عن الفيس بوك واشياء اخري

.

لقد تم اغلاق حسابي علي موقع الفيس بووك منذ عدة ايام ... محاولات كثيرة في البحث والتقصي عن السبب .. ولا فائدة ولكن الغريب في الامر ان الحساب لم يغلق نهائيا

ولكني استطيع من خلاله .. زيارة اي بروفايل لاي صديق قديم ،، حتي تلك الصفحات التي انشئتها بنفسي .. ولكن مع حرماني من امكانية التفاعل معها بالتعليق او الاعجاب او المشاركة .. تلك الامكانيات التي خلقها ذلك الموقع العجيب الذي حول فضاء الانترنت .. فعلا الي مجتمع حي

و لوهلة .. تذكرت فيلما اجنبيا عن تلك المراة التي حبست في المرايا ... فعلا .. حبيسة المرايا .. تري وتسمع ولكنها لا تستطيع ان تتفاعل مع ما تراه او تسمعه .. ولا هناك احدا يشعر اصلا بوجودها ... ولم يسال عن غيابها احد .

بيني وبين نفسي .. اصابني بعض الحزن ... لماذا لم يقلق علي احد اصدقائي عندما علموا بغيابي .. لماذا لم يفرق معهم وجودي من عدمه ... وتخيلتني .. فعلا حبيس مراة .. اشاهد واسمع .. بلا صوت يقدر علي الصراخ معلنا وجوده .. او يدا قادره علي البطش .. او ارجلا قادرة علي المشي .. فقط طيفا .. يزور هنا وهناك .. لا يملك من المتع والمغريات .. الا رؤيتها في ايدي اصحابها .. مترحما علي ايام ولت .. مستجديا عطف الزمان

ولكنة بعد تفكير ليس بالعميق اصلا .. وجدتني حي ارزق .. كامل الوجود والتاثير .. لي صوتا .. يستطيع ان يصرخ فياي وقت .. ويدا تطبتش ان ارادات .. وارجل تسري بي اينما اريد .. وان ما حرمت منه هو تلك المشاركة الافتراضية في ذلك العالم الافتراضي الموازي ان جاز التعبير

وتذكرت اعلان كلورتس (لبان النعناع) .. ان نخرج للدنيا وكفانا انغلاقا داخل غرفتنا التي سجنا انفسنا داخلها باختيارنا فحمدت الله .. علي ضياع بروفايلي القديم بكل ما احتواه من صور .. وصفحات انشئتها بنفسي وجروبات تفاعلت معها واصدقاء لم يشعروا بغيابي .. وقلت في نفسي حقا والله انها لفرصة

امسكت بموبايلي محاولا البحث عن نمر احد الاصدقاء .. للاتفاق علي المقابلة في مكان ما ... فانا بقي لي زمن لم التقي باي منهم لانشغالي بالجيش .. وحتي بعد انتهاء فترة خدمتي العسكرية .. انشغلت في دراساتي العليا بالكلية .. حتي عملي الجديد لم يبقي لي اي متسع من الوقت لزيارة احدهم .. وكان اللقاء المتجدد علي الفيس بوك هو البديل والعوض في ذلك

ولكني ما لبثت ان تذكرت ان شريحتي الجديدة .. لم تحتوي علي اي نمرة واحدة من جل اصحابي ومعارفي ... فعندما سرق هاتفي اخر مرة .. لم اهتم كعادتي بتسجيل نمر الاصدقاء .. ولماذا اسجلهم وكلهم امامي .. علي الفيس بوك ؟؟؟

واكتشفت اخطر ما في الامر .. ان الغياب الذي كنت اتخيله افتراضيا .. اصبح غيابا حقيقا ... لقد كان الفيس بوك هو محور حياتي يوميا .... منه استقي الاخبار ومنه التقي بالاصدقاء واطمئن عليهم .. ومنه اتفق علي المقابلات ومنه استقبل الرسائل والايميلات .. لدرجة اني اسغنيت عن كثير من ايميلات العمل والاصدقاء مستعوضا عنها وجودهم في قائمة اصدقائي بالفيس بووك

واكتشفت ايضا ... ان ذلك لم يكن بديلا ابدا .. ان لقاء اخذ فيه صديقي بالعناق الحار ويغيب كلا في صدر الاخر .. وان الفيس لم يكن بديلا عن صوت صديق لا يستطيع الحضور الي اللقاء لبعد المسافة .. التي كان يقضيها الصوت في لحظات .. وان الفيس بوك باخبارة السطحية السريعه الموجه .. لم يكن ابدا بديلا عن كتاب او مجلة او حتى صحيفة يومية

لقد خدعت الخدعة الكبري .. ولكن قد فات الاوان ... فانا الان اعلم اني كنت مخدوع ... وبدلا من تعويض الهدر في هذا الوقت الضائع والمسلوب والاستفادة منه في تلك الانشطة التي جعلتها افتراضية

و رغم اني لا اعرف لماذا لم يعد لي متسعا من الوقت رغم عدم انشغالي الشديد مثلا ... فمازلت مصرا علي استرجاع بروفايلي القديم .. ممنيا نفسي بالقاء اصدقائي وصفحاتي التي انشئتها وجرباتي التي تفاعلت معها

يوم الخميس

19/1/2012

فضفضة

احيانا بيت عطار بيكون مش مترتب شوية ... والقمر بعيد عن مكانه حبتين ... والشمس في بيتها الجنوبي مش الشمالي

.

وعشان الاسباب دي ...والاسباب دي بس .. سعات بكون قرفان حبتين .. ماليش نفس ممكن .. زهقان جايز .. اهو مقريف والسلام

.

ولان البيت الجنوبي للشمي لما يتقاطع مع البيت الشرقي لعطارد .. خصوصا لما يكون القمر قريب .. مش حلو علي واحد زي حلاتي بيتأثر بسهولة من اي نزلة برد .. فما بالكوا بقي ببيت الشمس الجنوبي

حاجة تحزن انا عارف .. بس هعمل ايه ادي الله .. وادي حكمته

.

لما تنزل من بيتكوا الصبح والدنيا ليل .. دي شيء عادي جدا في مصر علي فكرة وبيحصل معايا كل يوم .. وشيء لا يدعو للغرابة اطلاقا ... خصوصا ان الليل والصبح عملتان لوجه واحد واهو كله ماشي وياريت ما حدش يدق

.

لما تحس ان دماغك بتزن .. اوعي تقلق .. بتحصل زن في الدماغ كدا زي زنة اللمبة الفلورسنت القديمة اللي التنس بتاعها قديم ومعفن .. ولو ولعتها خمس دقايق تحس بانفجار في نفوخك .. فتضر تستحمل الضلمة لانك مش قادر تستحمل الدوشة .. تخيل بقي الزنة دي بتحصل في دماغك .. وانت مش قادر تفصل كوبس دماغك .. لانها بتزم وهي مضلمة اساسا .. سبحان الله البني ادم دا عجيب والله

.

.

غالبا انا مش هراجع اللي انا كتبته دا .... انا اصلا مش براجع الا نادرا وحتي لو راجعت دايما بيكون فيه اخطاء املئية غير مقصودة .. دا لان الكي بورد بتاعي زرارية تقيلة فغالبا هكون دوست علي الحرف بس الحرف ما انطبعش

المشكلة دس بتواجهني لما اكتب الباسورد بتاعي انا عامل باسورد كبير ورخم . عشان كنت خايف لحسن امن الدولة تسرق مدونتي بعض موضة سرقة المدونات .. لكن اظاهر انهم طنشوا خالص حكاية المدونات دي بعد ما الناس اتجهت كلها علي الفيس بوك .. غريب الفيس بوك دا موقع غريب جدا لكنه قادر يجمع كل كمية البشر دي داخل اطار واحد .. ويحصل بينهم تبادل معلوماتي سريع

ياتري ايه الي ممكن يعمل بين الناس في العالم الواقعي ... الاخلاق ممكن الدين عمل دا في يوم من الايام ... بس المشكلة ان الناس اليومين دول بقت مسرووعه علي الفلوس وماعندهاش وقت للدين او لاي شيء تاني

الفلوس وبس ... لدرجة ان انهارده واحد ياخد خمسة مليون جنيه مرتب دا شيء عادي وكانه هايروح السوبر ماركو بمليون مثلا ومليون ايجار الشقة ومليون عشان المعايش النور والكهربا ومدارس الاولاد ... حاجة تجيب شلل اطفالي بصراحه

...

بس دا حتي الشلل الاطفالي ربنا يحميهالنا ماما سوزي منعته من مصر خلاص .. حتي المرض بقينا مش لاقيينه في الزمن الفل دا .. ربنا يرحمنا احسن

.

.

حول البوست اللي مش فاهم منه حاجة دا

قضبان جليدية

قضبان جليدية

كذلك اري السجن الان .. غرفه معتمة ذات قضبان جليدية ، يراها المار ماء لا تحبس ولا تمنع .. واراها فلاذية تمنع عني حتى بعض هواء يكفي لنصف عملية تنفس كاملة ، عظيمة هي الالام عندما يكتمها القلب فتصبح بعيدا عن اي متنفس لها .. تحيا بخياشيم حزن مغمورة في بحر من الاشجان والاوجاع

.

ممل هو الروتين .. ولكنه مريح في نفس ذات الوقت ... يحيل المرأ منا الي آله صماء لا تعي ما تفعل... حتي تفعل ما تعي ... لدرجة ان المرأ منا قد يصحوا من نومه إذ يفاجئ بنفسه انه قد صحا منذ فترة وارتدي ملابسه وذهب الي عمله وهو لا يدري كيف

.

في مثل تلك الظروف الغير طبيعية علي المرا ان يحيا بمشاعر محايده تماما ،ان يحيا بلا التزام او وعد واجب التنفيذ لانه في هذه الحالة.. المرأ لا يضر نفسه فقط بل يضر اخرين .. لذلك عليه توخي الحذر جيدا

.

الانتظار شيء قاتل جدا خصوصا ان كنت تعلم اين ومتي وماذا تنتظر ، نعمة الغيب نعمة عظيمة حقا .. احمد الله عي جهلي بيمعاد وفاتي والا كان صاحبني الجنون من زمن

.

لا وجود لشيء اسمه ظروف حسنه ،،،، لان الظروف جميعها علي غير الهوي .. وطالما هي علي غير الهوي فهي ظروف سيئة ،،،، انا لا اعترف بهذا التصنيف ، لانه لاوجود لظروف مهيئة لمرام المرأ مهما كان محظوظا .. بل الحظ الحقيقي هو في الاصل ذكاء نادر يمكن المرا من استخدام كافة ظروفة (( كمعطيات )) بشكل دقيق جدا لينجح في حياته والحصول علي نتيجة مرضية (( البرهان)) ،،تشعر بها ذاته .. يصعب علي الاخرين فهم عبقريته فتسهيلا منهم او كسلا دعنا نقول .. يسمونها حظ

.

دعونا نسقبل يوما جديدا بأمل جديد .. ولنري هذه الحياة كطائر عنقاء ضخم .... لا بد ان يحترق حتي يولد من جديد .. فلا داعي اطلاقا لان نحزن ان رايناها تحترق ... بل علينا ان نفرح لذلك ... لانه دليل بشر

البحث عن جدوى الاشياء

البحث عن جدوى الاشياء

اصبح همي الشاغل الان ، هو البحث عن جدوى الاشياء .. ما الفائده من تكرار فعل روتيني اعتدت القيام به لمجرد العادة .. حتي تلك الافعال الطارئة او الموسمية احيانا باتت في نظري بلا جدوى

.

اعرف في قرارة نفسي انها مرحلة مؤقته تلك الرؤية الضبابية وان هناك مغزى ما من كل شيء .. ولكني اعرف ايضا في قرارة نفسي ايضا .. ان هذا المغزى المستتر في كل شيء لن يعنيني مطلقا باي شيء

.

لدرجة ان هناك اسئلة مقلقة تستفز استقراري وبياتي الشتوي الصيفي .. لتبث في حاله اخري من الثورة والرفض التام لكل تلك المسلمات التي باتت من القوانين الطبيعية المستحيل مراجعتها (العبادات ، الذات ، الصح ، الخطا ، الممكن ، المستحيل .. وغيرهم كثير

.

اشعر مؤخرا بتوتر كبير وتشتت عظيم في الافكار اريد ان اتكلم في كل شيء رغم اني لا اعبء باي شيء .. تلك الحالة الغريبة التي تنتابني من حين لاخر اعلم جيدا انها ستفرز شخصا اخر مختلفا عما كان سابقا .. انتظر ذلك المخاض البطيء المستفز .. لا اظر لاي وجهة مطلقا ، تاركا كل القوي الغريبة تتصارع داخلي لا انحاز لاي منها .. متشوقا لمعرفة النتيجة مثلي كمثل اخرين لم يعرفوني من قبل ... متحريا للاندهاش

جندي مجند ادم المصري

جندي مجند ادم المصري

الي الامام سر

.

.

لسه مخلص حالا اجراءات الكشف الطبي بتاع الجيش

الهايكستب دا يا جماعه

كاس زداير ع الكل

والكل لزم يدوق منه

.

.

الكشف الطبي يا جماعه دا مهزق قوق

قال لازم الواحد يقف كدا في عز التلج بالاندر وير

حاجة تكسف

.

.

المهم ان نظري الضعيف لم يشفع لي مع ظباط الهايكستب

وطلعت لائق طبيا

ومنتظر الاراجاء يوم

23/2/2009

.

.

ومن زنقتي هذه ارجوا كل من يقرا البوست

وكل من يعرف احدا قرا البوست

ان يصلي ويدعو الله

ان ينجي المدعو ادم المصري

من دخول الجيش

والله الموفق والسلام

انا والضل

واكمن الضل تملي جبان

موش خوان

كان دايما متخفي وراك

المهندس تحتح

فاكرين يا جماعه الواد اللي كنت حكيت عنه قبل كدا

اللي اشتغل في محل عصير دا

ومصدق خد عشرة جنيه يومية

وكان فرحان جدا قوي خالص

وماشي يخبط علي رجليه ناحية جيب البطلون

ويقول هنا ترقد عشرة جنيه

.

طب بلاش

فاكرين لما قال لكم انه ساب الشغل

وراح اشتغل مساعد فني كهربائي قد الدنيا

وكانت يوميته عشرييييين جنيه بحالها

.

انتو يا جماعه مش عارف بتنسوا ليه

ان كنتوا نسيتو اللي جرا هاتو الدفاتر تنقرا

دا الراجل دا هو هو بذات نفسه اللي سافر راس البر

والمشبك والبسبوسة

هاه افتكرتم ؟؟؟

ساعه الراجل ابو عربية ما رشه بالمية

.

المهم حتي لو ما افتكرتوش احب اقولكم انه اتخرج خلاص

من الكلية اللي كان فيها

رغم انه كان فاشل وامتحن دور تاني

الا انه طلع بتقدير عام جيد

يا عني حاجة فل قوي

لا وايه اشتغل خلاص

مهندس قد الدنيا

مهندس كهربا قد الدنيا

لا مساعد ولا حتي فني

مهندس يا جماعه وقد الدنيا

وصلوا ع النبي بقي

وكلوا يمسك الخشب امال ايه

الا بقي الفرحة اللي كانت في عيونه وهو بياخد اول مرتب

يانهار يانهار

مش ممكن تتوصف ياجماعه

الواد اللي كان ماشي يقول

يا ارض اتهدي ما عليكي قدي علشان في جيبه عشرة جنيه

قبض حفنه من وريقات الورقة ابو هول

الورقة ام مية

يانهار يا جماعه مبلغ والله يحلف انه طول حياته ما مسكه ابدا

رقم ياجماعه عمره ما كان يخطر علي بال ابوه انه يمسكه

وكل دا وايه

لسه عشان خريج جديد بس

امال لما يتثبت بقي ويعرفوا اللي فيها

دول يمسكوا فيه باديهم وسنانهم ويدولو من خيرات ربنا ما لذ منها وطاب

طبعا امال ايه

دا واد ولا الولاد انا اعرفه طبعا امال ايه

المهم يا جماعه وهو مروح مش قادر يمنع نفسه من الفرحه

والصخب والدوشة كانو ماليين عيونه

حتي الميكروباص اشتكي م الدوشة بتاعته دي

كان نفسه بحفنه اوراق ابو الهول

ينشر البهجة علي كل القريبن منه

ابوه وامه واخواته

حتي صحابه

والله يا جماعه الواد طيب ومحتاج منكم تدعولو

ادعوا له يا ناس ادعوا له

يعمر بيييت ابووووووووووه

.

.

الا وهو ماشي افتكر الايام النحوس

الله لا يرجعها بتاعت محل العصير

وافترك انه كان ماشي يقول هنا ترقد عشرة جنيه

ابتسم ابتسامه خباثة شديدة

وخبت بايده علي نفس الجيب

وقال هنا يرقد معبدا كبيرا

لعدة تماثيل من ابي هول الشديد

شر ولا بد منه

المصائب

.

لا تأتي فرادى ابدا

جنتل وشيك بس مش كدا

مش محاولة في عمل دعاية بس الموضوع بجد مضايقني

.

.

مش عارف اتأقلم مع الناس

واتعامل عادي

.

.

حاولت البس قناع علي وشي وابان

جنتل وشيك بس مش قادر

.

.

المفروض انه دا ادم المصري

مملكة الزمن الجميل

.

.

ودا ادم المصري

بشكل بيغظني جدا .. اسم مدونته

يوميات ادم المصري