Pages

Subscribe:

Monday, October 02, 2006

رسالة الي الوالي

رسالة الي الوالي
.
اسجن يرقات الحقيقة
في بيض ضعيف
اعتقل قلبا احبك
اشتق خمرا من دماءه
واشرب حتي الثمالة
اخرج الضحك العميق
اذكر لحظات السذاجة
تفكر في شكل الضحية
ثم اضحك واشعل سيجارة
خذ منها نفسا عميقا
اخرجه وانت تضحك
توقف في جمود
وابتسم
ومت
.
.
ايها الوالي .. حاول ان تتفهم
لن يشفع لك كونك ابي .. ولن يشفع لزوجتك كونها امي .. انا لا اتهاون ابدا في عقاب الخيانة .. حتي لو كان الخائنين هم ابي وامي .. انتظر نحبك اذن
في الصباح
سوف ينادي المنادي
يخطب في الناس
يعلن يوم النحيب الاعظم .. لا تتعجب ارجوك .. فانا لست بهذه السذاجة كما تظن .. انا اعرف حقيقتك منذ زمن قديم .. اهنئ الان بالصدمة
لاني سوف اهنيء بالدماء

15 comments:

خجل said...

حلوه ياض ..
بس نسيت تحكي ..انهم يقولوا احنا عملنا كدا لمصلحتك

انا نفسي مره افهم وجه المصلحه دي هو ايه

خجل said...

جيت ع الجرح وضربت

الســـاحر said...

على فكره اعتقد ان كل كتاباتك
وراها فكره كبيره اوى اوى
والموضوع هايل جدا
واسلوبك لذيذ

MAKSOFA said...

شكلك
زعلان قوي
باين
علي ماما
معملتش
لك فطار
حلو النهارده
وبما أني
مقدمه لشغل
وظيفه الأم
حا أبعت لك
سيرفيس
حمام محشي بالفريك

إيمــــان ســعد said...

مممممم

زي كنت مرة بأقول لحد اعرفه

اظن ان من احد اسباب ان الناس بتتجوز عموما هم انهم يجيبوا عيل ينام و يصحى يقول انا لما اكبر عايز ابقى زى بابا او هي تقول انا عازية زوجي يبقى زى بابا

و للاسف انا و لا باقول كده ولا كده .. يمكن عشان كده باعذرهم انى مش باديهم البرستيج بتاعهم اللى منتظرينه منا
بس اعمل ايه .. باحاول اني اخاطبهم باللغة اللى بيفهموها

بس ارجع و اقول

و بالوالدين احسانا

تحياتي

توهة said...

البدايه تحفه
حلو قوى اسجن يرقات الحقيقه ....

لو كان البوست ده منطبق على الوالى فعلا حاكم البلاد يبقى رااااااااائع

بس انا زعلت من الكلام اللى فى الاخر
دول مهما كانوا الوالدين

وبالوالدين إحسانا

أنا متأكده مهما عملوا فينا فهم عملوا لينا أكتر

روق وإهدى كده وخد كباية الليمون دى أنا جيبهالك مخصوص من البلوج بتاعنا وصاااااااااايه


فانتازياااااااااااااااا
فانتازيااااااااااااااااا

الوردة السوداء said...

على فكرة بجد
انت جيت على الجرح
فى حاجة غريبة بتحصل للامهات والابهات
تحس ان فى نماذج جديدة منهم
مش زى زمان مثلا
الواحد كان بيشوف ماما كريمة مختار فى التليفزيون كدة
يحس ان الدنيا بخير
لكن عموما
بالوالدين احسانا

Unknown said...

الوالى
دايماً بيفرض على ابناءة خطاً يسيرون عليه مليء بكراهية ابوه لو كان ظالماً وبحب قد يعزله فى سجن شخصية ليست للأبن لو كان عادلاً كعمر بن الخطاب
رضى الله عنه
لذلك انا مشفق على كل ابناء الولاة ف الدنيا لهم الله
انت ناقشت قضية فى غاية الأهمية كعادتك دائماأ
تحياتى

admelmasry said...

خجلانه هانم
شكرا يابت
علي فكرة انا كمان نفسي اعرف ايه هي المصلحة


الساحر
والله انت اللي انسان لذيذ
وشكرا ليك


مكسوفة
اه والله تعملي فيا خير
ده انا كمان بحب الحمام
هو مش طلع ؟
ولا لسهه اخضر ؟
اه صحيح ده بيطلع في الصيف


بنت سعد
احسان ؟
احسان مين ؟
اه قصدك احسان عبد القدووووس
هههههههه
طويب



كروان وفانتازيا
اولا شكرا علي الجزء اللي فوق والبنسبة للجزء اللي تحت .. احسان هتيجي تظبط ما تقلقيش



ورده
بجد والله انتي زي العسل
مش عايزك تزعلي
واسف اني جيت ع الجرح



ابو امل
انت فين يا شاعر
وحشني والله
علي فكرة كل كومناتاتي مش بتظهر عندك
اما بالنسبة للوالي فاحب اقولك ان الصدمة بتكون كبيرة لما يكون فيه ثقة كبيرة
وانت عارف بقي الكناية شغالة بقي

Mamdouh Dorrah said...

وله يا ادم....انا قولتلك قبل كده كله من الواد المتشرد... اقتله و نخلص منه
ههههههههههه

admelmasry said...

شكرا يا ديحه

change destiny said...

تصدق عجبتني

بس يا ابني صدقني هما معندهمش القدرة على فهمك فمتتعبش نفسك و تغضب
سامحهم

saso said...

يعني انا نشنت علي وظيفة الام تقوم تقتلها في الحلقة اللي وراها
مش عايزه وظايف
:)
اشتق خمرا من دماء
قويه اوي دى
توقف في جمود.. وابتسم .. ومت
هايله هنا بجد الجزء ده رائع
مش الجزء لوحده يعني كلها حلوه

محمد أبو الفتوح said...

لا ياعم أنت بجد شاعر كبير
صورك جديده قوى

admelmasry said...

الله يخليك يارافع من معدنياتي