اهلا اصدقائي وصدقاتي المدونين والمدونات
البنين منكم والبنات
اما بعد
०
०طبعا انتوا عارفين اني كنت في الاسكندرية
عشان لقاء الريس
०
०
طبعا انتوا عارفين دلوقتي ان فيه اوشاعه كبيرة جدا
ماليه البلد وهي ان الريس
بعافية حبتين
وطبعا كان وجود الريس في المعسكر دا
هينفي اي اوشاعه م الاساس
ولكن
०
०
०
اللي حصل ان جيمي هو اللي جه ومش الريس
ولكن
०
०
०
في الجرايد بتاعت ذات نفس اليوم
بتقول ان الريس كان مجتمع مع شوية قاده عرب
والله اعلم
०
०
०
०
المهم بدل ما ابدا معاكم من الاخر
تعالوا نبتدي الحكاية من الاول
०
०
०
صلوا ع النبي
في البداية .. اتصلت بيا مشرفة الجامعه عشان اطلع لقاء الريس .. للعلم اللي يطلع لقاء الريس هي الناس المتميزين فقط الي طلعوا معهد اعداد القاده اللي في حلوان.. وبما اني ما روحتش اعداد القاده .. فانا طلعت لقاء الريس كوسة
०
يوم السبت والحد والاتنين كنا بناخد فترات ما قبل الغدا في ورش عمل وحلقات نقاش في مواضيع سياسية مختلفة .. هما فقط محددين راس الموضوع ياعني العنوان ... وبعد كدا احنا بنتاقش ونتحاور ونسجل الحوار ونسلمه لادارة المعسكر اخر الندوة
.
०
طبعا مش عايز امدح في نفسي
لاني رجل افعال لا اقوال
०
०
०
اختاروا من كل جامعة عشرة .... هما اللي هيقابلو الشخصية المهمة اللي جاية .... كان فيه تعتيم تام علي اسم الشخصية دي .... احنا ماعرفناش ان اللي جاي هو جمال مبارك الا قبل القاء بيوم ... طبعا بالليل كنا بنقضيها ندوات مع شخصيات سياسية
०
ياعني مرة استاذ اقتصاد وعلوم سياسية معرفشي من جاعة ايه
ومرة عادل لبيب محافظ الاسكندرية
ومرة هاني هلال وزير التعليم العالي
०
نيجي بقي ليوم اللقاء 00 من العشرة اللي اختاروهم من كل جامعه... خدوا تمانية ، ياعني المجموع في الاخر وصل لحوالي ميه وعشرين طالب من اصل الف وخمسميت طالب حاضرين المعسكر ... اختيار الطلبة كان مسؤلية مشرف الجامعه علي اساس القدرة علي الحوار والنقاش ودا اللي كان ظاهر واحنا بنعمل ورش العمل
०
०
०
الميه وعشرين طالب قسموهم نصين ستين طالب كانوا قاعدين علي المنصة ورا جمال مبارك للي فيكم شاف اللقاء وكان مهمتهم هي القاء الاسئلة علي سمع سيادة ابن السيد الرئيس ( طويل العمر يطول عمره ) والستين التانين اللي انا كنت منهم قاعدين مخفيين ورا لحد ما الندوة خلصت اربع سعات ندوة مع السيد جيمي طبعا انا كنت بنام واصحي وانام واصحي .... فما حدش يتوقع مني اني اقول لكم ايه اللي حصل في الندوة
०
०
०
المهم بعد ما خلصت الندوة خدوا الستين المخفيين اللي انا كنت منهم ونزلنا من ورا علشان نتغدي مع سيادة ابن السيد الرئيس ( طويل العمر يطول عمره ) ومش عايز يا جماعه اقولكم علي اللي حصل ... كافة انواع الاكل واللحوم اللي ما اعرفشي اسمها واللي اعرف طبعا الاكل كان اوبن بوفيه والعصائر كلها فريش بالاضافة الي الاحجة الساقعه واللي عايز شي او نسكافيه برده كان موجود
०
०
بس طبعا مش دا المهم .... المهم انك واقف بتاكل مع اهم شخصيات في البلد
جمال مبارك
०
رشيد محمد رشيد وزير الصناعه
०
وهاني هلال وزير التعليم العالي
०
محمد هيبه امين شباب الحزب الوطني
०
د محمد كمال مش عارف بتاع ايه
०
د عبد الحي عبيد رئيس جامعتنا سابقا (حلوان ) ورئيس معهد اعداد القاده حاليا
०
غير طبعا اهم ناس وهما الحرس الشخصي لسيادة ابن السيد الرئيس ( طويل العمر يطول عمره )
०
०
०
०
كان محشور في حلقي سؤال
روحت بصراحه رابط النية وشادد العزم وتوجهت الي سياده ابن الرئيس (طويل العمر00 الخ ) وقولت له
०
०
०
انا قولت :لوسمحت يا استاذ جمال ... ع النت مؤخرا فيه مدونة ظهرت كان اسمها الوريث صاحبها كان بيمضي باسم حضرتك وكان بيكتب بلسان حضرتك
قالي : دا مزور بقي
قولت له: والله الشباب محتارين ... سيادتك فعلا ناوي تنزل لمستوي الشباب وتاطبهم بلغتهم وتكسبهم في صفك ولا دا كان واحد بيحاول انه يبحث عن الشهرة
قالي : اظن انت دلوقتي عرفت هتقولهم ايه ؟
قولت له : اه طبعا خلاص بس هل حضرتك عندك وسائل الخاصة في التقرب للشباب ومخاطبتهم غير الندوات والمعسكرات دي طبعا واللي هي بالتاكيد قاصرة علي فئة معينه من شباب الجامعة اللي هما بالطبع مش بيمثوا كل شباب المجمتع ؟
قالي : والله انا كل اخباري موجوده علي موقع الحزب ... لكن انا مش هاعمل حاجة اتكلم فيها بشخصي وعن شخصي ... لازم يكون الحديث من خلال قناة حزبية
طبعا وهنا الكلام وقف باوامر من ناس كتيرة عشان ناس كتيرة تانية تعرف تتكلم
المهم بقي انا وقفت مع المذيع عبد اللطيف المناوي .. والدكتور محمد كمال .. وكنت باسالهم عن بعض المواد اللي اتغيرت في الدستور وفجاه كل الناس المهمين دول اختفوا فجاة
وفضلت علي الترابيزة اللي كنت واقف عليها انا عبد اللطيف المناوي ود محمد كمال
०
०
نــــــضـــــــارة شـــــــــمـــــــــــــس
०
०
०
في احقة القادمة انشاء الله ... هابقي احكي لكم ... النضارة دي بتاعت مين
يا عم ادم عايزين نعرف حاكم خرابستان على حاكم المهروسة
ReplyDeleteماعرفش انت جبت مرارة منين تخليك تحضر الحاجات دي
ReplyDeleteواضح انك على اعتاب الإنضام للحزب قريبا
عموما شيئ كويس يكون لينا مدون قريب من النظام بدل ماكلهم كده بيكتب من منازلهم
عشت وشوفتك بتاكل مع ابن الريس ياقلب أمك
ReplyDeleteلولولولولىىىىى
انا بقى ياسيدى كنت زبونة دائمة فى معهد اعداد القادة ومعسكر شباب الجامعات لحد ما حلوان واسكندرية زهقوا منى ومن طلعتى البهية
ReplyDeleteحمدالله على السلامة
وتعيش وتاخد غيرها أقصد كل معسكر وانت طيب
ماشية معاك ياعم .. إبقى إفتكرنا لما تبقى أمين عام لجنة ماعرفش إيه والحاجات الغريبة دي
ReplyDeleteهو البوست ده بجد بجد حصل؟
انا عاوزة اعرف دى اشتغالة ولا اية النظام؟؟
ReplyDeleteعامة لو كلن الكلام دة بجد ...فاللى على على ياعم وهنيالك يا سيدى
اوبن بوفية ....وجمال....وكبارات البلد....لا واية رحت سالت جمال عن المدونة------شوف ازاى.
..
..
عموما الجعان يحلم بسوق العيش
انت وصلت للدرجة دي يا ادم باشا..تاكل مع جيمي..يا خاين:)
ReplyDeleteحمدالله على السلامة يا عم
احنا صحاب يا عمو أدهم من أيام المدونات المتطورة صح ولا إيه
ReplyDeleteخليك فاكرني
وبعدين هو مين اللي مرشح نفسه بالظبط الوريث ولا رجل الأفعال لا الأقوال
تحياتي وأحسن الله عزاءك في وقتك
وانت رجعت لنا سالم غانم فعلا؟؟؟؟؟؟
ReplyDeleteيا خوفي يا بدران يكونوا خدوا قطرك و ح يعملولك عمل
تنضم بيه للحزب
يا اما يخفوك ورا الشمس
:(
حمدا لله على سلامتك
ReplyDeleteوعود احمد
و ربنا يكرمك ان انت طمنتنا على صحة الريس
الهى يطمن قلبك دايما يا مطمنا
عايز اشوفك بكرة يا حقير على القهوة بتاعتنا
كلت مع ابن الريس وكلمته والمدونة مطلعتش بتاعته :(
ReplyDeleteبس يعني بتقدر تقعد مع الناس ديه وتحضر الحجات ديه ؟؟
ااااههه
ReplyDeleteخد بالك بقه احسن كده انت هتتراقب
كلت وشربت مع ابن الريس وكمان اتكلمت ع المدونة
ربنا يستر بقى على الراجل اللي بيكتب باسمة
الله يرحمه
مستنينك تكمل ياباشا
محمد سمير
ههههههههههههههههههه
ReplyDeleteبقه كنت بتكلم سى جمى
دى نكته
أبقى أتغطى كويس والنبى يا أدم
السلام عليكم
ReplyDeleteحمد لله علي السلامه
وربنا يطمنا علي الريس
بس بامانه السؤال حلو اووي
ربنا يوفقك فكرتني بايام المعسكرات
كانت بتخنق بس والله ايام جميله جدا
اشكرك علي مرورك
ومستنين النظاره الشمس
يسرني ان اتقدم بخالص التهاني وأطيب التمنيات
ReplyDeleteلكم والأسرة الكريمة والأصدقاء
بمناسبة حلول شهر رمضان المبارك ،
أعاده الله علينا وعليكم وعلى مصرنا الحبيبة
بالخير واليمن والبركات
تقبل الله وكل عام وانتم بخير
انا باحقد عليك إيه الأكل والبغددة دى يا راجل ده انت اكلت اكل
ReplyDelete8دولة خربستان العظمي
ReplyDeleteـــــــــــ
انا ممكن اكلملك جيمي صاحبي يتوسطلك في الحكاية دي
احمد شوقير
ـــــــــ
تعرف والله .. كلامك معقول جدا .. انا فعلا هافكر في الحكاية دي .. لا ودلوقتي جيمي صاحبي وحبيبي ومش هيتاخر عني ابدا في اي حاجة
عيون ضيقة .. وكفاية انها شايفاني
ــــــــــــ
بصي يا ست عيون
عايز اقولك .. ان امي هي اللي طبخت لنا الاكل اصلا
صوت الحب
ــــــــــ
طب ياعني طلعنا زمايل بقي .. بس المهم انتي قابلتي الريس قبل كدا ؟
علشان انا بافكر اعمل جمعية اسمها جمعية اللي قابلوا الريس ... واعمل جمعية تانية واسميها جمعية اللي اتغدوا معاه .. لازم تحددي موقفك علشان نفعل عضويتك في الجمعية دي
يا مراكبي
ــــــــــ
من عنيا من عنيا ما تقلقشي هابقي افترك دايما
بس انا احب ءاكد لك حاجة
البوست فعلا حصل
سحركتش
ـــــــــ
ههههههههههه
وانا منظري جعان ياعني
ماشي .. ع العموم هي مش اشتغالة
وانا واثق جدا اني لو كنت كتبت الموضوع اشتغالة اصلا .. كانت الناس صدقت لكن عشان بقول اللي حصل الناس مش مصدقة
معلشي .. المرة الجاية هابقي اشتغلكوا
متغيرة شوية
ــــــــــ
والله يا سوسو كان نفسي تكوني معايا
لانهم كانوا عاملين صنف الاكل اللي انتي بتحبيه
استااااااذ عصفوووور
ــــــــــــــــــــ
اولا اسمي : ادم المصري
ثانيا : انا احاول قدر الامكان علي حسب قدراتي واماكناتي ان استغل وقتي جيدا
ثالثا : احنا بالفعل مازلنا اصدقاء
ابيتاف
ـــــــــ
يا هلا يا هلا
اخيرا شوفتك هنا
شوفتي يا ايبي .. رجعت غانم فعلا .. ولا غانم ايه
نضارة شمس
عمرو قطامش
ــــــــــ
طب دلوقتي انا مش عارف الكومنت دا كتبته امتي
انا بقي اروح القهوة يوم ايه ؟
ههههههههههه
نوران
ـــــــ
هههههههه
اه والله كلمته
محمد باشا سمير
ــــــــــــ
انشاء الله ياريس هنكمل دعواتك معانا بس
في القلب
ــــــــــ
ماكنتش فاكر اني دمي خفيف للدرجة دي ... بس احب اقولك اني فعلا باتغطي كويس
ودا حقيقة موش حلم
ها ... بطلو حقد بقي
هههههههه
بوسي
ـــــــ
ربا يكرمك يا جميل
مشكر جدا والله انتي اللي رفعتي من روحي المعدنية .. ربنا يكرمك
يا مصر اكتب اليكي رسائلي
ــــــــــ
اظاهر حضرتك داخل غلط في الخط
بس ع العموم كل سنه وانت طيب
ابو امل
ــــــــ
يا عم لا حقد ولا حاجة .. دا كان اكل باشوات انا بس اللي بانفخ في الاكل .. اسكت اسكت ما تفضحنيش
تحياتي للجميع
عزيزي آدم
ReplyDeleteسعدت كثيرا جدا بزيارتي لمدونتك الرائعة
و سعدت أكثر بالغنوة الرقيقة
تحياتي عزيزي
منى المحمودي
كل عام وأنتم بخير
ReplyDeleteيهل رمضان من بعيد
حاملاً لي أحلى الذكريات دائماً
أصدق العبرات حتماً
أخلص العبادات دوماً
لرمضان عندي مكانة خاصة
ولكم أنتم أيضاً
يا أحبابـــي
فكل عام وأنتم بخير
وأنتم إلى الله أقرب وعلى طاعته أدوم
دة كلام كبير
ReplyDeleteأيوة يا سيدي عارف ان حضرتك أ آدم بس قصدي اعمل لك اسم حركي عشان اخبيك
ReplyDeleteانت عارف وقتك اللي انا عزيتك فيه هو وقتك اللي ضيعه لك الجماعة دول
ادم
ReplyDeleteهو جيمى رخم فى الحقيقة زى ما بيطلع فى التليفزيون .
وبعدين كام شعورك ايه وانتا كنت بتكلمه.. نحب نعرف..
وبعدين انتا طلعت المعسكر ده ليه اصلا .. هيه ناقصه
7amdel3alsalama
ReplyDeletehope u enjoyed ur time there
w kol snaa wenta tayeb :)
بس يا آدم يا حبيب ألبى
ReplyDeleteالموضوع اصله كبير
الموضوع كرنب
واحنا ملناش فى اللف
المهم
رمضان كريم
كل سنة وانت طيب وبخير
طيب اصدقك ازاي؟؟؟
ReplyDeleteاذا كان انت ةعامل عندك سبع تلف سنة وانت شاب زينا اهه
كده برضه متعديش عليه في اسكندرية ولا حتي في المدونة؟؟
رمضان كريم
ReplyDeleteو حزبك أكرم
كل عام وانت بخير ورمضان كررررررريم
ReplyDeleteتحياتى
جيت بس اقول كل سنة وانت طيب
ReplyDeleteايه يا عم انت اختفيت فين؟؟
ReplyDeleteلازم بقينا مش قد المقام بعد جيمي وشلته؟؟
كده يا يساري تبعنا عند أول منعطف تاريخي فيه أكل؟؟
:)
لا صحيح انا كنت مستني باقي التفاصيل عشان أعلق مرة واحدة بس انت طولت أوي
فقلت اجي اسلم وبالمرة أقولك كل سنة وانت طيب يارفيق أفكاري
والله يا احمد فى واحد كان
ReplyDeleteخانقنى فى الموضوع وانا عن نفسى ما بحبوش
هو اسمه محمود يسين
دمه واقف ومش عارف مين اللى مسئول عن اختيار الأشخاص
لأن اكيد على شاكلته كتيييييير
بس اكيد يحمد له اختيارك
لأنك كما قلت رجل افعال لا
اقوال
وده شعار حملتنا الانتخابيه
وبس
ادم صديقى الصدوق
ReplyDeleteاتخرت عليك كتير معلش مشغل والله يا مان
بس انا زعلان المفروض حتتيت فى رغيق على كام حتت لحمه فى كيس
وتيجى تبر اصاحبك الى الاستاذ جمل ميعرفش عنهم حاجه خلاص من عوام الشعب الى بقو مرد لا بد التخلص منو
انت فين يا عم ؟؟
ReplyDeleteايه الغيبة دى ؟