Pages

Subscribe:

Tuesday, May 06, 2008

حتي جوجل يا جدعان

وهذا هو ادم المصري مجددا يقف بزي الارهابي

تخشاه شركة جوجل بجلالة قدرها

.

اظاهر كدا والله ان فيه ناس مهميييييييين

كلموا شكرة جوجل عني وحذروها

وعشان كدا شركة جوجل بتحاول تحذر كل بني ادم يحاول او يفكر

انه يهوب ناحية المدونة بتاعتي

.

.

دي حتي منعت ظهور المدونة بتاعتي

في كل نتايج البحث

لدرجة يا محترمييين

اني مش لاقي المدونة بتاعتي في اول مية نتيجة بحث مباشر عن المدونة

انا كتبت

مدونة في عمق الحياة

مافيش فايدة

حطها بين اقواس .. كان العن واضل سبيلا

كتبت ادم المصري

قولت اكتب في عمق الحياة بدون مدونة

بس ايه كانت النتيجة

النتيجة قدامكوا يا حضرات

والدليل قالولوا
.







.


شايفين يا جدعان لينك التحذير دا

مش لاقيه في اي مدونة غير مدونتي انا بس

حد يقولي ليه ؟؟؟؟؟

يا جوجل اشمعنا انا يا جوجل ؟؟؟؟؟

.

انا قولت يمكن دي هي جوجل

بتحاول تعمل كدا عشان ماحدش ينسب لها الكلام اللي في المدونات

ولا حاجة .. خصوصا بعد حركة السجون والاعتقالات

.

اتاريها مقصوده يا خونا مقصووووووده

وانا من موقعي هذا اشجب واستنكر وادين

كل من يحاول ان

يغرر او يسؤ سمعة مدونتي الطاهر الشريفة العفيفة

.

انا قولت اجرب مدونات تانية الاقيها بتخش عادي

.

جربت اكتب مدونات في السيرش بتطلع معايا عادي

.

دي مدونة اشرف توفيق اخف دم ، ومدونة الاستاذ احمد شوقير

اشمعني انا بقي .. افهما دي





Saturday, May 03, 2008

ممتاز القط .. اتفووو

احه يا جدعااااااااااان
.
.
.
.
اتفووووووووه

Wednesday, April 30, 2008

الحرية بين الواقع والنظرية 001

الحرية بين الواقع والنظرية

تواترت مؤخرا اخبارا كثيرة واحاديث عظيمة واخرى جسيمة ، تتعلق بشكل او باخر ، جديا او بشكل ساخر عن الحرية بمختلف معانيها ، والسياده ومن له الحق فيها ..

اولا حتي يكون لكلامي معنا مفهوم ، ومضمون مهضوم يتوجب علينا ان نقسم كلامنا حسب الغرض منه وحسب الافاده ، نبعد حينا او نقترب فتبقي لنا العياده

اللي ماشفشي الفستدق يصيبه الجنون حتما عندما يري السوداني

هذا هو حال امتنا وللاسف ، لم تتعود مطلقا ، بداية من البيت مرورا بمراحل التعليم المختلفة حتي الحياة الناضجة كفرد عامل داخل المجتمع له الحق في ممارسه حياته السياسية علي الحرية او ممارستها

يربي الاب ابنه ان تفعل ولا تفعل ، ان فعلت فانت لم تفعل شيئا حميدا تستوجب عليه الثناء بل الواجب يملي عليك ذلك ، وان لم تفعل فانت بذلك تستوجب العقاب .. لا يحق لك ان تناقش او ان تسأل لان والدك نفسه لم يحظ بتربية كهذه مع والده ، فبالتالي لن تجده يملك الخبرة الكافيه في التعامل الحضاري او الطرق الحديثة في التربية هو يفعل تماما كما كان يفعل معه حتي لو كانت هذه الافعل اصابته حنقا علي والده في يوما ما

تتعلم في المدرسة ان عليك كذا وكذا وكذا ، يجب ان تحفظ الدرس حفظا جيدا حتي تحصل علي الدرجة النهائية ، في البيت لا يرضون باقل من النهائية ، مدرس الدرس الخصوصي يقبض من والدك كي يضربك رغم منع الضرب في المدارس بحجة انه بيحافظ عليك ، تاتي الاسئلة في الامتحانات في منتهي المباشرة والسذاجة فتصدق استاذك واهلك بانك من المتفوقين الاوائل ، يمتلئ صدرك عطفا حينا واخري حنقا علي اولائك الجهلة الذين دائما يثيرون الشغب في الحصة بحجة الاسئلة ، يعيشون حياتهم دون قيود ، لايخشون من اب في البيت او مدرس في المدرسه ، تتعجب كيف لهؤلاء ان يعيشوا بيننا ، تطمئن جيدا عندما يرسبون وتنجح انت نتيجة لحفظك الدروس اكثر منهم

في الجامعه ، تسمع كثيرا كلاما يتردد انت هنا للدراسة فقط وليس لشيء اخر ، كلاما اخر يتردد ، يجب عليك ان تكتشف نفسك في المرحلة الجامعية ، يجب ان تمارس النشاط فهو يكسبك مهارات شخصية ويكتشف المواهب المدفونه فيك ، تكتشف ان عليك ان تتاخذ مسارا بين اثنين لا ثالث لهما ، اما اتحاد الطلبة فتصبح محببا للامن والدوائر العليا واصحاب السلطة فتنهمر عليك الكرامات ، اما ان تنضم للاخوان المسلمين فتصبح محبوبا ايضا ولكن مكروها من قبل الامن واصحاب السلطة فتحرم من كل مميزات طالب الاتحاد ، فتعوضك الجماعه نفسها خيرا منهم الاف المرات ، بين الفينه والاخري تصطدم بمن يذكرك انه لاعليك ذلك ولا ذاك فانت هنا فقط للدراسة ، فالجامعة مكان للعلم فقط

خارج الجامعة تنخرط في مشوار طويل محفوظ ، سار فيه الكل قبلك حتي ان خطوات الطريق باتت محفوظة العدد حتي النهاية ، اوراق الجيش ، البحث عن عمل ، البحث عن شقة ، البحث عن عروسة ، الانجاب ، ثم تكرر ما كرره والدك معك بدون اي تغيير ، الا بعض مظاهر قد تتغير نتيجة لتغير الزمن ليس الا

بين هذا وذاك لا يتعود المرا منا علي ممارسه الحرية ، لذلك اذا لمح بعض من بريقها هاج وماج كمن وقع علي كنز العلي بابا
لا انكر بالطبع ان هناك من يعي جيدا معني الحرية ان كان ايضا لم يتكمن من ممارستها الممارسه الصحيحة فهو لم ينفصل ابدا عن مجتمعنا هذا ، فلا يكفي المعرفة حتي يتحقق الفعل ، لابد من المعرفه والممارسة

الرسوم المسيئة للرسول

طالعنا الغرب مؤخرا عن رسوم كرتونية تشبه النبي محمد علي الصلي والسلام بانه داعي الي الارهاب ، وانه زعيم لامة تهوي الدم
لم يصادف ذلك هوى في نفوس العرب ، واكرر هنا العرب .. فخرجوا جميعا منددين مستنكرين ، وكانوا في اشد حالات الغضب ، اعتقد انهم لم يغضبوا لنبيهم

فقوم يتحرشون بالنساء بعد انقضاء ثلاثون يوما من العباده والصوم علنا في شوارع العاصمة علي مرأى ومسمع من الجميع لن تجد في قلوبهم حبا لدين لو لنبي كذلك نسيانهم المتعمد لكل صحيح وقربهم من كل ما هو داني وذلهم في الحياة الدنيا امام اعينهم وامام اعدائهم يؤكد ذلك
اعتقد ان حكامهم كانت تتهيء لهم وهم خارجون يهتفون ، فكانما يق
ولون .. ملعونة الدنمارك يقصدون ملعون الحاكم

تمسك الغرب هنا بمنطق الحرية ، وان الحرية تقضي بان كل شخص حر ينقد ما يشاء ويقول ما يشاء .. ونيجة لحركة المقاطعة ، نشرت صحف اخري رسوم اخري عن النبي محمد ، وقام اخرون بعمل افلام دعائية ضدد الاسلام

وقام البعض متخذين من حرية الفضاء علي الشبكة العنكبوتية ساترا لممارسه حرياتهم في سب وقذف كل ماهو ثابت عند اي فئه من البشر ، واختلط مفهوم الحرية عن الناس

ولكن يفاجئنا الغرب مؤسس مفهوم الحرية بالمعني الحديث عن اذدواجية في المعايير ، فها هو الغرب يثور ويغضب ويستنكر نتيجة لعرض صورا فنية في متحف بالنسما تسيء للمسيح هنا او هنا

ما يلبث كل انسان ان يسأل فلماذا اذن محمدا ؟ لماذا كل ما هو مسلم ؟ لماذا يهون المسلمين حتي علي المفكرين العالمانيين ؟؟؟؟

البحث عن شهرة زائفه

فاجئني شاب يسمي نفسه مثلي قوي بالتعليق علي احدي مدوناتي ويعلن عن نفسه بطريقة غريبة بل ويدعوني للتعارف لانه اعجب كثيرا براي وفكري .. وانا اشك في ذلك بالطبع

وعندما دخلت لاشاهد ماهي هوية ذلك الرجل، وجدته متمثل لي في فم واسع كمثل سلة القاذورات يقذف وينعت باقذع السباب لكل ما هو قيم وثابت لجميع الاديان بكل الملل والطوائف عن عدم وعي او دراية من هنا

يذكرني ذلك بفيلم لفؤاد المهندس ادعي فيه انه قتل شويكار لتكتب عنه الصحف والمجلات فيتحول الي انسان مشهور ولكنه يفاجئ بعثر في الامور والتي تابي ان تطيعه في هواه فيقع في شر اعماله ، ذلك بدلا من ان يهديه عقله وفكره ان يشتهر في اي مجال اخر ينفع الناس ويفيدهم

فكل ما خلدهم التاريخ وذكرهم بالحسني هم اناس لم تعيش لنفسها بل عاشت للناس ، في عصرهم لمن اتوا بعدهم فحق علي التاريخ وعلينا ان ذكرهم كل ما يتسنى لنا ذلك

.

اوقف هنا فقط علي وعد مؤكد يساعدني فيه ربي علي المواصله فللحديث بقية لم تنتهي بعد

Sunday, April 27, 2008

سؤال ع الهامش


هل قبلك واللي بيتحرك جواك بيدق ؟؟
.
ولا اكمنه عشان مش بايت صح ف صدرك
.
عمال بيلق ؟؟؟

Friday, April 25, 2008

في العتمة - في قلبي


دلوقتي في العتمة

.

الشاعر السادس - صلاح عبادة

.

.

ممكن تقرا تاني

.

الشاعر الاول - كريم الصياد

الشاعر الثاني - احمد عصام

الشاعر الثالث - محمود عبد الباسط

الشاعر الرابع - علي عبد العزيز

الشاعر الخامس - ابو امل

.

.

ملحوظة هامة
الترتيب لا يعني اي شيء هذا فقط حسب الترتيب الزمني للنشر ليس الا

Tuesday, April 22, 2008

تاج خدته من بوست عند شوقير




ماهو المهم في التدوينة ولايهتم به المدونين ؟
العنوان رغم اني مش باعرف اعمل عناوين كويسه

كيف أكون مدون مثير للجدل ؟
اكتب عن التابوهات الثلاثة

إيه الغريب في التدوين ؟
انه بلاش .. لمصلحة مين المساحة الهايلة اللي بلاش دي .. مش عارف ، المعلومات اللي علي صفحات المدونين دي محفوظة فين وعند مين ومين اللي ليه حق الاطلاع عليها ، مش عارف

من هو المدون الذي إنزعج من إضرابات 6 أبريل ؟
اللي مش فاهم حاجة ، او بمعني اصح انا ماكنتش شايف انزعاج انا كنت شايف لا مبالاه وسلبية من المدونين في التعامل مع الموضوع ياعني كانه موضه والسلام ، واحداث المحلة هي اللي خلت الناس تبص للموضوع بجدية لا اكثر

مالذي يشغل بال المدون ؟
ماذا يقول وكيف يقوله ، خصوصا لو كان من المدونين السياسين واللي علاقتهم بالامن مش ولا بد

ماالذي يشكو منه المدون ؟
اولا
التعليقات .. سعات تخش علي واحد كاتب موضوع جاكد جدا فكر ايه مافيش كدا وتلاقي تلات اربع كومنتات وواحد تاني كاتب كلمتين مالهمش لازمة وتلاقي مية متين تعليق .. نصهم لصاحب المدونة نفسه
ثانيا
الهبل ، ياعني تلاقي واحد داخل يقولك هايلة وبرافوا وتسلم ايدك علي موضوع مثلا مطروح للنقاش .. بالذمة هينفع ترد ؟؟؟


ماهو التعليق الذي يسبب إحباط ؟
تعليق دعائي ليس له علاقة بالتدوينة ، او بتاع اخينا الللي فوق من نوعية تسلم ايدك

مالذي يقيد حرية المدون ؟
التعليقات عامل مهم .. والناس اللي عاملة نفسها بتفهم اكتر من باقي الناس وبتحاول تفرض سطوتها علي التدوين بمحاولة تنظيم عشوائية التدوين مثلا

متى يتوقف المدون عن التدوين ؟
عندما يشعر انه غير مؤثر ، او انه لا جدوى منه وله ، عدم التكيف في المجتمع التدويني او الاحساس بالوحدة فيه

مالذي يميز التدوين ؟
عشوائيته ، الحرية الغير محدودة والتي لا سلطة عليها ، المساحه الواسعة المفتوحة للحوار

متى يشعر المدون بتأثير التدوين عليه ؟
عندما يفيد ويستفيد

متى ينزعج المدون ؟
عندما يشعر من البعض بمحاولة خبيثة في تقييد حريته او فرض راي عليه ، او ارهابه بسبب ما يعتقده من افكار

مالفرق بين المدونات والمنتديات ؟
المدونة هي بطاقة شخصية المدون الذي يكتب فيها ، كل حاجة فيها هو المسئول عنها

متى يصبح المدون مدمناً ؟
عندما يتحول حديثه مع كل المحيطين به عن المدونين واخبارهم ، عندما يصبح تفكيره دائما مشغول في محتوي البوست القادم

ايه النصيحة اللي ممكن تقدمها لاي مدون ؟
ما تهتمش بالتعليقات او بعددها ، اكتب اللي جواك بغض النظر عن كون حد موافق او معترض ، نشاطك ومدي ايجابيتك مش بيتقاس بعدد التعليقات اللي في مدونتك ، بالعكس دا بمدي تفاعلك مع موضوعات الناس في مدوناتهم
.
.
.
.
انا شوفت البوست دا عند الاستاذ احمد شوقير ، وحبيته جدا وقولت بما اني مش باعمل تاجات يبقي من نفسي بقي ، بعد اذنك طبعا يا استاذ ، احب امرر بقي التاج دا لكل واحد يقرأ او يعلق


Sunday, April 20, 2008

حلوان بقت محافظة يا رجالة


حلوان بقت محافظة يا رجالة
.
الحمد لله بفضل سواعد ابناءنا ومساعدة بناتنا
ان نستقل تماما وكليا عن محافظة القاهرة
.
.
عقبال ما نستقل تماما يا خوانا
الحلوانية اهما .. حيوية وعزم وهمه
الحوانية الحلوانية الحلوانية اوووو
الحلوانية بيب بيب
الحلوانية بيب بيب
.
.
وهكذا استجابت كل مراكز القوي وصنع القرار
لمجهودات ابطالنا الحلوانينن في الاستقلال التام
عن محافظة القاهرة
.
ومن منبري هذا احب اهني اخوانا
السته اكتوبريين وابارك لهم علي فوزهم هما كمان بالاستقلال
.
وتيت تيت حلواااان
تت تت تيييت حلوااان
.
وبناشد الاخوة المواطنين ان كلنا اخوة
مش عشان سته اكتوبر استقلت وبقت محافظة
العاشر من رمضان تقلدها
لا يا خوانا
مش عايزين تفرقة عنصرية يارجالة
هيبقي عندنا محافظات السنه الميلادية
ومحافظات السنه الهجرية
وهتكتر المشكلات
احنا عايزين نحافظ علي وحدتنا قدام الناس
احب انشاد الاخوة ان تلتزم بضبط النفس
وتحترم مائده المفاوضات
.
.
بصوا وشوفوا احنا مين
الحلوانية معلمين
.
حلوان يارجالة بقت من المعادي والبساتين حتي حلوان والتبين
ومعاهم الصف واطفيح
.
اطفيح اطفيح اطفيح اطفيح
اطفيح اطفيح اطفيح اطفيح
اط فيييييييح .. هيه ،،، اط فييييييييييح .. هيه
.
وتحية طيبة الي السيد الاستاذ الدكتور
حازم القويضي
محافظ حلوان
ترالم لم لم
ترالم لم لم
ترالم لم لم ..لم لم لم
.
.
بالروح بالدم نفديكي يا حلوان
بالروح بالدم نفديكي يا حلوان

Friday, April 18, 2008

تعليق علي ماحدث داخل السيرك


وبتحلم

وبتحلم انك لو نايم بتنام

من غير

احلام

ولانك واثق من نفسك

متاكد جدا من فعلك

مش ممكن تضعف لو لحظة

قدام

اوهام

بتحاول تبحث عن راحه

في الجامع مرة

وف الحمام

مش ممكن صاحبك هيخونك

كونك متاكد يسمحلك

تقليل الحمل

وف لحظة وعي

بيفوق مجنونك

تتحول وف ثانية لغول

فيبوش الــ "الماسك" اللي في وشك

فتبان

الحاوي النونو الغلبان

رغم انه فقير جدا خالص

الا انه بيتقن ببراعه خلط الالوان

الوانه ديما مغموسة ف طيبة قلبه

الوانك دايما كات لابسة

ع الوش

شيطان

رغم انك متعلم بره

مش عارف تضحك علي سُــذج

اشباه انسان

لو قلت يمين

هيرورحوا يمين

لو قلت شمال .. هيروحوا شمال

بلياتشوا انا اسف

واعزرني اكمني

منك ، قرفان

لو عايز تكدب اتعلم

كدب يكون مقنع

خليك فنان

زي ما قدرتك قدرتي

وبلاش عوقان

ياخي مثل مرة انك صادق

وانا وعد هاقول اني مصدق

ونبان

احسن جمهور

واحسن فنان

Friday, April 11, 2008

تعليق علي ماحدث داخل المحكمة




العنكبوت النونو
ماهوش نونو
والمطرة مش طايلاه
لافوق السطح ولا حتي ف البدروم
كل العيون شايفينه
وعاملة منه اله
عمره مايمنع ظالم
عن حد كان مظلوم

العنكبوت
ناسج خيوطه
ف قلب سقف المحكمة
كف الميزان ترب
والقبضة كانت محكمة
يوم الحساب قرب
وانشق بدرك ف السما
والقبر فاتح حضن واسع
بتنجذب له
من دون جميع الامكنة

العنكبوت
لف بخيوطة
جثة المسكين ونام
والصبح
بطل تاني يطلع
بانتظام
وان كنت يوم عاشق هواكي
فاسمحيلي
اكتفيت
نفسي اسمع منك اني
اتنسيت
واذكريني بالسلام
واغفري لي
عنكبوتك
اللي قالي
ان عشقك ليا اصلا ... كان حرام

Saturday, April 05, 2008

مصيبة

.
اكمنك دايما مش فاهم
ايه اللي بيحصل حواليك
علي وشك ضحكة غلبان
وعيونك بتقطر طيبة
لو فاكر كونك انسان
فاسمحلي .. دي تبقي مصيبة

Wednesday, April 02, 2008

خليك علي عندك


لساك مش شايف ضي النور؟
لساك متقوقع علي ذاتك ؟
مستمتع جدا بسذاجتك ؟
ولاعشان اكمنك فجاة عرفت انك طول عمرك
عايش سلبي
حاسس بالضعف ؟؟
اوعاك تستسلم للعادة
اوعاك تستسلم للضعف

Tuesday, April 01, 2008



ابدا في قصر الامير طاز


يوم الاتنين وكل اتنين


من الساعه الخامسة الي الثامنه مساءا

Monday, March 31, 2008

منتظر


انتظر اناسا يدخلون حياتي في بساطة

يؤثرون .. فاستجيب

Saturday, March 29, 2008

ثقافة تمرير الرساله

وصلتني هذه الرساله عبر الايميل
ونشرتها كما هي .. دون اضافة او حذف
.
.
الدكتور طارق السويدان يوضح أمرا مهما
ثقافة تمرير رسائل البريد الإلكتروني
السلام عليكم ورحمة الله وبركاته
.
.
أخوتي في الله ، كثيراً ما يصل إلى بريدك الإلكتروني رسائل دينية جميلة ، بعضها يحتوى على أذكار وأحاديث ، وبعضها يحتوى على معجزات علمية ، وبعضها يروّج لمواقع معينة ! . ورغبةً فى الثواب - ولأن الدال على الخير كفاعله - يقوم المسلم بحسن نية فور تسلمه لهذه الرسائل بتمريرها/أو عمل Transfer / Forward لها لكل من يعرفه . والمشكلة ليست فى تمرير الرسالة ، فنحن نحث كل من تصل له معلومة أو خاطرة أو موعظة جميلة أن يرسلها ليتعظ بها غيره
.
.

ولكن المشكلة في أن محتوى الرسالة أحياناً يكون غير صحيح ، ويحتوى على أخبار كاذبة أو على الأقل غير دقيقة ، وللأسف نقوم بحسن نية بتمرير الرسالة. وسأضرب لكم بعض الأمثلة لبعض الرسائل التي انتشرت حديثا


الكلام عن معجزة علمية هزت العلماء بأمريكا


وقياس ذبذبات تصدر عن نباتات ونتج عنها لفظ الجلالة مرسوماً على شاشة الجهاز
.

وهو خبر قام بعض الملحدين (عرب للأسف) بتأليفه فقط للسخرية من (المتأسلمين) على حد وصفهم ، وقاموا بوضع الخبر على أحد المنتديات الإسلامية وهم على ثقة من أن المسلمين سيقومون بنشرها بأنفسهم خلال كل المنتديات وعبر الإيميل ، وقد صدق ظنهم للأسف
.
الكلام عن أن فلاناً حلم بالرسول (صلى الله عليه و سلم) أو السيدة زينب أو ... أو.....
.

وقيل له أن يقوم بعمل كذا وكذا ونشر كذا وكذا ، وأن من أرسل الرسالة رزقه الله وتزوج ، وأن من لم يرسلها افتقر وكسرت رجله .. الخ ، وهى قصة قديمة سمعناها منذ كنا أطفالاً ، وكل فترة نجد من يقوم بنشر هذا الحلم بين الناس طمعاً فى الرزق المذكور أو خوفاً من اللعنة ، و ما كان رسول الله (صلى الله عليه و سلم) ليؤذى أحدا ، والأمر كله لله ، والله هو الذي قال لنا في كتابه ((اليوم أتممت لكم دينكم )) ، فمن كتابه وسنة نبيه صلى الله عليه وسلم نستقى ديننا، لا من البدع والأوهام والخرافات
.

صورة غريبة لفتاة قيل أنها مُسخت
.
ثم تبين أن الموضوع عبارة عن صور قامت فنانة بصنعها بالكمبيوتر
.

صورة قيل أنها بالقمر الصناعي لمكة والمدينة ويظهر بها الحرمان منيران في ظلام الليل
.
وتبين عدم دقة الخبر ، هذه مجرد أمثلة ، وكلها يقوم المسلمون للأسف بتداولها بينهم وتسرى سريان النار فى الهشيم ، فمن المسئول عن نشرها غير من يريد كيداً للإسلام ؟؟؟ من يريد نشر المعلومات الخاطئة والبدع والخرافات بيننا؟ إنهم أعداؤنا ونحن نساعدهم بحسن نية للأسف . فهم الرابحون سواء اكتشف المسلمون الخديعة أم لا ، إن لم يكتشفوها فقد أضيفت لهم بدعة في الدين ، وإن اكتشفوها فربما أدى تكرار خيبة الأمل التي تتبع الفرحة بالخبر المكذوب إلى شك المسلم في دينه والعياذ بالله.. في حين أن ديننا العظيم كامل بما فيه ولا يحتاج إلى هذه القصص الوهمية لنتثبت من أنه الحق من الله وحتى لا نقع في هذا المحظور نرجو الآتي

ألا يقوم المسلم بنقل أي خبر بدون وعي إلا بعد التثبت والتأكد منه ، ويمكن ذلك عن طريق مراجعة المواقع الإسلامية المحترمة مثل طريق الإسلام مثلاً
وكذلك اسلام أون لاين
www.islamonline.net
وبالنسبة للأحاديث ، يمكن مراجعتها من الموسوعة الحديثة بموقع الدرر السنية

وبالنسبة للمواضيع المتعلقة بالإعجاز العلمي ، يمكن مراجعة موقع دكتور زغلول النجار http://www.elnaggarzr.com/Test_fre/index.asp
وكذلك موقع موسوعة الإعجاز العلمي
وعموماً هذه الصفحة تحوى العديد من المواقع الإسلامية العربية في شتى المجالات http://www.sultan.org/a /
.
و حذارِ يا أخوتي من الرسائل التي تصلكم وبها تحذير من مواقع معادية للإسلام وتدعوكم بنشر الإيميل لتحذير الغير منها!!! لأن ما يحدث عند إرسالك لها هو العكس، ترويج لها وليس تحذير منها
.
كيف تعرف الحديث الصحيح من الحديث الضعيف

وغيره لنفترض أن شخصا أرسل لك هذا الحديث ، ولم يذكر في رسالته هل هو صحيح أم ضعيف .. الحديث هو ( قال رسول الله صلى الله عليه وسلم : من لزم الإستغفار جعل الله له من كل هم فرجا ومن كل ضيق مخرجا ورزقه من حيث لا يحتسب )....!! قبل أن تقوم بإعادة إرسال الرسالة بواسطة ' Forward ' إلى أصدقائك أحببت أن تعرف مدى صحة هذا الحديث من عدمه ........ فماذا تفعل : أتبع الخطوات اللآتية
أولا : قم بالدخول على الموقع التالي :
بعدها إضغط على : الموسوعة الحديثة
ستظهر لك صفحة الموسوعة الحديثة

.

.

قم بتعبئة الخانات كما هو موضح لك .... لا حظ أنه يمكنك أختيار المحدث أو الكتاب الذي تريد البحث فيه



والآن لاحظ درجة وصحة الحديث ....!!!


هذه أسهل طريقه لمعرفة الأحاديث الصحيحة من غيرها عن طريق الانترنت ..وبعد هذا فإنه لا يُعذر أحد بإرسال أي حديث قبل التأكد من صحته . لأن هذا كلام رسو ل الله صلى الله عليه وسلم .. إذا كنا نحن 'ومن نحن' لا نرضى بأن يُنقل عنا الكذب..... فكيف نرضى به على نبينا صلى الله عليه وأله وسلم ... والله الموفق.

Friday, March 28, 2008

الحزء الثاني ..... من انت




تطرق كلامهم الي سمع رجل عجوز
يجلس بجوارهم علي احد كراسي المقهي
فدفعه عجز الشابين عن الاجابة الي الدخول الي ساحه الحوار
ثم اشار الي احدهم قائلا
اراهنك انا .. علي اي شيء تطلبة
ان كل واحد منا يعرف بداخله جيدا
ماذا يريد
.
.
نظر الشابين الي الرجل العجوز
ثم قال المندفع فيهم
اراهنك انا .. وعلي اي شيء
فرد العجوز .. وانا قبلت
.
.
اتفقا كلاهما علي انتظار اول شخص يمر
بجوارهم .. فيسالوه
ماذا يريد
قال لهم الشاب الاخر
هراء ما تفعلون
.
.
مر رجل في الخمسين من عمره
فاستوقفه كلاهما .. داعينه الي مشاركتهم الحوار
سائلين اياه عما اذا كان
يعرف ماذا يريد
ام لا ؟
.
.
فنظر اليهم الرجل في دهشه
واستنبهه وجود الشاب الاخر في احد الاركان
ينظر اليهم باشمئزاز
فقال لهم
ماذا يهم .. ان كنت اعرف ماذا اريد ام لا
المهم الان .. هل استطيع تحقيق ما اريده عندما اعرفه
ام اني اضيع وقتي في بحث غير مجدي ؟؟؟
تلفت ثلاثتهم للشاب القابع في الركن
وقد بدت علي وجوهمم الدهشة والاستغراب
ولكن كانت عيني الشاب تمتلئ بنظرات السخرية والامبالاه ثم قال
عجبت لك يا زمن
اناس خارت قواها في البحث عن اجابة
هل تقدر ام لا .. علي تحقيق ما سوف تريده
في حين انها بالفعل .. لا تعرف ماذا تريد
ثم ضرب كفا علي كف
ونادي .. يا ولد ، هات هنا بعض مما لديك

Sunday, March 23, 2008

اعلان من قلبي للعتمة

الشاعر الخامس
.
من شعراء العتمة

.

.

فتحي حمدلله

Tuesday, March 18, 2008

امي .. ان كل الحب امي ، لحظة وفاء

امي .. ان كل الحب امي
لحظة وفاء
.
.
ياتري هافضل اقول الكلمة دي لحد امتي ؟؟؟
يارب لحد ما اموووت
امي .. ان كل الحب امي
.
.
اختارت الجامعه امي كأم مثالية
تم ترشيها من قبل الجامعه في مسابقة وزراة التعليم العالي

Monday, March 17, 2008

احساس تجلي

فاشل انا
ولا الفشل
كان ترجمة لمعني كنت باجسده
تقلان عليا الشعر ليه
انا قلبي دايما يحسده
لما انا كنت المسيح
كنت مصلوب ع الورق
حبيت اقول بعلو صوتي .. يا
منقذي
جبت القلم
وبحبر كان مندمي قولت هاعمده
ورفعت ايدي للسما
باصرخ يارب
دخلني جوة التجربة
جاتلي نجده م السما
شايلالي مرسال م الحبيب
ريحة دواه
خلت جروحي كلها بتطيب
حسيت كاني قصادي باب
وبينفتح
وزقة من مجهول
تودي لفوق
بعيد
قلبي اللي كان مرعوب خلاص اصبح سعيد

Thursday, March 13, 2008

تعليق علي ماحدث في مسرح روابط

انت دايس علي قلبي .. لفرقة المسحراتي
اخراج : عبير علي



صراحة في هذه المسرحية اشعر اني امام عمل متفرد مختلف ، لا يصح ان نطلق عليه رواية او مسرحية او اي تصنيف مسبق لدينا .. فما تذهب حتي تشاهد العرض حتي تلتبس عليك الاسماء والتصنيفات ثم ما تثلبث ان تبحث في جعبتك عن مسميات جديدة

انت دايس علي قلبي
مسرحية كوميدية من نوع مختلف ، مجموعة من الاحداث والتي قد تبدوا عشوائية فوضوية ولكن يربطها رابط خفي ، فلا يصح ايضا ان نطلق عليها اسكتش فهي مسرحية ومسرحية جيدة يريد ان يقول فيها الفريق كلمة للجمهور وهي

اعتقد ان فكرة العشوائية والفوضوية في طرح عدة افكار بل وحشرها احيانا داخل اطار العمل المسرحي كانت فكرة مقصودة ، فالعمل اشبه بمقال نقدي ساخر يتناول عدة مشكلات مجتمعية خطيرة لا يتعدي تناول كل مشكلة علي جملة او جملتين في الحوار احيانا ، حتي يصيبك صدمة او اندهاش من كثرة تلاحق النقد المتوالي في شتي المجالات الحياتية المختلفة

تم توليف النص بشكل جيد ، فكانت ناتج ورشة عمل علي مجموعتين قصصيتين هما السيدة التي والرجل الذي لم ... وهذا هو الاسم الصحيح للمجموعة القصصية لكاتبها صبري موسي و فلسفة الزحام ... للكاتب محمد عبد المعز ، وايضا عدة مقالات اخري لعدة كتاب صحفيين هم :خالد كساب ، وليد كساب ، دعاء عادل ، اميرة حسن ، محمد الدسوقي ، باسنت توفيق ... بالاضافة الي ارتجالات الممثلين اثناء العرض والبروفات

يبدا العرض بدخول العازف وليد عبد العزيز بالاكورديون ليعزف مقطوعة موسيقية ثم نفاجا بالغناء ياتي من صفوف الجماهير بصوت الممثلين طبعا .. لاغنية هنا القاهرة ، ينتهي الممثلون من تادية الاغنية ثم يبدا العرض فعليا وتتوالي الاحداث ويكون هناك عنصر خفي دائما مسيطر علي فكر الابطال داخل النص ويعمل علي توجيهم اسمه .. الراجل ده

الراجل ده .. اللي بيطلع لهم في الحلم واللي عايز ياخدوا منهم او يسرقوا ولو مش قادر يبقي ياخدوا منهم شراكه مين هو الراجل دا .. تأتي الاجابة مثل السؤال لا تفيد ولا تعطي جديد .. فيشير المجيب ناحية ما ويقول هو الراجل دا ، ويكتفي السائل بهز رأسه قائلا آآه رغم انه لم يعي شيء

الخط الدرامي المبني عليه احداث المسرحية وما فيها من مواقف هو احد الشباب الذي يبحث عن والده الذي ترك المنزل بعد ان كبر في السن وشعر بالملل والوحدة نتيجة انشغال الابناء عنه، كل في حياته الخاصة ، في البداية كان الشاب يشك في ان الوالد ترك بطاقته متعمدا نسيانها حتي لا يعود وبعد السؤال والبحث عرف الشاب ان والده مقيم عند صديق له ، فذهب له فوجد ان صديق والده الذي يشبهه تماما كسرت ساقة بسبب درجات السلم المكسورة وعند زيارة والده لهذا المسن العجوز كسرت ايضا ساق والده

بعد تمام فترة العلاج فوجي الشاب ان الرجل العجوز يطلب منه ان يأخذه للبيت بحجة انه والده ، ووالده الحقيقي
يقول لهم .. ما تخليكوا شوية .. صاب الجنون راس الشاب ولكنه ما لبث ان انصاع صاغرا ولم يسطع ان يفعل شيئا ..وهنا تقول المسرحية شيئا علي لسان الابطال .. اللي يقولك انه متأكد من حاجة قوله لا مؤخذة .. انت حمار



الممثلين حسب الترتيب الابجدي



انجي جلال
عندما تراها ، تبتسم وتقول انها احلاهم فعلا .. ولكن ما تلبث ان تفاجئ انها بالاضافة الي جمالها الظاهر فانها ايضا تتمتع بصوت جميل اخاذ .. عندها القدرة علي شد الانتباه وجعلك دائما مصغي لما تقوله
تتمتع بخفة ظل وروح تساعدها علي جذب انتباه الجمهور


دعاء شوقي
ممثلة موهوبة بالفطرة ، عندها قدرة فائقة علي التنوع والظهور بشكل مختلف ببعض اللمسات الخفيفة من المكياج او حتي طرق تسريح الشعر ، فهي المثقفة الاشتراكية احيانا ، او الست البلدي الرشيقة التي تسكن الحارة


سهام بنت سنية وعبد السلام
كما تحب ان تنادي
امراة تعدت الاربعين ، اكبر الممثلين سنا ، ولكنك تفاجئ انها اكثرهم رشاقة واكترهم خفة دم


عماد اسماعيل
ممثل فعلا .. له نبرة صوت مميزة جدا بالاضافة الي كارزمة عجيبة في شخصيته والتي تؤهله للقيام بعدة ادوار مختلفة شعر معه انه احد اقاربك او شخص بينك وبينه علاقة ولا تعرف منذ متي او اين

عمرو قطامش
بالاضافة لكونه صديقي ، وهو من دعاني اصلا لحضور العرض الا انه فنان بالفطرة وموهوب بطريقة مستفزة عنده القدرة علي بروزة شخصيته حتي داخل جمع كبير من الممثلين فدائما عندما يتراص الممثلين لصنع لوحة درامية ما ، فتجد نفسك مجبرا علي الانتباه الي ما يفعله قطامش تعليقاته حركاته ردود افعاله ، هو بالفعل ممثل كوميدي من التراز الرفيع


معتصم شعبان
له سحر خاص علي خشبة المسرح ، له نبرة صوت مميزة جدا ، شخصيته تذوب تماما في الشخصية التي يؤديها فتجد نفسك دائما امام معتصم شعبان جديد في كل مرة ، طبيعي جدا وتلقائي جدا وهي من اهم الصفات التي تميز الممثل الناجح

صبري الهواري
ممثل جيد ، واني اعتقد انه ما زل اماه الفرصة لثقل موهبته وعليه الاجتهاد اكثر واكثر رغم انه بالفعل ممثل بارع في تركيب الادوار المتخلفة

د0 هاني عبد الناصر
ليس كبيرا في السن ولكنه شاب مازال في ريعان شبابة يتمتع بحس غنائي جميل جدا بالاضافة الي خفة ظل وروح مرحة بالاضافة الي انه ممثل رائع جدا
...




اخيرا اود ان اشكر مخرجة العمل علي المجهود الضخم وجميع القائمين علي العمل من هيئة اخراج الي اضاءة وملابس وديكور فهم كما يقال الجنود المجهولون في ساحة المعركة
تحياتي للجميع

Thursday, March 06, 2008

قدام كنتاكي بتاع التحرير


قدام كنتاكي بتاع التحرير

اللي علي ناصية شارع طلعت حرب

كنت ماشي وهاركب المترو

وقلت اشتري الجرنال

.

.

ماكنتش عارف ادفع الفلوس لمين

لاني قعدت ادور علي البياع ومش لقيته

ف الاخر لقيت بنت صغيرة بتاع اربع خمس سنين

قاعدة مقرفصة ومغطية نفسها ببالطو صوف ومش باين منها حاجة

كانت نايمة وسارحه في الملكوت

حاولت اصحيها براحه عشان اديها الفلوس وانا متضايق جدا

خوفت اسيب الفلوس جنبها حد يخدها

قعدت اهز فيها كتير ما قامتش .. واحد صاحبي كان معايا قالي هزها جامد

قام هو جه وهز فيها جامد

قامت مطلعه يادوبك وشها من ياقه البالطو اللي مغطيها

اديتها الجنيه

خدته بسرعه وانكمشت تاني بسرعه

فتحت الجرنال .. لقيت ان الريس تدخل لحل مشكلة عصام الحضري

فقلت حسبي الله ونعم الوكيل


Thursday, February 28, 2008

المسحراتي _ انت دايس قوي علي قلبي

خير عاجل
الزميل العزيز عمرو قطامش
رفيق العتمة
مشترك في فريق المسحراتي
هيقدم مسرحية جديدة علي مسرح روابط
الدعوة مجانية
المسرحية اسمها
انت دايس قوي علي قلبي
العرض يوم الاربع
5/3/2008
ولمدة اسبوع متواصل

Sunday, February 24, 2008

البوليس ما طلعش بوليس يارجالة

لما شوفت امبارح برنامج البيت بيتك
وشوفت اللي اتبرع بنص اللي في بيته
وقعدت اتخيل ان اكيد كل الناس نفسها تبقي في مكانه دلوقتي
بس الفرق الوحيد انه هو اللي بدا بالفعل
سبحان الله رزقه من حيث لا يحتسب
اتحقق فيه القول الالهي .. س
الحسنه بعشرة امثالها
فقررت اروح انهاردة لناظر المحطة في حلوان وسألته
انا جيت لك من يومين بموز وبرتقال ياتري الراجل صحابهم جه خدهم ؟؟؟
بقلح بالكلام ياعني عشان اطمن برده
قالي والله انا خدتهم البيت وطلعت تمنهم في الجامع
فقولت له روح ياشيخ الله يبارك لك
وجيت كتبت البوست علي طولت
عرفوا حتي لو ماكنش دا حصل فمجرد انه يقولي كدا .. اسعدني بصراحه
حاسس ان كل واحد مصري شرطة مش شرطة جواة خير بس ماجتلوش الفرصة يعمله
اهم حاجة في الموضوع ان البوليس طلع مش بوليس

Thursday, February 21, 2008

حالة استثنائية-موز وبرتقال

طبعا انا ناوي اتكلم فعلا عن موضوع الفن والسيما والذي منه .. لكن انهارده حصلي موقف غير عادي واثر فيا بشكل مختلف فحسيت اني لازم اكتب عنه ، انا كنت راجع انهادرة من الكلية ، وللي مش عارف انا كليتي في حلوان ، فانا باركب من محطة حلوان ، كان قاعد جنبي راجل عجوز جايب لبيته موز وبرتقال .. وبعدين فوجئت بيه بيقولي احجزلي جنبك يابني لحسن السكر تعبني وانا رايح الحمام
.
طبعا انا حاولت اقوله خد الحاجة معاك لحسن المترو يمشي لكن هو سبقني ، وفوجئت بيه وقف علي الرصيف التالت وفتح البنطلون فعلا وكان ناوي
يعمل زي الناس .. في نص المترو
.
عند بداية فتح البنطلون ، كان الباب اللي نزل منه قفل ، وعند فتحه نهائيا وبداية عمله زي الناس كان المترو طلع ، وكل ما تخيل الراجل وهو بيشهق الشهقة بتاعت الراحه بعد ما هيعمل زي الناس ويلاقي المترو مشي ، يصعب عليا بصراحه
.
انا قررت اخد الحاجة وارجعله ، بس كان شغلي الشاغل ياتري هييجي في باله انه يستني في المحطة ولا فكر يركب المترو اللي بعده ويحصلنا ؟؟
.
طبعا انا رجعت ومش لقيته ، وكان قدامي حل من اتنين ، ياخد الموز والبرتقال واروح بيهم البيت ، او اوديهم لناظر المحطة يتغدي بيهم هو والعساكر ، وطبعا الحل التاني كان هو الامثل بالنسبة لي
.
بصراحه كنت فاقد الامل اني الاقي الراجل تاني .. وكنت عمال افكر موز وبرتقال مش حجات ممكن تبات ، ياعني لو مجاش خدهم انهارده مش هيلاقيهم بكرة .. نصي بيقولي خدهم .. ونصي التاني بيقولي خلي عندك ثقة في رجال الشرطة اكيد الراجل ممكن يسال هناك
.
وبما اني نساي شديد وياما ضاعت مني حجات في المترو وكنت باتمني ان اللي يلاقيها يوديها للشرطة عشان لما اسال عليها الاقيها فكرت وقولت انا لازم اعمل الحاجة اللي باتمني الناس تعملها معايا في المواقف اللي زي دي
.
رغم اني واثق ان الموز والبرتقال اتاكل خلاص وان الراجل ماشافشي حجاته .. الا اني دايما باكدب نفسي ، واقول لنفسي اني لازم يكون عندي ثقة في الناس .. دا الرسول قال الخير في امتي الي يوم الدين .. واكيد فيه ناس صالحة مش كل البوليس بوليس .. اكيد فيه بوليس مش بوليس بس ظروفه هي اللي خلته يبقي بوليس اكيد فيه ناس كويسه برده
.

Wednesday, February 13, 2008

فن وسيما (1-2)؟

اشعر باستغراب شديد مما اشاهده مؤخرا علي شاشة التليفزيون حين يستضيفون ممثلثا كبيرا في السن ، لقد اصبحت الان المكانات الاجتماعية وقدر الفنان يوازي سنه .. فالممثل القدير هو الممثل الشيخ الذي شارف علي الموت او قارب علي الاعتزال
.
ابدا اولا من حيث الناقد علي ابو شادي .. رئيس الرقابة علي المصنفات الفنية .. والذي رايته في برنامجا البارحة يدافع عن حرية الفن والفنانين ، مهاجما الصحفيين ودعاه الردة باسم الاخلاق هجومهم علي الحرية ودعوتهم بعودة مقص الرقيب من جديد
.
في البدء لم استوعب جيدا الموقف كيف لدعاة الحرية ينقلبون فجاة ليطالبون بالنقيض ، يطالبون بعودة مقص الرقيب مرة اخري ، وكيف للقريب هو الذي يعتلي منبر التحدث عن الحرية ويتولي مسئولية الدفاع عنها ... اسئلة شلت تفكيري فهذا الوضع الغريب في الزمن الغريب لا ينبا بخير اطلاقا
.
تكون مفهومة ومبررة ان يصرخ الناس والصحفيين والفنانين في وجه الرقابة للمطالبة بمزيد من الحرية ، ولكن ان يحدث العكس فهذا لا اجد له تفسيرا عندي .. غير ان من كانوا يطالبون بالحرية اعتقدوا انهم بمطالبتهم بها .. لن يكونوا تحت بؤرة الضوء الذي يفضح ما يحدث في الظلام
.
بعد انتهاء البرنامج وبكل اسف غيرت القناة لاشاهد اللبيت بيتك ، لافاجأ بتامر امين هذا المذيع الذي لا يعرف في حياته الا كيفية ان يشلني ويزيد من مرارتي حتي يرتفع ضغطي ووتورم اذناي حتي اصبح مثل دراكولا باذن طويلة .. اعرف ان الحمار ايضا باذن طويلة ولكن دعونا من ذلك الان .. هذا المذيع الفظ كان يجري حوارا مملا مستفذا مع الممثل المعروف يوسف شعبان
.
بالطبع تاريخ يوسف شعبان يكفيه بان يذكر كممثل بارع جدا وله قدره ومكانته .. ولكن انا شخصيا استفذ جدا جدا من الطريقة التي يتسول بيها ممثلونا الذين كبروا سننا حتي يقبلهم هذا او ذاك في دور هنا او هنا
.
وافاجئ بعبارات مستفزة مثل ايام الزمن الجميل ، الفن النظيف
وهلم جرا .. وكان الممثلون العواجيز هم وحدهم اصحاب وجة النظر التي يجب ان تحترم ويجب ان يستعين بهم الممثلون الشباب الذي حولوا السنيما في مصر الي حالة من الهياج والتفاهه
وانا اري ان لا احد من هذا الجيل المزعوم قدم فنا حقيقا يجب ان يحترم عليه ويجعل منهم ابطالا يخلدون كلما ذكرت السنيما او الفن في مصر
.
لا اذكر شيئا جيدا قامت به ليلي علوي او الهام شاهين او هالة صدقي او نبيلة عبيد او حتي يسرا سوي افلام تافهه عبيطة
لا اذكر شيئا قام به فاروق الفيشاوي او حسين فهمي او عزت العلايلي او غيرهم من هؤلاء العواجيز القديرين غير تافاهات لا اتذكر اسمائها
.
اعتقد ان الشباب والشباب في هذه الفترة من عمر السينما المصرية هو الذي استطاع ان يجعل في مصر طفرة حقيقة في صناعه السينما .. بالفعل هناك افلام تافهه .. ولكن كم الافلام الجيدة كثير جدا ومتنوع جدا بالفعل
فيلم مثل عمارة يعقوبيان هذا مخرجه شاب لم يتجاوز العشرون عاما . هو معجزة بالفعل
.
يغيظني ايضا ان تجد في تتر المسلسلات والافلام .. كلمة الممثل القدير
محمد ريحان .. هو عجوز ظهر فجاة في الممثلثلات .. يمثل الان دورا في مسلسل السماح بطولة محمود يسن علي قناة الدراما ... هو الخادم في بين كبير العيلة هو ممثل قدير
عايدة عبد العزيز .. ايضا هي ممثلة قديرة وغيرهم .. تجد نفس الممثل في عدة مسلسلات .. حسب مجموعة الممثلين المصاحبين له في العمل يتوقف تسميته .. فهو ممثل قدير او بطولة حسب راي الممثل صاحب التمثيلية اصلا
وكأن القدر الفني او المكانة ليست بكم الاعمال وجودتها انما هو بسن الممثل .. فالممثل العجوز هو الممثل القدير وكان شباب الممثلين رغم انهم هم الان عصب الاعمال الفنية والدرامية ليسوا بالقدر الكافي فنيا
.
اخيرا اود ان استفسر عن وضع الفنانين داخل مصرنا المحروسة .. لماذا الفنان او الممثل الذي يمرض او يصاب باذي يجب علي الدولة مراعاته والتكفل بعلاجة ، هو لا مؤاخذة ناقص فلوس، يقال انها نوع من الوفاء بالجميل
انا اقول ان التمثيل مهنه كأي مهنة .. يعمل فيها الراغب فيها ، وياخذ اجره بالكامل .. لماذا اذن يدعوا من يدعوا ان لهم حق علي البلد وانهم حينما يشيخو في السن او يمرضوا يجب علي كل الناس ان يزوروهم وان يتبرعوا لهم بثمن العلاج وان يسيروا في جنازاتهم بعد الوفاه
.
كل مصري يحب بلدة مثل بل اكثر من اي ممثل فهناك الدكتور والمهندس والمدرس والمحامي .. لماذا لا يتم معهم ما يتم مع الممثلين والمغنيين ولاعبي كرة القدم هل هم اشد وطنية من غيرهم ام ماذا؟؟؟؟؟
.
.
للحديث بقية

Friday, February 01, 2008

ف العتمة

القصيدة الثاثة للشاعر
.
محمود عبد الباسط
.
.
.
لقصيدة الرابعه للشاعر
.
علي عبد العزيز
.
.

Saturday, January 26, 2008

جحا والحمار ابو ميه وخمسين


في متابعه لوصلة الهرتلة نهرتل

.

.

مرة جحا كان نازل يشتري حمار من السوق .. فنزل وهو معاه مية وخمسين جنيه بس ، فراح السوق لقي الحمار بيتباع بـــ بمية وخمسين جنيه ، فتضايق جدا وقعد يفكر .. يشتري الحمار بكل الفلوس اللي معاه ولا يعمل ايه ؟ .. وبعدين هيقعد من غير فلوس ؟ هيجيب الاكل منين واللبس منين واتضايق جدا جدا جدا فقعد يشتم ويزعق ويقول انتوا حرامية ليه .. هي الحمير غالية ليه .. وروح بيتهم ومااشتراش حاجة

.

.

بعد اسبوع نزل جحا معاه خمسميت جنيه وعازم النية انه هيشتري الحمار ، فراح السوق فلقي الحمار بيتباع بــــ تلتميتت جنيه .. فقال للبياع امال الحمير ليه رخيصة انهارة ياعني ؟ .. فاستغرب البياع جدا .. قاله ازاي يا حجا .. دا التمن ذاد الضعف .. ياعني لما يكون بــ مية وخمسين يكون غالي ، ولما يبقي بــ تلتمية رخيص
قفاله جحا .. اه طبعا ، اصل المرة اللي فاتت .. ماكنش معايا تمنه .. لكن المرة دي معايا تمنه وزياده كمان !!!!!!!!
سس
.
.
من هنا نتعلم ايه يا حلوين
ـــــــــــــــــــــ
ممكن يكون قدامك شيء غالي جدا انت عايزه بعشرة جنيه ... لكن العشرة جنيه هي كل الفلوس اللي تملكها دلوقتي ،ولو اشتريت الشيء دا .. هتحطه قدامك وتغني معاه ظلموه ، لكن ممكن يجي عليك يوم تلاقي نفس الشيء بمليون جنيه .. فتشتريه .. وانت مبسوط جدا ومش حاسس ان المبلغ مأثر معاك

Friday, January 18, 2008

سؤال تعجب

مرة واحد قالي
تعرف .. اهو الجن دول متقدمين عن البشر بحضارة الف عام
قولت له يااااااااااااه بجد ؟؟
قالي اه امال ايه .. اصل ربنا خلقهم قبل البشر تقريبا كدا بالف عام
.
.
قولت له طب يا اخي
ازاي البشر متفوقين علي بعض .. رغم انهم كلهم في عمر واحد؟؟؟؟؟

Thursday, January 17, 2008

اول بوست في السنه الجديدة

يعتبر البوست دا .. هو اول بوست في السنه الجديدة
.
.
كنت عايز اتكلم عن حجات كتيرة طبعا
واحكي واقول .. لكن اظن ان ناس كتيرة عملت دا
.
.
كنت متردد جدا وانا باكتب اول بوست في السنه الجديدة
ياتري هاكتب اقول ايه
انا ماعنديش حاجة معينه عايز اقولها
وكلامي عادي ياعني .. الناس مش مستنية مني حاجة
.
.
ياتري افسر القصة اللي فاتت واللي ماحدش فهمها دي
ولا اكتب قصيدة شعر
ولا اعمل ايه
.
.
طبعا حسيت اني بجد بجد
كمدون ماليش اي لازمة
اي الجديد اللي هاقوله ياعني
تحليلات .. اهي مغرقه الدنيا
سياسة .. دمها تقيل علي قلبي
شعر .. الناس كلها بقت تكتب
قصص .. مش بيتفهم مني حاجة
.
.
بعدين قررت اقول عن اخبار عبيطة
يمكن ما تهمش اي حد بالقدر اللي تهمني انا بيه
.
.
السنه دي محمد اخويا .. العيل الشقي
صاحب مدونة
اضغر مدون وتحدي .. واللي بقت الدنيا صاعبة
نزل اول كتاب ليه
وسمي الكتاب .. كيف تعيش حياتك بدون ؟؟
.
.
السنه دي هي اخر سنه ليا في الكلية .. ياعني كلها كام شهر واتخرج
.
.
السنه دي ومن كام يوم بس .. تميت سنه جديدة من عمري .. انا برج الجدي
.
.
السنه دي اخدت مركز متقدم جدا في القصة القصيرة .. رغم اني اول مرة اتقدم في مسابقة القصة القصيرة
.
.
اخيرا
كل سنه وانا طيب
الفين وتمانية بوسة لكل الناس