حالة استثنائية-موز وبرتقال

طبعا انا ناوي اتكلم فعلا عن موضوع الفن والسيما والذي منه .. لكن انهارده حصلي موقف غير عادي واثر فيا بشكل مختلف فحسيت اني لازم اكتب عنه ، انا كنت راجع انهادرة من الكلية ، وللي مش عارف انا كليتي في حلوان ، فانا باركب من محطة حلوان ، كان قاعد جنبي راجل عجوز جايب لبيته موز وبرتقال .. وبعدين فوجئت بيه بيقولي احجزلي جنبك يابني لحسن السكر تعبني وانا رايح الحمام

.

طبعا انا حاولت اقوله خد الحاجة معاك لحسن المترو يمشي لكن هو سبقني ، وفوجئت بيه وقف علي الرصيف التالت وفتح البنطلون فعلا وكان ناوي

يعمل زي الناس .. في نص المترو

.

عند بداية فتح البنطلون ، كان الباب اللي نزل منه قفل ، وعند فتحه نهائيا وبداية عمله زي الناس كان المترو طلع ، وكل ما تخيل الراجل وهو بيشهق الشهقة بتاعت الراحه بعد ما هيعمل زي الناس ويلاقي المترو مشي ، يصعب عليا بصراحه

.

انا قررت اخد الحاجة وارجعله ، بس كان شغلي الشاغل ياتري هييجي في باله انه يستني في المحطة ولا فكر يركب المترو اللي بعده ويحصلنا ؟؟

.

طبعا انا رجعت ومش لقيته ، وكان قدامي حل من اتنين ، ياخد الموز والبرتقال واروح بيهم البيت ، او اوديهم لناظر المحطة يتغدي بيهم هو والعساكر ، وطبعا الحل التاني كان هو الامثل بالنسبة لي

.

بصراحه كنت فاقد الامل اني الاقي الراجل تاني .. وكنت عمال افكر موز وبرتقال مش حجات ممكن تبات ، ياعني لو مجاش خدهم انهارده مش هيلاقيهم بكرة .. نصي بيقولي خدهم .. ونصي التاني بيقولي خلي عندك ثقة في رجال الشرطة اكيد الراجل ممكن يسال هناك

.

وبما اني نساي شديد وياما ضاعت مني حجات في المترو وكنت باتمني ان اللي يلاقيها يوديها للشرطة عشان لما اسال عليها الاقيها فكرت وقولت انا لازم اعمل الحاجة اللي باتمني الناس تعملها معايا في المواقف اللي زي دي

.

رغم اني واثق ان الموز والبرتقال اتاكل خلاص وان الراجل ماشافشي حجاته .. الا اني دايما باكدب نفسي ، واقول لنفسي اني لازم يكون عندي ثقة في الناس .. دا الرسول قال الخير في امتي الي يوم الدين .. واكيد فيه ناس صالحة مش كل البوليس بوليس .. اكيد فيه بوليس مش بوليس بس ظروفه هي اللي خلته يبقي بوليس اكيد فيه ناس كويسه برده

.

فن وسيما (1-2)؟

اشعر باستغراب شديد مما اشاهده مؤخرا علي شاشة التليفزيون حين يستضيفون ممثلثا كبيرا في السن ، لقد اصبحت الان المكانات الاجتماعية وقدر الفنان يوازي سنه .. فالممثل القدير هو الممثل الشيخ الذي شارف علي الموت او قارب علي الاعتزال

.

ابدا اولا من حيث الناقد علي ابو شادي .. رئيس الرقابة علي المصنفات الفنية .. والذي رايته في برنامجا البارحة يدافع عن حرية الفن والفنانين ، مهاجما الصحفيين ودعاه الردة باسم الاخلاق هجومهم علي الحرية ودعوتهم بعودة مقص الرقيب من جديد

.

في البدء لم استوعب جيدا الموقف كيف لدعاة الحرية ينقلبون فجاة ليطالبون بالنقيض ، يطالبون بعودة مقص الرقيب مرة اخري ، وكيف للقريب هو الذي يعتلي منبر التحدث عن الحرية ويتولي مسئولية الدفاع عنها ... اسئلة شلت تفكيري فهذا الوضع الغريب في الزمن الغريب لا ينبا بخير اطلاقا

.

تكون مفهومة ومبررة ان يصرخ الناس والصحفيين والفنانين في وجه الرقابة للمطالبة بمزيد من الحرية ، ولكن ان يحدث العكس فهذا لا اجد له تفسيرا عندي .. غير ان من كانوا يطالبون بالحرية اعتقدوا انهم بمطالبتهم بها .. لن يكونوا تحت بؤرة الضوء الذي يفضح ما يحدث في الظلام

.

بعد انتهاء البرنامج وبكل اسف غيرت القناة لاشاهد اللبيت بيتك ، لافاجأ بتامر امين هذا المذيع الذي لا يعرف في حياته الا كيفية ان يشلني ويزيد من مرارتي حتي يرتفع ضغطي ووتورم اذناي حتي اصبح مثل دراكولا باذن طويلة .. اعرف ان الحمار ايضا باذن طويلة ولكن دعونا من ذلك الان .. هذا المذيع الفظ كان يجري حوارا مملا مستفذا مع الممثل المعروف يوسف شعبان

.

بالطبع تاريخ يوسف شعبان يكفيه بان يذكر كممثل بارع جدا وله قدره ومكانته .. ولكن انا شخصيا استفذ جدا جدا من الطريقة التي يتسول بيها ممثلونا الذين كبروا سننا حتي يقبلهم هذا او ذاك في دور هنا او هنا

.

وافاجئ بعبارات مستفزة مثل ايام الزمن الجميل ، الفن النظيف

وهلم جرا .. وكان الممثلون العواجيز هم وحدهم اصحاب وجة النظر التي يجب ان تحترم ويجب ان يستعين بهم الممثلون الشباب الذي حولوا السنيما في مصر الي حالة من الهياج والتفاهه

وانا اري ان لا احد من هذا الجيل المزعوم قدم فنا حقيقا يجب ان يحترم عليه ويجعل منهم ابطالا يخلدون كلما ذكرت السنيما او الفن في مصر

.

لا اذكر شيئا جيدا قامت به ليلي علوي او الهام شاهين او هالة صدقي او نبيلة عبيد او حتي يسرا سوي افلام تافهه عبيطة

لا اذكر شيئا قام به فاروق الفيشاوي او حسين فهمي او عزت العلايلي او غيرهم من هؤلاء العواجيز القديرين غير تافاهات لا اتذكر اسمائها

.

اعتقد ان الشباب والشباب في هذه الفترة من عمر السينما المصرية هو الذي استطاع ان يجعل في مصر طفرة حقيقة في صناعه السينما .. بالفعل هناك افلام تافهه .. ولكن كم الافلام الجيدة كثير جدا ومتنوع جدا بالفعل

فيلم مثل عمارة يعقوبيان هذا مخرجه شاب لم يتجاوز العشرون عاما . هو معجزة بالفعل

.

يغيظني ايضا ان تجد في تتر المسلسلات والافلام .. كلمة الممثل القدير

محمد ريحان .. هو عجوز ظهر فجاة في الممثلثلات .. يمثل الان دورا في مسلسل السماح بطولة محمود يسن علي قناة الدراما ... هو الخادم في بين كبير العيلة هو ممثل قدير

عايدة عبد العزيز .. ايضا هي ممثلة قديرة وغيرهم .. تجد نفس الممثل في عدة مسلسلات .. حسب مجموعة الممثلين المصاحبين له في العمل يتوقف تسميته .. فهو ممثل قدير او بطولة حسب راي الممثل صاحب التمثيلية اصلا

وكأن القدر الفني او المكانة ليست بكم الاعمال وجودتها انما هو بسن الممثل .. فالممثل العجوز هو الممثل القدير وكان شباب الممثلين رغم انهم هم الان عصب الاعمال الفنية والدرامية ليسوا بالقدر الكافي فنيا

.

اخيرا اود ان استفسر عن وضع الفنانين داخل مصرنا المحروسة .. لماذا الفنان او الممثل الذي يمرض او يصاب باذي يجب علي الدولة مراعاته والتكفل بعلاجة ، هو لا مؤاخذة ناقص فلوس، يقال انها نوع من الوفاء بالجميل

انا اقول ان التمثيل مهنه كأي مهنة .. يعمل فيها الراغب فيها ، وياخذ اجره بالكامل .. لماذا اذن يدعوا من يدعوا ان لهم حق علي البلد وانهم حينما يشيخو في السن او يمرضوا يجب علي كل الناس ان يزوروهم وان يتبرعوا لهم بثمن العلاج وان يسيروا في جنازاتهم بعد الوفاه

.

كل مصري يحب بلدة مثل بل اكثر من اي ممثل فهناك الدكتور والمهندس والمدرس والمحامي .. لماذا لا يتم معهم ما يتم مع الممثلين والمغنيين ولاعبي كرة القدم هل هم اشد وطنية من غيرهم ام ماذا؟؟؟؟؟

.

.

للحديث بقية

النعيم والجحيم

ف العتمة

القصيدة الثاثة للشاعر

.

محمود عبد الباسط

.

.

.

لقصيدة الرابعه للشاعر

.

علي عبد العزيز

.

.

في العتمة .. هنور شعر

جحا والحمار ابو ميه وخمسين

في متابعه لوصلة الهرتلة نهرتل

.

.

مرة جحا كان نازل يشتري حمار من السوق .. فنزل وهو معاه مية وخمسين جنيه بس ، فراح السوق لقي الحمار بيتباع بـــ بمية وخمسين جنيه ، فتضايق جدا وقعد يفكر .. يشتري الحمار بكل الفلوس اللي معاه ولا يعمل ايه ؟ .. وبعدين هيقعد من غير فلوس ؟ هيجيب الاكل منين واللبس منين واتضايق جدا جدا جدا فقعد يشتم ويزعق ويقول انتوا حرامية ليه .. هي الحمير غالية ليه .. وروح بيتهم ومااشتراش حاجة

.

.

بعد اسبوع نزل جحا معاه خمسميت جنيه وعازم النية انه هيشتري الحمار ، فراح السوق فلقي الحمار بيتباع بــــ تلتميتت جنيه .. فقال للبياع امال الحمير ليه رخيصة انهارة ياعني ؟ .. فاستغرب البياع جدا .. قاله ازاي يا حجا .. دا التمن ذاد الضعف .. ياعني لما يكون بــ مية وخمسين يكون غالي ، ولما يبقي بــ تلتمية رخيص

قفاله جحا .. اه طبعا ، اصل المرة اللي فاتت .. ماكنش معايا تمنه .. لكن المرة دي معايا تمنه وزياده كمان !!!!!!!!

سس

.

.

من هنا نتعلم ايه يا حلوين

ـــــــــــــــــــــ

ممكن يكون قدامك شيء غالي جدا انت عايزه بعشرة جنيه ... لكن العشرة جنيه هي كل الفلوس اللي تملكها دلوقتي ،ولو اشتريت الشيء دا .. هتحطه قدامك وتغني معاه ظلموه ، لكن ممكن يجي عليك يوم تلاقي نفس الشيء بمليون جنيه .. فتشتريه .. وانت مبسوط جدا ومش حاسس ان المبلغ مأثر معاك

سؤال تعجب

مرة واحد قالي

تعرف .. اهو الجن دول متقدمين عن البشر بحضارة الف عام

قولت له يااااااااااااه بجد ؟؟

قالي اه امال ايه .. اصل ربنا خلقهم قبل البشر تقريبا كدا بالف عام

.

.

قولت له طب يا اخي

ازاي البشر متفوقين علي بعض .. رغم انهم كلهم في عمر واحد؟؟؟؟؟

اول بوست في السنه الجديدة

يعتبر البوست دا .. هو اول بوست في السنه الجديدة

.

.

كنت عايز اتكلم عن حجات كتيرة طبعا

واحكي واقول .. لكن اظن ان ناس كتيرة عملت دا

.

.

كنت متردد جدا وانا باكتب اول بوست في السنه الجديدة

ياتري هاكتب اقول ايه

انا ماعنديش حاجة معينه عايز اقولها

وكلامي عادي ياعني .. الناس مش مستنية مني حاجة

.

.

ياتري افسر القصة اللي فاتت واللي ماحدش فهمها دي

ولا اكتب قصيدة شعر

ولا اعمل ايه

.

.

طبعا حسيت اني بجد بجد

كمدون ماليش اي لازمة

اي الجديد اللي هاقوله ياعني

تحليلات .. اهي مغرقه الدنيا

سياسة .. دمها تقيل علي قلبي

شعر .. الناس كلها بقت تكتب

قصص .. مش بيتفهم مني حاجة

.

.

بعدين قررت اقول عن اخبار عبيطة

يمكن ما تهمش اي حد بالقدر اللي تهمني انا بيه

.

.

السنه دي محمد اخويا .. العيل الشقي

صاحب مدونة

اضغر مدون وتحدي .. واللي بقت الدنيا صاعبة

نزل اول كتاب ليه

وسمي الكتاب .. كيف تعيش حياتك بدون ؟؟

.

.

السنه دي هي اخر سنه ليا في الكلية .. ياعني كلها كام شهر واتخرج

.

.

السنه دي ومن كام يوم بس .. تميت سنه جديدة من عمري .. انا برج الجدي

.

.

السنه دي اخدت مركز متقدم جدا في القصة القصيرة .. رغم اني اول مرة اتقدم في مسابقة القصة القصيرة

.

.

اخيرا

كل سنه وانا طيب

الفين وتمانية بوسة لكل الناس

مش انا ارتبطت ؟؟؟

تحديث

تم نشر القصيدة التالته من ديوان في العتمة -- للشاعر محمود عبد الباسط

_____________________________________

هاي يا جماعه .. هاهاها
مش انا ارتبطت !!! .. اها هاهاها
ايه ؟!! .. طيب ثواني .. سس
معلشي يا جماعه انا مضطر امشي .. عن اذنكم
باااااي

هكذا اخترق اجتماعي مع اصدقائي ليلقي بكلمته الغير مبررة ، فلم تكن هذه عادته اطلاقا ، ولم يكن سياق الحديث يسمح له بالخوض في ذلك ، اظنه يدفعني للغيرة فقط ليس الا .. لانه يعلم جيدا اني احبه ، ولكنه لا يعلم انه ليست انا ، فانا لا ارضخ ولا اضعف ، فليهنا بمن يحب.. انا لا اهزم ابدا .. اعترف اني اصبت بلعنة ذلك السرطان المخيف ولكن فليمت قلبي فداء لكرامتي ولتذهب كل عاشقة الي الجحيم فيالها من بائسة تلك التي تحب مغرور . س

لماذا .. ؟! سس
لماذا يتعمد ايذاء مشاعري ؟ .. اعرف جيدا انه لن يبادلني حبا بحب .. له من غبي فانا لم اطلبها منه قط ، انا اكتفي فقط بحبي له .. هل هذا ايضا كثير علي ، لم اشعر مطلقا في الرغبة في مصارحته ، يكفيني فقط بعض النظرات او الكلمات التي اختلسها حين نتحادث في امر ما ، ألهذي الدرجة هو قاسي ؟؟؟ .. اعتقد انه يريد ان يمرر لي رساله مفادها .. ان اري غيره .. ولكني بالفعل لا اقدر .. اطلب من الله ان تري الشمس عمق البحار .. حتي يدب في الامل في ملاقاة غيره .. لي الله وله من يحب . سس

لقد كانت صدمة شديدة بالنسبة لي ، لقد كنت ابني الامال والاحلام علي الارتباط به ، اظن انه شعر بي فاراد ان ينهي ذلك قبل ان يبدا ، ياله من جاد جدا .. يعرف ماذا يريد وكيف يريد ومتي يحصل عليه ، لا تشغله عن اهدافه مشاعر مسكينة مثلي حتي ولو تحطمت امامه وتناثرت كالنجوم علي صفحة سماء سوداء .. يالا قلبي المسكين .. انه مازال يحلم حتي اعيته الاماني .. لقد وعيت الرساله التي اراد ان يمررها لي .. ولكني اتمني ان يقدر الليل ان ينسي المجيء يوما حتي اقدر انا علي نسيانه .. يالها من بائسة تلك التي تحب عاقل . سس

آآه .. لقد هوت عليا كلماته كالصاعقة ، اعلم جيدا ان كل من حولي قد فضح امري ، لقد بت حديثا يلوكه كل لسان بعد الان ، لا محالة من ذلك .. فنظراتي وكلماتي وتصرفاتي تشي دائما بحالتي عندما احادثه ، اعلم جيدا ان ارتباطه كذبة قالها فقط ليوجه لي رساله في الخفاء ، انه يعلم جيدا كم احبه .. انه حساس جدا .. لم يشاء ان يجرحني ، لذلك فضّــل ان يظهر امامنا هكذا ولا يجرحني ابدا .. ساظل احتفظ بعشقي له مهما كلفني الامر من عناء . سس

يا الهي هل لهذه الدرجة لا يحبني .. لقد بدا اول حديث بيننا اول امس ، وحمدت الله اخيرا اني استطعت لفت انتباهه .. هل شك في امري فاراد ان يوفر عليا عناء التفكير والتدبير .. ام انه لم يشعر بي اصلا .. اعلم ان حوله كثيرات ولكنه لابد ان يراني دونهم فلماذا انا لا اري غيره .. لقد حطم قلبي ، ورغم ذلك اعشقه . سس

ماهذه الوقاحه ؟؟ ,, يقول ذلك ليغيظني مثلا ؟؟؟ .. انه يعلم جيدا انه ليس الوحيد الذي تلتف حوله البنات.. ولكن علي ان اعترف بالفعل فهو اكثرهم شهره .. ولكني اعرف الكثير والكثير انا ايضا .. لا اظن ان موضوع كهذا يقـال بطريقة كهذه الا وكانت نيـّـه قائلها سئية ، انا الوحيد الذي يعرفه علي حقيقته .. انه انسان مغرور لا يري الا نفسه ، يريد ان يشعر وكأنه هاورن الرشيد .. انا اكره ذلك المخلوق ...حقا اكره . يي

انه بالفعل ذكي جدا .. لو كنت مكانه لما استطعت التصرف ، انا بالفعل احسده علي ثباته ورباطتة جأشه ، يعرف كيف ياخذ القرار المناسب في الوقت المناسب انه بالفعل مثال جيد لرجل حكيم . ي

.

تحديث

ــــــــــــ

يوم السبت 22 ديسمبر

الساعه 9:13 مساء

ـــــــــــــــــــــــــــــــــ

ياااااااااااااه اخيرا ... الحمد لله

ماهذه الجرأة يا رجل ؟؟ .. لك قلب فولاذي لا استطيع تخيله **

الان استطيع الان ان استريح ... واكيد سَـتُـقَـدِر كل واحدة منهن علي نسياني يوما ما ..

اعقد ان سلوي ستاخذ الامر بشكل شخصي جدا وستقول انك مغرور **

فعلا .. ولكني اخشي علي ريهام جدا انها رومانسية .. رومانسية الي ابعد الحدود

فعلا فعلا ... واسماء... سس **

كانت تعتقد انك ستصبح وزيرا يوما ما هاهاها .. دائما تردد .. " انه رجل جاد جدا " سسس

عندك حق اما مني .. فحالي يرق لها دائما .. تحبني وتعتقد ان كل الناس تعلم ذلك

يا لها من ساذجة **

نعم .. اعتقد ان القدر سيخبئ لها افضل مني

ولكن هل عرفت ما ألم بفاتن ؟؟ .. لقد رقدت يومين في اعيائة بعد ان علمت بالخبر **

لقد بذلت المستحيل لكي تتعرف عليك

كان لقاء اول امس من تدبيري اعرف انها تحبك جدا

اعتقد انها صفحة بيضاء تماما .. لا اريد ان اكون اول من خط فيها .. سأدعها تجرب حظها في الحياه

نعم نعم .. ولكن هذا الحاقد الحاسد المدعو حاتم .. سسس **

كنت اراه وهو ينظر اليك نظرات ملؤها حقد وغل وكراهية

دعه وشانه .. لا ينفع الحقد ابن ادم ابدا

لقد كان يدعي .. هشام

عندما تقسم البشر بين البشر

ويصبح لك واحد دايرته الخاصة

.

.

كنت اسير عائد الي منزلي ، وعندما كنت علي مقربة منه صدمني شخص اعرف جيدا من هيئته انه لا يعي اطلاقا ، اتخيل كم الادوية المخدرة التي يتناولها ، فيدعوني ذلك الي عدم اثارته ، قال لي في حده وعصبية : مش تحاسب ؟؟

ورغم انه المخطئ ورغم اني اعرف جيدا انه فعلها عمدا ليفتعل عراكا معي .. اعتذرت له معللا اني كنت سرحا بعض الشئ وطلبت منه المغفرة علي ما اتيت به ، هممت بالانصراف وانا ادعو ربي ان يمر الموقف بيننا علي سلام ، فانا لا اريد اثارته مطلقا ، فالعواقب لن تكون في صالحي ، نداني قبل ان انصرف فتوقفت حتي لا اثير غضبه

ققلت له : ايوة تحت امرك .. اي خدمة

قال لي : ياعني انا واقف اكلمك كدا وتسبني وتمشي ياعني هو مافيش احترام كمان

بالفعل اعتذرت له .. فانا لم اقصد اهانته ولكني لم اتخيل ان سيادته بالطبع قد يحتاج صعلوك مثلي في شيء، فانا اسف علي كل شيء فكان علي الانتظار حتي ياذن لي هو بالانصراف ، قال لي انه اذا صدمني كما صدمته انا فلن اتحمل شده الصدمة ، فقلت له مـُــأمننا علي حديثه اني بالفعل لم اكن اتحملها ولذلك كررت له اسفي مرة اخري علّه يسامحني وانجو من فعلتي هذه

لا اعلم هل شفقة منه او تأنيبا لضميرة الذي اشك في وجوده اصلا، نظر الي نظرة شفقة علي حالي وقال لي : انت عارف انا عملت معاك كدا ليه اصلا ، بالطبع قلت له لا اعلم ويا حبذا لو تعطف علي وتكرم وقال لي هو .. كنت احاول تجنب اثارته بكل السبل ، ما منه الا ان اخرج التليفون المحمول خاصتي من طياتيه هو

في ذهول وشرود مني واستغراب شديد تركته يتكلم ، منصحا ايا الا احمل تليفوني بطريقة ملفتة للنظر مرة اخري بالذات وان كان جهازا غالي الثمن مثل جهازي ( 3310 ) .. لا اعرف حقا هل راي انها لا تستحق عناء السرقة ام اني بالفعل كنت مسكينا بالقدر الكافي الذي يجعل لصا كهذا يرجع في مقصده لعطيني تليفنوني مرة اخري .. لا اعرف كيف تبدل الخوف بداخلي لعده احاسيس اخري متداخلة مركبة ، شكرته جدا ودعوت له بان يرزقه الله خيرا مني ،وسلمت عليه بحرارة شديدة وعرفت منه انه يدعي هشام

قالي لي انه لم يفضل مطلقا ايذائي وخصوصا اني واحد من دايرته ، الحمد لله رب العالمين انني من دايرة هشام ولم اكن من دايرة لصا اخر ... لذلك ادعو كل من يقرا رسالتي هذه ان يبحث جيدا عن اي دايرة هو ينتمي .. ولكم جزيل الشكر

.

.

والسلام

المرسل : ادم المصري

مسكنات وجع من النوع الخطير جدا

اضبط منبه حالك اللي
جنب منك
ع السرير
ادخل لحلمك مرة بدري
عيش طريقة حب تانية
يمكن الاحلام تفيد
خلي روحك تستفيض
قول لقلبك ينشغل
واحلم بصورة حلم نوبة ملونة
علي صوت الراديو ع الاخر وشغل
كل الاغاني الممكنة
خلي الشجر في الحلم يطرح امنيات
خلي الربيع يبقي بديع
خلي الخريف يعشق الورق اللي مات
خلي الشتا يغرق دفا
اخلق حياتك من عدم
خلي الحجات المستحيلة
تبقي مكان الممكنات
اوصل اللي نبعه منك
جوة فيها
شوف الحقيقة لو تبان من عنيها
احلم بنفسك وانت ماسك يوم ايديها
والشوارع .. والزحام
كتفها المشتاق لحضنك
خدها الستني منك
تلمسه
روح يا بطل
اقطف الورد اللي طارح
واهمسه
وشوشة
بوح باللي فيك
خلي عنيك
تعرف معاني .. غير معانيك اللي باشت في الكلام
خلي عنيك
مرة تتكلم غرام
عيش مرة حلمك
دا اللي نفسك
يوم تعيشه
كون الجناح
لطير صغير
لسه ما نبتش ريشه
واسرح قوي
اخر ما يقدر بيك خيالك يبعدك
لحد ما تشوف السراب
قدام عنيك
بينك وبينه .. خطوتين
حاول بايدك تمسكه
خلي عنيها
تبقي الدليل
خلي القمر
يبقي الخليل
ارسم سحابة بالطريق
وابدا الرحلة الطويلة
من قبور السجن فيك
سهي خوفك
واجري منه
واعبر القضبان وعدي
م السياج اللي ف عنيك
اخترق كل الدفاعات اللي فيك
من جوة منك عدي ليها
طير عليها
بس .. حاسب
ب س
ح
ا
س
ب
الطريق مش سهل خالص
ياما ناس قضت حياتها
وهي بتحاول وصول
كل مرة
وقبل ما توصل وفجاه
يخلص الحلم الجميل
يضرب منبه حالهم اللي
جنب منهم
ع السرير
ناس بتفهم ايه الحكاية
وناس بتتحول سراب
اوعاك لتتحول سراب
مجذوبين احلام ووهم
كل مرة يناموا فيها
يظبوا منبه الحال القبالهم
ع السرير
وفي كل مرة ياخروا
لحظة الرن وعسي
يكمل الحلم الجميل
1/12/2007

الأخطاء التسعة

الأخطاء التسعة
من كتاب لا تكن لطيفا أكثر من اللازم للكاتب ديوك روبنسون
الأشخاص اللطفاء غالباً ما يفعلون الأشياء التي يتوقعها الآخرون منهم
ويحاولون إرضاء متطلباتهم دون أن يؤذوا مشاعرهم .. ودون أن يفقدوا أعصابهم
وعندما يهاجمهم الآخرون بغير تعقل .. يحافظون على لطفهم وهدوئهم
غير أن هؤلاء الأشخاص اللطفاء كلّما أمعنوا في التصرف بهذه النوايا الحسنة ومساعدة الآخرين
وتحدثوا وتصرفوا بكل هذا المستوى الرائع من اللباقة
ينتابهم شعور بعد ذلك بالإرهاق والإحباط وعدم الثقة بالنفس
إن هذه السلوكيات التي يسلكها الأشخاص اللطفاء بنية حسنة
وبطريقة معتادة لديهم تؤثر بطريقة عكسية على علاقاتهم .. وتنتزع البهجة من حياتهم
ويوماً بعد يوم تعترض هذه السلوكيات طريقنا تصيبنا بالجنون .. وتسرق وقتاً وطاقة ثمينتين هما أثمن ما نملك
وتلخص هذه السلوكيات بتسعة أخطاء ذات نتائج عكسية
وهي جديرة بالاهتمام لأننا بقليل من التفكير والجهد نستطيع التوقف عن فعلها

.
# أن نحرر أنفسنا من الالتزام بما يتوقعه الآخرون منا مما لسنا مقتنعين به

.
# أن نقول : لا عند الضرورة .. وأن نقي أنفسنا من تحمُّل ما لا تطيق

.
# أن نخبر الآخرين بما نريده منهم .. وأن نتلقاه فعلاً

.
# أن نعبر عن غضبنا بطريقة تداوي .. وتصون علاقتنا

.
# أن نستجيب بصورة فعالة حين يهاجمنا الناس أو ينتقدوننا بلا تعقل

.
# أن نخبر أصدقاؤنا بالحقيقة حينما يخذلوننا

.
# أن نهتم بالآخرين دون تحمل عبء محاولة إدارة حياتهم

.
# أن نساعد أصدقاءنا وأحباءنا الذين يميلون لتدمير أنفسهم على أن يستعيدوا صحتهم النفسية

.
# أن نشعر بأهليتنا .. ونفعنا عند مواجهة الألم والحزن
.
ومن المعلوم أن النساء تعاني ضغوطاً اجتماعية أكبر مما يعانيه الرجال كي يكن لطيفات .. وأن معظم الناس يعتقدون أن الرجال لا يملكون المستوى نفسه من لطف النساء .. ولكن سواء كنت رجلاً لطيفاً أو امرأة لطيفة فمن المحتمل أنّك تكرر الوقوع في هذه الأخطاء التسعة مما يلحق بك الضرر

صعبان عليا - شعر

صعبان عليا اشوفك انت

.

بتناديني

.

وصوتي مش قادر يقولك

.

اني فين

.

اه لو تبص جوة منك حبتين

.

تلقاني راقد فيك يا عمري

.

من سنين

.

بس انت عادتك

.

تعمل انك

.

مش لاقيني

.

فـتـناديني

.

صوتي من جواك يرد

.

لو مش حاسسني

.

يبقي بس ازاي ياعمري هتلاقيني ؟؟؟؟؟؟

اسماعيل صبري _ احد شعراء في العتمة

الشاعر اسماعيل صبري

..

.

.

.

.

من شعراء

في العتمة

فرصة بني ادم - حورية تتحدث عن نفسها

فرصة بني ادم
اسمعوا وعوا
حورية تتحدث عن نفسها

.

.

.

.

عندما كنت اتابع قراءة الارشيف كعادتي دوما .. وقع بصري بالصدفة علي بوست قديم اسمه

( حوا كما اري )

.

.

لا ادري لماذا .. تطرقت الي قراءة الكومنتات

لفت انتباهي كومنت غريب جدا

لا اعلم لماذا لم انتيه له وقتها

.

.

صاحبة الكومنت هي المدونة

.

بـيــاتـــرس

.

وهذا هو فحوي التعليق تبعها

.

.

.

.

.

المرأه هى المرأه

.

همسات من الرقه والحنان وأنات من التعايش كما يشاء الرجال

.

ان كنت ترغب فى معرفة المرأه ، فانظر الى من تعشق من الرجال

.

خلقت المرأه كالغصن المرن ، عندما تعشق فانها لن تكون سوى من عشقت

.

وعندما تتخبطها الدنيا فانها ذلك الطفل الصغير لن تدرك ماذا تريد

.

ولرهافة احساسها تتأثر باقل الكلمات

.

فتتحول الى ورده جميله اذا احسنت رعايتها

.

والى وحش مفترس اذا تناسيت رقتها

.

لا تفكر فى المرأه ولكن فكر فيمن تكون

.

ولاتنسى ان المرأه خلقت من الرجل

.

فكما تكون التربه سببا فى حياة الورده قد تكون سبب في موتها

.

فعلي الرجل ان يصل بالمرأه الى ما يشاء دون تخبط

.

.

.

.

اعتقد انه مهما حاول احدنا ان يصف المراه

لن يستطيع ان يصل الي حقيقتها

.

.

فقد قالت المراه عن نفسها

واصفة نفسها

فرصة بني ادم

اسمعوا وعوا

حورية تتحدث عن نفسها

.

.

.

ــــــــــــــــــــــــــــــــــــــــــ

تنوية : لقد صدر من ديوان في العتمة القصيدة الثانية ارجو متابعتها

محتاج حنان

.

.

.

.

.

لحظة انسانية

وانا قاعد في الكافيه دلوقتي

دخل عليا طفل صغير

.

.

من الاطفال اللي تحس انهم دايما في الشارع

.

.

حصل الحوار دا

.

.

فيه العاب

لا يا حبيبي مافيش دلوقتي

.

.

طب هو بكام

بجنيه

.

.

مافيش بنص

لا مافيش

.

.

طب خـد دي

( بوسه )

.

.

قمت انا كمان باعت له بوسه

وجيت كتبت البوست علي طول

15 Things You Probably

وصلني الايميل دا

ولولا انه عجبني جدا

ماكنتش نشرته وهو بالانجليزي كدا

ياريت تكون التعليقات بالعربي

.

.

.

15 Things You Probably
Never Knew or Thought About

1. At least 5 people in this world love you so much they would die for you.
.

2. At least 15 people in this world love you in some way.
.

3. The only reason anyone would ever hate you is because they want to be just like you.
.

4. A smile from you can bring happiness to anyone, even if they don't like you.
.

5. Every night, SOMEONE thinks about you before they go to sleep.
.

6. You mean the world to someone.
.

7. If not for you, someone may not be living.
.

8. You are special and unique.
.

9. Someone that you don't even know exists loves you.
.

10. When you make the biggest mistake ever, something good comes from it.
.

11. When you think the world has turned its back on you, take a look: you most likely turned your back on the world.
.

12. When you think you have no chance of getting what you want, you probably won't get it, but if you believe in yourself, probably, sooner or later, you will get it.
.

13. Always remember the compliments you received. Forget about the rude remarks.
.

14. Always tell someone how you feel about them; you will feel much better when they know.
.

15. If you have a great friend, take the time to let them know that they are great.

A Minute

.
They say it takes a minute to find a special person, an hour to appreciate them, a day to love them, but then an entire life to forget them.

.
Send this phrase to the people you'll never forget and remember to send it also to the person that sent it to you. It's a short message to let them know that you'll never forget them. If you don't send it to anyone, it means you're in a hurry and that you've forgot your friends.
Take the time ... to live and love.

.
Send this letter to all the people you care about, Including the person who sent this to you.
If you do so, You will certainly brighten someone's day and might change their perspective on life, for the better.

لانه عيد

_1_

.

رغم انه عيدُ

الا اني ... لا ابغي التحية

لكَم احسستُ انها

اضحت عادة .. بلا احساس

.

.

_2_

.

.

اري اني اصبحت خطرا كبيرا

علي كل المحيطين بي

فهذا هو شيخ صديق

يأتي كثيرا ليجلس

بضع سعات علي النت

في الكافيه الذي اديره حاليا

مالبثت .. الا و قد اقنعته

بانشاء مدونة خاصة

ابــــــو مــــصــعــــــب

جاري حاليا

تحويل نشاط السايبر

الذي اعمل به

من مكان للعب الــــ

Silk Raod

فقط

الي مكان لتصفح المدونات

ايضا فقط

.

.

_3_

.

اعتقد اني كائن

لا يستطيع ان يحيا

الا مأزوما

.

.

.

_4_

.

يفترض بي

ان اكون سعيدا الان

ولكن بعد السؤال لماذا ؟

اجابوني الناس

لاننا في عيد

نعمة الارشيف

*

احلي حاجة في المدونة ... هي انك تمتلك ارشيف ، وخصوصا لما يكون ارشيف كبير ومحترم ومليان بلاوي زي الارشيف بتاعي هنا ، سنتين طبعا ما اقدرش استهون بيهم ، متعة كبيرة جدا وانت عمال تتصفح ماضيك كله ، يوم بيوم ، وتفتكر اليوم دا كنت مبسوط ، اليوم دا كنت متضايق ... اليوم دا كنت هتطير من الفرحة ، اليوم دا كان هاين عليك تدمع ولكنك مش قادر

*

كدا انا تميت سنتين كمدون ، ياعني من حقي اعمل عيد ميلاد تاني ، بس المرة دي كنت عايزه يكون مختلف ، امبارح فضلت اقرا الارشيف بتاع المدونة بتاعتي ... جبته من البداية ، من اول شهر ، من اكتوبر 2005 ، لحد يومنا هذا ... كل بوست ليه معايا قصة لوحده ، ياااااااااااااااه ولا لما اجي اقرا الكومنتات علي البوستات اللي باحبها واشوف ازاي الناس كانت موافقاني ، او الناس المعارضاني ، واتفرج علي اسلوبي في الكتابة ، بصراحه حسيت فعلا ياعني ايه يكون عندك ارشيف عمره سنتين

*

باحس بمتعه شديدة لما احس اني كنت باعرف اكتب من زمان ، ياني من بدايتي في البلوج وانا اسلوبي في الكتباة حلو وسعات بطلع اساليب جميلة ، بصراحه لما باتفرج عليها اتني باكون مبسوط جدا ، انا سعات باكتشف نفسي من جديد ، واستغرب جدا من نفسي ، معقولة انا كنت بافكر كدا ، معقولة انا عملت دا ، سعات باكون مبسوط جدا اني تفكيري كان سليم وانا صغير من سنتين طبعا ، وسعات باقول معلشي ماهي البداية بقي ، جميل جدا ان الواحد يكون عنده ارشيف جوه المدونة ... ياريت كان عندي ارشيف لحياتي ، اقدر ارجع ليه وقت ما انا عايز ، واتفرج انا كنت عامل ازاي في ماضيه

*

احيانا الواحد منا لازم يبص لنفسه شوية ، ولكن الدنيا بتكون عاملة زي لعبة الشطرنج ، طول ما انت لسه في الدور مش بتاخد بالك من الفرص اللي بتجيلك واللي انت بتضيعها ، لكن ياسلام لو تقدر تسجلك كام دور كدا ، تتفرج عليهم وقت ما يتسني لك تتفرج ، بجد هتفرق كتير جدا جدا جدا مع كل واحد فينا ، اكيد ساعتها كل واحد هيعرف نفسه علي حقيقتها ، لانه هيشوف نفسه قدامه بتتصرف التصرفات النابعه منها وممنه بيها ، لو هي صح اكيد هيفخر بنفسه زي ما انا عملت وانا باقرا الارشيف ، لو هي غلط .... هيحاول يصلحها بعد كدا ويقول معلشي اصلي كنت صغير وقتها ... زي ما انا قولت برده وانا بقرا الارشيف

*

وانا باقرا الارشيف افتكرت مواضيع جميلة جدا جدا جدا .... كتبتها بدون اي اعداد او ترتيب ، وفوجئت انها مكتوبة باسلوب جميل جدا ، لدرجة اني انا نفسي سعات باعجب بنفسي ، ولما اجي اقرا الكومنتات ، بافرح زياده ، بصراحه نعمة الارشيف دي المفروض انها مضافه علي باقي النعم اللي ربنها اديهالنا ، ولازم جدا نشكره عليها ، لانها علي الاقل تقدر تبعث روح الفرح والسعاده في نفس اي حد فينا ولو لحظات ، وصدقوني بتفرق في شخصية البني ادم جدا ، انه يشوف نفسه علي حقيقتها قدامه

اول قصيدة في العتمة

اخيرا

*

*

*

اول قصيدة

في ديوان

ف العتمة

*

*

*

**********

اعتقال ماسح الاحذية

*********

*

*

*

للشاعر

كريم الصياد

*

*

*

ادعوكم لقرائتها