قدام كنتاكي بتاع التحرير
اللي علي ناصية شارع طلعت حرب
كنت ماشي وهاركب المترو
وقلت اشتري الجرنال
.
.
ماكنتش عارف ادفع الفلوس لمين
لاني قعدت ادور علي البياع ومش لقيته
ف الاخر لقيت بنت صغيرة بتاع اربع خمس سنين
قاعدة مقرفصة ومغطية نفسها ببالطو صوف ومش باين منها حاجة
كانت نايمة وسارحه في الملكوت
حاولت اصحيها براحه عشان اديها الفلوس وانا متضايق جدا
خوفت اسيب الفلوس جنبها حد يخدها
قعدت اهز فيها كتير ما قامتش .. واحد صاحبي كان معايا قالي هزها جامد
قام هو جه وهز فيها جامد
قامت مطلعه يادوبك وشها من ياقه البالطو اللي مغطيها
اديتها الجنيه
خدته بسرعه وانكمشت تاني بسرعه
فتحت الجرنال .. لقيت ان الريس تدخل لحل مشكلة عصام الحضري
فقلت حسبي الله ونعم الوكيل
انت فنان حساس و ناقد جميل لابعد حد
ReplyDeleteانا بحبك يا ادم
اكتر
بعد ما قريت البوست ده
و يا رب ابقى نصك فى يوم من الايام
تفاصيلك الصغيرة بتوجع
ReplyDeleteالانسان لو ما متش من الفساد
ممكن يموت من الفكير فى الفساد
طب بتقلب عليا المواجع ليه بس
ReplyDeleteلو لعيبة الكورة دول يعرفوا قد ايه علاقتهم بالناس دي بتضايق الجمهور مكانوش عملوا كدة
على فكرة
البنت بتاعة الجرايد احسن من غيرها كتيييير طب ع الاقل دي قاعدة بفرشة جرايد..الدور والباقي بقى ع اللي قاعدين بيشموا كلة وما اكثرهم في زمن الحضري
تحياتي
لا تعليق
ReplyDeleteمفيش غير الالم والحزن على اللى بيحصل
ههههههههههههههههههه
ReplyDeleteضحكتني
بس بدموع
اصلي قدام كنتاكي شفت ولد مش بنت
حسبي الله و نعم الوكيل
اولاحد مبقاش عارف يعمل ايه
يشد في شعره؟؟
مش باقي كتير
تحياتي يا عزيزي
فترة صمت طويلة
ReplyDeleteلا تعليق
اووووووف
لا حول ولا قوة إلا بالله
ReplyDeleteفعلا حسبنا الله ونعم الوكيل
فعلا حاجة واحدة ممكن تتقال وماليناش غيرها..........حسبي الله ونعم الوكيل
ReplyDeleteوبكدة نعرق ان كنتاكي مضر جدا بالصحة
ReplyDelete!!!!!!!!!!!
:( الرحمة من عند ربنا بقي
و ما الذي يدريك ؟؟
ReplyDeleteلعلها تشعر بسعادة لا يعرف مثلها الاغنياء
لابد ان الرئيس يعرف ذلك
..
صدقني الناس تهتم بموضوع الحضرى اكثر من موضوعاتها الشخصية
فما بالك بموضوع فتاة منسية سقطت من حسابات الزمن
منذ زمن ؟
فاضل
وانا مش هقدر اقول اكتر من اللى انت قلته
ReplyDeleteحسبى الله ونعم الوكيل
بحق الله بقولها بلزعة لاكتر من سبب جوايا
ربك ع الظالم والمفتري وابن الحرام
ReplyDeleteالهم كبيييييييير
ReplyDeleteوالقلب بقى مش حمل حاجه
انا شخصيا فضيته من اى حاجه
سلام
شوف يادم اول ماتمسك الجرايد الوقتى تلاقى عصام الحضرى فى الوش مهو برضة عندهم حق الناس كانت بتمسك الجريده تقرها من ورا كل الى حصل انهم جابو الى ورا قدام بيقصرو على الناس بس مش اكتر وبعدين الريس واخد اجازة من الجرايد دلوقتى فعصام يشيل شوية جمال يشيل شوية تمشى المسائل مع ان من اول يوم الحضرى مشى فية وانا عارف انها لعبة مقصوده شوف الفترة الى فيها الاعلام كان متوجه علية حصل فيها اية اما عن المنظر الى حضرتك شوفتة قدام كنتاكى فده منظر بيتكرر الف مرة فى اليوم وفى وقت من الاوقات هيبقى منظر عادى يعنى الناس مش هاتتاثر ولا حاجة وشكرا سيدى المواطن
ReplyDeleteطولت على حضرتك
علي رأي وحيد سيف
ReplyDeleteكووووووووووووره كوووووووووووسه
تحياتي
أنا مش عارف أقول ايه..بس المفارقة الأولي ف ان الموقف ادام كنتاكي
ReplyDeleteوالتانية بقي حتة الريس دي..
مش قادر اقول غير اللي انت قلته حسبي الله ونعم الوكيل
انت عارف انا اول ماسمعت حكاية الحضري دي..افتكرت عادل امام ف الواد سيد الشغال..لما بيقول..بقي نابليون ساب المماليك والحملة وده كله وقعد يمضي ع الاطباق
هم يضحك ..وكل الهموم بتقطع بسكاكين
باردة جدا ف قلوبنا
تحياتي ياصاحبي
يمكن الموقف ده بشوفو تقريباً كل يوم بس لما قرأت البوست بتاعك حسيت بارتياح لأني مش لوحدي اللي بقول (حسبي الله ونعم الوكيل في الحكومه)
ReplyDeleteدمت مبدعاً أيها الصعلوك
وصل الاهتمام بالتوافه حد العمق لنجد انفسنا فى عمق الحياه وهمومنا طفت على السطح..
ReplyDeleteــــ
مش عارف ليه يا اخى قبل ما اكمل البوست للاخر كنت عايز اقول
حسبى الله ونعم الوكيل
ــ
الا انت اشتريت جرنال ايه هه؟؟
عمرو قطماش
ReplyDeleteــــــــــــ
عجبت لك يا زمن
يوم ان رايت النبي يعجب بخلق الشيطان ويتمني ان يصبح نصفه
اللي مش فاهم
ـــــــــــــــ
كلنا الي موت
تعددت الاسباب والموت واحد
احمد سمير
ــــــــ
انا حاسس ان موضوعي دا كدرت البت جدا لان اكيد اللي بالي بالك قروا البوست .. ومن ساعتها بقيت مش باشوف حد قدام كنتاكي خالص
دراما كوين
ـــــــــــ
الم وحزن .. وعدم مواجهة
حفصة
ـــــــ
للاسف يا حفصة علي راي المتنبي
ضحك كالبكاء
لا احد
ــــــــ
احيانا يعجز المرا منا عن الكلام
شكرا لوجودك
امراه تقول الذي لا يقال
ـــــــــــــــــــــــ
اصبت كام اصابوا
دواير
ReplyDeleteـــــــــ
اصبتي كما اصابو
ابيتاف
ــــــــ
وبكدا بتوع البلدية منعوا البت تقعد قدام كنتاكي من ساعتها
الشخص الذي سياتي بالتاكيد
ـــــــــــــــــــ
مش عارف ليه .. مش موافقك في الموضوع دا .. يمكن عشان باشوف اللي ف سنها بيلعبوا قصادها وبياكلوا فراخ قدامها في المحل اللي هي شغاله قصاده .. وعارف كويس انها عارفه كويس انها من الصعب جدا تخش المحل دا .. يمكن
.. جايز .. الانسان مش لازم يقطع بشيء
نيرفانا
ــــــــــ
اصبتي كما اصابوا
انونيموس
ــــــــ
وانا وانت ورقصني يا جدع
ماحدش واخدمنها حاجة
توووووووووووووهه
ـــــــــــــــــــ
عاااش من شافك يا فندن
مها القلب فضي بيولد حكايات لوحدة
سعادة الباشا محمد ممدوح
ReplyDeleteــــــــــــــــ
سيدي الباشا طول علي كيف كيفك
سلمت يداك
مايكل
ـــــــــ
وعلي رايه ليه
ماهي كدا فعلا
سيزيف
ـــــــــ
والله انا كمان افتكرتها
بس مش عارف ليه نسيت اكتبها
احمد عصام
ــــــــــ
اذن فلنهنأ جميعا
انكسارات
ـــــــــــ
مهمة قوي دي ف الموضوع ..هههه
انا بضحك معاك
انا جبت المصري اليوم