عن حاله .. وحال الاخرين

بعد بحث مضني عن اي مسجد

تقال فيه خطبة محترمة

تحترم عقله وسنه واحتياجاته

قرر فجأه الانقطاع تماما

عن حضور خطبه يوم الجمعه

.

.

فتوجهت افكاره بعد ذلك لشغل وقت

الفراغ الناتج عن عدم الذهاب

الي التوجه مباشرة

الي محالات النت كافيه .. لتتضيع هذا الوقت الفارغ

.

.

في مراته الاولي كان قلقا جدا

حتي لا يراه احد ما من الجيران

او حتي الاصدقاء

او خوفا من تسرب الخبر اليهم في البيت

.

.

ولكن بعد وقت ليس بالقصير

تحلي بالشجاعه .. سس

ولم يعد يقلقه شيء على الاطلاق

حتي عند الذهاب اوالعوده

.

.

ولكن ثم امر اخر بات يقلقه الان ... سس س

في كل مرة

في ذهابه الي هذا الكافية .. سس

يتسائل !! سس

تري .. هل سيجد جهازا ينتظره

ام انه وكالعادة في كل مرة

سيجد جميع الاجهزة .. مشغولة ؟؟؟

توثيق

يوم

26/3

.

.

.

.

.

.

.

امتي افتكرك واضحك عليك ؟

امتي ؟

صعبان عليا حالي

مش عارف ابتدي منين .. من اول ما روحت السنه اللي فاتت اعمل بطاقة انتخاب

ولا من قبلها حبتين .. لما جمعونا في الجامعه عشان يحمسونا ننتخب

وف الاخر طلع التليفزيون وزارة اعلام .. والقسم وزارة داخلية

كنت عبيط وقتها .. كنت فاكر ان الاتنين ليهم علاقة ببعض

.

.

ولا ابتدي بكرامتي اللي باحس في كل وقت قد ايه هي متهانه في البلد دي

بلطجية في المنطقة .. عايز يثبت رجولته علي واحد اصلا مالوش في الخناق

و بلطجية في الشوارع ..بس الفرق انهم لابسين ميري

عايزين يثبتوا رجولتهم .. اللي فشلوا يثبتوها في البيت

وكاني بقيت حقل تجارب

اللي عايز يثبت رجولته .. م الاخر بقيت ملطشة

.

.

كنت ناوي اروح الاعتصام بتاع انهارده

قريت عند نوارة اللي هي جبهة التهييس الشعبية

حيرتها و خوفها .. من الاعتصام

وكذلك قريت عنه في مدونة بنت سعد

كنت خايف جدا

امي اللي فقدت اي محاولات تغيير الوضع الحالي من ابويا

وحطت كل امالها عليا .. قال ايه لما اتخرج

وابويا .. اللي نفسه ومنا عينه يشوفني راجل وباكسب

واخواتي البنات .. واخويا اللي لسه عيل شقي

.

.

جالي هاجس وقالي انت بقيت عبد لحد تاني غير ربنا

انت بقيت تعبد اصنام البشر العصرية

واني هاقعد ادور لــنفسي علي الف حجة وحجة

بعد كدا

انهارده ابويا وامي واخواتي

بكرة الشغل ومراتي والعيال

وطول عمري هافضل سلبي

اتحمقت قوي

وبرده خوفت جدا

.

.

لكن لما اتصلو بيا صحابي

اقصد حد عزيز عليا جدا .. واللي زي اختي تمام والله وربنا يعلم

قالت لي يا ادم ما تنزلشي

انت لسه طالب

احنا خلصنا خلاص

العساكر معاهم كارت اخضر .. واحتمال اني لو روحت معاهم .. ماادخلشي الترم التاني كمان

حسيت قد ايه اني ضعيف

وقليل الحيلة

الكلمة دي كان بيقولها لي دايما سندباد

يقولي عارف ياد يا ادم انت ايه مشكلتك ؟

اقوله قول يا فليسوف .. يقولي عيبك انك قليل الحيلة

كل مرة يسالني نفس السؤال

ارد بنفس الاجابة .. يقوم رادد هو عليا بنفس الرد

دلوقتي بس انا اتاكدت اني قليل الحيلة

.

.

انهاردة اشتريت جريدة المصري اليوم

وانا باتمني من ربنا انهم يكونوا جمعوا كل اخبار الفترة اللي فاتت

في العدد دا .. اصلي باشتريها كل فين وفين

بس المرة دي كنت عارف انها مهمة عشان الاعتصام

لقيت فيها دليل من جهاز الاعلام بتاع وزارة الداخلية

علشان يدل الناس ازاي تدي صوتها ساعة الاستفتاء

.

.

الدليل بيشرح للناس تعمل ايه خطوة بخطوة

لدرجة ان اخر خطوة بيقولك

بعد ما تخلص .. تمشي من اللجنه وتروح

قعد اضحك جدا وانا بقرا لاصحابي النقطة دي

فيه كمان نقطة بتقول ان الكفيف او اصحاب الاعاقات

يقدروا بردوا يدوا اصواتهم

انه يقول رايه لرئيس اللجنه في ودنه

من غير ما حد يسمعه

وهو هيكتبهاله

طبعا دي اللي كانت قنبلة ضحكتني جدا جدا

قولت لاصحابي في الكلية

طب ما نخليها بالتليفون اسهل

وهو رئيس اللجنه دا برده راجل ثقة

ولا يعتبروا مصر كلها عامية

وكلنا نروح نوشوش رئيس اللجنه

.

.

انهارده روحت البيت ع الساحه سته تقريبا

لقيت النور قاطع من تلات سعات تقريبا

والتليفون شارحه

لقيتها حالة عامة في المنطقة

مش بيتنا بس ولا الشارع بس

جه في دماغي علي طول الاعتصام

قولت ممكن يكونوا قاطعين النور عشان الناس ما تابعشي اللي بيحصل

ع الدش ؟

ومعقولة قطعوا التليفونات عشان ما حدش يتصل بحد ؟

بصراحه التفكير دا تفكير شغل عصابات وجواسيس

لكن هو اللي جه في دماغي

خصوصا اني فاكر ان ساعه احداث طابا والتفجيرات

كنت باتفرج علي مسرحية لمحمد صبحي

وبعدين قطعوها فجأة

وجابو فيلم تسجيلي .. لابو الهول .. حاجة عبط مش كدا

قال ياعني عشان تتطفي التلفزيون

.

.

ابويا كل يوم يسالني ياعني ايه مواظنة

عمال يسال اسئلة كتير مالهاش علاقة بالموضوع

بس انا مش عارف ارد عليه لاني عارف قد ايه هو تعبان

ابويا اللي كان الكل بيحلف بشياكته

وبلبسه الغالي .. دلوقتي بقي يلبس اي حاجة

ويمشي باي حاجة

خلاص الراجل تعب جدا ونفسه.. لا دا بيحلم باليوم اللي ممكن فيه يستريح

.

.

كل مرة يسالني

ايه مواطنه دي

هي المواطنه .. ان شاب زيك اصرف عليه لحد ما شنبة يخط في وشة ويطلع ما يلاقيش شغل ؟

المواطنه ان التعليم في بلادنا بايظ ؟

لمواطنه ان شاب زيك يخرج يقعد جنبي ومش عارف يتجوز ؟

ايه هي المواطنه ؟

اقوله ياعم الحاج .. هدي نفسك

الكلام دا مش لينا .. احنا مالنا

هي دي كانت بلادنا .. يقولي تعرف ايه السبب في الحال اللي احنا فيه ؟

اقول ايه ؟

يقولي عشان مافيش تداول للسلطة ؟

اقوله والله انت زي العسل

.

.

مرة واحد صاحبي كان بيتريق علي بتوع مجلس الشعب

كنا بنسال ياعني هما وصلو لحد فين في تعديلات الدستور ياعني

فرد بكل ثقة كدا : هما مين ؟

فطبعا بكل استغراب شديد قولنا .. مجلس الشعب طبعا

فضحك بسخرية وكمل كلامة كانه شايفنا عبط ياعني او احنا فاهمين غلط

وقال : طب وهما مالهم .. دا ايه قلة الادب دي

طبعا انا خدت منه الكلمة ووقعت في الارض من الضحك

قالي يابني انت فكرك بتوع مجلس الشعب يغيروا ولا بيعملوا حاجة ؟

دا كلام فارغ

.

.

ابويا .. انا اسف ليك جدا ؟

امي .. انا اسف ليكي جدا ؟

صحابي .. سامحوني جدا ؟

مش انا الشخص اللي انتوا معلقين عيه امالكوا

انا حد قليل الحيلة

حد عايش يومه ميت

والسلااااااااااااااااااااااااااااااااااااااااااااااااااااااااااااااااااااااام

كسم الناس التانيين_شعر

طالما مش قادر اروح الاعتصام .. ما هو فيها لا خفيها

وعليا وعلي اعدائي بقي

.

.

.

.

.

شايفين الحال ولا عميتوا
ولا انتوا كمان مش شافين
الباشا معاه حكم الفيتوا
وكسم الناس التانيين
هينفذ رايه وبالعافية
اكمنه مشارك ف المافية
هيموت اهالينا الحافية
قال ياعني هما اصلا عايشين
طب بص يا شحط يا حيلة امك
رافض يتقالي يا كسمك
عشان امي دي اشرف من امك
وخلاص مش هاسكت ع الحال دا
كسم الوالد والوالدة
وكسم الفيتوا وكسمك
واتفضل تلعب عند امك
اصل احنا خلاص مش طايقين
العالم كله بيتكلم
سلم ع الحق سلام سلم
ابليس ذات نفسه بيتعلم
من اعمالكوا الزي طين
خربتوا بيوتنا العمرانه
خربانة بلدنا الخربانة
و كسم الارض العطشانه
عمالة بتشرب مجانين
من عصر الفرعون الازلي
وانا دمي مغرق اراضيكم
دلوقتي وف الزمن العصري
اعراضنا بتهتك باديكم
ايه جد علينا يا بهواتنا
كسم اللي يقولي مواطنه
كسم اللي يقولي بلادنا
كسم اللي يقول مستقبل
والماضي مع الحاضر ضاعين
دستور .. واهو دستوركوا معاكوا
والحق قصادكم ووراكوا
الهي تجلكوا انفلونزا
فتخليكوا يا بعدا تكاكو
او تاكلوا م الاكل بتاعنا
وتعيشوا في بيتنا اللي ما ساعنا
او تشربوا من مية نيلنا
فتخشم مستشفي حكومي
تتمرمط اهاليكم يومي
وتحسوا بالذل شوية
يا عصابة وشلة حرامية
ادعوا ماعايا وقولوا امين

.

.

تمت يوم السبت

24/3/2007

القصيدة ملكية خاصة للشاعر ولا يحق النقل او النشر منها او حتي اجزاء الا باذن مسبق من الشاعر

تعليق علي ماحدث في مجلس الشعب

ايه الحكاية يا بلد

فيكي الخراب بيحل

عالي صويت كل النسا

صوت الرجال ينشل

فين الايدين .. فين القلوب

داب الخراب في الارض دوب

خلي الاراضي خل

فمين يشيل الوكسة يمشي بيها الف ميل

حتي الزمن اصبح عليل

لون النهار بقي شيء بغيض

نص الحقيقة بيندفن

وكل ليلة بيتعمل للظلم عيد

فين الحمام

اللي انت حالف تطيرة .. ساعه السلام ؟

مات الحمام

والعشه باتت كوم رماد

حتي الساعات كلها وقفت حداد

والحق بات مسجون جوة قفاص من جريد

عاجزة تدخل له الهوا ميت الف ايد

بكرة نموت

بس السؤال اللي انفرض دلوقتي هو

هنرد ايه ساعة السؤال ؟

بحبك ومش قادر

قلمي معاند في الغرام

يخط اشواق الحنين

لحد غيرك

اصبح كلام الشوق اسير

فمين هيفتح له القفص

عشان يسابق في الفضا

طيرك

اعزريني ان كنت لسه حد خام

حبك مكتف لي ايدايا بميت لجام

حتي لساني الكان فصيح

قدام عنيكي .. سس

يروح ملغبط في الكلام

هذا ما يصيب الناس من بعضهم

كنت اود الحديث عن شيئ جلل حدث لي البارحه

.

ولكي اتأكد ان كل من قرا .. قد وقف علي موضع قصدي

فاردت ان اوثق هذا اليوم .. الا فهو

18/3/2007

.

جالس في عربه المترو .. متكورا لا اعبئ بشئ قط

اقرا في احدي كتبي التي احضرها معي باستمرار

وفي غمرة انغماسي بالقراءة واذ افاجئ بجاري في المقعد يحدثني

ايه دا .. فلسفة دي ؟

وانا باتسامة خفيفة نظرت له وقلت .. لا

ما اصله كلام معقد كدا .. فلسفة صح ؟

لا دا شعر

والله الكلام دا اللي هيبوظ الدماغ

مش عارف بس .. اصلوو

طب طب اقرالي سطرين كدا

بالفعل قررت ان اقرا له ما يود سماعه

..

ولكني فوجئت به ياخذ الكلمة من لساني ويكمل هو القراءة

شهدائنا خرجوا من الاكفان

وانتفضوا صفوفا ثم راحوا يصرخون

عار عليكم ايها المستسلمون

وطن يباع وامه تنساق قطعانا

وانتم نائمون

.

مممممم

لا حلو حلو

كمل كمل

اصل فاروق جويدة كمان

كلامه سهل وبسيط

اه .. طيب

لم اعبئ به ولكنه استطاع ان يشد انتباهي

تحولت الي كتابي مستعدا للقراءة

ولكني فوجئت به مرة اخري

.

.

.

.

.

طب وانت خاسس ليه ؟

نظرت له وابتسمت .. ثم تجاوت معه

هو انا شكلي خاسس كدا

شكلك بتفكر صح ؟

هو التفكير والدراسه اللي بتعمل كدا

ياعم ما تشيلشي هم

بلاش تفكر لا تتعب راسك

اعقلها وتوكل

اه خد بالاسباب

لكن توكل

اصل انا برده دراستي صعبة

انا في هندسة حلوان هنا

وانت عارف فيه ايه دلوقتي ما يخليش الواحد متضايق

انت بقي شغال ولا ايه ؟

اه انا باعيد الترم دا في تجارة خارجية هنا

لكن حاليا شغال

ربنا يعينك

مش دي محطة ثكنات المعادي برده ؟

اه هي

طب سلام بقي عشان انا نازل

.

بادلته السلام

وانا اضحك .. بالرغم ما يعتريني من الام

ـــــــــــــــــــــــــــــــــــــــــ

ملحوظة : الكلام بالاحمر هي كلماته بالفعل

والكلام بالازرق هي ردودي فعلا

ع الماشي

_1_

.

احيانا كثيرة يشعر المرا منا بالغربة حتي مع والديه

وكثيرة يشعر بالاغتراب عن عالمه المحيط

وغالبا ما يفشل في توصيف حالته

.

_2_

.

كنت اود كتابة شيء منذ وقت كبير مضي

لم تسعفني الكلمات ولم يسعفني الوقت

ولم يسعفني النت كذلك

فخيلتها مؤامرة يحيكها لي القدر

.

_3_

.

وبقيت واحداني وانا الممقوت

واهي عيشه تفوت ولا حد يموت

في الاكل اغمس مش بدود

في الشرب عرفت السم حدود

في البس لبست خازوق ممدود

وتملي كلامي يكون محدود

عايش بالقرش وبالسحتوت

ارسمها دواير تبقي خطوط

احفظها عماير تبقي بيوت

ارصفها شوارع تبقي فحوت

انسجها قماش تنسجني خيوط

ارشقها حمام ترشقني بيوض

تلفحني الشمس فاحس برود

لو باحلم بيها باقوم مخضوض

فخلاص انا راضي اعيش ممقوت

واهي عيشه تفوت

ولا حد يمووووووت

.

_4_

.

سعاد ؟

انتي عايزة مني ايه بروح امك ؟

انا مش طلقتك خلاص ؟

احه بقي

ما تسبيني في حالي يا كسمك

هو انا فاضي لدين ابوكي

دا ايه الشغلانه دي

.

_5_

.

هي الحاله ايه ؟

اشتغلت ؟

هي الحالة ايه ؟

احلوت ؟

.

_6_

.

انزف دمي حتي الموت

ابغي طهر الناس في الارض

انشر وردي فوق قبور لم اعرفها

ابعث روحي فوق ايادي ملاك طاهر

اعشق لون النور الفضي

اهرب من ايام بعدي

ازرع فوق القبر الوردي

شجر التين وشجر اللوز

اسابق حبات اللؤلؤ

داخل صدفاتي المقفولة

ابحث عن قصصي الاولي

اجد المقفول وقد مات

انشر ذراتي ذرات

في ريح تذهب مني نحو الموت

ونحو الماضي

تحمل داخلها الطيات

مكتوب فيها

الان .. قد مت وحيدا

والان

تولد من رحم النور الابيض

.

_7_

.

احيانا تخط بيداك ما قد تعجز عن ادراكه

ولكن يبقي لك الفخر دوما

بانك قادر

والغير فاشلون

او هكذا هم .. ارتضوا لانفسهم

.

_8_

.

لك تحياتي

وخالص مودتي

القاء التالت للمدونين

طبعا دا كان القاء التالت يا جدعان
.
.
روحت هناك وانا عمال اتخيل شكل الناس
واللمة والصحبة
وكان نفسي اقابل جدا سمراء
واحمد شوقير
لانهم اكتر ناس ما كنوش باينين في الصور القديمة
.
روحت كان معايا احمد صاحبي بتاع مدونة
ياقووت
واحمد ابو الحسن صاحب مدونة احمد ابو الحسن
وكان معايا اخويا
اللي هو عيل شقي
.
بصراحه كنت فرحان جدا كنت متواعد مع
تونا نتقابل هناك
بس والله يا تونا
انا اسف المواصلات اخرتني
روحت لقيته في الميعاد تمام
.
مجرد سلمت ع الناس وجالي تليفون من بنت سعد
يوة ايمان سعد كانت هناك
روحت جبتها م المترو
.
وبعدين جات ربة السيف والقلم
.
د كان يوم خرافه
.
قبل اي شيء انا ما لقيتشي كرسي علشان اقعد فيه
روحت اجيب كرسي من ترابيزة جمينا
فلقيت واحد اعرفه ياعني شكلة ممثل
او حاجة
بصت له
بصلي
شبهت عليه
قام نده عليا
قالي مين دول .. وبيعملوا ايه
قولت له دول المدونين
وحكيت له ياعني ايه
وقولت له حضرتك مين ؟
قولت له اني عارفه بس مش قادر اجمع بصراحه
.
قالي والله يبقي عيب علي واحد في سنك وبيقول علي
نفسه مثقف
ومش عارف مين يحي خليل
هزيت راسي طبعا وقولت له
انا اسف طبعا انا اسف جدا
بس اعزرني
مين هو يحي خليل
وقعد بصراحه يديني محاضرة
في ان الفن الهشك بيشك اللي بنسمعه دا
هو اللي بوظ دماغانا
واتاريه راجل بتاع موسيقي
والله انا عارف يا استاذ
انا اسف جدا اني مش باحضر حفلات موسيقي
انا اصلا بخاف اروح اسال ع التذكرة
اعزرني يا فنان
اوعاك تاخدني مثال لك المدونين
رجوك تعزرني تاني
يارب تخش صدفة وتقرا اعتزاري
.
المهم اعتزرت له بكل خجل
وادب ورجعت تاني
.
قابلت تامرافكار حرة و الدبور
قابلت احمد شوقير .. والغريبة اني لقيته لحم ودم زينا .. بشر ياعني
قابلت محمد بتاع مصر هي امي ..قابلت لميا وخاطيبها راجل ميت
قابلت ايجيل .. ومايكل و مانو
وابراهيم معايا و احدهم وايمن وياسمين
وهاني بتاع كراكيب وكلمة و واحد من الناس
ووينكي وناس كتتتير بجد يا جماعة مش فاكر كلهم
وكان فيه ناس بالهبل
بس طبعا اعزروا واحد في سني والزهايمر
انا مقدرتش اجيب اللينكات كلها لان فيه لسه
ناس مش عارف اوصل لها
اللي عايز اللينكات كلها يخش بقي عند
ياسمين او ايمن او ايجيل
.
بصراحه انا مبسووووووووووووووووط
جدا جدا جدا جدا من القاء الجميل دا
.
.
.
.
ومن مدونتي هنا احب اقترح لكل الناس طالما ان العدد بيزيد كدا
فيها ايه لو نعمل صالون شهري
في ساقية الصاوي
نناقش فيه ايه الواجبات والحقوق
اللي يلتزم بيها المدونين المصريين
ومافيش مانع لو نجيب نجوم مجتمع
او حتي نجوم بلوجر
يكونوا ضيوف اللقاء
ساعتها هيكون التجمع واخد شكل جدي
ومش مجرد لقاء للتعارف
لازم يكون فيه ورقة عمل
ويكون فيه اهداف من كل ندوة
ويكون فيه موضوع معد مسبقا للنقاش اصلا
لو الفكرة عجبت حد ياريت
نتواصل لتدعيم الفكرة
اشكركم بقي من كل قلبي انكم استحملتوا تقروا كل دا
والسلاااااااااااام

تماثيل الملح

صلوا ع النبي .. ولا يحلي الكلام الا بذكر النبي عليه السلام

كان فيه زمان بلد ، يحكي ان مكانها في الشام ، فيها رجال وعجايز ونسوان ، اهل البلد دي كلهم بيكرهوا بعض ، وفضلوا كدا الف سنه . صحيوا في يوم

.

وقالوا : ربنا اكيد هاينزل علينا غضبه عشان احنا ما بنحبش بعض .. اكيد هايعذبنا عشان اسم الودود من اسامية الحسني

وفضلوا كدا سنه يحاولوا يحبو بعض .. لكن مش قادرين .. ليه ؟

.

عشان هما عمرهم ما عرفوا حاجة في حياتهم غير الكره .. قعدوا يعيطوا ويقولوا : اكيد فيه ناس عايشين معانا في البلد بتعرف تحب .. مستحيل يكون كلنا بنكره .. ياسلام .. يا سلاااام يا جدعان لو نعرف حد بيعرف يحب

.

كنا اتعلمنا منه ازاي نحب بعض .. قعدوا يعيطوا الف سنه كمان .. اخيرا عدي عليهم راجل حكيم كان مسافر وشافهم

قالوا له: يا سيدنا يا حكيمنا يا تاج راسنا احنا مش عارفين نحب بعض . عايزين حد يعلمنا ازاي نحب

.

راح الحكيم فكر .. وعلي طول مقرر .. قال لهم : اول ما المطر ينزل ترفعوا ايدكوا للرحمان الرحيم ، الغفور الودود .. وتدعوا وقت نزول المطر الدعوة فيه مستجابة . سالوه : ندعي بايه يا حكيمنا ؟

قال لهم : انه يخلي الناس اللي بتعرف تحب بعض وبتحب بصحيح توائم .. كانوا مستعجبين جدا .. ياعني ايه توائم ؟ قال لهم : ياعني وشوشهم زي بعض .. وفي نفس الوقت تتعلموا منهم والا ربنا يعذبكم لو استجاب دعاكم وانتوا ما اتعلمتوش

وافقوا علي طول .. وبعد ما مشي الحكيم المطر راح نازل قالو : يارب يا غفور يا ودود خلي كل اللي بيعرف يحب توائم . يارب خليهم توائم

.

المطر خلص وبدات الوشوش تتغير .. استجاب ربنا .. بس التوائم كانت قليلة قوي قوي قوي .. كانوا ست توائم بس .. جريوا عليهم قالوا لهم علمونا ازاي نعرف نحب .. علموهم بس هما ما رضيوش يسمعوا الكلام .. وقالوا لهم انتوا مش بتعرفوا تعلموا .. بصراحه التوائم كانت بتعرف تعلم لكن الحقيقة ان الناس اللي ما بتعرفشي تحب غاروا من التوائم .. دخل الشيطان وقال : زاي تبقي التوائم احسن منكم ونسيوا كلام الحكيم

.

استغلوا ان التوائم بتنام كلها في اوضة واحده وقالوا بكرة لما القمرة تغيب كلنا ندخل ونقتلهم وفعلا ... بكرة جه دخلوا ومعاهم الشيطان .. كل اهل البلد دخلت عشان تقتل التوائم لكن ربنا الودود حمي اللي بيعرف يحب

عارفين عمل ايه ؟

.

ربنا خلاهم اول ما دخلوا يعملوا عملتهم دي .. يتحولوا لتماثيل ملح .. الرجالة والعجايز والنسوان والعيال كلهم كلهم .. تماثيل ملح .. ولما الفجر شقشق قامت التوائم تصلي الفجر شافت تماثيل الملح خافوا وجريوا واستخبوا في ركن في الاوضة .. طلع عليهم الضهر .. الجوع عضهم قالوا خلاص ما بدهاش بقي .. يلا نقوم نعمل اكل وناكل .. اتسحبوا من ورا التماثيل وعملوا الاكل .. بصوا في كل مكان مافيش ملح يعملوا بيه الاكل والعمل ؟

عارف عارفين عملوا ايه ؟

.

راحوا جايبين قادوووم وكسروا تمثال وعملوا منه الفطار .. وبقوا كل يوم يكسروا تمثال يعملوا منه فطار .. بعد كدا التوائم اتجوزت وجابت توائم .. اللي مهاجرة مصر والعراق والحجاز والمغرب وقعدت هناك واستوطنت ونشرت الحب في كل مكان .. خلصت حلوة ولا ملتوتة

.

.

.

.

هكذا يفاجئك محمد كمال حسن في احدي فصول روايته الاولي .. تماثيل الملح

طريقة سرد تسحر

عرض جذاب

تكنيك جديد

م الاخر .. حد موهوب

طبعا الرواية مش بالعامية ... لكن هو في الفصل دا بيحكي علي لسان الجدة الحكاية الشعبية .. اللي اسمها تماثيل الملح ... واللي بتبرر لاحد ابطال الرواية التشابه الغريب اللي بينه وبين اخوه اللي مات

والتنافر العجيب ايضا بينه وبين اخوه اللي ما ماتشي

العجيب بقي .. ان البطل الاساسي واللي بتدور حوليه احداث الرواية كلها .. هو البطل اللي مات

الرواية اتنشرت تبع المجلس الاعلي للثقافة ( الكتاب الاول ) حقيقي محمد دا شخص موهوب .. يمكن هو ما يعرفنيش اصلا .. هو عامل التجمع الثقافي اللي اسمه ورقة وقلم مع مصطفي الحسيني .. قابلته مرة في لقاء كدا .. واداني الرواية وعليها اهداء بخطة بجد انا فرحان قوي

لاني متاكد انه في يوم من الايام .. الولد دا هيكون مشهور قوي .. وساعتها انا امشي واتعنطز .. واقول لصاحبي الواد دا صاحبي

حتي شوفوا كاتب لي ايه ؟

وقع الكلمة

الله خلق الدنيا كلمة ... س

.

المسيح .. كلمة !! س

..

..

..

..

..

..

فما احلي الصمت ؟!! س

..

..

اللهم اجعل لي صمت الجبل

.

يحمل في احشائه البركان

وهو صامت

.

يحمل في باطنه الزلزال

وهو هادئ

.

يحمل في جوفه الذهب

وهو متواضع

يفرش نفسه للبسطاء

تاكسي العجايب - الحلقة التانية

تاكسي العجايب الحلقة التانية

.

تاكسي .. تاكس

ايوة يا بيه .. تحب ترح فين بالظبط ؟

اول ناصية في قلبي شمال لو سمحت

يا قوي .. استعنا ع الشقا بالله ( يدير المفتاح .. ثم ينطلق) س

.

.

كحالي دائما مع هذا التاكسي العجيب .. اركب بجوار السائق اتطلع الي ما يبهرني في كل مرة .. اتساءل عادة عن كل ما يبدوا لي مبهما .. فقد اظهر لي هذا السائق ودا في المرة السابقة جعلني اثق فيه واطمئن اليه

.

فجاة وجدت العالم يتغير من حولي .. اجد مشاهدا لم اعتاد عليها من قبل .. دوما كنت اشعر بها فقط ولم تخطر ببالي فكرة تخيلها .. دائما في وجداني .. دائما في في روحي .. دائما هي في قلبي

.

انعطف السائق بواد ذي زرع يمتد الي نهاية بصري ولا اجد له منتهي .. س

.

.

ثم قال لي

يا استاذ .. وصلنا .. مش هتنزل بقي ؟

بالسرعة دي

عيب يا استاذ .. هو انت معاك اي حد

ايوة ايوة ... متشكر جدا يا سيدي

.

ترجلت من التاكسي .. اتفحص بعيني كل شبر في هذا الوادي الفسيح .. اري الشمس ترقص في وسط السماء .. واري القمر ايضا يداعب السحاب .. لم اري منظرا كهذا في حياتي .. ايجتمع الشمس والقمر معا ؟ عادة عند طرح مثل هذا السؤال قد تتهم بالجنون .. ولكني احب ان اطمئن الجميع .. نعم لقد اجتمع الشمس والقمر معا وقد رايتهما يتضاحكان ويرقصان ويلعبان

.

اري انهارا وجداولا .. تعبر هذا الوادي وتروي اشجاره ونخيله .. وتذهب الي اخر نبته في الاطراف .. اشجار عالية .. ونخل كثيف .. ورد وزهور وفراشات تملئ المكان اشتم رائحة ذكية تسكر روحي .. يا الله

.

.

لم اكن اتصور ان قلبي قد يحوي مثل هذا المكان ..حاولت ان ابحث عن بشر يقطنون هذا الوادي .. عن اية حياة هنا .. ولكني لم اجد

.

روعتني الاجابة كثيرا .. الم يسكن بقلبي احد بعد ؟

.

في غمرة انهماكي في البحث والتدوير رايت كوخا من بعيد .. فتهللت اساريري وفرحت نفسي كثيرا .. فهناك من يملك مثل هذا الوادي ويستاثر به لنفسه .. انا لا امانع اطلاقا .. ولكن يا تري ؟

.

.
من يكون هذا الذي استطاع ان يملك هذا الوادي ولم يشاركه فيه احد؟ ولماذا ارتضي لنفسه كوخا وكيف لم ابني له قصرا ؟

ولماذا يسكن في الاطراف والوادي كله باشجاره انهاره ملك له ؟

باتت كثرة الاسئلة تقلقني .. فتلقبت فرحتي غما .. وباتت سعادتي كدا .. ذهبت الي هذا الكوخ .. في حذر شديد وانا احاول معرفة اي شيء عما يدور بداخله .. اقتربت اكثر واكثر

.

وفجأة انتابني شعور عميق بالخوف والرهبة .. وجدت الكوخ .. قديم جدا يصعب علي احد العيش فيه .. لماذا ؟ لا ادري .. حاولت الدخول .. كان اسهل مما كنت اتوقع .. لاني لم اجد احد يعترضني

.

فقط وجدت مدفأة قديمة .. مشتعلة .. وعامل عجوز يقوم علي رعايتها حتي لا تطفأ نارها .. اقتربت منه فلم يأبه لوجودي .. حاولت ان أسأله عن ماذا يفعل .. فلم يعرني اهتماما ولم ينطق بنت شفه

.

لا اعرف لماذا انتابني شعور باحتقار هذا الشخص البغيض الذي يحترقني منذ الوهلة الاولي .. ولكني فوجئت به يستدير ليواجهني ... وينظر الي مبتسما ثم اشار لي ان انتظره لحظة واحدة

.

جلست علي احد الكراسي .. منتظرا اياه وانا اتطلع باندهاش كيف لهذا الرجل العجوز ان يعيش في مقبرة كهذه .. وكيف يبني كوخا كهذا في وادي بمثل هذا الجمال ظللت علي هذا الحال حتي قاطعني صوت فيروز منشدا باحلي وارق واعذب الكلمات .. اغنيات لم اسمعها من قبل ثم وجدت الرجل العجوز وقد تماثل امامي وكانه شاب في ابهي ايام شبابه ... يرتدي بدلة من اجمل ما رايت

.

بعصا منه اشار الي كل الاثاث الموجود في المكان فتحول كل شيء الي صورة رائعة بديعة غاية في الجمال .. واشار بيده في الهواء فتطايرت اكواب مليئة بالخمر ثم استراحت امامي وقال لي هذا الـــ... الان يصعب عليّ وصفه فهو ليس بالعجوز وليس بالشاب وليس باي شيء فهو الساحر اذن

قال لي

اهلا بك في قصرك هذا

من انت

انا الساحر

ماذا تفعل هنا .. وما هذا المكان الغريب ؟

انا من بني لك هذا الواي الفسيح .. استعدادا لمن ستأتي وتسكنه

وما هذا المكان الغريب

هذا القصر مسكني .. ومعملي انسيت ؟

نسيت ماذا ؟

انت من بنيت لي هنا قصرا

اعمل فيه.. علي تمهيد قلبك للجديد

احرق فيه احزانك

احفظ منه قربانك

ازرع فيه بستانك

انبت ودا

انبت حبا

لكل الناس الوانا

اتقول شعرا ؟

انت من علمتني

انت من رودتني

كنت حبيسا للفراش

انت من ايقظتني

شكرا لك

بل كله لك

اريدك الان ان تذهب

تقابل كل من تلقي

بقلب فرح

ستجني من صنيعك الشوقا

وتلقي الحب في البستان قد طرح

.

.

تركته وانصرفت وقد تبدل حالي بالف حال .. وزالت كل البغاضات من قلبي ولم اتذكر سوي اني رايت ملاك يقبع هناك .. يا الله .. تري من ستسكن معي في مثل هذا القصر الفسيح

خرجت من القصر وانا انظر اليه في اندهاش .. فقد تحول كوخا مرة اخري