمكن علشان اول واحد كتبه حس انه ملك بقي وكده .. بس انا شايف ان التسمية الصح هي السلطنية .. هههههه اه والله واي واحد يبعت دعوة لاي حد علشان يكتب السلطانية كانه بيلبسهاله .. ياعني انا لبست السلطانية من بعدك علي بالي وايبتاف ونوران ومكسوفة .. كل دول لابسوني السلطانية ... ههههههههه لا وايه وانا لبستها وبكل فخر وعنطزة اتحدث اليكم من تحت السلطانية واجاوب

.

.

س هل أنت منشكح من مدونتك شكلاً وموضوعاً؟

بصراحه انا منشكح انشكاح جابلي انزلاق غضروفي في الغدد الليمفاوية المنبعجة والغير منبعجة والتي ادت الي انكشاح مستمر داخل القصبة الهوائية ناتج عنه ضحك هستيري مزمن

.
س هل تعلم أسرتك الصغيرة بأمر مدونتك؟

اه .. هما يعرفوا ان انا عندي حاجة كده معرفشي ايه باكتب فيها وبقابل فيها ناس وناس بتكلمي .. ازاي بقي ؟ ده اللي نفسهم يعرفوه

.
س هل تجد حرجآً فى أن تخبر صديقاً عن مدونتك؟

طلاقا .. ده انا حتي كل ما اجي اظبط بت .. ما اقعدشي ارغي كتير .. اقولها يا بنتي خشي ع اللينك ده وباختصر ههههههههه طبعا ما باشوفش خلقتها تاني ابدا

.

س هل تعتبرها أمرا خاصا بك؟

مش فاهم ازاي ياعني .. بصراحه انا عايز المراقب اللي في اللجنه هنا .. ما ينفعش الكلام ده .. السؤال ده مش في المنهج

.
س هل تسببت المدونات بتغيير إيجابى لأفكارك؟ فلسعنى مثال فى حالة الاجابة بنعم

افلسعك ؟

حاضر ياسيدي .. من ناحية هي ايجابي هي فعلا ايجابي .. ايجابي انا .. مش ايجابك انت .. والدليل علي كده انك لو نظرت نظرة تاملية في تاريخ الكرة الارضية والعصور الجليدية ستجد حفريات غير منطيقة في حفر منبعجة واخري غير منبعجة تدل علي وجود ارشيف حي ونابض لكائنات بلاستيكية تعيش منذ الاف السنين تسمي المدونين .. وانا قابلت منهم ناس وبحبهم وباموووووووووت فيهم كلهم طبعا حتي اللي ما قابلتووووووووش

.
س هل تكتفى بفتح صفحات من يعقبون بردود فى مدونتك أم تسعى لاكتشاف المزيد؟

لا انا كنت بحب اكتشف المواهب الجديدة ولو مش معروفة احب احط لها لينك عندي .. اب روحي بقي .. برده بكرر وباعيد للي مش فاهم .. في اصول الفكر العلماني المنبثق انبثاقا تسلسليا من الفكر المتوازي مع المستوي المائل 120 درجه نجد ان هناك اباء روحيين كتير جدا بيعملو اللي انا عملته ده

.
س ماذا يعنى لك عداد الزوار.. هل تهتم بوضعه فى مدونتك؟

انا شخصيا وبايمان نابع من عقيده داخلية وخارجية علي صعيد السياسة العالمية اري ان اي حديث عن عداد الزوار ما هو الي فلسفة مثلثه الاضلاع تميل الي تساوي الساقين بعيدا عن طول البنطلون والقميص .. لذلك وبكل اصرار احب ان اكرر ان كل مهتم بالعداد ياخد باله علشان شركة الكهربا واخده بالها اليومين دول

.
س هل حاولت تخيل سحنة اصدقائك المدونين؟

سحنه ؟

ايه الالفاظ دي ؟ انت جاي منين .. المهم يا سيدي انا فعلا حاولت اتخيلهم كلهم .. وبناء عليه وبدون مبالغة وحسب نظرية الاسقاط الثاني للربع الاول في المحيط الاطلنطي احب اقول اني فشلت فشل زريع جدا .. خصوصا اني تقابلت مع اتنين تخيلتهم بالفعل بعدك علي بالي وكورتيس

.
هل ترى فائدة حقيقية للتدوين؟

طبعا ودي عايزة سؤال .. انت دوين وهي دوين وكلنا دونينين .... وحسب المقولة الشهيرة اللي بتقول استنتاجا من نظرية السباق المركزي والا مركزي يحدث صخب جماهيري وينقسم التركيز الي نوعين من الجمهور احدهم يشجع المركزي والاخر يشجع الامركزي علي خوض السباق والانتصار في النهاية .. ولذلك وحسب هذه النظرية نجد ان التدوين حاجة قشطة قوي وميت فل وعشرة

.
س هل يزعجك وجود نقد بمدونتك ؟ أم تشعر انه ظاهرة وأدوات صحية؟
صحية ؟

دي ليها علاقة بالفوط ؟

انا عموما احب النقد جدا .. وحسب مقولة الاديب العالمي الذي اخد جزمة نوفل في رمي الجولة اقول ان من طبائع النفوس ما قد يجعل الانسان لا يقوي علي ممارسة بعض المهام الموكلة من شخصية ذات طابع سيادي بحت تحب ان تهيمن وتسيطر حتي علي بواطن الامور ولذلك وعلية احب ان اقول ان النقد ده حاجة فشيخة طحن

.
س هل تخاف منبعض المدونات التى تفتح تابوهات السياسه و الجنس و الدين وتتحاشاها؟

جنس ؟

بجد ؟

هو فين ؟ دلوني عليه ابوس اديكو .. ده حتي بناء علي نظرية الانبطاح والا انبطاح نجد ان الجنس والسياسة والدين عامل مهم جدا في انبطاح الشعوب .. حتي اسألو الاميرة اوسا

.
س هل صدمك اعتقال بعض المدونين؟

كان نفسي اكون واحد منهم .. ده طبعا لاني شخصية متفانية في نكران الذات .. وبناءا عليه احب اقول لكل المدونين صغار وكبار اني من افضل من يمثلكم داخل سجون الاعتقال .. لذلك فانتخبوني

.
س هل فكرت فى مصير مدونتك حال وفاتك ؟

مش عارف .. ولكن في حالة الوفاة والبعد الجيني للعمليات التفاعلية نجد بؤبؤ العين يتسع اتساعا شديدا يؤثر علي الاعصاب اللسابعة داخل خلايا جسم الفار الابيض في قفص التجارب .. وبناء علية احب ان اقول انا لله وانا اليه راجعون

.

اخر سؤال : تحب تسمع أغنية إيه- بلاش صيغة آمال فهمى دى - ما الاغنية التى تحب وضع اللينك الخاص بها فى مدونتك؟

اي حاجة لام كبسول .. او شريط مفرش .. او عبد الحليم باهظ ..المهم اي حاجة تفشخنا وخلاص

.
أكتب اسماء خمسةمدونين ليقوموا بهذا الاستقصاء بعدك خمسة بس؟؟؟

خلاص هما خمسة

احمد حسن .. او لا احد .. والمرة دي يا احمد هتكتبه

سندباد

كورتس انت كتبته خلاص

وبعدك علي بالي ما تنفعش .. هي اللي مدياني الدعوة

كذلك ايبتاف ونوران

احه .. كلو كتب التاج .. امال هبعت لمين ؟

خلاص اللي ما كتبشي يكتبه .. قصدي بقي اللي ما لبسشي السلطانية يلا قوام يلبسها

.

اه تحية خاصة جدا للاميرة اوسا لاني غشيت الاسئله منه

.

انا كتبت التاج بس عشان مسافر ... انا مسفر جمصة يا ولد .. حضر البوئجة يا ولد

تخريف قديم عن واقع اليم

من هو حسن نصر الله

ولد حسن نصر الله عبد الكريم نصر الله في بلدة البازورية في الجنوب اللبناني عام 1960 وسافر عندما بلغ السادسة عشرة إلى مدينة النجف في العراق مركز المؤسسة الدينية الشيعية (الحوزة) ليبدأ مرحلة الدراسة الدينية، وتعرف على عباس الموسوي البقاعي زعيم حزب الله آنذاك والذي أصبح أستاذه وملهمه.

.

.

وصل الشيخ حسن نصر الله إلى زعامة حزب الله عام 1992 بانتخابه من قبل مجلس شورى الحزب عقب مقتل أمينه العام السابق عباس الموسوي، وذلك رغم أنه لم يكن نائبا للأمين العام بل كان أصغر أعضاء مجلس الشورى سنا

.

.

وشارك نصر الله بين عامي 82 و89 في عدة مهمات تنظيمية، ساهم خلالها في بناء الكوادر وتعليمها وتحضيرها "للمقاومة والجهاد"، وحسب المقربين منه كان دائم القول "إن إسرائيل قوية في أذهاننا فقط، وعندما نسقط هذا الوهم ونستخدم القوة الكامنة فينا سنجد أن هذا الكيان الذي اسمه إسرائيل أوهن من بيت العنكبوت".

.

.

وفي أواخر الثمانينيات سافر نصر الله إلى قم في إيران حيث يوجد ثاني مركز ديني تعليمي وقيل يومها إنه نأى بنفسه عن سجالات حامية داخل حزب الله بشأن سياسته الإقليمية والمحلية، إلا أن آخرين يقولون إنه مر بفترة تحضير نسج أثناءها علاقات وثيقة مع إيران وسوريا ساهمت فيها شخصيته الجادة وتجربته الحزبية رغم صغر عمره التي لم يكن آنذاك قد تجاوز الثلاثين. فقد كان يرى أن علاقة إيرانية سورية متينة ستوفر لحزب الله أفضل الظروف للعمل.

.

.

لا اري ان في شخصية كهذه بطلا قوميا للعرب او للمسلمين ... العرب تنكروا منه .. واتضح ذلك في راي كل من مبارك والاسد حتي المسلمين تنكروا منه وذلك واضح في تصرفات المملكة السعودية

لم.. طبعا انا لا اختصر المسلمين في السعودية ولا العرب في مصر وسوريا ولكن هذا الواقع اذن لماذا نصبغ الموضوع بصبغة عربية او اسلامية .. والموضوع اصلا منتهي

يراودني شعور خبيث في ان حسن نصر الله ما هو الا رجل دعا اليهود علي مائده غداء فيها لحم اطفال ونساء لبنان الجميلة .. لم تدخل اسرائيل لبنان الا بدعوة حسن نصر الله

ولم تتركها الا خرابا .. من المنتصر اذن .

مليون لبناني مشرد بلا ماوي .. فمن المنتصر اذن ؟

لا يوجد مكان ادمي في الجنوب الان .. كله تحطم .. من المنتصر اذن ؟

الحرب الاهلية تشتعل في لبنان .. من المنتصر اذن ؟

الخسائر لا تقدر بثمن .. اطفال ونساء ومدينه باكملها ... من المنتصر اذن ؟

والف مليون خسارة عليكي يا اجمل بلاد الله

.

شيع آلاف اللبنانيون الجمعة، نحو 250 شخصاً على الأقل، ممن قتلوا في الهجمات الإسرائيلية على لبنان، حيث وجه المشيعيون التحية للضحايا، واعتبروهم كشهداء، ونثروا الزهور على نعوشهم، التي اكتست بالأعلام اللبنانية

.

.

وأقيمت جنازة جماعية في قرية قانا حيث سقط أكثر من 60 قتيلاً، بينهم 37 طفلاً، في غارة اسرائيلية، حيث شارك في الجنازة ما يزيد على ستة آلاف شخص.

.

.

وكان أكثر من 160 شخصاً قد دفنوا بشكل مؤقت في مدينة صور الساحلية القريبة، أثناء الحرب، ولكن تم انتشال جثثهم لتشييعم رسمياً في قراهم الجمعة.

.

.

الان الكلام في النشرات الاخبارية عن حضور حسن نصر الله واهتمام الناس بيه اكتر من بن لادن وكان كلا منهما كان يحاول ان يصنع شو اعلامي ليس الا للفت انظار العالم اليه

الان انحني احتراما لحسن نصر الله وبن لادن ... الشخصيتان الوحيداتان اللتان ضحكتا علي العرب .. بالبلدي لابسونا العمه

عودة عبيط

بصراحه وحشتوووووووووووووووني جدا

غبت كتير عنكوا ؟

انا اسف .. بصراحه مش بايدي

اصلي اشتغلت تااااااااااني هاهاهاهاهاي

انا مش عبيط ... بس ممكن اكون فرحان .. فرحان قوي جدا خالص . فرحان ملازم ادم ههههههه حلوة دي . سعات بحس اني محظوظ وسعات تانية بحس ان وشي يقطع الخميرة م البيت

اوعي حد يصدق ! انا بهزر

المهم انا قولت اني اشتغلت .. مهندس كهربا قد الدنيا .. مش مهندس باظبط ياعني .. انا اسطي

بس اسطي فني كهربا قد الدنيا .. هو انا مش اسطي بالظبط ياعني .. بصراحة انا مساعد الاسطي .. من فضلك انا مش صبي .. انا المساعد ايه ؟ شغلتي كده

بس ايه .. انا مساعد اسطي فني كهربا قد الدنيا .. باشتغل م الساعة تمانية لحد الساعة تلاته .. بالذمة فيه احلي من كده .. لا طبعا ما فيش ما انا عارف .. لا وايه دا انا باخد عشريييييييييييييييييييييييييييييييييييييييييييييييييين جنيه في اليوم .. يانهار يانهار

ده انا يوم ما شوفت شكل العشرة جنية اتخضيت .,. ههه وعملت لها فرح وهيصة .. انا دلوقتي باخد عشرين جنيه ... بركاتك يا احــــــه لولاكي يا ست احه كان زماني لسة شغال في محل العصير وباخد عشرة جنية ومستني زبون ابن حلال يديني تبس ولا حاجة ههههههه احمدك يارب انا مش عايز اكتر من كده

اقولكو علي سر ؟... من غير ما حد يخبص ؟ هه ؟

وطو صوتكو شوية .. وطو صوتمو شوييييه ؟ انا روحت المحل القديم وسلمت ع الصنايعية وقوتلهم انا شغال ايه وباخد كام ... عشان عارف ان الكلام هيوصل لصاحب الشغل هههههههه

وطو صوتكو هتدودنا في داهيه بضحككو ده ... نفسي دلوقي في طلب واحد من ربنا .. نفسي ان ربنا يديني العمر لحد اخر الشهر ده واقبض بقي ... لحسن العالم دي بتقبض بالشهر وانا بقيت مكحرت وع الحديده ... ده انا حاولت ابيعها الحديده يا عني .. ماحدش رضي يشتريها .. لانها مصدية .. مش انا قولت ان اني نحس

لكن اهو بقيت مهندس قصدي فني يوووووه بقي قلنا مساعد اسطي فني كهربا قد الدنيا ... شوفتو الشغلانه كبييييييرة ازاي طبعا امال ايه مش اي حد بقي

اه صحيح بخصوص التاج .. بما اني مش امير ولا سلطان .. طبعا احب البس تاج علشان احس اني امير او سلطان ... ويا سلااااااااااام لما اللي هيلبسني التاج بنتين حلوين زي ايبتاف ونوران

لكن فيه مشكلة !! ايه ياعم ؟ التاج واسع عليا حبتينن .. ياعني ما يصحش اكون امير او سلطان وماشي جنبي امورتين حلويين والتاج علي راسي بيلوق هههههه

اوعدكو اني هلبس التاج .. ولكن انتظروني قليلا علي ما اظبط راسي علي مقاس التاج

اسف ايبتاف

اسف نوران

لكن طبعا مش هفوت الفرصة وهكتبوا .. هكتبوا ياجماعة